PARPUNGUAN BODARI

PARNINGOTAN ARI HATUTUBU

NI TUHAN JESUS

TOPIK:
AI NAUNG BINSAR DO PANONDANG I DI
HAGOLAPON

HURIA KRISTEN BATAK PROTESTAN

Minggu, 24 Desember 2020
01. PAMUHAI :
U : Huria nahinaholongan ni Tuhan Jesus Kristus na marpungu do hita di
borngin on laho mamestahon parningotan ari hatutubu ni Tuhan Jesus
Kristus. Na ro do Ibana manopot hita jolma pardosa, dirumari do diriNa
jala disolukhon rupa ni hatoban, gabe suman tu jolma do Ibana jala
rumang jolma dapot di Ibana.
R : Mariaia do tondingku mida Debata Sipalua ahu. Ai ditatap do
haetehon ni naposoNa on.
U : Naeng bongot ma hita tu parsaoran na badia rap dohot Debata. Alani tama
do hita mandok mauliate tu Tuhan Jesus Kristus Raja ni huria i, na
mangalehon partingkian na uli di hita. Antong manjonok ma hita jala
marunduk ni roha di adopan ni Debata, AI NAUNG BINSAR DO
PANONDANG I DI HAGOLAPON. Tapangiar ma soaranta mamuji Tuhanta
pardengganbasa i, marende ma hita.
02. Marende BE No. 48 : 1,2 RIA MA HITA SASUDE BL. 16
 Ria ma hita sasude mamuji Debata.
Girgir ma parendenta be, ai i do na tama, ai i do na tama.
(Jongjong)
 Diungkap Debatanta i banuaginjang i.
 Disuru do AnakNa i, hangoluanta i, hangoluanta i.
03. VOTUM – INTROITUS – TANGIANG:
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Porbadia na tumompa langit dohot tano on.
Amen. Bangso na mardalani di bagasan haholomon marnida sada
panondang na bolon. Binsar do sada panondang di angka na mangingani
tano na nilinggoman ni hamatean. Marrongoman bangsoM ro sian
lomona di ari parporanganMu; marpahean habadiaon, songon nambur
sian ampuan ni andos torang ro do tu Ho paranganMu angka na umposo.
Haleluya!.
R : (Mangendehon): Haleluya, Haleluya, Haleluya!
U : Martangiang ma hita: Ale Debata, Ama na di banua ginjang! Pujipujian,
hasangapon dohot hamauliateon husombahon hami tu Ho, marningot
silehonlehonMi na balga i tu hami jolma na di pardangolan on, i ma
AnakMu, Jesus Kristus, na sinuruMi sian banua ginjang ala ni hami. Gabe
na dangol do Ibana jala na pogos, pola tubu Ibana di bara ni Betlehem, asa
mamora hami. Sai rajai jala togutogu hami marhitehite TondiM, asa lam
huida hami godang ni holong ni rohaM na pinapatar ni AnakMi. Amen.
(Hundul)
04. Marende BE No. 51: 1,2 TOLE PUJI MA TUHANTA BL. 31
 Tole puji ma Tuhanta, tu Ibana ma rohanta;
asa girgir parendenta, ale dongan Kristen i.
 Dosa dohot hamatean, bolis dohot hamagoan;
talu ala naung diboan, Jesus hangoluan i.
05. PATIK:
U : Tangihon hamu ma Patik ni Debata di Parpunguan Bodari Natal on, i ma
na tarsurat di Johannes 8 : 12, Dung i diulahi Jesus muse manjamitai
nasida, ninna ma: “ Ahu do Panondang ni portibi on. Na so tupa mardalan
di na holom na mangihuthon Ahu; di ibana do tahe Panondang hangoluan.
” (Antong rap mangido gogo ma hita tu adopan ni Debata).
R : Ale Tuhan Debata, sai pargogoi ma hami mangulahon na hombar tu
PatikMi. Amen.
06. Marende BE No. 61: 1,2 NA TAU LAS NI ROHA BL. 2
 Na tau las ni roha hatutubu ni Jesus Sipalua haholonganhi,
Jesus Sipalua haholonganhi.
 Tung godang do dosa pangunjunan pe
2
 Mangarsahi hita paima mate be, mangarsahi hita paima mate be.
07. REFLEKSI – PAGALAK LILIN:
U : Dimulana i uli dohot denggan situtu do portibi on dohot sude pangisina,
alai nuaeng nunga dihuphupi timus, ndang adong be godang soara ni
pidong na marhabong alani….. jolma na jotjot manegai angka suansuanan
laho pasauthon lomo ni rohaNa. Hadameon i pe nunga maol be didapot
jolma i nuaeng, alani porang dohot huaso dohot arta. Godang ni hasusaan
alani lalo manang alani aek magodang . Partangison alani hapogoson,
hageduhon dohot pangarupaon nang panggosagosaon di dongan, nang
nasa ulaon dosa tahe, sudena i alani jolma nunga dao jala ndang
manghahalongi Debata dohot donganna jolma.
R : Ale Tuhan, nunga ro Ho tu Portibi on, sondangi ma rohanami na di
bagasan hagolapon.
U : Di tingki na parpudi on, masa do sorimago Covid-19 na pola mambahen
godang jolma marmatean, ngolu perekonomian na hurang denggan,
godang ni huria na so boi patupahon pesta Natal dohot ragam ni angka
