PERAYAAN NATAL STM

MARTABE

Thema : Tuhan sumber penghiburan.

(efesus 1 : 3 - 6.)
Sub Thema : Dengan semangat natal kita
Di pilih hidup Kudus.
I. PANGARADEON PANGHOBASION DI KONSINTORI.
II. PROSESI :
a. Dung mardalan barisan Prosesi masuk tu gareja, marende ma Song Leader BE. No. 853
“Haleluya (12x)”
b. Saluhut ruas jongjong jala manghuling giringgiring. Dung sahat di langgatan marliturgi
ma barisan prosesi.
A: Ahu do dalan i dohot hasintongan dohot hangoluan, ndang adong na sahat tu Ama
i, ia so marhite sian Ahu.
B: Ahu do panondang ni portibi on, na so tupa mardalan din a holom na mangihuthon
Ahu; di ibana do tahe panondang hangoluan.
C: Ahu do roti na mangolu na tuat sian banuaginjang, manang ise na manganthon roti
on, ido na mangolu salelengnilelengna.
D: Ahu do hau anggur i, hamu do ranting i. na mian dibagasan Ahu jala Ahu
dibagasan ibana, ima na marparbuehon godang; ai ndang tarula hamu agia aha,
anggo so mardongan Ahu.

Rap MANDOK : Ro ma hamu tu Ahu, hamu angka na loja jala na sorat, asa
hupasonang hamu, jangkon hamu ma auganghu, marguru ma hamu tu
Ahu, ai na lambok do Ahu jala na serep marroha, asa dapotan
hasonangan tondimuna. Ai lambok do auganghu jala neang do dohot
na hupaporsanhon.
III. KEBAKTIAN
1. MARENDE BE. No: 57:1+3
Nunga jumpang muse ari pesta I, hatutubu ni Tuhanta Jesus i.
Tuat do ibana sian surgo I, mebat tu hita on.
Hasanagpon di Debata, dame, dame ma di jolma
Las ni roha ni Debata hajolmaon muse
Somba nami ma di ho na tubu on, Ho siboan dame tu portibi on.
Sai pasaorhon ma tu rohanami on, dameMi o Jesus.
Reff: Hasangapon….du
Votum – Introitus :
U : Marhitehite Goar ni Debata Ama dohot Goar ni Anakna Tuhan Jesus Kristus dohot
Goar i Tondi Parbadia.
R : Amen.
U : Dung i gabe daging ma Hata i, jala maringanan di tongatonga ni hita on, jadi huida hami
ma hasangaponNa songon hasangapon ni anak sasada na sian Ama i, gok asi ni roha
dohot hatutuon. Haleluya.
R : (Mangendehon) Haleluya….Haleluya…..Haleluya.
U : Martangiang ma hita:
Ale Tuhan Debata, Amanami na di banua ginjang! Mandok mauliate do hami tu Ho, ala
ni godang ni asi dohot holong ni rohaM di hami; ai dibasabasahon Ho do AnakMu na
sasada i tu hami na di pardangolan on, asa marhitehite Ibana malua hami sian dosa dohot
sian hamatean saleleng ni lelengna. Hupangido hami tu Ho, sai sondangi ma rohanami na
holom i marhitehite sondang hatiuron na binoanNa i; angkup ni i sai parrohai ma hami,
 asa huboto hami mandok mauliate tu Ho, asa tarapul situtu rohanami ala naung manjalo
asi ni rohaM marhitehite AnakMu, Tuhan Jesus Kristus Tuhannami. Amen
2. MARENDE BE. No. 61 : 2 + 5 “ NA TAU LAS NI ROHA
♫♪♫
Tung godang do dosa pangunjunan pe.
Mangarsahi hita paima mate be, mangarsahi hita paima mate be. (Jongjong)
♫♪♫
Sai tarapul ahu Tuhan dibaen Ho.
Tua na tumimbul dame jumpang do, tua na tumimbul dame jumpang do.
3. MANOPOTI DOSA.
U : Ale Tuhan Debata, Pargogo na so hatudosan jala Amanami! Hujou hami do GoarMu
na badia i, ala na targogot hami marningot dosanami. Sai marasi ni roha ma Ho mida
hami on: O Tuhan Jesus Kristus, Anak ni Debata na gabe jolma ala ni hami, na mate
jala na hehe sian na mate, na manaek tu banua ginjang do Ho mangondihon hami!
R : Asi rohaM di hami, sai patongtong ma di hami roha hamauliateon tu Ho.
U : O Tondi Parbadia, pangapul di na marsak roha, pamalum ma saluhut na bernit,
binahen ni dosanami! Ro ma Ho mangingani hami, asa marlas ni roha hami
mangulahon lomo ni rohaM. Ho do parhitean ni nasa asi ni roha, sai unang tulak
hami. Sai tangihon ma hami, Ho ale Debata, Ama, Anak dohot Tondi Parbadia! Amen.
R : Mangendehon B.E No. 53 : 4 “DI BETLEHEM DO TUBU” BL. 51
♫♪♫
Burju naeng lehononku di Ho rohangkinon.
Asi rohaM, Tuhanku, urupi au tongtong.
Olo, olo, urupi au tongtong.
U : Tabege ma hata bagabaga taringot tu hasesaan ni dosanta.
Martua ma manang ise naung sinesaan pangalaosionna, naung hinungkupan dosana.
Martua ma jolma, ia so dijujur Jahowa tu ibana hajahaton, jala ndang marpangalensem
tondina di bagasan. Hasangapon ma di Debata na di ginjang!
R : Amen.

