PARTORDING NI PARMINGGUON

HASASAOR NI TONDI (PENTAKOSTA)

HKI RESORT AIR HIDUP
DAERAH VI SUMATERA TIMUR II
MINGGU, 28 MEI 2023

“JALO HAMUMA TONDI PORBADIA”

I. PENGANTAR IBADAH : (U=Uluan, R=Ruas)

U : Horasma di hamu ruas ni Huria, angka anak ni Debata! Selamat ari pesta
Pentakosta!
R : Horasma nang di hamu naposo ni Debata. Selamat ari pesta Pentakosta ma tutu.
U : Sadari on tapestahon do ari hasasaor ni Tondi Porbadia. Pinuji ma Debata na olo
pasaorhon TondiNa na Badia i tu hita jolma. Tapungka ma parmingguonta laho
pasangap Debata, taparade ma dirinta laho manjalo Tondi ni Tuhan Debata,
taendehon ma “Ungkap Bahal Na Umuli” :
U+R : Mangendehon BE No. 18:2 “Ungkap Bahal Na Umuli”
Nunga ro au o Tuhanku, ro ma Ho tu au muse.
Ai dibagas ingananMu las ni roha do sude
Sai bongoti rohangkon, baen ma joroMi dison

II. IBADAH:
1. VOTUM – TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia na manompa langit dohot tano on, dipasaorma
dameNa tu tondinta. Amen. Rap ma hita mandok tangiangta i :
U+R : Ale Jesus Tuhannami, bereng hami na dison, pinarmahanMi do hami saluhutna na
dison. Sai asi rohaM di hami, sai pangolu hami on. Amen.

2. MARENDE: BE. NO. 108: 1 – 3 “BAEN MA GABAGABA”

1. Baen ma gabagaba dohot bungabunga nang pelean i
Ai nuaeng ma jumpang ari parningotan Pentakoste i
Haroro ni Tondi do ima Tondi Parbadia, masuk tu huria
2. Jangkon ma Ibana, ai asi rohaNa ro tu hita on
Asa sondangonNa tiur bahenonNa parrohaon tongtong
Jangkonma Ibana da asa lao sude arsakmu, nang pardangolanMu
3. Tondi pangapuli, sahap na umuli di sisean ni
Tuhan Jesus Kristus, ro ma Ho, pabulus tongtong langkangki
Di na lao tu surgo au, pargogoi ma au pamonang, sahat tu na sonang

1
3. AYAT – TANGIANG :
U : Jala lehonongHu tu hamu roha na imbaru dohot tondi na imbaru tubagasan
ateatemuna; jala unsatonHu do roha batu sian dagingmuna, jala lehononHu tu
hamu roha sibuk. Jala lehononku ma tondingHu tu bagasan ateatemuna, jala Ahu
mambahensa, asa marparange hamu di bagasan angka patikHu, angka uhumHu pe
radotan jala patupaonmuna do.
Martangiang ma Hita:
Ale Tuhan Debatanami, nunga diusehon Ho TondiM Tondi Porbadia i,
manondangi jala mangajari roha ni angka na porsea di HataM. Sai buhai ma
rohanami asa gok dame, jala margogo hami pararathon Barita na uli tu sandok liat
portibi on. Asi ma rohaM, tongtong ma dongani hami marhitehite TondiMi. Amen.
Didongani Tuhan Debata ma hita saluhutna. Amen, Haleluya..
U+R : (mangendehon) Haleluya, haleluya, haleluya

4. SINGKAT NI PATIK : 2 TIMOTIUS 1 : 6 - 7

U : Ala ni i hupaingot ho, asa diparatarata ho silehonlehon ni Debata, na tu ho i, di na
huampehon tanganki tu ho. Ai dilehon Debata do tu hita tondi hagogoon, tondi
haholongon, tondi pangarajaion diri, ndada tondi hatahuton.
U+R: Ale Tuhan Debata Sai pargogoi ma hami mangulahon na hombar tu HataMi.
Amen.
5. MARENDE BE. NO. 102:1+3 “O TONDI PARBADIA I, BONGOTI”
1. O tondi, Parbadia i, bongoti rohanami be, ro Sipatiur roha
O sondang sian Surgo i, sondangi rohanami be, tu halalas ni roha
Asa, masa, patupahon pinodahon ni hataMu, Sai tu hami ma rohaMu (Jongjong)

3. Sai pargogoi ma hami on, mangihutihut hataMon, di pardalanannami

Haporseaonnami be, tambai tung masa aha pe bernit taononnami
Tatap, tatap, sude hami, rohanami pasonangkon, Hajolmaon hamonangkon
6. TANGIANG MANOPOTI DOSA:
U : (Mangendehon BE. No. 424:1)
Soara ni Tondi ni Tuhanta i jotjot dilaosi ditulak ho i
Sai tanda jeamu, pauba roham. Dapothon Tuhanmu sisesa dosam.
R : Ale Tuhan Jahowa, Debatanami. Debata na songkal jala na Badia. Na ro do hami
marhatopothon tu adopanMu, pardosa do hami sian hatutubunami. Tung saluhutna
do hami mardosa jala dang dapot pujion hami di Debata. Sai jumpang do di hami
roha na maniti ari, mangido tu sumangot ni ompu, mangido tu hagogoon ni portibi
angka na maralo tu hatam, ala didok rohanami hurang hatop Ho ro mangurupi
hami.
U : (mangendehon BE. No. 424:4)
Tarsor ho mardosa manurut lomom, tung unang datdati, sai alo langkam
Dompakhon Tuhanmu, Pargogo do i, manesa pamalum sude dosami

