Draft Liturgi Ama dan Ina

HKBP MEKAR SARI

Liturgi Ia
Dimulana i, andorang so ojak dope tano on, nunga adong hata i. Jala marhite hata
i do manjadi saluhutna. Tatangihon ma parjadi langit dohot tano on marhite hata
i.

1. Yohannes 1 :1-3
2. 1 Musa 1: 1-2
3. Psalmen 33:6+9
4. 1 Musa 1:6-7
5. 1 Musa 1:9-10
6. 1 Musa 1:11-12
7. 1 Musa 1:14-17
8. 1 Musa 1:21-22

Liturgi Ib
Angka langit do mamaritahon hamuliaon ni Debata, jala jadijadian ni tanganna do
pinaboa ni na rata-rata ni langit, masipaboaan do angka ari, jala masilehonan
parbinotoan do angka borgin, Sian topi ni langit do habibinsarna jala tolhas ro di
angka topina muse pangkusorna i, jala ndang adong na buni maradophon
mohopna i. Antong panggual panggorsi bahen hamu ma gondang mulamula i ai
marmula do luhut na adong di portibion

1. Binsar mata ni ari, poltak matani bulan. Goar ni Debatama tapuji ai Ibana do
manompa saluhut na. Sai dipuji langit jadijadianMu, saluhut pambahenamMu,
parsinondang bolon Ho, Ho o Tuhan do di puji, bulan i, bintang pe Ho do
pinujina dohot sinondangna.

2 Debata do manggomgomi, langit dohot tano on, haholomom digomgomi dohot

hatiuron on, dirajai tanganna i nasa na tinompa i

3 Tung mansai bagak do angka hauma jala ida ma tung mansai rade jala uli do
ditompa Debata angka duhut duhut dinalaho sipanganon ni angka binatang na
manggulmit

4 Songon hau do Ibana, na sinuan di topi ni batang aek, na marparbuehon

parbuena di hajujumpang ni tingkina bulungna pe ndang olo malos, jala sude
na niulana manjadi do

5 Molo hutailihon langitmi angka jadijadian ni jarijarim, bulan dohot bintang,

angka pinaulim tung aha manian jolma i, umbahen pola ditaringoti roham ibana
?

6 Humurang apala otik do ibana sian Debata dibahen Ho, alai ditalitalihon Ho
muse hamuliaon dohot hatongamon tu ibana, dipabangkit ho do ibana
gumonggom angka jadijadian ni tanganmu sude do tahe dipatunduk Ho Ibana

7 Angka birubiru dohot lombu sudena ro di binatang angka na di harangan,

pidong angka na di toru ni langit dohot angka dengke di laut, ro di sude na
manginsir di laut. Ale Jahowa sigomgom hami mansai sangap do goarmu di liat
ni portibion.

1
Liturgi IIa
Songoni ma ditompa Debata langit dohot tano jala ditompa jolma i tumiru rupana
tudos tu pangalahona. Uli do parsaoran ni jolma dohot Debata di tingki i jala
ndang hurangan nasida. Alai, dang diboto jolma i magona, sai dipatimbo do dirina
naeng dos dohot Debata namanompa ibana. Gabe madabu ma nasida tu bagasan
dosa.

1. 1 Musa 3:1
2. 1 Musa 3:2-3
3. 1 Musa 3:6
4. 1 Musa 3:7
5. 1 Musa 3:8-9
6. 1 Musa 3:11-12
7. 1 Musa 3:13-14
8. 1Musa 3:22-23
9. 1 Musa 3:24

Liturgi IIb
Ndang adong na tigor nanggo sada, ndang adong na marroha, na usouso di
Debata. Saluhut jolma nugga manimbil, tung sange do nasida marroha mago
ndang adong sibahen na denggan naggo sada, sialani marende mahita sian BE.
424:1+4
1. Sai manumpak ma Ho ale Jahowa ai nungga lam moru angka na daulat
marroha i, lamotik do manisia, angka na bueju marroha, na so hasea i do
dihata i be dohot donganna, marbibir na landit, jala mardua roha nasida
mangkatai.
2. Saluhut do manisia sumurut, tung sange do nasida marroha mago, ndang
adong sibahen na denggan, nanggo sahalak. Dibagasan jolma mangkuling
pangalaosian tu parjahat i : ndang marhabiaran tu Debata be roha ni jolma jala
jumojotan do manisia di elaela simalolong na dinalaho mangulahon angka na
jat.