4. MARENDE B.E No. 605 : 1 “Las MA roham”

♫♪♫
Las ma roham Tuhanta ro, gumonggom sasude
Ungkap roham, jangkon Rajam.,
Marende ma sude, marende ma sude, marende, marende ma sude.
5. EPISTEL.
U : Hata ni Debata Epistel di Pesta Natal bornginon, i ma tarsurat di Psalmen 147 : 1- 6,
marsingkat sorin ma hita manjahasa:
Halleluya! Ai denggan do endehononhon Debatanta, ai hasudungan do Ibana tama
papujipujion.
R : Jahowa do na pauli Jerusalem, Ibana na papunguhon halak Israel angka na
mampar i.
U : Ibana pasabam angka parroha bojok, jala dililiti angka bugangnasida i.
R : Ibana umbilang torop ni angka bintang, dijou do goarnasida sudena.
U : Timbul do Tuhanta i jala pargogo situtu, ndang habilangan parbinotoannai. Jahowa
pahehehon angka na nirupa, dipatungki tu tano ianggo angka parjahat i. Ido sahat na.
Martua do angka na tumangihon Hata ni Debata, jala na umpeopsa.
R : Amen
6. Marende BE No. 192 : 1 – 2 “O Tuhan Jesus”
O Tuhan Jesus, Raja ni sudena, tubu sian Ama i.
Haholonganhu, sisombaonku, sasada Ho do Tuhanki.
 Tombak denggan do, hauma pe denggan do na rumatarata i.
Jesus dumenggan, Jesus gumodang sibaen las ni rohanta i.

