Di HKBP DR.IL. Nommensen Sigumpar Topik Minggu : “HADAMEON DOHOT hASADAON” Minggu, 18 Juli 2021 1. Martangiang Na Hohom
2. Marende BE No. 112: 1-2 “ SANGAP DI JAHOWA” BL. 206
Haleluya Tapuji ma Amanta Tuhan Debata dibaen denggan basaNa. Sai tong girgir ma hita be pasangap Debatan tai dibaen asi rohaNa. Sangap, sangap, hagogoon, hatoguon, hapistaran, di Amanta na diginjang. (Jongjong) Haleluya! Di Jesus i talehon hasangapon i, nang pe pujipujian. Dilehon do mudarNa i mamuri hita sasude, parade hatigoran. Denggan, denggan parsaoranta tu Tuhanta, badiaNa, songgop do tu huriaNa.
3. VOTUM – INTROITUS – TANGIANG:
U : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Songon on do Hata ni Tuhan Jesus: Martua ma angka na mauas ale mida hatigoran, ai pabosuron do nasida. Martua ma angka na ias tondi, ai idaonnasida do Debata. Haleluya ! R : (Mangendehon): Haleluya, Haleluya, Haleluya! U : Martangiang ma hita: Ale Tuhan Debata, Amanami na di banua ginjang! Sai lehon ma tu hami roha na togu, na badia, pingkiran na denggan dohot roha na ringgas pasauthon ulaon na denggan. Sai lehon dame tu hami asa sonang hami mangolu di bagasan pangondingiM, sai marsigantung tu HataM ma hami maradophon saluhut musunami. Sai ramoti jala pargogoi ma hami marhitehite Tuhan Jesus Kristus Tuhannami. Amen. ....Hundul...
4. Marende BE No. 26 : 2 “DITOGU TUHAN JESUS AU” BL.180
Ale Tondi sipardame sai bongoti hami be. Sai pasada rohanami, gok parbue baen sude. Lam patinggil pinggolnami tumangihon dasdasMi; asa ganda ringgasnami pararathon hataMi. 5. PATIK: U : Tatangihon ma Patik ni Debata di Minggu VII Dung Trinitatis sadarion, i ma PATIK V-X :……. (Antong rap mangido gogo ma hita sian Tuhan Debata). R : Ale Tuhan Debata, sai pargogoi ma hami mangulahon na hombar tu PatikMi. Amen.
6. Marende BE No. 504: 1 “DITOGU TUHAN JESUS AU ”
BL. 344 (Jongjong) Gomos ditiop tanganhi so tung na silap langkangki. Di nasa parsorionhi, Ibanada haporusanhi. Ditogutogu Jesus au, tanganNa sai maniop au. Tongtong ma siseanNa au, paima biu tu surgo lao.
7. MANOPOTI DOSA DOHOT BAGABAGA NI DEBATA:
U : Tatopoti ma dosanta na godang i tu adopan ni Debata, martangiang ma hita: Ale Tuhan Debata, Ama ni Tuhannami Jesus Kristus, Ho do Debata pargogo na so hatudosan, sitompa nasa na adong, paruhum na tigor, na manguhumi jolma manisia! Na ro do hami tu joloM manopoti dosanami, angka na huula hami marhite sian pangalaosionnami di PatikMu, i ma marhite sian tubutubu ni rohanami na roa i, nang sian panghataionnami na so ture, ro di pangoloionnami di hisaphisap ni rohanami. Na tama situtu do hona uhum hami ala ni dosanami i, alai na tarsolsol bagi do hami nuaeng ala ni i. Asi ma rohaM di hami, ale Debatanami. Pardengganbasa jala Parasi roha do Ho ala ni Anak haholongan ni rohaM, Tuhan Jesus Kristus Tuhannami. Sai sesa ma dosanami saluhutna, jala suru ma Tondi Parbadia tu rohanami be, asa tarbahen hami mangoloi Ho di bagasan hatigoran dohot habadiaon, gabe sahat hami tu hangoluan na so ra suda, na pinarbagabagaM di angka na porsea di AnakMu, Tuhan Jesus Kristus, Tuhannami. Amen R : (…..Holan Musik….): BE 686:1 “ RAMUN DO AU ” U : Bagabaga ni Debata taringot tu hasesaan ni dosanta: Parasi roha jala pardengganbasa do jahowa, lambat tarrimas jala Parasiroha godang. Ndang dibahen tu hita hombar tu angka dosanta, jala ndang dibalashon tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana.Hasangapon ma di Debata na di ginjang! R : Amen. (Hundul) 8. Marende BE No. 481 : 3 “ GODANG DOPE ” BL. 325 Tatiru holong ni rohaNa i, pinatuduhon ni Tuhanta i. Tahahaholongi ma donganta i, ai ruas ni Tuhanta do nang i. Mardame ma, marsijalangan ma; tatuju ma solhot tu Debata. 