PARTONDING NI PARMINGGUON DOHOT

PASAHATHON SIPANGANON NA TABO TU

Kel.Toga Simangunsong (+) / Dameria Br Sianipar (Op. Frengki)
Minggu, 31 Desember 2023 Pkl 08.30 WIB

01. PANGARADEON NI DIRI

U : Hamu angka dongan na hinaholongan di bagasan Kristus Tuhanta i, tama
tahamauliatehon asi ni roha ni Debata, na mangaramoti hita di ganup ngolu
naitabolus, jala gok las ni roha do hita rap marpungu di inganan on
marningot pasupasu ni Jahowa di tongatonga ni keluarga on ala
pasahathon sipanganon na tabo nasida tanda ni na marsihaholongan dohot
pasangaphon natuatua nasida. Mandok mauliate ma hamu disaluhut na i,
puji hamu ma Ibana, endehon hamu ma goarNa na Badia i, na jumadihon
saluhut na diportibi on.
R: Pujionku ma Jahowa sian nasa gogongku, ai tung na songkal do
pambahenanNa sudena.
U: Antong ria ma hita di adopan ni Debata, mangendehon las ni rohanta.
02. MARENDE BE 565 LAS ROHANGKU LAO MAMUJI
Las rohangku lao mamuji Debata Parholong i,/ Songon bunga na
mangerbang di na binsar ari i./Arsak, dosa, haporsuhon mago dibaen asiMi.
Las ni roha na manongtong lehon di au Tuhanki.
Sude jadijadianMu, laut, tano, langit i,/ Angka bintang dohot bulan nang
mata ni ari i./Hauma, ladang, nang harangan, rura dohot dolok i,/Saluhut na
mangendehon sangap di Tuhanta i.
03. VOTUM – INTROITUS – TANGIANG
U : Marhitehite Goar Ni Debata Ama dohot AnakNa Tuhan Jesus Kristus dohot
Goar ni Tondi Parbadia na tumompa langit dohot tano on. Amen. Puji ma
Jahowa ale tondingku, jala nasa rohangku di bagasan mamuji GoarNa na
badia i.
H : Puji ma Jahowa ale tondingku, jala unang tung halupahon denggan basaNa
sudena.
U : Ibana do manesa dosam sudena, Ibana pamalum angka sahitmu sudena.
Ibana paluahon ngolum sian hamagoan. Ibana martumpalhon tu ho
denggan basa dohot asi ni roha.
H : Ibana pamahap roham marhitehite denggan basa asa mulak poso ho songon
pidong rajawali.
U : Jahowa do patupahon angka pambahenan hatigoran, jala dipatingkos uhum
tu sude angka na dirupa. Haleluya, Martangiang ma hita:

1
 Ale Tuhan Debata Amanami na di banua ginjang. Di Ho ma hasangapon
dohot pujipujian saleleng ni lelengna. Di bagasan ombas on, ro do hami
pasahathon roha mauliatenami dohot sombanami tu Ho, ala marningot
denggan na basaMi tu Kel. Toga Simagunsong (+)/ Dameria Br Sianipar
(Op. Frengki Boru). Didongani jala diurupi ho inanami on sahat tu
hatutuana jala dipasupasu Ho saluhut pinomparna. Laho pasingkophon las
ni roha ni nasida, di bagasan ombas on naeng pasangapon ni nasida
natorasna marhite adatnami na so maralo tu patikmu. Naeng paboaon ni
nasida tu na torop hinadenggan ni pambahenanMu tu nasida. Sai tongtong
ma Ho ale Debatanami dibagasan Kristus Jesus na manguluhon nasida, na
mamasumasu, mangaramoti huhut mangondihon. Dibagasan Goar ni Tuhan
Jesus Kristus martangiang hami tu Ho. Amen.
04. MARENDE 52:1-2 “Hatuaon Do”
Hatuaon do las ni roha do, hatutubu ni Jesus i
:,:Mago do jolma ro ma Tuhanta las be, las be ma rohanta i:,:
Hatuaon do las ni roha do hatutubu ni Jesus i
:,:Domu do hita tu Debatanta las be, las be ma rohanta i:,:
05. PATIK NI DEBATA:
U: Tangihon hamu ma Patik ni Debata, ima na tarsurat di Mateus 19:19.
Songon ma didok disi: Pasangap amangmu dohot inangmu! Jala haholongi
ma donganmu songon dirim.
Ima sahatna. Rap mangido gogo ma hita sian Tuhan Debata!
H: Ale Tuhan Debata sai pargogoi ma hami mangulahon na hombar tu patikMi.
Amen
06. MARENDE BE. 172:1-2 “O Jesus Panondang”
O Jesus Panondang di portibion. Mula ni na torang, tangi hatangkon. Sai asi
rohaMu dipardosa on. Ho ma mangapuli au na marsak on (Jongjong)
Sesa ma dosangku ale Tuhanhi. Ala ni mudarMu na nilehonMi. Asal ma
rohangku salelengna i, ingot ma hansitMu dohot mudarMi
07. PANGAUHONON DI PATIK DEBATA - MANOPOTI - BAGABAGA
U : Hamu angka anak oloi hamu ma natuatuamuna dibagasan Tuhan i, ai i do
natigor. Parsangapi amangmu dohot inangmu, i do patik na parjolo
mardongan bagabaga. Asa martua ho jala leleng mangolu di tano on
Na boi do hatindanghononta, margogo do tangiang ni angka natuatuamuna
manangianghon hamu sian na menet sahat tu na magodang. Tinggil do
Ibana manangihon angka tangiang pangidoan i, ala asi ni roha ni Debata....
H : (Mangendehon) B.E. No.194 Aut so asi rohaM BL. 62
Aut so asi rohaM Aut so godang basaM Tu dia au? Alai dibaen basaM Dohot
asi rohaM Tu surgo au