7. Liturgi I PANOMPAON
Prolog liturgi I :Saluhut do ditompa Debata, langit, tano laut dohot nasa isina. Ditompa
do angka suansuanan, pahanpahanan, dungi jolma. Saluhutna i manjadi do marhite sian
hapistaran dohot hagogoon ni Debata di bagasan huasoNa na badia i. Nuaeng tabege ma
pangantusion na sintong taringot tu panompaon ni Debata.
1.
Mansai uli saluhut na tinompa ni Debata, angka dolok dohot rura, angka suansuanan na
rumatarata, saluhutna i patuduhon hinauli ni panompaon ni Debata, tung na so hadodoan
do parbinotoanNa. Boha do ulaning i? Songon dia do dibahen Debata manompa nasa na
adong i? Sian dia do bahan manang alat ni Debata laho manompa saluhutna i?
2.
Ia panompaon na pinatupa ni Debata songon on do i. Ndada marhitehite alat manang
ulaula Debata manompa, ai ndada songon pande Debata manompa nasa na adong, alai
lobi sian i do. Holan marhite hataNa sambing do. Molo didok Debata “jadi ma ho na tiur:,
jadi do. Songon i do sude. Sandok molo didok Debata “jadi”, manjadi ma songon na
nidokNa i
3.
I do tutu, tung halongangan do panompaon ni Debata, ai ndang sian na adong Debata
manompa, alai sian naso adong do gabe adong. Ndang adong na so tarpatupa Debata.
Angka dia ma na tinompaNa i?
4.
Di mula ni mulana ditompa Debata ma langit dohot tano. Ditompa ma muse na tiur.
Digoar Debata ma na tiur i arian, jala dibahen Debata ma parsirangan ni na tiur sian na
holom, goar ni na holom i borngin.
5.
Di ari paduahon ditompa Debata ma hajanghajang di parsitongaan ni angka aek, bahen
parsirangan ni aek tu aek. Di ari patoluhon ditompa Debata ma tano manang darat asa
tarida na mahiang. Jala parpunguan ni angka aek, digoari laut. Jadi dipantubuhon tano i
ma duhutduhut dohot suansuanan na marparbue tudos tu mansamna
6.
Di ari paopathon, ditompa Debata ma panondang di hajanghajang ni langit asa
disondangi tano on. Di ari palimahon, ditompa Debata ma angka dengke dohot nasa na
marhosa, angka na manjirir di bagasan aek, ro di na sa pidong na martongatonga langit na
masiboan mansamna.
7.
Di ari paonomhon, ditompa Debata ma jolma tumiru rupaNa, tudos tu pangalahoNa, baoa
dohot boruboru nasida ditompa, asa dirajai sandok tano on. Dungi diida Debata ma sude
na tinompaNa i nunga denggan situtu. Dungi diari papituhon Maradian ma Ibana sian
nasa ulaon na binaenNa i.
8.
Dungi dipasupasu Debata ma ari papituhoni, jala diparbadiai, ala na maradian Ibana disi
sian nasa jadijadianNa, na tinompa ni Debata laho pasunhon. Songoni ma jadijadian ni
 langit dohot tano, di na tartompa angka I, di ari panompaon ni Debata Jahowa do tano
dohot langit.
9. V.Group/Koor

