ACARA IBADAH Model - A

HKIP agape RESSORT SIANTAR-I

MINGGU XV dung TRINITATIS

U : ULUAN R : RUAS
1. VOTUM
U Rim ma hita jongjong :
Marhitehite goarni Debata Ama, dohot goarni AnakNa Tuhan Jesus
Kristus, dohot goarni Tondi Porbadia na manompa langit dohot tanoon,
dipasaor ma dameNa tu tondinta. Amen.
Rap ma hita mandok hata ni tangiangta :
U+R Pasupasu hami, O’ Debata nami, sai sondanghon bohiMi, tu na pungu
on sude. Amen.
U Hundul ma hamu.
2. MARENDE B.E No. 23 : 1 – 2 “Jesus Hami Ro Dison”
1. Jesus hami ro dison Asa masihangoluan
I pe ro ma Ho tuson Jala baen ma pardomuan
Ni TondiM tu tondinami Unang mampar rohanami
2. Holom rohanami be Nang parbinotoannami
Molo so ro TondiMi Manondangi rohanami
Ingkon Ho do paturehon Dalannami sidegeon
3. INTROITUS
U Tung ise ma donganku diangka banua ginjang…! Jala dungkon ni Ho,
ndang adong dihalomohon rohangku ditanoon. Nangpe merus sibukku
dohot rohangku, sai Debata do partanobatoan ni rohangku jala
parjambaranku salelenglelengna.
Martangiang Ma Hita : Ale Tuhan Debata Amanami na dibanua
ginjang ! Hupangido hami tu Ho : Sai lehon ma Tondim na badia i tu
bagasan rohanami; Sai paian dibagasan hami asi ni roham dohot
hatigoran, na pinatupani AnakMu Jesus Tuhan nami.Sai ramoti hami
dihamamasa ni pangunjunan. Pargogoi ma hami mangulahon lomo ni
roham, asa lam marlas ni roha hami mida denggan ni pambahenanmu
dihami, marhitehite Jesus Kristus, Tuhannami. Amen.
U Didongani Tuhan Debata ma hita on saluhutna Amen.
Haleluya, haleluya, haleluya.
U+R (Rap mangendehon) Haleluya . . . Haleluya . . . Halelu . . u . . ya .
 U Tabege ma patik di Minggunta sadarion, i ma :
Patik VI – VIII Dohot Lapatanna
U Ima sahatna : Antong rap ma hita mangido gogo sian Tuhanta.
U+R Ale Tuhan Debata, sai pargogoi ma hami mangulahon na hombar tu
patikMi. Amen.
4. MARENDE B.E No. 115 : 1 – 2 “Tuhan Debata”
1. Tuhan Debata Sai ramoti ma, Daging dohot tondinami
I do pangidoannami, Sai pahipas be Hami on sude
2. Jesus Ho tutu Raja na burju, Sai palua tondinami
Sian pardosaonnami, Pasupasu be Hami on sude
5. TANGIANG PANOPOTION NI DOSA DOHOT BAGA-BAGA
U Rim ma hita Jongjong :
Ta topoti ma dosanta nagodang i tu Amanta Debata,
Martangiang Ma Hita : Ale Amanami jala Debatanami na dibanua
ginjang, Pargogo na so hatudosan ! Pardenggan basa do Ho, jala ro di
salelengni lelengna do asi ni roham. Sai marpamuati ma roham di
hajahaton nami. Jala sai unang be ingot angka dosanami ; ai jotjot do
hami mardosa maradophon Ho, jala jotjot do husung guli hami rimasmu,
marhite sian pangalaosion nami di hatam. Ale Tuhan Jahowa, sai unang
paingotingot pangalaosion nami i, unang alang asi ni roham, sai urupi ma
hami, Ho ale Tuhan Debata hatuaon nami, palua hami jala sesa dosanami,
alani Anakmu Tuhan Jesus Kristus, Tuhan nami. Amen.
U Tabege ma bagabaga ni Debata Taringot tu Hasesaan ni dosanta :
Molo tung adong manang ise na mardosa, adong do pangondianta di Ama
i, ima Tuhan Jesus Kristus na tigor roha i. Jala Ibana do pardengganan
taringot tu dosanta, alai ndada holan taringot tu dosanta, dohot do
taringot tu dosa ni saluhut portibion.
U Hasangapon ma di Debata na diginjang!
U+R Amen
U Hundul Ma Hamu.
6. MARENDE B.E No. 417 : 1 “”Rade Situtu Haluaon”
1. Rade situtu haluaon, na naeng tangkuponmu antong
Rade nang di ho hatuaon, si halashononmu tongtong
Bernit do ditaon Tuhanmu, Pasaehon dosam sasude
Tung unang paujat Ibana, Sai jangkon panghophopNa i
7. MANJAHA EPISTEL
U Epistel di minggunta sadarion tarsurat di : 1 Musa 50 : 15 – 21
Songon na somal marresponsoria ma hita manjaha :
U Ima sahatna : Martua ma na umbege hata ni Debata, jala na umpeopsa.
Amen.
8. MARENDE B.E No. 181 : 1 “Ndang Na Tarpaboa”
1. Ndang na tarpaboa asi roha ni, Debata Jahowa mida jolma i
So tartimbang iba dosa i sude, Na binahenniba ganup ari pe
9. MANGHATINDANGHON HAPORSEAON
10. MARENDE B.E No. 186 : 1 “Jahowa Do HaposanHi”
1. Jahowa do haposanki Na mangapoi rohangku, Na patiurhon
dalanki Bulus dibaen langkangku, Sonang tongtong
Rohangkinon, Binaen ni Debatangku, PatikNa do lomongku
2. Na tau haposan situtu Do Ho, o Debatangku, Ai Ho do na
tongtong burju Mambaen hangoluanku, Na gogo Ho
Sai tulus do, Sinangkap ni rohaMu, Pasaut na pinungkaMu
11. TANGIANG PANGONDIANON
12. MARENDE B.E No. 826 : 1 . . . “Gohi Au Tuhan”
Pelean I + Pelean II
1. Gohi au Tuhan marhite HataMi
Gohi au Tuhan marhite HataMi
Songon hudon na rumar do au Tuhan di sumurMi
Gohi au Tuhan marhite HataMi
2. Gohi au Tuhan marhite HataMi
Gohi au Tuhan marhite HataMi
Na mauas do tondingku O Tuhan di HataMi
Gohi au Tuhan marhite HataMi
>>>>>>>>>> ELECTONE/KEYBOARD <<<<<<<<<<
3. Gohi au Tuhan marhite HataMi
Gohi au Tuhan marhite HataMi
Asa tang jala matoras au marhite HataMi
Gohi au Tuhan marhite HataMi
13. EVANGELIUM
a. Martangiang
b. Manjaha Ayat Ni Turpuk Ni Jamita : 1 Korint 4 : 1 – 5
c. Dung Dijaha, Marende “Hatami Ale Tuhanku”
Hatami Ale Tuhanku, Hata Hangoluan I
Sai Parade Ma Rohangku Laho Manangihon I.
Hatani, Tuhanki, Las Ni Rohangki Do I
d. Dipatorang Ma Jamita I
e. Dung Dipatorang, Marende “Dung Hutangihon, Hatana I”
Dung Hutangihon, Hatana I Tondingku Sonang Las
Rohangki. Sai Pujionku, Tuhanta I. Ala Hatana Las Rohangki.
Tabaritahon Holongna I, Didia Tuhan Tudoshon I.
Tuk Manumpahi Tarlobi Da. Sasada Jesus Pinuji Ma.
f. Martangiang
14. MARENDE B.E No. 720 : 1 . . . “Naeng Marsinondang Ngolungku”
Pelean III + (Pelean IV Tu Jolo)
1. Naeng marsinondang ngolungku diigil Jesus i
Manang didia pe ahu tongtong huingot i
Tiur marsinondang, Ido niigil ni Jesus
Tongtong marsinondang, Panondang do au tutu
2. Ingkon hobas mangurupi, angka na gale i
Jala burju manghobasi songon Tuhanta i
Tiur marsinondang, Ido niigil ni Jesus
Tongtong marsinondang, Panondang do au tutu
>>>>>>>>>> ELECTONE/KEYBOARD <<<<<<<<<<
3. Tuhan urupi ma ahu, sai jaga rohangki
Asa marsinondang ahu, Ho naeng tiruonki
Tiur marsinondang, Ido niigil ni Jesus
Tongtong marsinondang, Panondang do au tutu
4. Naeng oloanku Tuhanku, saleleng ngolungki
Sogot di Surgo i, endengku pasangap Tuhan i
Tiur marsinondang, Ido niigil ni Jesus
Tongtong marsinondang, Panondang do au tutu
15. AGENDA PANUTUP
Patik Paonomhon
Unang ho mamunu
Dia do lapatan ni i?
On do: Ingkon dihabiari rohanta Debata jala ingkon holong rohanta di
Ibana, asa unang hita olo mambahen sahitsahit tu nasa na mangolu,
ingkon roha pangoluhon do rohanta di nasa na mamngolu.

