PARTORDING NI PARMINGGUON

PARHEHEON AMA HKBP

MINGGU XXIV DUNG TRINITATIS

MINGGU, 15 NOVEMBER 2015

KANTOR PUSAT HKBP

PEARAJA TARUTUNG

1|Biro Kategorial Ama-Lansia HKBP 2015

A. PANGARADEON
1. Dipaumbuk ma asa horong Ama (Parhalado) na manghobasi
Minggu.
2. Sude parhobas di parmingguon, marpungu di bilut parhobason
mangarade laho prosesi mamasuhi inganan parmingguon.
3. Dung manghuling giringgiring masuk ma Barisan Prosesi ni
Parhobas na diiringi dohot organ, sahat tu na hundul diinganan
nasida be.

B. PARMINGGUON
(U: Uluan; H : Huria; A : Ama; SL: Song Leader; S : Sude)
1. Joujou tu Pangaradeon:
U : Ari on do na jinadihon ni Debata ari las ni roha na patauhon hita
marpungu huhut marsaor di bagasan GoarNa i. Ala ni i, tapuji ma
Debata di saluhutna.
H : Pinuji ma Debata na mangaramoti sude na tinompaNa gabe
marhasonangan. Pinuji ma Tuhan Jesus Kristus naung pasadahon
hita dohot Debata Ama marhitehite panobusionta sian gambo lisop
ni dosanta. Pinuji ma Tondi Parbadia naung umpasupasuhon tu
hita, ragam ni pasupasu partondion sian banua ginjang.
U : Ala ni i, tapuji, taolophon ma Debata Ama, AnakNa Tuhan Jesus
Kristus dohot Tondi Parbadia di na marningot hita sadari on di
sandok huria HKBP dihinaringkot ni panghobasion tu horong Ama
marhite Minggu parhehon Ama hurianta sadari on. Marende ma
hita !

2. Marende BE.No. 5: 1-3: Sai tapuji ma Jahowa BL. 83

1. Sai tapuji ma Jahowa, Debatanta natutu
Tapatimbul ma Amanta, nabonar huhut burju
Binsan hosangki disi, pujionku Tuhanki
2. Ndang haposan ni rohanta dongan na di tano on
Ai jotjot do mubauba tahi ni rohanion
Dung i, molo mate i, pesan ma tahinai.
------- Musik -------- (Jongjong)
3. Sai martua manang ise siasahon Debata
Ai dison pe dohot muse dipasonang Debata
Ala ni haposi ma holan Tuhan Debata.