10. Liturgi II HAHADABU NI JOLMA TU DOSA

Prolog liturgi II : Diginjang ni roha i do marhabangsa sibolis i laho mangelaela jolma i asa
lam tangkang jala mangalaosi Patik ni Debata, panghorhonna gabe uhum ni Debata ma.
Tapaihutihut ma liturgi on.
1.
Mansai sonang jala denggan do inganan ni jolma na parjolo i dibahen Debata di porlak
Eden i. Ndang adong na hurang, singkop do sude diparade Debata di jolma na tinompaNa
i.
2.
Nuaeng tabege ma mula ni dosa dohot pangonai na tu jolma na parjolo i. Didok di
Bibelta i; ulok do na paotootohon jolma i gabe dibuat jala dipangan si Hawa parbue ni
hau i, laos dilehon tu si Adam.
3.
Ia parbue ni hau i, i ma parbue ni hau na diparsitongaan ni porlak i, na so boi jama on
apalagi ma panganon. Didok Debata do : “unang pangan hamu sian i, jala unang jama
hamu, asa unang mate hamu”.
4.
Alai tung mansai bisuk do sibolis mangelaela jolma i asa manundali Debata. Disuanhon
sibolis ma roha diri tu jolma i gabe pia matana marnida, laos dipangan, gabe mardosa ma.
5.
Alai anggo nuaeng ndang adong be songon ulok dohot parbue ni hau songon na tarsurat i.
Alai, panginona ni dosa i do di hajolmaon sahat tu tingki on, na mambahen uhuman ni
Debata.
6.
Ia gombaran ni parbue ni hau na di parsitongaan ni porlak Eden i nuaeng, i ma :
hisaphisap manang hinagiot ni pardagingon na sai tongtong mangalaosi Patik, aturan
dohot Hata ni Debata.
7.
Alai tandap do parulaon ni daging, i ma : parmainanon, hahodaron, pargadombuson,
hasipelebeguon, hadatuon, parmusuon, parbadaan, pangiburuon, lessem, teal, rimas,
ungutungut dohot angka na so tama diadopan ni Debata.
8.
Ia si Hawa gambaran nuaeng i ma : angka parompuan manang ina na so jolo
marpanungkun tu si Adam, sinondukna i. Atik pe naung pinadomu ni Debata nasida jala
nunga diaturhon baoa i do ulu di rumatangga, songon Kristus, Ulu ni Huria i.
9.
Dibahen i ndang denggan molo so jolo masisungkunan laho mambuat haputusan di
rumatangga, ai i do bossir hasesega ni keluarga. Songon i do ngolu ni marhuria, ingkon
sungkunon jala niundukhon do angka aturan ni huria hombar tu lomo ni roha ni Debata.
10.
Nang si Adam pe mardosa do, ai diloas ibana do si Hawa pulik gabe mura dihusipi angka
sibolis. Sai tongtong ma marsada ni roha ama dohot ina jala rap mangula asa ndada mura
 dipalindaklindak angka parjahat na laho manegai parrumatanggaon. Rap renta ma ama
dohot ina dohot iananghonna tu gareja, asa unang diunjuni sibolis i. Amen.
11. Koor
12. Marende BE No. 171 : 1 “Tandai ma au”
Asi ma roham, taringot tu pangalahongku
Olo tutu, jotjot do na lilu dalanhu.
Sesa dosangku sude Debata.

