2
Hamuna suruan, puji ma Jahowa,
Rap dohot sude na martua i.
Sangap di Tuhan Debata di surgo, tasomba ma Ibana,
tasomba ma Ibana, tasomba ma Ibana, Rajanta
3. Joujou laho Marsomba
L : Di hamu na hinaholongan di bagasan Goar ni Tuhanta Jesus! na
mamestahon ari ni Tuhanta Sipalua i do hita nuaeng. Jumolo ma
hupasahat hami hata horashoras tu hita na pungu on. Selamat Hari
Natal ma di hita saluhutna.
R : Selamat Hari Natal!
L : Di bagasan las ni roha do hita di tingki on, di na bolas hita
marpungu di bagas ni Tuhanta on. Dia ma nuaeng na mangonjar
rohanta umbahen na marpungu hita jala aha ma na hinirim ni
rohanta di na marsaor hita nuaeng?
R : Dame ma di saluhut ruas ni Tuhan i. Na marpungu do hita ala
naung sorang do Tuhanta Jesus Kristus, Sipalua i. Anggiat ma
dipasupasu Tuhanta punguan Ina HKBP Distrik XI Toba
Hasundutan.
L : Antong taungkap ma rohanta talehon ma nang pingkiranta laho
marsomba Amanta Debata Parholong roha i. Marende ma hita BE
No 48:1-2 “Ria ma Hita Sasude”
3
R :Amin!
U :Jahowa do panondangingku dohot hatuaonku.
R :Sai podahon ma tu ahu dalanmu, ale Jahowa, jala togu ahu di
dalan hatigoran.
U : Parhanalom ma Jahowa, pagomos jala patogu roham jala
parhanalom Jahowa! Puji ma Ibana jala endehon Goarna.
R : Hupuji hami ma Ho, Raja Siparmonang.
U : Martangiang ma hita!
Pujipujian hasangapon ma do Ho, Sitompa langit, tano on dohot
nasa isina sude! Siboan haluaon naung paluahon jolma sian dosa
dohot hamatean. Naeng ma holong ni rohaM dihilala ganup hami
na pungu di joroM di tingki on. Huhilala hami do ndang adong na
boi hupangasahon hami jongjong di adopanMu.
Panghulingi ma hami marhite Hatam di bagasan na mamestahon ari
hatutubuMi hami nuaeng. Anggiat ma nian jumpang parsitutuon di
bagasan rohanami laho mangulahon lomo ni rohaM di hami. Jalo
ma tangiangnami on na hupasahat hami mangasahon AnakMu
Tuhan Jesus Kristus, Sipalua hami.
R : Amen!
3. Koor HKBP Ressort Baruara
4. Marende BE No 598:1 “Bege Ende ni Suruan”
Jesus Raja Hadameon sondang hatigoran i.
Panondang ni hangoluan di saluhut jolma i.
Dirumari do diriNa lao manobus manisia
Asa unang mate be ala ni dosana be.
Ende ni Suruan i, sangap ma di Tuhan i.
5. Liturgi Ia : HKBP Ressort Tampahan
Prolog
Debata Jahowa do Raja Pargogo na so hatudosan, na manompa langit tano
on dohot nasa isina sudena. Hajanghajang na tung bidang, angka dolok na
timbo, angka pidong na martongatonga langit, na marsaringar
4
patubegehon hinauli ni na tinompa ni Debata. Songon dia ma parjadi ni na
masa i?
1) Di mula ni mulana ditompa Debata langit dohot tano on.Dung i
tarulang ma tano i gabe halongonan jala holom di atas lung i, dung i
mangareapreap ma Tondi ni Debata di atas ni angka aek.
2) Songon i ma panjadijadi ni langit dohot tano, di na tartompa angka i, di
ari panompaon ni Debata Jahowa di tano dohot langit. Tagan so adong
dope di tano on nasa ramba, jala tagan so martumbur dope nasa
bulungbulung di ladang, ai ndang dope diparo Debata Jahowa udan tu
tano on, jala ndang adong dope jolma na mangula tano i.