parungkilon na taadopi di partingkian on. Alani Tuhan asi ma rohaM di
hami. Patogu ma haporseaonnami asa unang mabiar jala mandele hami
alani parngoluan on. Patupa ma hami gabe panondang maradophon
dongananmi songon hataM na mandok: Tung sura lam marpogos
donganmu, lam surut tahe parbohalon di lambungmu, ingkon
tolonganmu do ibana, nang halak dagang nang halak paisolat ibana, asa
mangolu ibana di lambungMu.
R : Ale Tuhan, nunga ro Ho tu Portibi on, sondangi ma rohanami na di
bagasan hagolapon.
U : Huria ni Tuhanta, nunga ro Tuhanta manopot bangsoNa jala mamboan
haluaon. Ido na tahalashon di borngin on. Alai haholomon do jotjot
manghuphupi tano on jala lam tu jorbutna do pangela ni sibolis i
mangihoti torop jolma, disegai do tondi, haporseaon dohot panghirimon
sogot. Digunturi na marrumatangga, disegai nang roha ni ianakhon asa
tois tu hata ni Debata. Alani i tama do pahusorhusoronta dibagasan
rohanta be.
R : (Mangendehon): 733 : 1,4 DULO MA AU ON O TUHAN
 Dulo ma au on o Tuhan, bege anggukhon.
Ro do Ho tu angka dongan, topot nang au on.
Jesus Tuhan bege anggukhon.
Ro do Ho tu angka dongan, topot nang au on.
3
  Ho do siapuli roha, ni na marsak i.
Na soada tudosanNa, Ho haposanhi.
Jesus Tuhan ………
U : Lam godang pe angka parungkilon na masa di tongatonga ni ngolu on,
ingot ma Tuhanta do na mandongani hita. Molo lam lumlam angka
parrohaon ni jolma di partingkian on, ingot ma, alani i do umbahen na ro
Tuhan Jesus sian banua ginjang sorang tu portibi on, asa disondangi
sandok ngolunta na dibagasan hagolapon. Alani ndang jadi papeolonmu
uhum, ndang jadi ho marnidanida bohi, jala ndang jadi jaloonmu silua, ai
sisip do papitung mata ni halak na pistar jala pabalikbalik parhataan ni
halak na tigor. Antong songon dia pe rumang ni parngoluan na
niadopanmu nuaeng, di arsak manang las ni roha, sai ungkap ma roham
manjangkon Tuhan i asa sorang Ibana di bagasan ngolum.
Solo: (Mangendehon BE No. 616 : 3 “Ulina i di borngin na badia”)
Uli na i sude marlas ni roha, ala naung songgop hara jaonNa i.
Huria i ria do ro marsomba, mamuji Raja na sun sangap i.
Ibana do panondang hangoluan, na mangalehon panghirimon i.
Uli na i marende do suruan di borngin i do tubu Kristus i
Di borngin i do tubu Kristus i.
Pdt: (tingki marende solo ro ma Pandita/Parjamita dohot paragenda tu
langgatan, laho pagalakhon lilin. Laos diombas on ma ro parhalado na
marhobas mamboan lilinna asa dipagalak Pandita/parjamita)
(dohonon ni pandita/parjamita ma): Hamu angka dongan sahuria,
dihorhon hatutubu ni Jesus i do, ombas na imbaru, parsaoran na imbaru
dohot holong na imbaru. Jangkon ma Sipalua i! Sondang ni lilin on ma
songon simbol na marpadan hita borngin on, na so taulahon be dosa, rade
ma hita manesa dosa ni donganta. Tuhanta do mandok: Ahu do
Panondang diportibi on. Na so tupa be mardalan di na holom nasa na
mangihuthon Ahu. Antong borhat ma hamu manopot angka ruas (borhat
ma angka parhalado mandapothon ruas, diintopi ma lampu, dipagalak ma
lilin ni ruas).
JONGJONG MA HITA MARENDE :
MARENDE : BE. No. 54 : 1 – 3 “SONANG NI BORNGIN NA I” BL. 64
Sonang ni borngin na i, uju ro Jesus i. Sonang modom do halak sude,
holan dua na dungo dope; mangingani Anakna, Jesus Tuhanta i.
Denggan ni bornginna i, uju ro Jesus i. Tu parmahan di Betlehem i,
4
 dipaboa na di surgo i; nunga ro Sipangolu, Jesus Tuhanta i.
Godang ni tua disi, di na ro Jesus i. Tung malua pardosa muse,
sian hamagoanna sude; ala ro Sipangolu, Jesus Tuhanta i .
~ hundul~
Pdt: Hamuna angka dongan, las ma roham nunga saor be Tuhanta Jesus
Sipalua i tu portibi on, jangkon ma Ibana sian ungkap ni roham jala
hatindanghon ma Ibana di ngolum.
R : Haluaon do di boan Tuhan Jesus marhite hatutubuNa, alani hami pe
naeng ma hobas manghatindangkon Tuhan Jesus marhite
ngolunami.
08. Marende BE No. 62 : 2 HALALAS NI ROHA GODANG BL. 172
 Ai saborngin on do binsar bintang di na holom i.
Sumondangi hagolapon, na di rohanta i.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.

