Ep: Psalmen 107:17-22 Ev: Johannes 3:22-30 ===================================================================================================
PATUT NIAN JESUS LAM GANDA, LAM MORU MA ANGGO
AHU/YESUS HARUS MAKIN BESAR, TETAPI AKU HARUS MAKIN KECIL 1. VOTUM P: Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na manompa langit dohot tano on,dipasaor ma dameNa tu tondinta Amen. (Rap ma hita mandok tangianta i) J: Ale Jesus Tuhannami, bereng hami na dison, pinarmahanMi do hami saluhutna na dison,sai asi rohaM di hami,sai pangolu hami on.Amen 2. Marende BE. No.822: 1-2 “Sadarion” Sadarion, sadarion jinadihon ni Tuhan Debata. Rim ma hita, rim ma hita marlas ni roha, marlas ni roha. Sadari on ari ni Tuhan, rim ma hita marlas ni roha. Sadari on, sadari on ari ni Tuhan. Ari Senen, ari S’lasa jinadihon ni Tuhan Debata. Ari Rebo, ari Kamis jinadihon ni Tuhan Debata. Ari Jumat, ari ni Tuhan, ari Sabtu ari ni Tuhan. Ari Minggu, ganup ari, ari ni Tuhan. 3. INTROITUS P: Marlas ni roha ma hamu rap dohot Jerusalem. J: Jala marolopolop mida ibana sude hamu ale angka na holong roha di ibana P: Marlas ni roha situtu ma rap dohot ibana sude hamu ale angka na marsak roha mida ibana na sailaon. J: Antong, ale angka dongan, adong do di hita hiras ni roha, P: laho bongot tu bagasan na badia i, di bagasan mudar ni Jesus. J : Ai dibungka do di hita dalan na imbaru jala na mangolu, sian rimberimbe i, I ma dagingna i. P: Jala adong do di hita malim na bolon sigomgom bagas ni Debata , Martangiang ma hita : Ale Tuhan Jesus Kristus Sitobus hami jala na padomuhon hami tu Debata Ama na di banua ginjang i, Mauliate dohot pujipujian ma husombahon hami tu Ho, ala olo Ho manadinghon hasangaponMu jala manaon na porsuk laho manghophop hami pardosa on. Sai parohai ma hami asa huingot jala huhangoluhon hamiarga ni panobusionMu di hami, gabe boi hupatupa hami lomo ni rohaM. Sai patongtong ma haporseaon dohot holong na nilehonMi di hami, asa hupangke hami I mangihuthon Ho dibagasan ngolu nami. Marhitehite Jesus Kristus Tuhan nami.Amen. Didongani Tuhan Debata ma hita on saluhutna, Amen Haleluya, haleluya, haleluya.. J : (mangendehon) : Haleluya ………3x P : Singakat ni Patik : Psalmen 32:11 4. KOOR PPR Ina Maria 5. Marende BE. No.125:3-4 “Marlas ni roha hita on” Alai taingot ma huhut mambaen sangap tongtong. Barita ni Tuhanta i marhite parangenta i. Di jolo ni donganta i, Di atas tano on, di atas tano on. O Jesus, tatap hami on, sai pargogoi sude. Marhitehite TondiMi pasauthon angka patikMi. Mambaen rarat baritaMi, Di nasa jolma pe, di nasa jolma pe. 6. Tangiang Manopoti Dosa P : Ale Debata Ama nami na di banua ginjang, pardengganbasa do Ho, jala ro di salelenglelengna do asi ni rohaM. Di bagasan unduk ni roha do hami nuaeng ro tu Ho pasahathon dirinami dohot tondinamina gok dosa on. J : Marende BE.NO.182 : 1 Tu joloM o Debatangku, sai use do rohangkon. Sai pasiat tangiangku dohot iluilungkon. P: Jotjot do hami manimbil sian hasintongan ni HataM, jala sai dirinami dohot sangkapsangkap ni rohanami sandiri do gumodang hula hami di bagasan ngolunami nang di tongatonga ni huriaM i. Na tarsolsol bagi do hami nuaeng marningot saluhutna angka pambahenannami i. Huhilala hami do, na so tau hami dapotan haluaon dohot hatigoran di adopanMu. J : Marende BE.No.182:2 Husolsoli do rohangku na gok dosa i tongtong. Ai godang ariaringku na hubahen ambolong. P: Alai na maporus ma hami tu Ho mangido sian asi ni rohaM na balga i. I do na hupangasahon hami umbahen huhabaranihon hami tu joloM marhatopothon saluhut dosa