ACARA

NATAL KELUARGA
PARSAHUTAON SAROHA
SALATIGA.
Sabtu tanggal 13 Desember 2014

"Jangan takut, sebab sesungguhnya aku

memberitakan kepadamu kesukaan besar untuk
seluruh bangsa”
“Unang mabiar hamu; ai barita halalas ni roha
godang do huboan tu hamuna, parsaulian ni sandok
bangso”
(Lukas 2:10)

Tetapi aku dengan seisi rumahku

kami akan beribadah kepada Tuhan
(Yos.24:15c)
 ACARA
Natal Parsahutaon Saroha Salatiga
Sabtu 13 Desember 2014.

I. ACARA IBADAH.
1. Marende BE No. 518: 1 – 2 ( Pagalak lilin ) BL. 355
1. Marsinondang di bahen Jesus asi ni rohaNa i, jala hita do di suru asa tapaboa i.
Tapagalak palitonta, tapatiur dalan i, ai totop dope na lilu sai hatop ma mulak i
3. Haholomon manghuphupi toropan di tano i, tung torop manghalungunhon
sondang tu dalanna i. Tapagalak..... d. u. ....
1. Pagalak lilin
a. Parjamita d. Utusan Ina
b. Ketua punguan e. Utusan Ianakhon
c. Utusan Ama f. Utusan Panitia Natal.
2. Dung sidung pagalak Lilin di uduti ma pasahathon Hata Patujolo dohot ucapan
Selamat ari Natal, sian:
1) Ianakhon : Selamat Ari Natal ma hupasahat hami tu hamu natua-tua nami, haha –
anggi, pinaribot, nang di hita saluhutna, marlas ni roha ma hita manjanghon
hatutubu ni Tuhan i.
2) Ketua Punguan : Mandok mauliate ma hita tu Tuhanta, naung ro tu portibi on
mamboan hadameon na padomuhon hita tingki on. Marhite on hupasahat hami:
Selamat Hari Natal ma di hita Saluhutna.
3) Utusan Ama : Ta puji ma Tuhan i, naung mangalehon hahipason di hita na gabe
boi hita pajumpang dibagasan las ni roha dohot dame na sian Tuhan i. Antong
marhite on pasahaton nami do di tingki on Selamat hari Natal ma di hita
saluhutna.
4) Utusan Ina : Mauliate ma tadok tu Tuhanta ala dipatiur do hita di sude angka
ulaonta sahat tu tingki on nungnga di pasada hita marpungu marhite na
marningot hita di hatutubu ni Sipalua i, antong naeng ma gabe Natal on
mamboan hita lam tu sadana lao manjanghon las ni roha i di ngolunta. Marhite
on hupasahat ma di tongatonganta Selamat hati Natal ma di hita saluhutna.
5)Parjamita : Pinuji ma Debata ama ni Tuhan Jesus Kristus naung umpasupasuhon
tu hita ragam ni pasupasu partondion sian banua ginjang di bagasan hatutubu
ni Kristus naung ro tu portibi on mamboan dame dohot lasni roha, ala ni i
tahangoluhon ma dame dohot hasadaon i di tongatonga ni parsaoranta
talumobi laho pahembanghon panghobasionta di huriaNa. Marhite las ni
rohanta on, tongtong do jumolo ma hupasahat hami Selamat Hari Natal ma di
hita saluhutna.