13. Liturgi III

Prolog liturgi III : Ragam cara dibahen sibolis i laho mangago jolma i, alai ndang
dipasombu Debata songon i masa sahat tu ujungna, ai Parasiroha godang do Ibana, alani i
diparbagabaga do laho paluahon jolma i sian dosa
1.
Anggo ninna rohanta nian pintor diuhum Debata ma jolma i saleleng ni lelengna ala
nunga mardosa; alai ndang songon i sangkap ni rohaNa, ai so tardodo holong dohot asi ni
rohaNa i. dilehon dope tingki parasian laho paubahon roha.
2.
Songon sintong na mangolu Ahu, ninna Jahowa; tung so lomo do rohangKu mida
hamatean ni parjahat, na lomo do rohangKu mida hamumulak ni parjahat i tumadinghon
dalanna, asa mangolu ibana.
3.
Parasiroha jala Pardenggan basa do Jahowa,lambat tarrimas jala parasiroha godang.
Ndang dibahen tu hita hombar tu angka dosanta, jala ndang dibaloshon tu hita hombar tu
angka hajahatonta.
4.
Songon asi ni roha ni amaama mida angka anakna, asi ni roha ni Debata di angka na
manghabiari Ibana.
5.
Ro ma hamu tu Ahu, asa mangolu tondimuna, ninna Jahowa. Tung sura rara dosamuna
songon abit bunga dapdap, bontar do bahenonKu songon itak, nang pe rara songon abit
hasumba gabe songon hapas do muse.
6.
Songon on do Hata ni Jahowa : nunga pola hupasisi angka pangalaosim songon ombun,
jala songon ombun manorop angka dosam. Sai mulak ma ho tu ahu, ai Ho do sipalua ahu.
7.
Ai songon on do holong ni rohaNa mida portibi on, pola do AnakNa na sasada i dilehon,
asa unang mago ganup na porsea di Ibana asa hangoluan na hot ro di saleleng ni lelengna
di Ibana.
8.
Molo tongtong do hita mangolu di bagasan Hata ni Debata, pos ma rohanta, sai na
donganan ni Debata do hita laho mangalo hisaphisap ni daging dohot maninggalhon
dosanta.
9.
Antong rap ma hita manjanghon Sipalua i, taungkap ma rohanta asa bongot Raja i di
rohanta. Amen
14. Marende BE No. BE No. 38 : 1 “Paruak ma Harbangan I”
Paruak ma Harbangan i, ai nunga ro Rajanta i./ sigomgom raja sasude, sitobus
hajolmaon pe/ siboan hatuaon i.,pasuang hasonangan i./ Ipe tapuji ma Tuhanta
Debata.
15. Liturgi IV BAGA BAGA TARINGOT SIPALUA I
Prolog liturgi IV : Lam dipatuduhon Debata do tu jolma i, holong dohot asi ni rohaNa,
diparbaga do haroro ni Sipalua laho paluahon jolma I sian ihotihot ni sibolis i.
1.
Nunga mandate roha ni bangso paimahon haluaon sian Debata, ai tarbuang do bangso
Israel ala ni dosana, masihol bangso Israel mulak tu bona pasogitna tu huta Jerusalem, asa
sumuang muse marsaor nasida di Bagasjoro. Sai hira na ditadinghon Debata do
panghilalaan nasida, alanii maimaima do bangso i di haroro ni Mesias Sipalua i.
2.
Ro do Hata ni Debata tu Panurirang Jesaya mandok ; apuli, apuli hamu ma bangsoKi,
ninna Debatamuna. Hata apulapul ma dok hamu tu roha ni isi ni Jerusalem, jala jouhon
hamu ma tu nasida “Nunga marujung parungkilonna, ai nunga salose dosana i, ai nunga
dijalo sian tangan ni Jahowa silompit dua singkat ni saluhut dosana”.
3.
Ro do Hata ni Debata tu panurirang Jesaya mandok : “tung sura rara dosamuna songon
abit bunga dapdap, bontar do bahenonku songon itak; nangpe rara songon abit hasumba,
gabe songon hapas do muse.
4.
Di ari na sasada i sogot, uli jala marmulia tunas ni Jahowa, gabe huhut uli parbue ni tano i
di angka na malua sian Israel.
5.
Ai ndada pingkiranKu, pingkiranmuna i, jala ndada dalanmuna angka dalanKu, ninna
Jahowa. Tagan diparpiar ni murukKu Hutabunihon do bohingKu satongkin maradophon