2|Biro Kategorial Ama-Lansia HKBP 2015

3. Votum – Introitus – Tangiang :
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano
on. Amen. Ise do na jadi nangkok tu dolok ni Jahowa ?
H : Jala ise do na jadi jongjong di hajongjonganNa i ?
U : Halak partangan na lidang dohot na ias roha. Haleluya !
H : (Mangendehon) Haleluya . . .Haleluya . . . Haleluya.
U : Martangiang ma hita:
Ale Tuhan Debata, pargogo naso hatudosan, Amanami saleleng ni
lelengna! Asi ni rohaM do na mangaramoti hami sian nasailaon
rasirasa nueang, jala asi ni rohaM do na mangalehon Barita Nauli i,
gabe hangoluannami. Sai asi ma rohaM, sai buhai ma rohanami, jala
lehon TondiM na badia i, asa huantusi hami sude panogunoguM dohot
pambahenanMu na balga i. Paian ma HataM di bagasan rohanami, asa
mardame jala sonang hami jala lam imbaru rohanami. Ale Tuhan
Debata, na marningot ma hami sadari on di hinaringkot ni
panghobasion tu horong Ama di tonga ni huriaM marhite Minggu
Parheheon Ama sadari on. Sai lehon ma bisuk dohot hapistaran tu
sude pangula ni huriaM rap dohot ruas horong Ama laho padasiphon
jala patupa panghobasion na umampit tu jolo on marhite Goar ni
AnakMu, Tuhan Jesus Kristus Tuhannami. Amen. (Ruas hundul)
4. Koor :
5. Marende BE.No. 481 :1+3 Godang dope BL.325
1. Godang dope siguruhononmi Asa tudos ho dohot Tuhanmi
Sai tong na hurang hatigoranmi so tuk dope haporseaonmi
Dirim sambing dihaholongiho donganmu laos dihalupahon ho
3. Tatiru holong ni rohaNa i,pinatuduhon ni Tuhantai.
Tahaholongi ma donganta i, ai ruas ni Tuhanta do nang i
Mardame ma, masijalangan ma, Tatuju ma solhot tu Debata
6. Patik ni Debata
U : Patik ni Debata di minggunta sadari on ima patik I-IV dohot lapatanna
(Antong rap mangido gogo ma hita sian Tuhan Debata.)
S : Ale Tuhan Debata, sai pargogoi ma hami mangulahon na hombar tu
patikMi. Amen.
7. Koor :
8. Marende BE.No. 681 : 1 – 2 “Ale Amang asi rohaM” BL.681
Ale Amang asi rohaM di au pardosa on.
Unduk do rohangkon nuaeng marsomba di joloM.
Unang jujur, unang jujur angka dosangki,
3|Biro Kategorial Ama-Lansia HKBP 2015
 Sai salpuhon, sai salpuhon sian rohaM i.
------ Jongjong ------
Amang sai pargogoi ma au di hasiangan on.
TondiM pasaor tu tondingkon pamalum rohangkon.
Sai usehon, sai usehon TondiM i tu au,
Asa monang maralohon parungkilonki.
9. Manopoti Dosa
U : Tatopoti ma dosanta tu adopan ni Debata. Martangiang ma hita:
U : Ale Tuhan Debata pargogo na so hatudosan jala Amanami, hujou
hami ma goarMu na Badia i, ala targogot hami marningot dosanami
tatap ma HuriaMon di angka parsorionna be, ia gabe tarihot do nasida
ala ni dosa i
H : Tuhan asi ma rohaM di hami, sai unang tadinghon hami.
U : Ale Debata parasiroha na sumurung, diboto Ho do mansai torop angka
Ama na so olo ro tu parpunguan, laho tumangihon HataM, hape nasida
do songon ulu di tongatonga ni keluarga, jala nasida do songon
parmahan laho marmahani angka na pinasahatMi.
A : Tu joloMi o Tuhanki, huboan ma nang ngolungkon, palua ahu dohot
tondingku sian saluhutna dosangki, ai Ho do Jesus haporusan tu
tanganMu hupasahat daging dohot tondingkon.
U : Dilehon Debata do tu ama ulaon dohot tanggungjawab na balga jala na
arga. Alai taida do torop ni angka ama na so marsahala be
manguluhon keluargana, hurang bisuk do nasida manogunogu
keluarganasida be, ala sai gumodang dirahuti angka na masa di
portibio on.
A : Tuhan asi ma rohaM di hami, sai unang pasombu hami.
U : Hamu angka dongan sahuria. Torop do sian angka ama na ringgas
mansari mangalului ngolu siganup ari. Alai taboto ma ia ngolu on,
ndada holan sipanganon dohot parabiton. Ringkot situtu do ngolu
partondion. Didia do ama na gabe malim di tongatonga ni keluarga,
didia do ama na manguluhon partangiangan di tonga ni keluarga na ?
didia do ama na ringgas manaringoti Hata ni Debata tu ianakhonna?
H : Tuhan, asi ma rohaM, sai unang paurak hami, sai sesa ma saluhut
hageduhon dohot pangalaosionnami.
SL : (Mangendehon BE.No. 182 : 1 “Tu joloM o Debatangku” )
U : Bagabaga ni Debata taringot tu hasesaan ni dosa. Tu angka na
manopoti dosana jala na mauas di hasesaan ni dosa songon on do
didok Debata: Parasi roha jala pardenggan basa do Jahowa, lambat
tarrimas jala parasi roha godang. Ndang dibahen tu hita hombar tu
4|Biro Kategorial Ama-Lansia HKBP 2015
 angka dosanta jala ndang dibaloshon tu hita hombar tu hajahatonta,
songon asi ni roha ni ama–ama mida anakna, asi ni roha ni Jahowa di
angka na manghabiari Ibana. Hasangapon ma di Debata na di
ginjang.
S : Amen .............Hundul............
10. Koor :
11. REFLEKSI: Ama na Marsahala & Soripada na Marhuaso
U : Ama na marsahala, i ma malim di tongatonga ni keluarga, pangajari
jala pamodai. Ama na marsahala, i ma na girgir mamemehon angka
na uli tu ianakhon, na tongtong manghasiholi parpunguan na metmet
di tongatonga ni keluarga
H : Ama na marsahala, i ma uluan di angka ianakhon. Ama na marsahala,
i ma mitra ni soripada na marhuaso di tongatonga ni keluarga.