3. Getegete dohot pangansion do hatahata ni pamanganna, nungga mansadi ibana

mamingkiri mangulahon na denggan, getegete nama dipingkiri di atas
podomanna i, dalan na so ture i nama ditopot, ndang be dihabiashon na jat i.

4. Ninna na oto i do di bagasan rohana; ndang adong Debata; jahat jala songir do
nasida marpangalahohon hajahaton, ndang adong siulahon na denggan.

5. Ndang tarbahen be turak, ai nungga sor gok tagan

Ndang tarbahen be mulak, ai nungga sor sun mardalan
Nungga dibagasan dosa be hita ala naung tarlalap do hita diangka ulaon na jat,
hinorhon ni i sega ma parrsaoran ni manisia tu Debata.

6. Parrimas do Debata, na mangaluluhon hajahaton ni amana tu angka anakna ro

disundut patoluhon dohot paopathon angka na sogo roha di Ibana, da songon i
nang di dok niumpasa ”dangka ni tadatada, manjomba tu bonana, hasalaan ni
amana mangonai tu anak na”.

2
7. Landit porhot songoon gota ni hapea, hansit ngotngot naung sangap gabe
marlea ; songoni do nang hita, nungga ditompa Debata hita tumiru rupaNa alai
gabe marlea dohita ala sai di datdati hita mangulahon angka dosa jala sega ma
rupa ni Debata naung adong hian di hita.

8. Tung mansai las do rohanta molo sangap ni roha soggop tu hita alai jotjotan
do hita marlosok ni roha do hita mamuji Debata marhitehite parmingguon
dinalaho marsaor dohot dongan sahaporseaon.

9. Di pargoluan siapari sai tapangke do angka tingkitta mangulahon angka na jat

jala tahaporseai do angka gogo ni portibion jala sai tarpodom do hita
dihaportibion, molo sahit na renge gabe tatundalhon do Debata jala mangido
hamamalum ni sahit sian angka ruparupa ni portibion.

10.Hamoraan, hagabeon dohot hasangapon i do na pinarsinta ni halak Batak,

Toho tutu namora do luhut halak batak ala tung mansai godang do angka
HOTEL ni batak. Hotel ima; hosom, teal dohot late, da hinorhon ni dosa
saluhutna i ????

Liturgi IIC
Songoni do torus ngolu ni hajolmaon ta i, jotjot dang mabiar di Debata jala
mansai las situtu rohanta mangulahon angka dosa, ragam do angka namasa na boi
paingothon hita di ngolu siganup ari, alai ndang manghuling agia otik pe panggora
ni roha ni jolma i laho tumadinghon angka dalan na roa i. Marsidok hatana,
marsibahen di Ibana alai sude manghorhon rimas na sian Debata. Mulakhulak do
pangalaosion i na binahen ni jolma, totop do ditongos angka panurirang nang
parbarita nauli asa unang mago hita angka na niasianNa, ipe jotjot mapitung jala
nengel do hita. Nda tama do nian hita hona toruan ni rimasNa dohot uhumNa?
Alai Lambat tarrimas do Ibana tahe, nda umbalga do holong na di hita sian
rimasNa, jonok pe angka mara alai jumonok do tanganNa laho mangogu hita, jala
dibagabagahon do nang tu hita haluaon na balga sian hamatean.

1. Nunga martaon-taon ngolu naung huadopi hami, las ni roha nang arsak
rongom tu ngolu siapari, jala jumotjotan do hami holan magasahon hagogoon
dohot marpangunsandean tu pikiran nami, alai ndang tarula manang tarbahen
hami manang aha . Ala ni i sai marpangulahi ma rohaM mida hami. Ndang
adong na hupangasahon hami dunghon asi ni roham.

