BAHAN SERMON JAMITA MINGGU ADVENT II

JOHANES 1:14-18

Marasing do evanggelium Johanes on sian evanggelium natolu i ima matius, markus,lukas ima
taringot tu barita hatutubu ni Jesus Sipalua i. Evanggelium na tolu i mamaritahon hatutubu ni Jesus
ima marhite na langsung patorangkon marhite barita sejarah ima na tubu sian Maria dohot Josep,
laos huhut patuduhon hatutubu ni Jesus, ulaonna di portibion, hamamatena, haheheonna, sahat tu
hananakokna tu banua ginjang.

Di evanggelium Johanes on patorangkon hatutubu ni Jesus ima marhite sian “Hata”. Na sian mula-
nimulana nunga adong hata i ima na ikkon ro Debata tu portibion gabe jolma marhite maria dohot
Josep. Laos Debata do hata i, huhut Debata do nang na mandok hata i. Sian barita panompaon pe
holan marhite hata do nunga manjadi saluhutna dibahen Debata. Alani ahaa? Ala Debata do hata i,
jala Debata do mandok hata i.

Di evanggeium Johanes on mansai takkas do panghatindangkonon ni si Johanes nang sian jamitana

pe na mandok asa paubahon roha. Pandohanna pe takkas do “na ro ma ibana sian pudiku, jumolo do
ibana sian ahu, ai parjolo hian do Ibana. Marlapatan do i Debata do jumolo sian mulana i jala Ibana
do namanompa si Johanes dohot portibion, holan na hadirionNa do na marasing nuaeng ima marhite
Jesus Kristus naung gabe jolma.

Gabe daging ma hata i: marlapatan do hata daging i ima na gok dosa, hagaleon, keterbatasan, jala na
olo malakke. Ima jolma. Alai takkas do taboto paboa dang dos Debata dohot jolma nang pe gabe
jolma ibana, ima dang gok dosa Ibana. Alai di Ibana do sifat sifat ni daging i ima mauas, male, loja,
tangis, muruk, kesakitan, sahat tu na mate. Nang pe gabe daging/jolma ibana alai hot do anggo
hadirion ni Debata di Ibana, ai Debata do Ibana na gabe rupa ni jolma.

Nang si Musa pe Debata do na manompa i, nang pe ibana na mangalehon patik taringot tu Debata tu
bangso Jahudi na jolo. Laos ido na ni tentang ni si Johanes ima na sai mengagungagung kan si MusA
ima ompu nasida na jolo. Bangso Jahudi na beranggapan na boi do nasida paluaon ni patik i molo
dung diulahon. Alai marhite haroro ni Kristus do digohi ma patik i, ndada be binahen ni patik tung
holan asi ni roha nama ima marhite haroro ni Kristus (17).

Advet paduahon on papatarhon ditongatonganta do Debata marhite Kristus na tapaima i. Alai nang
pe ditonga tonganta Ibana ndang dung boi di ida Jolma pardosa Ibana alai boi do marhite
haporseaonta mandok paboa di tongatonganta do Ibana na mangalehon gogo di hita (Imanuael). Tusi
ma hita dijou Advent na paduahon on asa ganup hita mangarade diri marhite asi ni roha ni Debata
melalui ucapan syukur dalam perbuatan kebaikan. Asi ni roha i naeng ma tapakke tu lomo ni roha ni
Debata marhite na mangolu dibagasan haholongon i, ala Debata sandiri do haholongon i. Kasih itu
bukanlah Objek tetapi Subjek, alani i hot ma haporseaonta huhut burju mangulahon patik i songon
dalanta mandok mauliate ala olo Debata gabe jolma laho manobus hita jolma pardosa.. Taparade ma
ganup dirinta, keluarga, huria, asa parsidohot nang i marnida Kristus na naeng ro i.

SELAMAT ADVENT