2. Marende 57: 1 + 3 ( Panjouon ) BL. 202

H : (Mangendehon Ay.1): Nungnga jumpang muse ari pesta i, hatutubu ni Tuhanta
Jesus i; tuat do ibana sian surgo i, mebat tu hita on. Hasangapon di Debata,
dame-dame ma di jolma; Las ni roha ni Debata, hajolmaon muse.
U : Olopon Ma Jahowa ale sandok tanoon, Oloi hamuma Jahowa marhite las niroha,
ro bema hamu tujoloNa marhitehite olopolop.
 H : (Mangendehon Holan Reff : ) Hasangapon di Debata dame-dame ma di jolma
lasniroha ni Debata Hajolmaon muse.
U : Boto hamuma on Jahowa do Debata, Ibana do na jumadihon hita, jala Ibana
nampuna hita, baen bangsona dohot birubiru pinarmahanna.Bongoti hamuma
angka bahalNa marhitehite hamauliateon, angka alamanNa marhitehite pujipujian,
mauliate ma rohamuna tu Ibana, puji hamuma GoarNa.
H : (Mangendehon Holan Reff :) Hasangapon di Debata dame-dame ma di jolma
lasniroha ni Debata Hajolmaon muse.
U : Ai pardenggan basa do Jahowa. Ro disaleleng nilelengna do Asi ni rohaNa. Jala
marsundutsundut do hasintonganNa.
H : ( jongjong Mangendehon ayat 3) Somba nami ma di Ho natubuon Ho siboan
dame tu portibion sai pasaorhon ma tu roha nami on dameMi o Jesus,
Hasangapon…d.u
3. Votum
U : Marhitehite Goar Ni Debata Ama dohot goar Ni AnakNa Tuhan Jesus Kristus
dohot Goar Ni Tondi Porbadia na manompa langit dohot tanoon.
H : Amen.
U : Hehe ma ho marsinondang ma ho! Ai na roma panondangmu, jala hamuliaon ni
Jahowa binsar diatasmu.
H : (Mangendehon BE No. 47: 1) Dinasa bornginon do binsar panondang ni
tondintai padaohon saluhut na simpar lao patiurhon sasude. Sondangon ni
panondang on muse sandok portibion.
U : Ai ida ma; Haholomon do manghuphupi tano on, jala hagolapan angka bangso.
H : (Mangendehon BE No. 47: 4) Dibahen i sai marsinondang ma baen
haporseaonmi; padenggan jala sai patorang roham ro di parangemi, paboa
namarguna do panondang na ro i di ho.
U : Alai na binsar ne ma Jahowa di atasmu, jala marsinondang hamuliaonNa di
atasmu. Haleluya.
H : (Mangendehon) Haleluya...Haleluya...Halelu..ya..
U : Martangiang ma hita : Ale Debata Ama na dibanua ginjang! Pujipujian
Hasangapon dohot hamuliaon ma husombahon hami tu Ho, marningot
silehonlehonmu na balgai tu hami jolma na dipardangolan on, ima AnakMu Jesus
Kristus na sinuruMi sian banua ginjang tu portibion. Gabe na dangol do Ibana jala
pogos, pola tubu di bara nipinahan lao paluahon hami sian ihotihot ni dosa. Nunga
dipadomu Ho hami tu Debata songon hasadaonMu tu Ama i, sai sada ma hami
angka na hinophopMu, ajari ma hami MANGARADOTI HASADAON NI TONDI
PINADOMU NI DAME, Hasadaon di tongatonga ni punguan Parsahutaon Saroha
na disalatigaon, asa lam huida hami godang ni holong ni roham jala asa gabe
haluaon hami di bagas keluarga, dohot parsaoran di angka na humaliang hami.
Amen. (hundul )
4. Marende BE No. 48 : 1 + 7. BL. 16/
1. Ria ma hita sasude mamuji Debata, girgir ma parendenta be, .;.ai ido na
tama..;.
2. Di ungkap Debatanta i banuaginjang i, di suru do anakNai, .;.hangoluanta
i .;.
2. Panjangkonon ( Ep. Epesus 4: 1 – 7 )
U : Parangehon hamu ma na tama, hombar tu panjouon naung songgop tu hamu
 Sude : Martoruk ni roha situtu, marlambok jala marlambas ni roha, masihaehean di
bagasan roha na holong!
U : Haringgashon hamu ma mangaradoti hasadaon ni tondi, pinadomu ni dame.