2. Sai pargogoi ma hami, dihagaleon nami mangulahon hombar tu lomo ni

rohaM, jala patuduhon ma sude sangkap ni rohaM dibagasan parngoluannami.
Molo tung adong pangalosion nami marpamuati ma rohaM di hami alai sai
tong ma patuduhon asi ni rohaM tu hami.

3. Parsorion na dokdok sai manosak do diparngoluon nami na boi

mambahenhami gabe mandele jala ndang marningot Ho. Hagogoon nami hira
na so tuk patorushon parngoluonnami si ganup ari. Tangan naung magosgos
mangula ulaon ndang tuk mambahen sonang rohanami.

4. Siganup ari sai disungguli do hami mandiori angka haporluon tu ari sogot. Boi
do hami ale Tuhan mamolus i sude jala dapot hami alus ni i marhite na
alusanMu sude ganggu ni rohanami asa tong marhaposan hami tu Ho, sai asi
ma rohaM di hami.

3
 5. Di na mamolus angka partingkian, songon i do nang haroroni angka
hadangolon, dibagasan hadangolon i, sipata lupa hami, na Ho do silehon
hangoluan dihami. Rimas sai jonjot do songgop tubagasan pingkirannami ala
ni loja ni pamatang di na laho mandiori parngoluon na ringkot dibagasan
ngolu nami.

6. Hinorhon ni i gabe olo hami mandao sian Ho asa holan mandiori parngoluan
di portibi on, dihilala rohanami haliluon do i songon parange naung
tumundalhon Ho, ala ni i sai marpamuati jala asi ma rohaM di hami.

Liturgi Adven

Di na marningot hita di ari harorona tu hasiangan on marhite naung saor gabe

jolma songon hita, dibagabaghon do nang haroroNa muse laho paluahon hita
saluhutna. Dibahen i, tinggil jala tangi ma hita paimaimahon. Ido umbahen na di
paingot huria diparsaoranna tu hita ro di na opat hali managam haroroNa.
Maranatha sai ro ma ho O Tuhan. (No. Urut 2,3,4,5 maniop lilin di tingki
manjahahon liturgi)

1. Bangso na madalani di bagasan haholomon, marnida sada panondang na bolon,

binsar do sada panondang di angka na mangingani tano linggoman ni
hamatean. Ai nungnga di padiri Jahowa halalas ni roha bolon di angka
bangsoNa di portibi on.
2. Sinondang ni liling na parjolo on, ima simbol ni advent parjolo. Nungnga jonok
haluaonta, Hosianna ma di anak ni Raja David, On ma ari na jinadihon ni
Jahowa, antong marolopolop jala marlas ni roha ma hita disi, pinasupasu ma
na ro marhitehite goar ni Jahowa. “ Hosianna ma di ginjang.
3. Sinondang ni lilin na paduahon on, ima simbol ni advent paduahon. Na naeng
ro ma Kristus i mardongan sinondang dohot hamuliaon ni Jahowa. Antong ta
pangke ma sinondang i laho mamparuehon hasintongan, haulion dohot
hatigoran. Ai na holom do hita najolo alai patiuron ni Debata ma nuaeng di
bagasan Tuhan i.
4. Sinondang ni lilin na patoluhon on, ima simbol ni Advent patoluhon. Nungnga
lam jonok haluaonta, ima haroro ni Kristus sipalua i. Patigor hamu ma dalan di
Tuhan i. Ibana do panondang ni portibi on, ia naso tupa Ibana mardalan di na
holom, jala naso tupa mardalan di na holom angka na mangihuthon Ibana, alai
tiur do ianggo nuaeng di bahen Tuhan i.
5. Sinondang ni lilin na paopathon on, ima simbol ni Advent paopathon. Ai na
songgop ne ma harajaon ni Debata. Hehe ma ho marsinondang ma ho, ai na ro
ma panondangmu jala hamuliaon ni jahowa binsar di atasmu.
6. Antong marhite na mar-Advent hita di huria na i, ima laho manomunomu di
haroro ni kristus silaua i, naeng ma tangkas taparade rohanta, pingkiranta,
ulaonta nang haporseaonta. Ai ingkon do dibagasan haulion dohot habadiaon
laho manjangkon Kristus i. Ala ni i, pauba hamu ma rohamu, ai nungnga
songgop Harajaon ni Debata.

