A.

ACARA PUNGUAN BUHABUHA IJUK DIBAGAS

MANOGOT NI ARI MINGGU
HKBP SOPOSURUNG RESSORT SOPOSURUNG
Ev : Johannes 20 : 24 – 31 Ep. Psalmen 21 : 1 - 7
A. Pangaradeon : Dimulai ma Pkl. 05.00 pagi.
B. Ibadah :
1. Marende No. 90 : 1 – 2 “Sai marlas ni roha hita” Bl. 17
1. Sai tapuji Debatanta Ale hajolmaon i
Ai naung hehe do Tuhanta Sian hamatean i
Dipasidung Jesus i UlaonNa sasude
Patupahon haluaon Di saluhut hajolmaon.
2. Anggo utang ni dosangku Digarari Jesus i
I do haporseaonku Di na tinaonNa i
Nunga tulus patik i Nunga mintop rimas i
Di na hehe i Ibana Ro di au hangoluanNa
2. Tangiang Pamuhai
3. Manjaha Turpuk : Psalmen 21 : 1 – 7 ( Marresponsoria )
U : Ende sian si Daud. Ale Jahowa, marlas ni roha do
rajai mida gogoM, jala marolopolop situtu do ibana
mida panumpahiM.
K : Dilehon Ho do tu ibana pinangido ni rohana, jala ndang
di jua Ho pinangido ni hatana.
U : Ai di tomutomu Ho do tu ibana angka pasupasu ni
hadoharon, ditalitalihon Ho do tu uluna tumpal sere palangki.
K : Hangoluan do dipangido sian Ho, dilehon Ho do tu
ibana, diudut Ho do ariarina ro di salelenglelengna.
U : Timbul do hamuliaonna dibahen panumpahim;
hatongamon dohot hatimbulon diampehon Ho tu ibana
K : Ai parhitean ni angka pasupasu do ibana dibahen Ho
salelenglelengna, dipasabam Ho do rohana marhitehite las ni roha
mida bohim.
4. Marende No. 96 : 1 “Nunga talu hamatean” BL. 101
Nunga talu hamatean Dibaen Tuhan Jesus i
Ai na hehe do Ibana Songon na nidokNa i
Haleluya, haleluya Nunga hehe Jesus i
Haleluya, haleluya Nunga hehe Jesus i
5. Jamita : Johannes 20 : 24 – 31
Hatorangan :
01. Selamat Paskah ma di hita. Barita haheheon ni Tuhan Jesus sian namate
i ma barita na tung maol tarjalo roha ni hajolmaon ala ndang mungkin
 masa i jala ndang adong hagogoon ni portibion na tuk patupahon i.
Sada sian sisean ni Tuhan Jesus na margoar Tomas, naung tangkas
umbege tona dohot hata ni Jesus andorang so masa sitaonon
( hamamateNa ) dohot Ari Haheheon i.
02. Di hamamasa ni Haheheon ni Jesus sian namate diari patoluhon di
buhabuha ijuk i marhite panindangion ni si Maria Magdalena ( Nunga
dibuat na mambuat Tuhan i ), sada hataridaan tong do ndang porsea
naung hehe Jesus. I do dibaritahon tu angka sisean ni Jesus ( laos
humalaput ma si Petrus dohot Johannes tu kuburan ni Jesus ) alai
tarhatotong do nasida mida na masa i gabe di sungguli Tondi ni Tuhan i
ma nasida marningot hata ni Jesus uju rap dohot sisean i.
03. Panindangion taringot na tutu naung hehe Jesus sian namate laos di
topot nasida ma si Tomas ( ndang rap dohot sisean i uju i ). Didok
nasida ma tu si Tomas “Nunga huida hami Tuhan I, Lapatanna : Tutu
do naung Hehe Tuhan i sian namate. Alus ni si Tomas on ma nang na
jotjot masa / jumpang di ngoluni hajolmaon. Na so tupa porsea au
seleleng so dihuida dohot dijama tanganku bogas ni labang.
04. Dipataridahon Jesus DiriNa tua angka sisean dohot tu si Tomas. Gabe
didok ma tu si Tomas : Boan tu on jarijarimi jala ida ma tanganKu.
Alus ni si Tomas : “Tuhanku jala Debatangku”. Laos di dok Jesus ma:
“Martua ma angka na porsea, atik pe so diida.
05. Dalan asa lam tangkas panandaon dohot panghaporseaon ni torop jolma
lumobi sisean i jala marhite Johannes panurat angka naung pinatupa ni
Jesus dibagabagahon do tu angka na porsea di Jesus do Kristus, Anak ni
Debata, dapotan hangoluan marhitehite GoarNa.
06. Hita na hinanghop ni Tuhan Jesus. Jotjot do jumpang di hita songon
bangko ni si Tomas na papulik dirina sian punguan ni angka sisean i,
gabe ndang diida be haroro ni Jesus di ari parjolo ni Haheheon i.
Lumobi di masa ni sahit na jorbut na taadopi nuaeng asa unang mago
pos ni rohanta di Haheheon ni Tuhan Jesus naung manaluhon sorop ni
hamatean i dohot dosa. Marhite na tongtong marsihohot hita di Jesus do
Kristus Anak ni Debata, tuk paluahon portibion nang bangsonta sian
biar ala ni sahit virus corona. Amen. ( Tangiang sian na manguluhon ).
6. Marende No. 633 : 1 – 2 “Nunga Hehe Kristus I”
Nunga hehe Kristus I haleluya , sian hamatean I haleluya
parlangitan jouhon ma. Haleluya tano on alusi ma haleluya.
Singkop panghophopNa I, Haleluya
Gok hamonanganNa I, Haleluya
Sondang haluaon I, Haleluya. Patiur dalanta I, Haleluya.
C. Pangujungi :
*. Rap Mandok : Tangiang : Ale Amanami
*. Mangendehon : Amen...amen....amen.
SELAMAT PASKAH MA DI HITA SALUHUTNA