ho, alai marhitehite denggan basa salelenglelengna asianKu ho, ninna Jahowa sipalua ho.
6.
Alai anggo ho huta Betlehem Eprata, mametmethu do ho nian anggo tung pola jujuron tu
angka huta marriburibu di Juda, hape sian ho do haroroan ni na gabe panggomgomi ni
Israel, jala angka haroroanna sian nahinan, sian angka ari na robi salelenglelengna.
7.
Ida ma, gabegabean ma sada na marbaju jala tumubuhon sada anak, jala bahenonna
goarna : “Immanuel”. Hehe ma ho, marsinondang ma ho, ai na ro ma panondangmu, jala
hamuliaon ni Jahowa binsar di atasmu.
8.
Alani pauli hamu dalan ni Jahowa, patigor hamu di adaran dalan balobung ni Debata.
Ingkon gohan do nasa rura, jala parejeton nasa dolokdolok dohot buntulbuntul, jala gabe
na hornop do na marnangkok tuat, jala gabe rura tanggurung ni dolok.
9.
Ai nunga tubu di hita sada posoposo, dilehon tu hita sada Anak, pampe tu abaraNa do
sogot harajaon, jala bahenonna goarNa : “Sipartahi halongangan, siulubalang ni Debata,
Ama saleleng ni lelengna, Raja Hadameon.
10.
 Alai jongjong anggo Ibana, jala marmahan mangasahon gogo ni Jahowa, marhitehite
hamuliaon ni goar ni Jahowa Debatanta; jadi maringan ma nasida, ai timbul ma ibana disi
ro di angka ujung ni tano on. Amen.
16. Marende BE No. 45 :1 – 2 “Hosiana Anak ni Raja David”
Hosianna Anak ni, Raja David ro tu hita./ Baen ture dalan nai, asa bongot tu rohanta./
baen ma gabagaba i di Tuhanta na ro i.
Hosianna ro ma Ho, tu bagasan rohanami./na manomunomu Ho ale Jesus Tuhan
nami./ Las do roha nami i molo bongot Ho tusi.
17. Liturgi V HARORO NI SIPALUA
Prolog liturgi V : Nunga jumpang tingkina hombar tu bagabaga ni Debata taringot Sipalua,
natinubuhon ni si Maria, na gabegabean sian Tondi Porbadia di huta Betlehem.
1.
Dungi ro ma uju i parenta sian Kesar Agustus, ingkon suraton nasa jolma di
gomgomanna. Pamilangan parjolo ma i, uju digomgomi si Kirenius tano Siria.
2.
Jadi borhat ma sasude, asa disurati, ganup tu bona ni pinasana. Borhat ma nang si Josep
dohot si Maria, na sian Galilea, sian Nazareth, nangkok tu luat Judea tu huta ni si Daud
na margoar Betlehem, ala sian pomparan jala marga ni si Daud ibana. Pasurathon dirina
rap dohot si Maria, oroanna i naung gabegabean. Jadi di na disi ni nasida, gok ma ari ni
hangoluanna.
3.
Ditubuhon ma anak buhabajuna, diborhos ma, dipeakhon ma tu bagasan panggagatan, ala
so adong inganan na asing di parmianannasida. Jadi adong ma marborngin di ladang na
disi ni angka parmahan, mangingani pinahan nasida. Jadi didapothon sada Surusuruan ma
nasida, jala marsinondang ma sangap ni Tuhan i humaliang nasida, gabe mabiar situtu
ma.
4.
Alai didok Surusuruan i ma tu nasida ; unang mabiar hamu, ai barita halalas ni roha
godang do huboan tu hamuna, parsaulian ni sandok bangso i. ai naung tubu do di hamu
saborngin on, di huta ni si Daud, Sipalua i, i ma Kristus Tuhan i. on ma partinandaan di
hamu: posoposo do dapotonmuna, na binorhos peak di panggagatan.
5.
Hansitna i tutu na tinaon ni si Josep i, tarlumobi ma si Maria naung gabegabean, alai
ingkon oloan nasida ma parenta ni Kesar, jala mardalan mansai dao jala maol situtu
sidalanan i. Boasa ingkon songon i?
6.
Ai toho do i hansit, alai unang alo tu haporseaonta, molo ingkon songon i sitaonon ni si
Josep dohot si Maria. Ai laos disi do sangkap hatuaon ni Debata. Dipardalanan na tu
Betlehem i do masa hasasaut ni bagabagaNa marhite hatutubu ni Jesus, Tuhan Sipalua
hita.