Liturgi VIa

Patuginjang ma tohang muna, hamu ale angka harbangan, patuginjang ma hamu,

ale angka pintu sian na robi asa bongoot Raja Hamulion! Ise ulaning Raja ni

4
hamuliaon i? Ima jahowa, na gogo jala ulubalang, Jahowa Uluballang di hamusuon.
Patuginjang ma tohangmuna, hamu ale angka harbangan, jala patuginjang ma
hamu, ale angka pintu sian na robi, asa bongot raja ni hamuliaon i ! ise ulaning
ibana, Raja ni hamuliaon ? i ma Jahowa Zebaot, Ibanna do raja ni hamuliaon.

1. Bangso na mardalani di bagasan haholoman marnida sada panondang na

bolon. Binsar do sada panondang di angka na manondangi tano linggoman ni
hamatean.

2. Songonon do hatani Jahowa: Radoti hamu uhum, jala ulahon hamu hatigoran,
ai jonok na ma asa ro hatuaonku, jala papataron hatigoranKu.

3. Hehe ma ho! Marinondang ma ho! Ai na ro ma panondangmu, jala hamuliaon ni

jahowa binsar di atasmu.Ai ida ma, haholomon do manghukkupi tano on, jala
hagolapan angka bangso; alai na binsar na binsar ma Jahowa di atasnu,
jalamarsinoondang hamulionna di atsamu.

4. Mariaia situtu ma ho, ale boru Sion, marolopolp ma ho ale boru Jerusalem! Ida
ma, na ro ma rajam tumopot ho, partigor ibana jala siparmonang; na serep do
rohana jala marsihundul di halode dohot di anak ni halode inaina.

5. Dungi mulak ma rohamuna, jadi idaonmuna ma hasurungan ni halak partigor

martimbangkaon halak parjahat, hasurungan ni halak sioloi Debata,
martimbangkon halak na so mangoloi ibana

6. Ai ida ma, na ro ma ari na marsigorgor, songon pamurunan, jadi doshon

durame sude halak na jungkat dohot halak siulahon hajahaton, gabe
marsijembur ma nasida bahenon ni ari na ro sogot, ninna Jahowa Zebaot,
ndang adong tadingkononna di nasida nang urat, nang ranting.

7. Songon pangkalungunhon ni ursa di angka guluan, songon i doo

pangkalungunhon ni tondingku tu Ho, alle Debata. Mauas do tondingku di
Debata, ni Debata na mangolu i, andigan pe tolhas ahu asa huida bohini
Debata/

8. Ndang male nasida, ndang be mauas, ndang be ditinggang las ni ari nasida,
manang dia na mohop pe. Ai parmahanon ni birubiru na di parsintongan ni
hababangsa i do nasida jadi togihonna ma nasida tu angka mual aek
hangoluan, jadi apusan ni Debata nasa iluilu sian matanasida.

9. Jadi hubege ma soara na gogo sian hababangsa i, na mandok :on do joroni

Debata di tongatonga ni angka jolma; na maringanan ma Ibana di
tongatonganasida, jala nasida ma bangsona, jala Debata sandiri saor tu nasida.

10.Jadi apusan ni Debata ma nasa iluilunasida sian matanasida: ndang adong be

hamatean nang arsak ni roha: nang angguhangguk, nag na hansit, ndang disi
be; ai nungga salpu na parjolo i. Asa songonhata ni uppasa na
mandok :marasar sidaodao, dipunsu ni durian. Salpu ma angka parungkilan,
sai roma angka nadenggan.

11.Teaon ni na monang i ma saluhutna; jala Ahu gabe Debatana, ibana gabe

anakku. Didok ibanama mangkahatindangkon on : olo, na ro ma Ahu tibu!
Amen :roma Ho, ale Tuhan Jesus!