9. E P I S T E L: U : Tabege ma Hata ni Debata turpuk ni ari Minggu on i ma na tarsurat di 1 MUSA 32 : 13-21 Laos marborngin disi do ibana sabornginna i; dung i dipambuat ma nasa na dapot tanganna bahen sileanlean tu si Esau, hahana i. R : Dua ratus hambing boruboru, jala dua pulu hambing tunggal, dua ratus birubiru boruboru, jala dua puluh birubiru tunggal. U : Tolu pulu unto panusuan rap dohot anakna, opat pulu lombu jala sampulu jonggi, dua pulu halode boruboru rap dohot anakna sampulu. R : Dung i dipasahat ma tu tangan ni angka naposona, pulik be saparduan, jala didok ma mandok angka naposona i: “Pajolo hamu ma taripar, jala marholangholang bahen hamu saparduan.” U : Dung i ditonai ma parjolo i, ninna: “Molo pajumpang ho dohot dahahang si Esau i, jala disungkun ho, naposo ni ise do ho, jala tu dia ho laho, jala ise nampuna on angka na di jolomon?”. R : Dohononmu ma: “Si Jakob naposomi do nampunasa, silehonlehonna do i, tinongosna tu rajangku, si Esau i, jala ida, ihut dohot ibana di pudinami.” U : Suang songon i ditonahon dohot tu na paduahon i dohot tu na patoluhon i dohot tu sude angka na mangadu angka parduan i, ninna ma: “Hatangku ondeng madok hamu tu si Esau, molo tung pajumpang hamu dohot ibana: R : Ihut di pudinami dohot si Jakob naposomi, i ma dok hamu.” Ai ninna rohana do:”Padengganonhu do rohana marhitehite silehonlehon na niadu di jolongku, dung i pe asa idaonhu bohina, anggiat mira bohina marnida ahu. U : Jadi taripar ma silehonlehon i di jolona; marborngin di parsaroan ianggo ibana sabornginna i. I do sahatna: Martua do angka na tumangihon Hata ni Debata jala na umpeopsa. Amen. 10. Marende BE No. 309: 2 “ RAPHON TUHAN JESUS I ” BL.164 (Jongjong) Ganup sogot ingkon do Jesus Jouhonmu. Asa urupanNa ho di siulaonmu. Ai arian, borngin pe, naeng ho dongananNa. Dosami pe sasude, naeng taluhononNa.
11. MANGHATINDANGHON HAPORSEAON:
U : Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok: Ahu Porsea…..
12. Tingting + Tangiang Pangondianon :
13. Marende BE No. 277 :1 “ MARSADA ROHA HITA ”
BL. 153 Marsada roha hita sitanda Jesus i. Tatiop tong jamita pasonang roha i. Sai pir tondinta be, sada tongtong rohanta; mangihut Tuhanta, sihophop sasude.
14. JAMITA: EPESUS 2 : 11 – 22.
15. Marende BE No. 564: 1… “LAS MA ROHANTA DI TUHANTA
DEBATA” (Pel. Ia, Ib Tu huria, Pelean II tu Hatopan) Las ma rohanta di Tuhanta Debata, las ma rohanta di Tuhanta Debata. Las ma rohanta di Tuhanta Debata, haroroan ni hagogoon i. Parasiroha do Jahowa Debata, parasiroha do Jahowa Debata. Parasiroha do Jahowa Debata, parasiroha manang hita on. ............MUSIK............ Pardengganbasa do Tuhanta Debata, pardengganbasa do Tuhanta Debata. Pardengganbasa do Tuhata Debata, pardengganbasa ma nang hita on. Dame ni Debata saor tu hita on, dame ni Debata saor tu hita on. Dame ni Debata saor tu hita on, sibaen dame ma nang hita on.