3) Alai martimpul ma uap sian tano on, gabe dibornohi sandok sisik ni
tano on. Dung i dijadihon Debata Jahowa ma jolma i sian orbuk ni tano
on jala diullushon tu bagasan bungbung ni igungna hosa hangoluan i,
gabe martondi na mangolu jolma i.
4) Angka langit do mamaritahon hamuliaon ni Debata, jala jadijadian ni
tanganna do pinaboa ni * na ratarata ni langit. Masipaboaan do angka
ari, jala masilehonan parbinotoan do angka borngin.
5) Ndang adong hata, ndang adong barita, soara nasida pe ndang adong
tarbege, alai anggo saringarna tolhas do tu liat portibi on, jala
panghataionna sahat tu ujung ni portibi on.
6) Marende taripar ma hamu umpuji Jahowa marhitehite hamauliateon,
palu hamu ma uninguningan mamuji Debatanta!
7) Ibana manghungkupi langit i marhitehite ombun, Ibana paradehon
udan tu tano on, Ibana patumbur duhutduhut di angka dolok.
8) Ibana mangalehon tu pinahan gagatonnasida, nang tu angka * anak ni
pidong sigak, angka na ngoakngoak.
5
10) Ibana maninggangkon ambolasna martanggotanggo; tung ise ma
manahan jongjong maradophon ngalina? Ibana manongos hatana,
gabe malala angka i, dipaborhat anginna, mabaor ma angka aek
11) Ibana do na pasahathon hataNa asa diungkap angka ombun na di
ginjang, angka pintu ni langit.
12) Ibana maninggangkon ambolasna martanggotanggo; tung ise ma
manahan jongjong maradophon ngalina? Ibana manongos hatana,
gabe malala angka i, dipaborhat anginna, mabaor ma angka aek.
13) Ai sian Ibana do saluhutna ro, marhitehite Ibana jala marhapatean tu
Ibana do sasudena i! Di Ibana ma hasangapon salelenglelengna!
Amen.
14) Ale hamu angka dongan! Na tinompa ni Debata do hita on
marhitehite hataNa. Tagamon aha do alusta marnida angka jadijadian
na pinauli ni Tuhan i?
15) .Sai ro di salelenglelengna ma hamuliaon ni Jahowa * marlas ni roha
ma Jahowa mida angka jadijadianna i!
7. Koor a.HKBP Ressort Tampubolon
b. HKBP Ressort Tambunan
8. Liturgi IIa HKBP Ressort Soposurung
Prolog
Na basa do Debata. Dilehon do tu jolma i huaso dohot tanggung jawab. Alai
disuasaehon jolma i do huaso dohot tanggung jawab na ninajonai sian
Tuhan i. Jadi disolsoli Jahowa ma rohana, ala tinompana i jolma di tano on,
jala lungun rohana. Lomoan do roha ni jolma i mangoloi elaela ni ulok i.
Dilaosi jolma i do naung dilumbahon ni Debata tu nasida. Gabe madabu ma
nasida tu dosa. Hamatean do upa ni dosa i.
1) Alai ulok do na umbisuk sian nasa na manggulmit di ladang, angka na
jinadihon ni Debata Jahowa, jadi didok ma mandok boruboru i: Atehe
tongon do didok Debata, na so jadi panganonmuna sian saluhut hau
angka na di porlak on?
2) Dung i ninna boruboru i ma mandok ulok i: Jadi do panganonnami sian
parbue ni hau angka na di porlak on. Alai anggo sian parbue ni hau, na
6
di parsitongaan ni porlak i didok Debata do: Unang pangan hamu sian i,
jala unang jama hamu, asa unang mate hamu.
3) Dung i ninna ulok i ma mandok boruboru i: Ndang na tutu hamu mate.
Ai diboto Debata do, sadari dipangan hamu sian i, tonggor ma
matamuna, gabe doshon Debata hamu umboto na denggan dohot na
roa.