09. E P I S T E L :
U : Tabege ma Hata ni Debata turpuk di Parpunguan Bodari Natal on i ma na
tarsurat di Titus 2 : 11 – 15, Ai nunga tarida asi ni roha ni Debata, sibahen
haluaon ni saluhut jolma.
R : Diajari do hita, asa tasoadahon roha na so daulat ro di angka
hisaphisap tano on, asa taparangehon hatomanon, hatigoran dohot
hadaulaton, tagan di hasiangan on.
U : Laos diajari do hita, paipaimahon hatuaon na tahirim i dohot hapapatar ni
hasangapon ni Debata na balga i dohot Kristus Jesus, Sipalua i.
R : Ai dilehon do diriNa humophop hita, asa ditobus hita sian nasa
hajahaton, asa urasonNa di diriNa bangso naung Ibana nampunasa,
na olo manghapadothon angka ulaon na denggan.
U : I ma hatahon, paingothon jala ajarhon sian nasa gomos ni roham! Unang
ma adong na marhu ni roha mida ho! I do sahatna: Martua ma angka na
tumangihon Hata ni Debata jala na umpeopsa. Amen.
10. Marende BE No. 58 : 4,5 MARTUMBUR TUNGKOTUNGKO BL. 123
 Pinuji ma Jahowa na asi roha i.
Dilehon do AnakNa hangoluanta i.
Girgir ma hita on mamuji Debatanta ala basaninon.
 O Jesus Tuhannami naung ro tu tano on (Jongjong)
5
 Tu pardangolannami di hasiangan on asi ma rohaMi
Sai togu tondinami tu hasangaponMi.
11. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok:
R : Ahu Porsea….. (Hundul)
12. SUNGGULSUNGGUL + TANGIANG PANGONDIANON
13. Marende BE No. 49 : 1- SAI RO MA TU BARA BL. 47 (Pel. I Huria)
 Sai ro ma tu bara di Betlehem on, hamu na porsea, hatop ma tuson
Marnida halasan ni rohanta i, Tinongos ni Ama na di surgo i.
 O ida hamu ma di bara inon, Dakdanak na tubu disi borngin on
Uli do rupaNa, mataNa tiur, o bereng Ibana, ho gabe tiur !
---- Musik ----
 Las roha Maria, nang Josep disi, marnida na metmet, na sorang tusi
Marsomba tu patNa do parmahan i, di ginjang marende pardisurgo i.
 Pasinggang ma totmu hamuna sude, marnida parmahan marsomba
muse
Marende hamu na marlas roha i, maniru suruan na di ginjang i.
---- Musik ----
 Sai dok ma, O Anak ni Debata i, Ho ro sian ginjang dibaen asiMi
Di hami sudena na mardosa on, mambaen haluaon di hami tongtong
 Tung aha ulaning denggan ni rohaM, silehononnami baen las ni rohaM
Ndang sere, ndang perak, ndang pinangidoM, ai roha na ias sambing do
lomoM.
---- Musik ----
 Antong rohanami ma peleanMi, o Jesus hasian sai jalo ma i
Ias jala sonang ma baen angka i, tongtong gabe domu ma tu rohaMi.
14. JAMITA: JESAYA 9 : 1 – 6
15. Marende BE No. 75: 1- NAUNG BINSAR DO PANONDANG I BL. 206 ( Pel. II
tu STT/SIKOLA PANDITA)
 Naung binsar do panondangi, na mangatasi sasude, na olo marsinondang