Ina : Ai sada do dagingi jala sada do tondi; ai songoni do hita tarjou dibagasan sada
pangkirimon panjouon i.
U : Sada do Tuhan, sada do haporseaon, sada do nang pandidion. Sada do Debata,
Ama ni sasude, sigomgomi saluhut, sitorusi saluhut jala siingani saluhut.
Ama : Alai tu ganup hita bae dibasabasahon asi-asi, Marguru tu panagihonon ni
pangalehon ni Kristus. Laos ibana do mangalehon: na deba gabe Apostel, na
deba gabe panurirang, deba evangelist, deba muse parmahan jala pangajari.
U : Ima naung sahat tu hita nuaeng marhitehite panjouon na tu hita be, lao
marhaladoi di tonga ni huta, di tonga ni jabu, nang di tonga ni punguan,
parsaoran lumobi di tonga ni huria.
Sude : Patureturehon angka nabadiai, lao mangulahon tohonan i, pauliulihon daging ni
Kristus.
U : Ima naeng tahangoluhon. Ai sude do hita di jou mangulahonsa, Paima sahat hita
saluhut tu hasadaon ni haporseaon nang parbinotoan di anak ni Debata, gabe
jolma na tang jala matoras situtu, mangihuthon hagogok ni rimpas ni Kristus.
Sude : Martua ma ahu molo huulahon hata ni Debata. Amen.
3. Marende BE No. 569 : 1.
O Debata tung longang do Rohangku, molo hubereng na tinompaMi; Saluhut bintang
hilap dohot ronggur, manghatindanghon hasangaponMi.
...;...Marende Au Tuhan mamuji Ho, O Debata sangap do Ho ..;.. (2x)
4. Liturgi Ia
L.1 : Marmula do nasa na adong dihasianganon jala ujungna pe sai naro do. Marmula do
nasa na adong di tano on jala mansohot do disada tingki. Alai anggo Debata naso
marmula do Ibana jala na so marhaujungan. Ibana do Alpa dohot Omega, Debata
do mula ni nasa na adong jala ujung ni saluhut na, na hot saleleng ni leleng na
sahat ro di saleleng ni leleng na. Ibana do na jumadihon portibion dohot isina
sudena, ibana do paojakon tano on marhitehite huasoNa.
H : (Mangendehon Reff) Marende au Tuhan Mamuji ho, o Debata sangap do ho.;.
L.2 : Ido tutu, diparhatutu rohangku do adong Debata na manompa nasa namanggulmit,
jala diparhatutu rohangku do adong Debata najumadihon jolma di bagasan haulion
sohumurang. Ai ditompa Ibana do hita jolma tumiru rupana tudos tu pangalahoNa.
Jala ditompa do dagingku marparnidaan, marparbinegean, marparnianggoan,
marpangkilalaan, marpardaian. Dilehon do roha tu tondingku jala di patureture do i
saluhutna rasirasa nuaeng.
H : Mandok mauliate ma sude jadijadianMu tu Ho ale Jahowa, jala dipuji angka
naniasianmu do ho.
L.3 : Angkup nii di parade debata do nasa naringkot, dilehon do tu au parabiton dohot
sipanganon siganup ari, rodi nasa na hasea di au dihangoluaon. Mangaranap tu Ho
do mata ni sudena, jadi dilehon Ho do sipanganon ditingkina be. Na bonar do
Jahowa disaluhut angka dalanna.
H : (Mangendehon Reff) Marende au Tuhan Mamuji ho, o Debata sangap do ho.;.
L.4 : Diramoti Ho do hami asa unang mago, di jaga i Ho do hami asa unang lilu, jala
diondingi ho do hami uju di parmaraan, luhut na i dang sian denggan ni
parangengku manang ala na jinou ni tua, alai tung sian asi Ni roha ni Debata
sambing do.
 H : Dibahen i tama hupapujipuji Tuhan i ala saluhut na i, paboa las ni rohangku di
Ibana. (laos mengendehon Ay. 3 ):
Molo Huingot balga ni holongMu, marhite Jesus Kristus Tuhanki.
Anak sasadaMi O Debatangku, di lehon Ho manobus jolmai;
Marende Ahu Tuhan Mamuji Ho O Debata sangap do Ho..;..(2x)