2
R : Ale Jesus, Tuhan, Sipalua hami! Tatap ma hami angka pardosa on. Ai jotjot do
hami mangasahon dirinami. Hatophatop dope hami marrimas tu dongannami,
mamurai na mambahen hansit roha ni dongannami. Maol hami manesa dosa ni
dongannami. Ndang diulahon hami songon napinatikonMu tu hami, asa mardame
jala masihaholongan hami sama hami, asa tandaon ni jolma na siseanMu hami.
Ale Jesus, sesa ma dosanami!
U : On do hata ni Jahowa, taringot hasesaan ni dosanta, “Nunga pola hupasisi
songon ombun angka pangalaosim, jala songon ombun manorop angka dosam. Sai
mulak ma ho tu Ahu, ai Ahu do sipalua ho”. Hasangapon ma di Debata na di
ginjang.
U+R: AMEN (hundul)
7. KOOR
8. MARENDE BE. NO. 464:1+3 “HUBOAN MA DIRINGKU”
1. Huboan ma diringku, Tuhan hibul tu Ho.
Ai au do tinobusMu, umbaen tarbaen au ro
Pagalak ma rohangku, dison managam au.
TondiMi ma suru, na boi manggomgom au
3. Ias do au diburi Ho ale Tuhanki. Naeng dohot parulanku hombar tu hataMi
Pagalak ………………..
9. EPISTEL : 1 SAMUEL 10:6-13
10. KOOR
11. MARENDE BE NO. 466 : 3 - 4
3. Sai sahaphon tu tondingku, Tondi Parbadia i
JoroMi ma baen rohangku, sai ingani diringki
Hatuaon i, las ni rohangki. Ai hibul do hupelehon nasa diringki (Jongjong)
4. Sai gok Tondi ma rohangku, mate roha diri i
Angka arta sian tano, ndang tusi be rohangki
Hatuaon i …………..
12. MANGHATINDANGHON HAPORSEAON
13. KOOR
14. MARENDE BE. NO. 461: 1 – 3 “SONGGOP TU HAMI (P. Pelean 1&2)
1. Songgop tu hami na di joloMon, o Tondi ni Debatangki.
Uhir patikMu tu rohangkinon, o Tondi ni Debatangki.
Bereng siholhu diharoroMi, Molo Ho ro nda hisar tondingki.
Didihonma tu au on apiMi o Tondi ni Debatangki.
2. Suru Tondim paluahon au on, palua ma o Debata.
Bereng dagingku, tondingku dison Palua ma o Debata.
Dao ma pangambat di soaraMi, hisap ni daging sandok diringki.
Na mangarsahi tongtong TondiMi, palua ma o Debata.
……MUSIK……
3. Lehon HataM, ima tau podangki, Debatangki na gogo i.
Asa sai talu sude musuMi, Debatangki na gogo i.
3
 Manghatindanghon tongtong goarMi, asa malua pardosa disi,
Asa dijanghon Tuhanta ma i, Debatangki na gogo i.
15. JAMITA : JOHANNES 20:19-23
Ende Sebelum Jamita “Hangoluan do Hatam”
Hangoluan do hataM, sibegeon nami, Ala asi ni roham, o Debata nami
HataMi na rade, bahen bohal nami, Sai patorang ma sude gabe ngolu nami.
Ende Ndung Jamita “ Pasupasu HataMi”
Pasupasu hataMi, sai suan tu rohangki, Asa marparbue i, ale Jesus Tuhanki
Sai martua jolma i, na umpeop hataMi, Tangiangku nama i, sahat tu tanganMi

16. KOOR

17. MARENDE BE NO 105 : 1-2 “RO MA TONDI PORBADIA”

1. Ro ma Tondi Parbadia, Debatangku situtu
Rohanami ma paria mangoloi hataM burju
Sai sondangi ma tongtong roha nami na holom
2. Lehon ma di rohanami hapistaran na sintong
Asa tung huboto hami marparange di joloM
Sian haliluon pe sai palua hami be
18. TINGTING + TANGIANG PANGONDIANON
19. MARENDE BE. NO 645:1-3 “RO MA HO PARASIROHA” (P.PEL. 3&4)
1. Ro ma Ho parasiroha sai pagirgir rohangkon
Mangendehon dengganbasa nilehonMu di au on
Tiruonhu ma Suruan mangendehon sangapMi
Pujionhu Ho Jahowa partanobatoanhi
2. Namalua do tondingku ala hagogoonMi
Pos rohangku boanonMu diringkon tu Surgo i
Jesus sai lului au, atik tung na lilu au
Na dihophop Ho do ahu na mambaen mangolu au.
………………MUSIK………………
3. Ganup ari au marutang na so hagararan au.
Ndang tarasam denggan basa, na binaenMu na tu au.
Sai tarunjun do rohangku maninggalhon holongMi.
Sai sahapi ma rohangku ngolungki di Ho ma i.
20. TANGIANG PELEAN – ALE AMANAMI – PASUPASU
**************

Roh Kudus senantiasa menuntun kita kepada kebenaran.

Selamat Hari Pentakosta.

4
Tuhan Yesus Memberkati