Sondangan ni do sasude, na di na holom i dope, malungun di na torang
Jesus, tulus ma sangkapMu, sondanganMu nasa jolma asa unduk di Debata.
 Ho do mangapul rohangkon, o Raja ni portibi on, saleleng au mangolu
Sai Ho ma parjambaranki, ndang olo au lohotan ni sude na olo salpu
Tu Ho ro do au na lea na porsea di hataMu mangidohon panumpakMu
6
 ---- Musik ----
 Tung ise pasonangkon au, manang tu dia pe au lao, sasada Ho huboto
Panghilalahon holong ni rohaM di au na bojok i, na pogos jala oto
Unang loas au be lilu hinophopMu do tondingku, ingkon Ho do tioponku.
 Las do rohangku mida Ho, o Jesus Kristus na dung ro, mamboan
hangoluan. Naeng pujionku Ho tongtong, saleleng au di tano on, nang
di banua ginjang. Sangap, sangap di goarMu Ho Rajangku huendehon
hamuliaonMu, Tuhan.
16. PANGUJUNGI: (Jongjong)
U : Nunga tabege Hata ni Debata na pabotohon tu hita: AI NAUNG BINSAR DO
PANONDANG I DI HAGOLAPON. Tuhanta i do panondang di bagasan
ngolunta. Na ro do Ibana manondangi hagolapon marhite holongNa asa
hita na mardalan di bagasan hagolapon marnida hatiuron na binoan ni
Tuhanta asa dapotan las ni roha hita songon las ni roha di gotilon, songon
parolopolopon di na marbagi tabantaban. Antong angka naung manjalo
hatiuron i patut do manghatindanghon i di bagasan ngolunta. Unang be
mangolu dibagasan hagolapon. Hata ni Debata mandok: ”Marburi ma
hamu, urasi hamu dirimuna, paholang hamu ma hinaroa ni
pambahenanmuna sian jolo ni matangKu, pasohot hamu ma manjahati.
Guruhon hamu ma mambahen na denggan, lului hamu ma uhum, pintori
hamu na nirupa, patingkos hamu ma uhum tu nasopot so marama,
ondingi hamu angka na mabalu.”
R : Ale Tuhan Debata, sondangi ma hami asa gabe panondang hami di
portibi on.
U : Kristus do Tuhan naung ro tu portibi on laho paluahon dohot sumondangi
hita saluhut na tinompaNa. Martua ma angka na porsea di Jesus Kristus ai
Ibana hatuaon i. Ibana do hagogoonta di angka parungkilonta, Ibana do
na manongtong asa manang ise na mian di bagasan Tuhan Jesus dapotan
hatongtongon saleleng ni lelengna, Ibana do Raja Dame na padamehon
hita tu Debata Ama. Alani mangolu ma hamu dibagasan dame rap dohot
na humaliang. Ibana ma na mangaramoti langkanta di bagasan
panghirimon na imbaru.
R : (Mangendehon) BE No. 597a : 2 BARITAHON DI DOLOK
 Baritahon di dolok di rura di sude inganan,
Baritahon di dolok naung tubu Kristus i.
Di na pinabangkitMu au gabe naposoM,
Patau ma au Tuhanku marhobas di joloM.
Baritahon di dolok……….
7
17. TANGIANG PANGUJUNGI:
- Tangiang Pelean: (Agenda HKBP)
- Tangiang Ale Amanami:
- Pasupasu:
- Amen, Amen, Amen