Patik Papituhon
Unang ho mangalangkup
Dia do lapatan ni i?
On do: Ingkon dihabiari rohanta Debata jala ingkon holong rohanta di
Ibana, asa toman rohanta jala porman dohot pangalahonta ro di hatanta,
ianggo angka naung marbagas i ingkon masiparhamaolan jala
masihaholongan.

Patik Paualuhon
Unang ho manangko
Dia do lapatan ni i?
On do: Ingkon dihabiari rohanta Debata jala ingkon holong rohanta di
Ibana, asa unang hita olo mandobo hepeng di dongan jolma manang
mambahen bisukbisuk mangalansumhon boniaga, ingkon sipagandaon ni
rohanta arta ni dongan jala siramothononhon.
RESPONSORIA 2 Tessalonik 3 : 5 – 7
5. Sai ditogutogu Tuhan i ma rohamuna tu holong ni roha ni
Debata dohot tu habengeton ni kristus i!
6. Alai mangasahon Goar ni Tuhanta Jesus kristus: Hupaingot
hami ma hamu, ale angka dongan: Sumurut ma hamu sian
ganup dongan, na so maradat di parange, na so mangihuthon
poda na jinalona sian hami!
7. Ai diboto hamu do, manang songon dia patut tiruonmuna
hami, ai ndada songon na so maradat hami di
tongatongamuna;
U Ima sahatna : Martua ma na umbege hata ni Debata,
jala na umpeopsa. Amen.