5. Liturgi Ib :
Prolog : Di mula na i nungnga adong hata i, saor tu Debata do hata i, jala Debata do
hata i. Saluhut marhite hata i do umbahen na manjadi, jala dang adong na di
portibion anggo so sian hata i. Jala di bagasan hata i do hangoluan nang
panondang ni hajolmaon. Ima Debata pargogo naso hatudosan na jumadihon
saluhut na di hasiangan on. Alai jolma i do naso marhasonangan manjalo saluhut
na jinadihon ni Debata, sai marnahurang dope di rohana, jala naeng do nean
gabe songon Debata. Ujungna Roha naso marhasonangan i do bonsirna gabe
madabu jolma i tu bagasan dosa dohot hinajorbut ni ngolu ni hasiangan on na
gabe manghorhon hasusaan.
1. Jesaya 59: 7 – 8 :
2. Jesaya 29: 13 – 16 :
3. I Musa 49: 6 – 10 :
4. Roma 3: 10 – 18 :
5. Roma 5: 12, 17 – 19. :
6. MARENDE BE No. 56: 1 + 4 BL. 139.
1. Sai ro ma hamuna angka na porsea, sai ro ma hamuna tu Betlehe; Ida dakdanak
sipalua hita; tasomba ma Ibana, ta somba ma Ibana, tasomba ma ibana Rajanta.
2. O Jesus Tuhanku sai naeng pujionku, pambaenMu di ahu pardosa on.
Ai gabe Jolma Ho humokhop ahu, .;. tasomba ma Ibana.;. Rajanta.
7. Liturgi II :
Prolog : Dung madabu jolma i tu bagasan Dosa dohot hasusaan, gabe mandao jolma i
sian debata. Alai pardenggan basa jala parholong ni roha do debata, lambat
tarrimas jala parasiroha godang. Dang lomo rohana jolma i mate di bagasan
dosa, inghon do paluaonNa. Ala ni i nungnga di bagabagahon hian na naeng
paluaonNa pOrtibion, marhite haroro ni Sipalua i.
1. Psalm 25: 1 – 5 :
2. Pangungkapon 3: 10 – 13 :
3. Jesaya 57: 14 – 17 :
4. Jesaya 57: 18 – 21 :
5. Jesaya 40: 1 – 4 :
8. Liturgi III (Panopotion ni dosa)
U : Ale Amanami jala Debatanami na dibanua ginjang, parasiroha na sumurung mida
hami. Tung jotjot do hami mangulahon sogo ni rohaM, tung jotjot do hulaosi hami
angka patikmu, dang hupatupa hami na nidok ni hataM, dang huulahon hami lomo
ni roham.
Ama : Molo hurajumi jala hubilangbilangi hami ulaon napinasahatMi ale Tuhan! Jotjot
do dang hupatupa hami songon poda tohonan na nilehonMi tu au, jala molo
hupatupa pe saluhut angka i , intap ni ulaon na patut dope. Asi ma roham marnida
naposomon, sai sesa ma dosangku ala hagaleonku, sai lehon ma gogongku
mangula ulaonMu.
Ina : Ale Tuhan didok hatam do asa tiruan hami di saluhut ulaon na denggan, di tonga ni
huria dohot di huta, di tonga ni jabu dohot di angka jolma. Hape ala ni hagaleon
nami gabe jotjot do targasip angka ruasmu, alani na hurang hasadaon nami.
 Sude : Ale Tuhan, alani halalaponnami, olo do tartading ulaon ni naposomon, dang
sigop hami manghobasi na ringkot tu ulaonMi, jotjot do hami mangholsohon
angka na ringkot dingoluon. Sai unang loas hami madabu tupangunjunan, sai
sesama dosanami ala hagaleon dohot ala hurang hatauonnami.
U : Antong ganup ma hita martangiang mangido hasesaan ni dosa tu debata panompai,
dohot tu Tuhan Jesus parmahan bolon, na mangalehon ulaoni tu ganup hita, dohot
tu tondi porbadia na tongtong margogoihon hita.
Sude : (Mangendehon BE No. 182 :1 –2 )
1. Tu jolom o Debatangku sai use do rohangkon, sai pasiat tangiangku dohot
iluilungkon
2. Hu solsoli do rohangku na gok dosa i tongtong, ai godang ariaringku na
hubahen ambolong.
U : Antong tajaloma haseseaan ni angka dosa : Ai songonon do holong ni roha ni
debata di portibion, pola do anakNa na sasadai di lehon asa unang mago ganup na
porsea di Ibana, asa hangoluan na saleleng ni leleng na di Ibana.
Sude : Hasangapon ma di Debata na diginjang. Amen
9. Marende BE No. 46: 1
1. Na sian ginjang do au ro, Barita na imbaru do, huhut na uli situtu, huboan
tu sude hamu
1. O Jesus haholonganki bongoti dohot rohanki; Pabali sian au sude na tau
mangago au muse
10. Liturgi IV :
Prolog: Hapataran ni asi ni roha ni debata na sun hinabalga i, ima marhite hasasaut ni
bagabagaNa di haroro ni Sipalua i. Patuduhon Debata naung gabe jolma
marhite hatutubu ni Sipalua i, ima Yesus Kristus Tuhan i. Ibana do naung tubu,
manaon na bernit, mate alai a mulak mangolu manaluhon huaso ni Dosa laho
mamboan hamonangan, Ibana do na marhuaso ro di saleleng ni lelengna.
1. Mateus 1: 18 – 21 :
2. Lukas 2: 1 – 5 :
3. Lukas 2: 7 – 11 :
4. Lukas 5: 12 – 15 :
5. Lukas 2: 16 – 19 :
14.Marende BE No. 54: 1 – 2 ( 3 – 5 halak ro tu jolo pagalak lilin,laos huhut pagalak lilin ni natorop )
1.Sonang ni bornginna i, uju ro Jesus i, sonang modom do halak sude holan dua na
dungo dope, mangingani anakna Jesus Tuhanta i.
2. Denggan ni bornginna i, uju ro Jesus i, tu parmahan di Betlehem i, dipaboa na
di surgo i, nungnga ro sipangolu, Jesus Tuhanta i.
3. Godang ni tua disi di na ro Jesus i.Tung malua pardosa muse, sian hamagoanna
sude,ala ro sipangolu, Jesus Tuhanta i.
15.Liturgi V.a ( Keluarga )
Prolog: Antong di hamuna Amanami, Inanami dohot di hita saluhutna na pungu on. Di
hatutubu ni Sipalua na ta pestahon di tingki on, aha ma na patut si boanonta, jala
sihangoluhononnta patuduhon panjangkononta di Kristus i, naeng ma dohot tubu
Ibana di bagasan rohanta. Asa Ibana mangarajai ngolunta na boi mamboan hita
tu dalan hasintongan na manghorhon dame, las ni roha hamonangan lumobi
manghorhon haulion dohot haporseaon di bagasan ngolunta. Antong tapaihitihut
ma angka poda on na gabe bohalta mandalani ngolunta.
6. I Korintus 13: 1 – 4 :
7. Mateus 22: 37 – 40 :
8. Mateus 5: 3 – 9 :
 9. Lukas 6: 31 – 33 :
10. Lukas 6 : 34 – 36 :