“Selamat Ari Natal”

PARTORDING NI PARMINGGUON
PESTA NATAL – I
PARNINGOTAN HATUTUBU NI TUHAN JESUS

Ev.Heber 1 : 1 - 4 Ep. Psalmen 98 : 1 - 9

TOPIK :
HAPAPATAR NI DEBATA MARHITE ANAK I
8
 HKBP RESORT MEDAN IV SEI AGUL
Jumat, 25 Desember 2020
Parhalado prosesi diiringi ende “O holy night”, dungi jongjong di altar. Dung
sahat di altar, hundul ma ruas. Dijahaon ma responsorial pamuhai.

01. PAMUHAI :
U : Huria na hinaholongan ni Tuhanta Jesus Kristus, Pinasahat ma tabe tu
sude hita ruas ni huria na marpungu di Pesta Natal-I sadari on: Selamat
ARI NATAL ma di hita saluhutna.
R : Selamat Hari Natal ma di hita
U : Endehon hamu ma di Jahowa ende na imbaru sada, ai nunga
dipambahen Ibana angka halongangan, nunga ditumpahi siamunNa i
dohot tanganNa na badia i Ibana.
R : Marsuraksurak ma ho ale sandok tano on mangolophon Jahowa,
pangiar ma soaram marolopolop, jala marende ma hamu.
U : Di ari sadari on tama hita mandok mauliate tu Tuhan Debata na sai
mangaramoti pardalanan ni huriaNa. Sadari on taingot do ari Hatutubu
ni Tuhan Jesus na gabe Sipalua dohot na manobus hita sian dosa.
Debatanta do na marsuru Jesus i, ai hombar tu holong ni rohaNa di hita
jolma na tinompaNa. Ido HAPAPATAR NI DEBATA MARHITE
ANAK I, Ai pola do anakNa nasasada i dilehon asa unang mago
9
 nanggo sada sian hita, gariada tahe ingkon tu hangoluan si saleleng ni
lelengna hita boanonNa. Antong taendehon ma Hasangapon di Debata,
dame, dame ma di jolma. (ditingki marende, hundul
ma parhalado)

02. Marende BE No. 57: 1,2 NUNGA JUMPANG MUSE ARI PESTA I BL.
202
 Nunga jumpang muse ari Pesta i Hatutubu ni Tuhanta Jesus iTuat do
Ibana sian surgo i mebat tu hita on. Hasangapon di Debata, dame,dame
ma di jolma. Las ni roha ni Debata hajolmaon muse.
 Beta, ale dongan tu Betlehem i (Jongjong)
Itasomba ma Dakdanak na disi. Na tinongos ni Parasiroha i
Debata Ama i. Hasangapon di Debata, dame,dame ma di jolma.
Las ni roha ni Debata hajolmaon muse
03. VOTUM – INTROITUS – TANGIANG:
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Porbadia na tumompa langit dohot tano
on. Amen. Dung i gabe daging ma Hata i, jala maringanan di
tongatonga ni hita on, jadi huida hami ma hasangaponNa songon
hasangapon ni anak sasada na sian Ama i, gok asi ni roha dohot
hatutuon. Haleluya
R : (Mangendehon): Haleluya, Haleluya, Haleluya!
U : Martangiang ma hita : Ale Tuhan Debata, Amanami na di banua
ginjang! Mandok mauliate do hami tu Ho, ala ni godang ni asi dohot
holong ni rohaM di hami; ai dibasabasahon Ho do AnakMu na sasada i
tu hami na di pardangolan on, asa malua hami marhitehite Ibana sian
dosa dohot sian hamatean saleleng ni lelengna. Hupangido hami tu Ho,
sai sondangi ma rohanami na holom i marhitehite Tondi Parbadia i;
angkup ni i sai parrohai ma hami, asa huboto hami mandok mauliate tu
Ho, asa tarapul situtu rohanami di hagogotan dohot di pangunjunan
marhitehite AnakMu, Tuhan Jesus Kristus Tuhannami. Amen.
(Hundul)
04. Marende BE No. 602 : 1 DI NATAL NA PARJOLO I