2
U: Hamu angka ama unang gintali hamu angka anakhonmuna,
pagodanggodang hamu ma nasida di bagasan ajar dohot poda ni Tuhan i.
Na boi do hatindanghononta, gabe malim do natoras di tongatonga ni
pardongansaripeon i; na pagodanggodanghon, na mangajari dohot
mamemehon ragam ni poda. Mauliate ma di Tuhanta i, alani basaNa...
H: (Mangendehon) B.E. No.194 Aut so asi rohaM BL. 62
Mauliate ma Di Ho o Debata Ala basaM. Sibahen dalan i Marhite AnakMi Tu
banuaM
U: Dibahen i songon natoras dohot ianangkon hita tatanda ma dirinta ro di
angka dosanta maradophon Debata, nang maradophon natorasta dohot
maradophon ianangkonta. Tatopoti ma dosanta diadopan ni Debata
martangiang ma hita: Ale Amanami na di bunua ginjang, Parasiroha mida
halak na dagol! Na ro do hami pardosa tu joloM, manopoti dosanami na
godang i. Natarsolsol bagi do hami do hami nuaeng, ala jotjot hubahen hami
sogo ni rohaM. Ale Tuhan Debata, nunga mardosa hami maradophon Ho
nang maradophon natorasnami nang maradophon ianangkonnami. Jotjot
do hami manggintali ianangkon, langgus rohanami mangajari dohot
tumangiangkon nasida.. Ale Tuhan Debata, nunga mardosa hami
maradophon Ho, nang maradophon natorasnami. Huingothami angka hata
nang pambahenannami na jotjot paoruhon sangap ni natorasnami, jotjot
tumatangis natorasnami alani hajengkelonnami. Hualohami do angka
podana nasintong i holan laho paoloioloi hagiotnami be. Dibahen i na
mangido ma hami tu Ho, sai asi ma rohaM di hami sesa ma saluhut
dosanami. Amen
H: (Mangendehon) BE. No. 683:3 “Di AdopanMu Jesus”
DiadopanMu Jesus tarsolsol bagi rohangkon, muba ma ua tu jolo on
diadopanMu Jesus
U: Tangihon hamu ma bagabaga ni Debata taringot hasesean ni dosa: Ai ndang
adong imbar ni i; ai saluhut do pardosa jala hurangan maradophon
hasangapon ni Debata, alai angka na gabe pintor, binahen ni basabasa
marhite sian asi ni rohaNa, hinorhon ni panobusion na marhitehite Kristus
Jesus i, na pinajongjong ni Debata bahen habangsa parasian marhitehite
haporseaon di mudarNa. Hasangapon ma di Debata na di ginjang.
H: Amen
08. MARENDE BE 51:1-2 “Tole Puji Ma Tuhanta”
Tole puji ma Tuhanta, tu Ibana ma rohanta
Asa girgir parendenta, ale dongan Kristen i.
Dosa dohot hamatean, bolis dohot hamagoan
Talu ala naung diboan, Jesus hangoluan i

3
09. EPISTEL : Epesus 1 : 3 - 6
U: Pinuji ma Debata, Ama ni Tuhannta Jesus Kristus, naung umpasupsuhon tu
hita ragam ni pasupasu partondion sian banua ginjang, di bagasan Kristus.
H : Ai dipillit do hita di bagsan Ibana, andorang so ojak dope tano on, asa badia
hita jala so hasurahan di adopanna i, dibagasan holong ni roha.
U : Ditodo hian do hita bahen anakna, marhitehite Jesus Kristus, asa tu Ibana,
manghihuthon halomoan ni rohana,
H : asa tarpuji asi ni tohana na marmulia i, na niasihonna tu hita di bagasan na
Hinaholonganna i.
U : Martua ma angka na tumangihon hata ni Debata, jala na umpeopsa. Amen.
10. MARENDE 62:1-2 “Halalas Ni Roha Godang”
Halalas ni roha godang, na hubaritahon on. Nunga tubu Sipalua di hita jolma
on. Hasangapon di Debata, laos dame, dame, dame ma di jolma. Lomo ni roha
ni Debata do hita jolma on. (Jongjong)
Ai saborngin on do binsar bintang di na holom i. Sumondangi hagolapon, na
di rohanta i. Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
11. M. HAPORSEAON
U: Tahatindanghon ma haporseaonta i songon na hinatindanghon ni donganta
sahaporseaon di sandok portibion. Rap ma hita mandok:
U+H: Ahu porsea di Debata Jahowa, d.u
12. TINGTING
13. MARENDE BE 48:1+5 “Ria Ma Hita Sasude”
Ria ma hita sasude mamuji Debata
Girgir ma parendenta be, ai i do na tama, ai i do na tama
Dibahen i las situtu do rohangkon nuaeng,
Hujangkon Jesus i tutu, ai sonang au dibaen, ai sonang au dibaen.
14. JAMITA: JEREMIA 31:7-9
15. MARENDE BE. 53:1… “Di Betlehem Do Tubu”(P. PELEAN)
Di Betlehem do tubu di hita Anak i I do sian na burju
hupillit Rajangki, i do, i do, hupillit Rajangki
Tu holong ni rohaNa hubonom rohangkon
Hulehon di Ibana Sude na di au on Olo, olo, sude na di au on
Sai naeng haholonganku Ho, ale Tuhanki nang marsak, las rohangku
Ingkon lam ganda i. Olo, olo, ingkon lam ganda i
16. TANGIANG PANUTUP : Pelean – Ale Amanami – Pasupasu.

HORAS --- HORAS --- HORAS..!!!