4) Dung i sai dipanotnoti boruboru i ma parbue ni hau i dibahen
dengganna panganon jala pia matana marnida, jala tau manunggul
roha tu hapistaran hau i, jadi diputikkon sian parbuena i jala dipangan,
dilehon ma dohot tu sinondukna sian i, gabe dipangan.
5) Dung i tonggor ma matanasida na dua, diboto ma na marsaemara
nasida, gabe disomoti ma bulung ni hau ara bahen sabuknasida.
6) Dung i dibege nasida ma soara ni Debata Jahowa, na medangedang di
porlak i di haroro ni alogo mareak bot ari, gabe martabuni ma si Adam
dohot jolmana i di holangkolang ni hau angka na di porlak i
maradophon bohi ni Debata Jahowa. Dung i joujou ma Debata Jahowa
di si Adam, ninna ma mandok ibana: Didia do ho?
7) Jadi ninna si Adam ma: Hubege nian suaram di porlak i, gabe mabiar
ahu, ai marsaemara do ahu, umbahen na martabuni ahu. Dung i ninna
Debata ma: Ise na paboahon tu ho, na marsaemara i ho? Nda tung
dipangan ho sian hau na hupatikkon i mangorai panganonmu?
8) Dung i ninna si Adam ma: Boruboru na nilehonmu bahen donganku, i
do na mangalehon tu ahu sian hau i, gabe hupangan. Dung i ninna
Debata Jahowa ma tu boruboru i: Boasa songon i bahenonmu? Jadi
ninna boruboru i ma: Ulok i do paotooto ahu, gabe hupangan.
9. Liturgi IIb HKBP Baruara
9) Dung i ninna Debata Jahowa ma tu ulok i: Ala dibahen ho songon i
gumodang ma torungku tu ho sian tu nasa pahanpahanan dohot sian tu
nasa na manggulmit di ladang. Butuham na ma jururhononmu, jala
orbuk panganonmu saleleng di ngolum. Jala bahenonku ma
parbadaanmu dohot boruboru i, ro di pinomparmu tu Pinomparna.
Ibana mangalisathon ulum, gabe pargutonmu tambihulna.
7
10) Dung i ninna ma mandok boruboru i: Ganda situtu bahenonku
parniahapanmu saleleng gabegabean ho; bernit taononmu laho
manubuhon anakkonmu, sinondukmu na ma ihutanmu, jala ibana
mangarajai ho. Jala didok ma tu si Adam: Ala ditangihon ho soara ni
jolmam, gabe dipangan ho sian hau na hupatikkon i, mandok: Unang
pangan sian i, hona torungku ma tano on ala ho, porsuk ma ahaponmu
manganhon gogona saleleng di ngolum.
11) Pantubuhononna ma huhut di ho angka duriduri dohot duhutduhut na
marsuga, angka ingkau rata ni ladang i na ma panganonmu. Ingkon hir
hodokmu manganhon sipanganonmu, paima mulak ho gabe tano,
pambuatanmu hian, ai tano do ho, jala tu tano do ho mulak sogot.
12) Dung i dibahen si Adam ma goar ni jolmana i: Hawa (hangoluan), ala
ibana ina ni nasa na mangolu. Dung i dipauli Debata Jahowa ma bobak
bahen abit ni si Adam dohot jolmana i, jala dialithon tu nasida.
13) Dung i ninna Debata Jahowa ma: Ida ma, nunga doshon Sada sian Hami
si Adam, umboto na denggan dohot na roa. On pe, asa unang
didungdungkon tanganna mamutikkon huhut sian hau hangoluan jala
dipangan gabe mangolu salelenglelengna.
14) Jadi dipabali Debata Jahowa ibana sian porlak Eden, asa diula tano
pambuatanna i.
15) Jadi dilele ma si Adam i, jala dipaipahon angka kerubim tungkan
habinsaran ni porlak Eden i marpodang sidua baba marjimburjimbur,
asa dijaga dalan tu hau hangoluan.