Soripada na marhuaso, i ma ina na malo marpangontik jala na sorta.
Ulina i molo saurdot Ama na marsahala dohot Soripada na marhuaso,
na saurdot mangondihon huhut manogunogu ianakhonnasida, jala na
sai tongtong mangarahon nasida sude tu parguruan ni halak Kristen.
U : Ama na marsahala dohot Soripada na marhuaso, tung tangkas do i
manghapadothon ulaonna, jala na girgir mangalului angka na ringkot
di ngolu siganup ari di pardagingon, alai tarlumobi ma di ngolu
partondion.
H. Ama na marsahala dohot Soripada na marhuaso, saurdot do i
marpangontik, manulak pangomoan na so sian dalanna, na so olo
manganhon na di duru ni hurumna, alai na tongtong manghasabamhon
huhut manghamauliatehon na talup tu nasida.
U. Ama na marsahala dohot Soripada na marhuaso, tongtong do i
manghasiholi dame di tongatonga ni bagasna dohot hutana, na ringgas
manopot donganna na marsitaonon, na marsahit, na marsak jala na
tongtong masihol di angka ulaon na badia.
H: Ale Tuhan, jou jala pillit ma hami gabe Ama na marsahala dohot
Soripada na marhuaso di tongatonga ni bagasnami, asa gabe pasupasu
hami di keluarganami, di na humaliang hami, dohot di tongatonga ni
HuriaM.
12. Marende BE. No.432: 1-2 Sian hurungan ni dosangki BL 292
1. Sian hurungan ni dosangki ro au tu Ho ro au tu Ho
Tuhaluaon di mudarMi Jesus au ro tu Ho
Nasa rohangku malum hipas gabe mamora nang pe pogos
Sian jeangku ro au tu Ho Jesus au ro tu Ho
2. Sian ilangku nang ramunhi, Ro au tuho, ro au tu ho
5|Biro Kategorial Ama-Lansia HKBP 2015
 Gabe na ias nang rohangki, Jesus au ro tu Ho
Sian holsongku tu sonangMi, sian runduthu tu damemi
Sian arsakku tu holongMi, Jesus au ro tu ho
13. Epistel
U = Epistel di minggunta sadari on ima sian Markus 13 :1-8 tajahama
marganti sorin: Laho tumadingkon bagas joro i, ninna sahalak
siseanna ma mandok Ibana: Bereng ma, Gurunami, uli ni angka
batu on dohot tongam ni angka jabu on!
H =Alai ninna Jesus ma mandok Ibana: Diida ho do jabu angka na
bolon on? Ndang pasumbuon nanggo dua batu martinditindi na so
gargaronna..
U =Dung i uju hundul Ibana di dolok Jetun, tondongkon joro i, pulik
ma disungkun si Petrus, Jakobus, Johannes dohot Andreas Ibana:
H =Paboa ma tu hami, andigan masa i; jala dia ma tandana, paboa na
songgop ma saluhutna i?
U =Jala dihatahon Jesus ma tu nasida songon on: Jaga ma hamu, so
tung dililuhon halak hamu!
H =Ai lan do na ro sogot manoluk Goarhu, angka na mandok: Ahu do
i!, gabe torop ma lilu bahenonnasida.
U =Asa molo dibege hamu barita ni angka hamusuon ro di gaor ni na
marmusu, unang hamu tarsonggot! Ndang tarbahen so masa angka
i, alai ndang i dope ujungna..
H =Ai na hehe do sogot bangso maralohon bangso, harajaon
maralohon harajaon; masa ma nang laho marluatluat, masa ma
nang haleon. Parmulaan ni pambebeonna do i.
U = Ima sahatna. Martua do halak na tumangihon hata ni Debata jala
na umpeopsa. Amen.
14. Koor :
15. Marende BE.No. 465: 1+4 Ale Tondi Parbadia BL.311
1. Pasupasu lehononMu, i do bagabagaMi,
Songon angka udan nene sai tu au manetek i.
Nang tu au, nang tu au, patetekkon i tu au ,
4 Suru ma tondiM manggomgom hata nang ulaonki
Paimbaru ma rohangku topot au di asiMi
Dohot au, dohot au sai ditopot Ho nang au
16. Manghatindanghon Haporseaon :
U : Di bagasan sada panindangion dohot donganta sahaporseaon di sandok
portibi on tahatindanghon ma haporseaonta i, rap ma hita mandok :
S : Ahu porsea .............................................................(hundul)
6|Biro Kategorial Ama-Lansia HKBP 2015
17. Tingting:
18. Tangiang Pangondianon:
19. Marende BE.No. 691 Hupasahat ma tu Jesus
1. Hupasahat ma tu Jesus saluhutna ngolungki,
Roha nang pambaenanku saluhutna tingkingki
Hupasahat ma tu Jesus saluhutna diringki,
Hupasahat ma tu Jesus saluhutna ngolungki.
2. Pangkeonku ma tanganku, mangula lomoNa I,
Langka nang simanjojakku mangihuthon Tuhanki.
Hupasahat ma ………
3. Nang pamereng ni matangku, mandompakkon Jesus,
Soara ni pamanganku, mamuji goarNa i.
Hupasahat ma ………
4. Dang huida Tuhan Jesus, hutundalhon dosangki,
Lohot rohangki tu Jesus, Sipalua tondingki.
Hupasahat ma ………
5. Tarhalomong do rohangku dipandok ni Tuhanku,
Ale-ale ni Tuhanku, au di goar Jesus i.
Hupasahat ma ………
6. Mauliate ma rohangku, ala au hinophopMi,
Pujionku ma goarMu, salelengna i.
Hupasahat ma ………
20. Jamita: Daniel 12 : 1-13
21. Marende BE.No. 214: 1------ Sonang di lambung Jesus Logu. 161
(Pelean tumpak tu Panghobasion Kategorial Ama HKBP):
1. Sonang di lambung Jesus Sonang na ro tusi
Unang be ho mabiar Lao mandapothon i
Tongtong dijouhon Jesus Sai ro ma ho tu Au
Tadingkon haholomon Jala haposi Au
Sonang di lambung Jesus Sonang na ro tusi
Unang be ho mabiar Lao mandapothon i
2. Sonang di lambung Jesus Rap hita lao tusi
Inganan na ummuli Do di lambungNa i
Ai nunga diparade hasonanganta i
Asa marhasonangan Na ro tu Jesus i
Sonang di lambung Jesus Rap hita lao tusi
Inganan na ummuli Do di lambungNa i
3. Jesus haholonganku Jesus haposanki
Saleleng au mangolu Dohot di tingkingki
Ndang be huhabiari Angka pangago i