10
  Di Natal na parjolo i, parmahan marborngin di ladang i. Tu si do ro
suruan i, mandok nunga sorang Mesias i.Noel, Noel, Noel, Noel, tubu
Raja ni Israel
05. PATIK:
U : Tangihon hamu ma Patik ni Debata di Pesta Natal - I, sadari on, i ma na
tarsurat di Lukas 3: 8, “Parbuehon hamu ma na tama, paboa naung
moba rohamuna. Jala so tung didok hamu di bagasan rohamuna: si
Abraham do amanami. Ai hudok ma tu hamu: tarjadihon Debata do
anak di si Abraham sian angka batu on. (Antong rap mangido gogo ma
hita tu adopan ni Debata).
R : Ale Tuhan Debata, sai pargogoi ma hami mangulahon na hombar
tu PatikMi. Amen.
06. Marende BE No. 699 : 1 - 2 SINGKOP DO ASI NI ROHAM
 Singkop so asi ni rohaM tu au na dangol on,Na lilu ahu nahinan
nuaeng jumpang do.
----Jongjong----
 Di na hutanda dosangki, gok biar rohangki,Alai alani asiMi,
mardame rohangki.
07. MANOPOTI DOSA:
U : Huria ni Tuhanta, dibagasan roha na hohom tatopoti ma dosanta na
godang i tu adopan ni Debata, : Ale Tuhan Debata, Pargogo na so
hatudosan jala Amanami! Hujou hami do GoarMu na badia i, ala na
targogot hami marningot dosanami. Sai marasi ni roha ma Ho mida
hami on: O Tuhan Jesus Kristus, Anak ni Debata na gabe jolma ala ni
hami,
R : Ale Tuhan Debata, dipatuduhon Ho do asi ni rohaM di hami angka
jolma na tinompaM. Na di suru Ho do AnakMu nasasada i, ro
manopot hami na mian dope di pardangolan on. Mansai godang
tutu angka dosanami di adopanMu, jala hamatean do jambarnami
aut unang ala ni asi ni rohaM di hami. Ale Tuhan, ajari ma hami
paubahon rohanami marningot naung hinaholonganMu hami
dibagasan Jesus Kristus na tubu tu portibion laho paluahon hami.
U : Asi ma rohaM di hami, sai patongtong ma di hami roha hamauliateon tu
Ho. O Tondi Parbadia, pangapul di na marsak roha, pamalum ma
saluhut na bernit, binahen ni dosanami! Ro ma Ho mangingani hami,
11
 asa marlas ni roha hami mangulahon lomo ni rohaM. Ho do parhitean
ni nasa asi ni roha, sai uang tulak hami.
R : Ale Tuhan Debata, Asi ma rohaM di hami, sai paloas ma hami
marnida hapataranMu di bagasan AnakMu Tuhan Jesus Kristus
na tubu di bara Betlehem. Ungkap ma rohanami saluhutna asa
tubu Jesus i dibagasan rohanami, asa tung muba roha dohot
pingkirannami, gabe hu oloi hami Ho ganup tingki.
U : Ale Tuhannami, ndang adong na hupangasahon hami dungkon ni asi ni
rohaM; hatigoran na pinatupa ni AnakMu do na hupangasahon hami tu
joloM. Dibahen i pasonang jala apuli ma hami angka na hinophop ni
Tuhan Jesus Kristus, Tuhannami. Amen. Bagabaga ni Debata
taringot tu hasesaan ni dosa: Songon on do panghaholongi ni Debata
di portibi on, pola do AnakNa na sasada i dilehon, asa unang mago
ganup na porsea di Ibana, asa hangoluan na saleleng ni lelengna di
ibana. Hasangapon ma di Debata di ginjang!
R : Amen. (Hundul)
08. Marende BE No. 608 : 4 O BETLEHEM NA METMET I
 O Anak na badia i ro Ho tu hami be. Bongoti daging tondi i parbadiai
sude. Barita na ummuli hutangi hami be. Sorang ma Ho di ngolungki,
ale Immanuel.