dohot pambahenannami na hurangi. Asi ma rohaM di hami, sai sesa ma saluhut dosa na huulahonhami maradophon ho dohot dirinami sandiri, marhitehite mudar ni AnakMu, Tuhan Jesus Kristus, sipalua hami, Amen. J : Marende BE. No.182:4 Ala nii tungki rohangku jongjong di adopanMi. Sai asi rohaM Tuhanku, sesa nasa dosangki. P: Tabegema bagabaga ni Debata taringot tu hasesaan ni dosanta: Unang ho mabiar ai Ahu do siluluhon ho; nunga pola hujou goarmu, Ahu nampuna ho. Ahu tutu, Ahu sandiri manalesei angka pangalaosim ala ni Ahu jala ndang be hupaingotingot angka dosam. Hasangapon ma di Debata na di ginjang P+J : Amen 7. KOOR PPR Ina Maranatha 8. Marende BE. No.681: 2-3 “Ale Amang Asi RohaM” Amang sai pargogoi ma au di hasiangan on. TondiM pasaor tu tondingkon, pamalum rohangkon. Sai usehon, sai usehon TondiMi tu au, Asa monang maralohon parungkilon au. Mauliate ma di Ho o Tuhan Debata. Sai jalo ma au on muse tu surgo banuaM. Asa sonang, asa sonang raphon Ho disi. Pujionku ma goarMu salelengna i. 9. Epistel: Psalmen 107: 17-22 (Ojahan 21) 10. KOOR PPR PARARIKAMIS 11. Marende BE. No.11: 2+5 “AHA Ma Endehononhu” Sai sungguli ma rohangku, mangendehon gogoMi. Dohot asi ni rohaMu, ro di habasaronMi. Ai i do dihatindangkon tondi dohot pamatangku. Ala ni hupuji Ho tung marribu hali do. Sai patogu ma rohangku pasangaphon goarMi. Dohot haporseaonku, asa tu gandana i. Sai pamasuk ale Tuhan, tondingki tu hangoluan. Mangendehon sangapMi salelenglelengna i. 12. Manghatindanghon Haporseaon 13. KOOR PNB 14. Marende BE. No.30: 1... “Jesus Lehon Hatorangan” (Pel I & II) Jesus lehon hatorangan, hapistaran mangantusi hataMi. Lehon mata na marnida dohot roha na umboto dalanMi. Asa tongtong maradophon bohiMi mardalan hami. Asa digomgomi TondiMi ma hami. Ganup ari ma ajari hami na di haotoon i dope. Asa lam porsea hami Ho sambing do hangoluannami i. Lam lumeleng lam pasolhot tu rohaM ma rohanami. Hombar tu HataM ma pangalahonami. ----------Musik------------ Sai martua ma nasida na mambahen Jesus haposanNa i. Aut tung sura olo hita Jesus i baen parsigantunganta i. Ale Jesus sai patogu hami na di parporangan. Asa dapot di ujungna hamonangan. Sai tangihon ale Tuhan molo martangiang hami be tu Ho. Pasupasu marlobian lehononMu tu na ro manopot Ho. Sai dongani nama hami asa hot di parpadanan. Mian hami sahat ro tu hasonangan. 15. JAMITA: JOHANNES 3: 22-30 16. KOOR PA 17. Marende BE. No.725: 2-3 “AI SITIRUON DO HULEHON TU HAMU” Songon Tuhanta tabaen parrohaonta, Patoru diri lao manghophop hita jolma. Ita patuduhon ma serep ni rohanta be, Di panghobasionta di huria nang bangsonta.Reff: Asa pasupasu ho di ngolu ni Huria, Jala pasupasu Ho di ngolu ni bangsonta. Tahangoluhon ma hata ni Tuhanta, Asa tau tiruan ma di angka na porsea, Di panghataion nang di holong ni roha pe, Tiruan di parange tu na humaliang hita. Reff: Asa pasupasu ……… 18. Tingting & Tangiang 19. Marende BE. No.476: 1... “Ndada Au Guru Di Au” Pel III Ndada au guru di au be, Jesus do nampuna au. Las rohangku dung hubege, Jesus sipangolu au. Reff: Ndang be au guru di au. Jesus na humophop au, nampuna au. Tung saleleng au mangolu, Jesus do nampuan au. Ndang di au, di Tuhan Jesus, daging dohot rohangki; Saluhutna hupasahat tu Ho, Jesus Tuhanki. Reff: Ndang be au……. -----------Musik------------- Ulaonku nang artangku pangke ma baen sangapMi. Diusehon Ho mudarmu tung tanda do holongMi. Reff: Ndang be au……. Naung tarsurat do goarhu dibaen Ho tu tanganMi. Laos hupuji ma goarMu salelenglelengna i. Reff: Ndang be au……. 20. DOA PENUTUP + BERKAT