ACARA PAMUHAI PARTANGIANGAN PUNGUAN

Op. TUAN SITUMORANG

BORU, BERE, IBEBERE PARAPAT –
AJIBATA SEKITARNA
MINGGU, 11 APRIL 2021, Jam. 16.00 Wib

01. Marende BE No. 309 : 1 + 3, “Raphon Tuhan Jesus i”

♫ Raphon Tuhan Jesus i, pungka ulaonmu, Ingkon tu Ibana i
Parguruhononmu. Baen Ibana donganmi hehe dohot
modom, dege ma bogasNa i rohami pahohom.
♫ Hupasahat ma antong, saluhut langkangku, tu Tuhanku, na
tongtong mian di rohangku. Manang aha pe hubaen Ho
hupangasahon, ale Tuhan tulus baen saluhutna, Amen.

VOTUM – TANGIANG (U: Uluan P: Punguan)

U : Di bagasan goar ni Debata Ama, dohot goar ni AnakNa
Tuhan Jesus Kristus, dohot goar ni Tondi Porbadia, na
tumompa langit dohot tano on!
P : Amen!
U : Songon pangkalungunhon ni ursa di aek na tio, songon i do
pangkalungunhon ni tondingku tu Ho, ale Debata.
P : Mauas do tondingku di Debata na mangolui, andigan pe
tolhas au asa huida bohi ni Debata?
U : Ale Tuhan, sai Ho ma haporusannami marsundutsundut!
Haleluya! Martangiang ma hita! Ale Tuhan Debata,
Pargogo na so hatudosan! Holan ala ni asi ni rohaM
sambing do, umbahen na terbahen hami marpungu di
joloM, marsada ni roha martangiang tu Ho ima hami
punguan Op. Tuan Situmorang, Boru, Bere, Ibebere
Parapat – Ajibata sekitarna on, asa gabe pasupasu hami
 sapunguan on di angka na humaliang name tarlumobi ma
diadopanMu. Diparbagabaga Ho do dibagasan hataM, molo
adong dua manang tolu halak marpungu marhitehite
GoarMu, lehononMu do na pinangido nasida. Ale Tuhan,
pasaut ma bagabagaM. Tangihon ma pangidoannami,
lehon ma na tau hangoluannami. Lehon ma di hami
parbinotoan di hasintonganMi dohot di hangoluan na
saleleng ni leleng na. Pasu-pasu ma hami ro di sude angka
ulaon na denggan. Pasupasuhon ma nang hataM na badia i
tu rohanami, asa gabe lam imbaru rohanami, asa tama
hami masuk tu harajaonMi di hasusuda ni bohalnami.
Amen!

02. Marende BE No. 724 : 1 + 5 “Tuhan Baen Ma Ngolungkon”

♫ Tuhan baen ma ngolungkon, parbadiai ma di Ho,
Pangke ma nang tingkingkon mamuji pasangap Ho,
Mamuji pasangap Ho.
♫ Saut ma lomo ni rohaM, lam nata di ngolungkon,
Tompa roha na ias, asa tau ma au joroM, Asa tau ma
au joroM.

PANGHIRIMON TU DEBATA.
U : Haleluya! Pujionku ma Jahowa sian nasa roha di luhutan ni
angka partigor. Balga do angka pambahenan ni Jahowa,
hinalungunhon ni sude angka na lomo roha disi. lam tapareahi
ma na denggan, songon i nang hasadaon ni roha, asa lam
margogo hita dibagasan hasadaon laho mandalani gulmit ni
ngolunta.
P : Hamuliaon dohot hasangapon do parulaonna i, jala hot do
jongjong hatigoranna i salelenglelengna. Nunga dibahen Ibana
sada parningotan di halongangan angka na binahenna i,
pardengganbasa jala parasiroha do Jahowa.
U : On do na hupangido hami, naeng ma lam sumurung holong ni
rohanta, marurat diparbinotoan, dohot di nasa panimbangion
partondion laho manangkasi na rumingkot, asa polin hami,
tanpar sian partuktuhan laho mandalani ngolu siganup ari
Boru : Tangkas do huboto hami marhitehite haporseaonnami tu
Debata, na dipaimbaru Debata do saluhutna, ai didok do: Ida
ma, saluhutna do hupaimbaru! i ma tutu, asa salpu ma na
leleng i, soluk ma haimbaruon i dibagasan ngolu nang
parsaorannami.
Bere: Sai ajari ma hami laho mangulahon angka siulaon nami tu
lam denggan asa boi di ulahon hami saluhutna i dibagasan
hahipason, dame dohot hasintongan, asa unang lilu
haporseaon nami
Ibebere: Ale Tuhan, guru di Ho do saluhutna, sai togu jala
parrohai ma hami asa unang mabiar rohanami marnida
saluhut angka na masa i. Sai togu jala dongani ma hami
dipardalanan ni ngolunami asa lam denggan saluhut angka
parsaoran nami. Asa lam pos rohanami tu Ho marhitehite
haporseaonnami tu AnakMu, Tuhan Jesus Kristus Tuhannami
U : Biar mida Jahowa do parmulaan ni habisuhon, maruli
hapistaran na sumurung do sude angka na mangulahonsa; hot
do baritana i ro di salelenglelengna.
U + S : Amen

03. Marende No.826 :1 + 3 “ Gohi Au Tuhan Marhite Hatami”

☞ Gohi au Tuhan marhute hataMi 2x.Songon hudon na
rumar do au Tuhan di sumur Mi Gohi au Tuhan marhite
hatami
☞ Gohi au Tuhan marhIte hataMi 2x, Asa tang jala
matoras au Tuhan di HataMiGohi au Tuhan
marhiteHataMi

JAMITA
04. Marende BE No. 754 : 1 , 2 “Gok La Ni Roha”
♫ Gok las ni roha do au di ngolungkon di ngolungkon di
ngolungkon gok las ni roha do au dingolungkon tongtong di
rohangkon. Reff: Mauliate gok las ni roha maringan
holongMi Tuhan di au mauliate gok las ni roha maringan
holongMi Tuhan di au.
♫ Mardame jala sonang do ngolungkon, dirohangkon,
dirohangkon. Mardame jala sonang do ngolungkon,
tongtong dirohangkon. Reff: Mauliate ………

TANGIANG PANGONDIANON
05. Marende BE No.753 : 1+3 “Di Pardalanan Jesus Di
Jolongku” (P. Pelean)
♫ Di pardalanan Jesus di jolongku, holong ni tanganMi
manogu au. Nang di ngolungku Ho do sombaongku,
tung sonang mardalan raphon au. Reff : Huboto do
tangkas panoguonMu, ditiop Ho tongtong do tanganki.
Sahat ro di ujung ni pardalanku, Togu ma au jonok tu
lambungMi
♫ Patogu ma Tuhan haporseaonku, asa polin tu Ho
manghirim au. Tu surgo i patulus pardalananku TondiMi
maringan ma di au. Reff. Huboto do,,,

Tangiang Pelean - Ale Amanami - Amen.

ACARA NA MANGIHUT