10. Koor a. HKBP Ressort Balige
b. HKBP Ressort Hinalang
11. Marende BE No 51:6-7 “Tolo Puji ma Tuhanta” BE No 31
Ale Jesus haholongan, boan ma tu hasonangan
Hami na di parjalangan na manghalungunhon Ho
8
Prolog
Tongtong do dihaholongi Debata jolma na pinillitNa i gabe bangsoNa, nang
pe naung dao jolma i madabu tu dosa. Marbagabaga do Debata tu si
Abraham na naeng pasahatanoNa pasupasu tu pinomparna. Ala ni i do
dihirim Debata do bangso pinilitNa i asa mulak tu Debata marhitehtehita
angka panurirangNa. Ndada holan i tahe, dohot do AnakNa na sasada i
sandiri dilehon anggiat mulak muse angka bangso na inillitNa i.
1) Dibahen i apala Tuhan i sandiri ma mangalehon sada * tanda di hamu:
** Ida ma, gabegabean ma sada namarbaju, jala tumubuhon sada anak,
jala bahenonna ma goarna: * Immanuel.
2) Ai nunga tubu di hita * sada posoposo dilehon tu hita sada Anak,
pampe tu ** abarana do sogot harajaon, jala bahenonna goarna:
Sipartahi * Halongangan, ** siulubalang ni Debata, Ama saleleng ni
lelengna, Raja ni hadameon.
3) Bahen hagaganda ni harajaon dohot * hadameon na so marujung di *
habangsa ni si Daud dohot di harajaonna i, pahothon dohot patoguhon
marhitehite patik dohot hatigoran, olat nion ro di salelenglelengna.
4) Dung i * ruar ma sada tunas sian tungko ni si Isai, jala marparbue sada
tubis na tubu sian uratna. Jadi songgop ma tu ibana * Tondi ni Jahowa,
Tondi ni habisuhon dohot hapistaran, Tondi ni panuturion dohot
hagogoon, Tondi ni parbinotoan dohot biar maradophon Jahowa.
5) Jala halomohononna do hadaulaton maradophon Debata, jala ndang
manguhum ibana marguru tu parnida ni matana, jala ndang manguhum
ibana marguru tu na binege ni pinggolna.
6) Marhitehite * hatigoran tahe uhumonna angka na pogos, jala
marhitehite hasintongan patingkosonna uhum tu angka na dangol di
tano on, jala marhitehite * batahi ni pamanganna libasonna tano on,
jala marhitehite tondi ni bibirna bunuonna halak parjahat i. Jala
hatigoran do hohos ni gontingna, jala habonaron hohos ni akna.
7) Disi ma * maringan gompul di lambung ni birubiru, jala manggompang
babiat di lambung ni hambing, jala tampak do anak ni lombu, babiat
9
dohot pinahan na pinamokmok, jala dakdanak na metmet marmahan
nasida.
13. Liturgi IIIb HKBP Ressort Tampubolon
8) Rap manjampal ma lombu dohot babiat, jala tampak modom angka
anakna be, jala panganon ni singa duhutduhut songon dorbia.Jala
posoposo marmeameam di lambung ruang ni ulok dari, jala dakdanak
nambura sirang susu mangarorohon tanganna tu ruang ni libe.
9) Ndang be manjahati manang mangago nasida di sandok dolok
habadiaonku, ai * gok parbinotoan di Jahowa tano on sogot, songon
aek ni laut mangalungkupi tondolanna Jala hatigoran do hohos ni
gontingna, jala habonaron hohos ni akna.
10) Jala ndang mamereng dompak pudi mata ni jolma na marnida, jala
pinggol ni jolma na marbinege manangihon disi. Jala roha ni jolma na
bodo marpanimbangon jala tiar marpangkuling * dila ni jolma angka na
hapot hian
11) Tarehon hamu ma pinggolmuna, jala ro ma hamu tu ahu! Tangihon
hamu ma, asa mangolu tondimuna i! Jadi bahenonku ma tu hamu *
padan salelenglelengna: I ma * padan parasian na sintong i tu si Daud
na so tupa muba. Ida ma, sitindangi tu angka bangso ibana hulehon,
bahen partogi dohot silehon patik tu angka bangso.