09. E P I S T E L :
U : Tajaha ma Hata ni Debata turpuk ni ari Pesta Natal - I, i ma na tarsurat
di Psalm. 98 : 1 - 9, “Endehon hamu ma di Jahowa ende na imbaru
sada, ai nunga dipambahen Ibana angka halongangan; nunga ditumpahi
siamunNa i dohot tanganNa na badia i Ibana.
R : Nunga dipabotohon Jahowa hatuaonNa i, nunga dipapatar Ibana
hatigoranNa i di adopan ni angka parbegu.
U : Nunga diingot Ibana asi ni rohaNa dohot hasintonganNa tu bagas ni
Israel, nunga diida luhut ujung ni tano on hatuaon ni Debatanta.
R : Marsuraksurak ma ho, ale sandok tano on, mangolophon Jahowa,
pangiar ma soaram marolopolop, jala marende ma hamu.
U : Puji hamu ma Jahowa, marangkup arbap, mardongan arbap dohot soara
ni ende!
12
 R : Marolopolop ma hamu di jolo ni Raja Jahowa, mardongan sarune
dohot soara ni sangka.
U : Mardorom ma laut ro di isina, portibi on ro di pangisina i.
R : Martopaptopap ma angka batang aek, rap marolopolop ma angka
dolok.
U : Dijolo ni Jahowa, ai nunga ro Ibana laho manguhum tano on,
uhumonNa ma portibi on marhitehite hatigoran dohot angka bangso
marhitehite hasintongan. I do sahatna: Martua ma angka na
tumangihon Hata ni Debata jala na umpeopsa. Amen.
10. Marende BE No. 597.b : 1 - 2 BARITAHON DI DOLOK
 Baritahon di dolok di rura di sude inganan, Baritahon di dolok naung
tubu Kristus i. Ro do surusuruan tu ladang Efrata. Mandapothon
parmahan tompu mansai torang.
 Mabiar do Parmahan tu pardisurgo I (Jongjong)
Angka suru-suruan marende borngin i. Baritahon di dolok di rura
di sude inganan,Baritahon di dolok naung tubu Kristus i.

11. MANGHATINDANGHON HAPORSEAON:

U : Tahatindangkon ma haporseaonta i, songon na hinatindangkon ni
donganta sahaporseaon di sandok portibi on. Rap ma hita mandok:
R : Ahu Porsea….. (Hundul)

12. TINGTING + TANGIANG PANGONDIANON

13. Marende BE No. 614 : 1--- RO MA HO TU AU (Pel. IA-IB)

 Ro ma Ho tu au o Jesus Tuhanki, Sian banua ginjang tu rohangki,
Ro ma Ho tu au o Tuhan Sipalua i, Dame binoanMu ndang natarasam
i, o Tuhanki.
 Asi ma rohaM di au O Tuhanki, Sai jalo ma tangiang nang
endengki.
Songon si Maria ina na martua i,Baen nang au martua ala
haroroMi, O Tuhanki.
----Musik----
13
  Ende ni suruan pardisurgo i,Binege ni parmahan di ladang i.
Nunga tubu Raja Kristus Sipalua I. Di huta Betlehem peak di bara i, O
Tuhanki.
 Nang parhapistaran sian purba i,Manungkap do marsomba tu
Tuhan i.Sere dohot na angur ro di haminjon i,Dipelehon tu Ho
Raja na sorang i, O Tuhanki.

14. JAMITA: Heber 1 : 1 – 4

15. Marende BE No. 605 : 1--- LAS MA ROHAM (Pel. II tu Pusat
HKBP)
 Las ma roham Tuhanta ro, Gumomgom sasude ungkap roham,
Jangkon rajam marende ma sude, Marende ma sude, marende,
Marende ma sude.
 Tano nang laut, harangan i nang awang-awang i,Hauma i, nang
sunge i, olophon Raja i,Olophon Raja i, olophon, olophon Raja i.
----Musik----
 Bura binaen ni dosa i, marujung ma disi, Ai nunga ro Mesias i,
mamboan dame i, Mamboan dame i, mamboan, mamboan dame i.

16. Tangiang Pelean- Agenda- Ale Amanami-Pasu Pasu

14