7.
Puji ma Jahowa ale todingku, jala nasa rohangku dibagasan mamuji
goarNa na badia i. Ibana manesa dosam sudena. Ibana pamalum angka
sahitmu sudena, Ibana paluahon ngolum sian hamagoan, Ibana
martumpalhon denggan basa dohot asi ni roha.
 8.
Puji ma Jahowa ale tondingku, dipamahap do rohangku marhitehite
denggan basa, Ibana do patupahon angka pambahenan hatigoran, Ibana do
pabotohon angka dalanNa.
9.
Puji ma Jahowa, hamu angka parangan parbanuaginjang, na mangoloi angka
parentaNa, na sai tongtong tangi tu angka hataNa. Hamu angka naposoNa na
mangulahon lomo ni rohaNa.
10.
Puji ma Jahowa, hamu ale angka na tinompaNa, di sude inganan ma
hinarajaanNa. Puji ma Jahowa, ale tondingku. Jahowa do nampuna sude
portibi on dohot nasa isina.

a. Marende No. 616 :1-3“Ulina I Di Borngin Na Badia (BL.616)

♫♪♫
Ulina i diborngin nabadia, humirdop hirdop do bintang disi.
Di borngin i do tubu Sipalua, dipanggagatan di Betlehem i.
Portibion dangol gok haholomon marnida sondang ni Tuhanta i.
Reff : Ulina i marende do suruan, di borngin i do tubu Kristus i.
Di borngin i do tubu Kristus i.
♫♪♫
Sian na dao parroha sian Purba ro do tinogihon ni bintang i.
Marsinggang be nasida lao marsomba tu Jesus Kristus Sipalua i
Ibana ro sian banua ginjang lao paluahon hita jolma i.
Reff: Ulina i marende……
27. Jamita Natal:
28. Marende No. 52:1 - 3 “ Hatuaon Do” (BL. 55)
♫♪♫
Hatuaon do las ni roha do, hatutubu ni Jesus i.
Mago do jolma, ro ma Tuhanta, las be, las be ma rohanta i. (2x)
-------------------------Musik-------------------
♫♪♫
Hatuaon do, las ni roha do hatutubu ni Jesus i.
Domu do hita tu Debatanta, las be, las be ma rohanta i. (2x)
-------------------------Musik-----------------
♫♪♫
Hatuaon do las ni roha do hatutubu ni Jesus i.
Las ma rohanta mida Tuhanta, las be, las be ma rohanta i. (2x)
29. Manghangoluhon Ngolu na Imbaru : (Jongjong)
U : Ale Tuhan Debata, Debata na tongtong, na so marmula, na so marpansohotan! Hupuji hami ma
Ho ala saut sude tahiM, naung sinangkapMu andorang so marojahan dope hasiangan on. Ndang
tarambat sibolis sangkapMu; ndang sundat tahiM na badia i dibahen dosanami, ala ni holong ni
rohaM na balga na so hadodoan i.
R : Mauliate ma rohanami tu Ho, ala naung saut sangkapMu, i ma parsuruM di AnakMu
gabe Sipalua jala Sipangolu di hami.
 U : On pe, sai asi ma rohaM di hami, togihon ma hami tu AnakMu. Sai bahen ma hami gabe
siluaM tu Ibana, asa upa ni halojaonNa hami, ala na tinaonNa na bernit i dohot hangaluton
humophop hami, asa Ibana nampuna hami, jala hami nampuna Ibana.
R : Sai sungguli ma HuriaM sadari on, asa diingot habalgaonMu dohot haroro ni AnakMu
gabe jolma, laho pangoluhon hami pardosa.
U : Sai sungguli ma angka parhalado di HuriaM, mamaritahon Barita Nauli i tu saluhut halak,
naung patar hasangaponMu, jala naung jumpang dame dohot hasonangan. Sai lehon ma pintu
na ungkap tu halak sipelebegu dohot tu parugamo na asing asa ro nasida mangoloi Tuhannami
Jesus Kristus. Sai dongani jala pasupasu hami sude, angka na magodang ro di dakdanak di
bagasan Tuhan Jesus Kristus, Tuhannami. Amen.
R : MANGENDEHON BE. No. 49 : 7 “Sai ro ma tu bara”
♫♪♫
Antong rohanami ma peleanMi, O Jesus hasian, sai jalo mai /Ias jala sonang ma baen
angka i./ Tongtong gabe domu ma tu rohaMi.
3O. Tangiang Pelean + Tangiang Ale Amanami + Pasupasu + Amen (AGENDA)