12) Dung i humusor ma ahu jala manaili dompak ginjang, asa maralatan,
jadi huida ma habang pustaha sada na binalun.
13) Jala dohononmu tu ibana: Songon on do: Hata ni Jahowa Zebaot: Ida
ma, baoa sada, si Tumbur goarna, jala sian hametmetonna ibana
martumbur, jala paulionna sogot joro ni Jahowa.
14) Mariaia situtu ma ho, ale boru Sion, marolopolop ma ho ale boru
Jerusalem! Ida ma, na ro ma rajam tumopot ho, partigor ibana jala
siparmonang; na serep do rohana jala marsihundul di halode dohot di
anak ni halode inaina.
15) Jala ahu maniaphon angka hureta sian Epraim dohot angka hoda sian
Jerusalem, siap dohot sior tu hamusuon. Dung i baritahononna ma
hadameon tu angka bangso parbegu, jala masuk tu gomgomanna sian
10
laut tu laut, jala sian batang aek Euprat sahat ro di angka ujung ni tano
on.
14. Koor a. HKBP Ressort Bonan Dolok
b. HKBP Ressort Baruara
15. Marende BE No 54:1-3 “Sonang ni Bornginna i” BL No 64
Sonang ni bornginna i uju ro Jesus i
Sonang modom do halak sude holan dua na dungo dope
Mangingani AnakNa Jesus Tuhantai
12
14) Marhite na mamestahon Ari Hatutubu ni Tuhanta Jesus, punguan ini
HKBP Distrik XI Toba Hasundutan lam marsitutu mangulahon ulaon
parsuruon ni Tuhan i.
18. Koor a. HKBP Ressort Tambunan
b. HKBP Ressort Tampahan
19. Liturgi Va HKBP Ressort Balige
Prolog
Di ari hatutubu ni Tuhan Jesus na tapestahon di tingki on nunga tabege
barita Natal. Barita Natal i manjou hita di bagasan inganan on, di tingki on
manghilalahon haholongan ni Tuhan i, AnakNa na Sasada i dilehon gabe
haluaonta. Tahangoluhonj ma hata ni Tuhan i.
1. Unang ma marpangansi holong ni roha i! Hagigihon hamu ma na jat;
pareak hamu ma na denggan! Ingot hamu ma holong ni roha sama
dongan Kristen! Masijolojoloanan ma hamu masipasangapan!
2. Unang sumurut ringgas ni rohamuna! Partondi na girgir ma hamu! Oloi
hamu ma Tuhan i! Marlas ni roha ma hamu mangkirim! Marbenget ni
roha ma di haporsuhon! Jugulhon hamu ma tangiang!
3. Antoi hamu ma na hasea di angka na badia! Haringkothon hamu ma
partamueon! Sada ma rohamu sama hamu: Unang hatimboon pingkiri
hamu, alai patutoru hamu ma rohamu tu haserepon; unang parbisuk
hamu di rohamu!
4. Unang baloshon hamu na jat alo ni na jat; ringkoti hamu ma na
denggan di jolo ni halak saluhutna!
5. Molo tarbahen, intap na tarpatupa hamu, tiop hamu ma dame
maradophon halak saluhutna!
6. Hamu, angka na hinaholongan, unang hamu marlulu; pasahat hamu ma
rimas i (tu Debata), ai tarsurat do: "Di Ahu do pamaloson, Ahu pe
mamaloshon, ninna Tuhan i."
7. Onpe, jumpa male musum, lehon ibana mangan; jumpa mauas ibana,
painum! Ai songon na pagukgukkon gara do ho tu atas uluna, anggo
dibahen ho songon i.
13
8. Unang ma talu ho dibahen hajahaton; alai taluhon ma hajahaton i
marhitehite na denggan!
20. Koor Bersama
21. Marende BE No 50:1... “Marende ma Hamu” BL No 119
Marende ma hamu, on ma dohononmu Holong ni rohanta do
Posoposo on, na mareakhon hita Tu atas tano on Tuhanki do
Ho, Tuhanki do Ho.
15
16