5
Liturgi IVb
Saut do bagabaga ni Debata tu portibi on marhitehite hatutubu ni Jesus Sipalua i.
Ibana do hapataran ni Debata Ama, na mangarumari diriNa gabe jolma : na
tinubuhon ni si Maria na gabegabean sian Tondi Porbadia andorang so
habubuhan. Ibana do Tuhan na humophop dohot paluahon jolma manisia. Tabege
ma barita hatutubu ni Sipalua i :

1. Matius 1 : 18 – 19
2. Matius 1 : 20
3. Matius 1 : 21– 22
4. Matius 1 : 23+25
5. Lukas 2 : 1–2
6. Lukas 2 : 3–4
7. Lukas 2 : 5–7
8. Lukas 2 : 8–9
9. Lukas 2 : 10–11
10. Lukas 2 : 12–13
11. Lukas 2 : 14

Liturgi V
Ro do Tuhanta Jesus Kristus tu portibi on asa malua angka jolma pardosa sian
pangalaho na roa i. Ingkon ma tarida i di perilaku ni hita jolma, jala on do di
halomohon Tuhanta, i ma : hamubaon ni roha manang pertobatan. Antong,
tabege ma joujou ni Tuhanta taringot tu : ngolu na imbaru, songon na tarsurat di
Rom 12 : 2, “Jala unang sarombang hamu dohot portibi on, alai gabe imbaru ma
hamu, dung muba pingkiranmuna, asa tau hamu manimbangi lomo ni roha ni
Debata, i ma na uli, na hinahalashonNa dohot na sun denggan.”

1. Galatia 5 : 6 + 22
2. Efesus 4 : 22 + 24
3. Efesus 5 : 1 – 2
4. 1 Tesalonik 4:3–4
5. Efesus 5 : 21-22+25
6. Josua 24 : 15
7. Ulaon Ap 16 : 31
8. 1 Timoteus 6 : 6–8
9. Filipi 1 : 9
10. Filipi 1 : 10 – 11
11. Jakobus 4 : 7
12. Jakobus 4 : 8
13. Filipi 4 : 13

Liturgi Parsuruon
Barita Las ni roga di hita sian parningotan ni Pesta Natal ima, naung gok do
bagabaga ni Debata di angka na manghaporseai Ibana. Jala disuru do hita asa lao
tu liat portibion mamaritahon barita nauli dohot tua tu sude jolma, posma rohanta
sai na donganan Na do hita rasira sa ro ajal ni hasiangan on, tung dokdok pe

6
angka na masa rongom tu ngolunta on. Disuru do sude angka na porsea asa gabe
panondang tu salhut portibion, ai nungga jumolo marsinondang Tuhan i dibagasan
dirinta.
1. Martua ma na pogos tondi, ai di nasida do harajaon banua ginjang i!
2. Martua ma na marsak roha, ai siapulon do nasida!
3. Martua ma na lambok roha, ai teanonnasida do tano on!
4. Martua ma na mauas male mida hatigoran, ai sipabosuron do nasida!
5. Martua ma na asi roha, ai siasian do nasida!
6. Martua ma parroha na ias, ai idaonasida do Debata!
7. Martua ma sibahen dame, ai goaron do nasida anak ni Debata!
8. Martua ma na pinaburuburu ni halak ala ni hatigoran, ai di nasida do
harajaon banua ginjang i!
9. Martua ma hamu, molo diinsahi halak hamu manang dipaburuburu manang
dipatubutubu ragam ni hata na roa, na so tutu, dompak hamu ala ni Ahu!
10.Las ma rohamuna jala marolopolop, ai godang do umpamuna di banua
ginjang i, ai songon i do dipaburuburu angka panurirang na jumolo sian
hamu.
11.Hamu do sira ni tano on! Alai molo tung gabe hambar sira i, aha ma
bahenon paansimhon? Nda tung na hasea be i; sibolongkononhon nama tu
balian, asa didegei halak. Hamu do panondang ni portibi on! Ndang
tarbahen so sai patar huta na di atas dolok.
12.Ndang dihungkuphon halak ampang tu palito na ginalahanna; tu ginjang ni
parpalitoan do dibahen, asa disondangi saluhut na di jabu i. Naeng songon i
ma marsinondang palitomuna di jolo ni halak, asa diida angka
pambahenanmuna na denggan i, asa dipuji nasida Amamuna na di banua
ginjang i.