7|Biro Kategorial Ama-Lansia HKBP 2015

 Ai diramoti Jesus Au hinophopNa i.
Jesus haholonganku Jesus haposanki
Saleleng au mangolu Dohot di tingkingki
22. Parsuruon manghangoluhon Hata ni Debata
U : Tung balga do Asi ni roha ni Debata di angka namanangihon soarana,
alani ingkon las do rohanta mulak sian bagas joro on huhut
manghangoluhon HataNa , jala olo hita mangulahon parsuruonNa.
H : Mangendehon Ende No. 723 : 1 “Tu joloM O Tuhan”
Tu joloM o Tuhan sahat ma diringkon, Pangkema au hombar tu
lomoM. Molo ndang ho Tuhan, maringanan di au, Diringkon ndang
mararga be i. Tung pogos pe dison manang sonang tahe marsigantung
tu Ho sasude. Holan ho huihuthon ndang be diringkon togutogu ma tu
na ture.
U : Sai jagahon dirim unang tarrobung ho tu angka ulaon ni tondi ni zaman
on, sai longkangi roham sian parhatobanon ni portibion, asa malua ho
dohot pangisi ni bagasmu
H : Mangendehon BE No. 723: 2 ( Tu jolom o Tuhan”
Tu joloM o Tuhan sai gara rohangkon, Tung unduk do mangoloi Ho.
TondiMi ma tongtong margogoihon au on, Mangulahon lomo ni
roham. Tung peogos pe dison, manang sonang tahe. Marsigantung tu
Ho sasude. Holan Ho huihuthon ndang be, diringkon togutogu ma tu
na ture.
U: Hamu pamatang ni Kristus, paias hamu ma rohamuna jala bulus ma
mulaulaon mangoloi parsuruon ni Kristus gabe sira dohot panondang
ma hamu tu nahumaliang.
H: Mangendehon B.E. No. 727 : 2 ( Hupillit asa marparbue)
Hita na pinillit ni Tuhanta, taradoti ma panjouon i. Paturehon angka
nabadia, asa tang marhaporseaon i. Jala monang di sude parungkilonna
mangasahon Kristus Tuhanta i. Tu timbona pe parbinotoan, tu malona
manisia i. Lam doras pe angka parsaoran, lam soada mamolati i. Nang
pe tingki tu hatopna mubauba sai na hot do hata ni Tuhan i. Pargogoi ma
ruas ni Huria dohot rakyat ni bangsonta asa tau manjalo pasupasu, nang
hatop pe parhusoran di sudena partingkian, lam porsea hita tu Debata.
Amen
U: Antong borhat ma hamu manghangoluhon dohot mangulahon parsuruon
ni Debata, jala marsinondang ma palitomuna tu sandok portibi on.

23. Tangiang Pelean – Ale Amanami – Pasupasu – A m e n .

8|Biro Kategorial Ama-Lansia HKBP 2015