16.Tangiang Pangondianon
17.Marende BE No. 598 : 1 – 2
11. Bege ende ni suruan, sangap di Tuhanta i, Nungnga tubu sipalua, raja
sipardame i; Dipadame Debatanta do dirina tu pardosa, Nungnga tubu Kristus i,
di huta Betlehem i, Ende ni suruan i, sangap ma di Tuhan i.
12. Jesus Raja hadameon, sondang hatigoran i; panondang ni hangoluan di
saluhut jolma i; Dirumari do dirina laho manobus manisia, asa unang mate be ala
ni dosana be, ende ni suruan I, sangp ma di Tuhan i.
18.Jamita :………………………
19.Marende Be No. 62 : 1 - (Huhut papungu pelean) BL. 172
1. Halalas ni roha godang na hubaritahon on, nungnga tubu Sipalua di hita jolma on.
Hasangapon ni Debata laos dame,dame,dame ma di jolma. Lomo ni roha ni debata
do hita jolma on.
2. Tuhan Jesus hadomuan na disuru Debata, na pasaehon sude dosa di dolok golgata.
Hasangapon ni Debata laos dame, . ; . d.u...
......................................... o r g a n ...........................................
3. Sai sondangi ma rohangku ale Tuhan Jesus i, asa dohot au maruli di hatutubuMi.
Hasangapon ni Debata laos dame,dame, . ; . d.u....
20.Tangiang Panutup ( Parsuruon )
U : Didok Hata Ni Debata : Haringgashon hamuma mangaradoti hasadaon ni tondi na
pinadomu ni dame.
H : Ajarima ahu Tuhan martoruk ni roha, marlambok jala marlambas ni roha,
masipaingotan jala masihaholongan.
U : Haburjuhonma paralohon Haporseaon na denggan i; tangkup ma hangoluan
nasaleleng nilelengna, ai tusi do ho di jou. Angkup ni i parataratama silehonlehon
ni Debata na tu ho mamparbuehon pasupasu.
H : Mangasahon HataMi ale Tuhan, na olo do ahu patupahoni. Antong sai dipargogoi
ma ahu.
U : Dilehon Debata do tu hita tondi hagogoon, tondi haholongon, tondi pangarajaion
diri, ndada tondi hatahuton. Dipalua jala dijou do hita marhitehite panjouon
nabadia. Antong dohot ma hita mangolophon barita naulii marhite sian hagogoon
ni Debata.
H : (Mangendehon Be No. 467: 1 BL. 315 )
Asi ni roham hupuji ala ho manobus au, dipaias Ho rohangku gabe soranganmu
au; ingananMu rohanami tondimi manggohii, pangke dohot ngolunami gabe
ulaulaMi.
U : Antong tapasahat ma dirinta, dagingta, tondinta, tingkinta, ulaonta, nang dohot
nasa na dong di ngolunta gabe pelean namangolu di Debata. Rap mangidohon ma
hita di Tangiang Hatopanta i.
H : Ale Amanami na di banua ginjang…. du…
U : Pasu-pasu
H : (Mengendehon ) Amen…. A m e n… A . . m e n.

II.PASAHATHON SELAMAT HARI NATAL

1. Mewakili Pengurus
2. Mewakili Anggota
III.HIBURAN – Snak

SELAMAT HARI NATAL 25 DESEMBER 2014

&
SELAMAT TAHUN BARU 01 JANUARI 2015