ACARA KEBAKTIAN NATAL

Punguan MARGA… , Boru, Bere.

“Alai Nunga mandok ro uju I tu portibion panondang na sintong I, na
manondangi nasa jolma”
Yohanes 1:19

jUMAT, 17 DESEMBER 2010

PUKUL 18.00 WIB
HKBP SUKARAME
I. ACARA KEBAKTIAN DAN LITURGI
01. PRELIGIUM

-1-
 Nuaeng jumpang ma tingki halalas ni roha di hita, marhite naung tubu Tuhanta Jesus tu
portibi on. Antong di na marlas ni roha on hita, sungkunonta ma ganup rohanta, tatatap ma
nang humaliang hita, huhut panghilalaonta panjouon ni Tuhanta di hita na marlas ni roha on.
Adong do halak na marlas ni roha, intap ni hasomalan sambing. Adong muse do halak na
marlas ni roha ala di hariburon ni luat/humaliangna. Ala dia do na gabe las ni rohanta di
bagasan tingki on? Ima “ALA NAUNG TUBU TUHAN JESUS KRISTUS DIBAGASAN TINGKI
ON TU BAGASAN ROHANTA GANUP MARSADASADA”. Martangiang na hohom ma hita …
Tapuji ma Tuhanta marhite ende No. 45: 1– 2

02. Marende BE No. 45: 1- 2 “Ndang tadingkononku ho” BL. 73

1. Hosianna ! Anak ni Raja David rot u hita
Baen ture dalanna i, asa bongot tu rohanta
Baen gabagaba i di Tuhanta na ro i
2. Hosianna ! Ro ma Ho tu bagasan rohanami (Ruas Jongjong)
Na manomunomu Ho, ale Jesus, Tuhannami !
Las do rohanami i molo bongot Ho tusi
03. HATA HUHUASI / PATUJOLO
- Sian Ketua Panitia Natal
- Sian Ketua Punguan
04. Marende BE No. 40:1-2 “Las situtu rohangku” BL.153
1. Las be ma rohamuna, na tigor roha i
Naung ro do Rajamuna, mamboan tua i
Ndang marpanggortap i anggo di haroroNa
Alai tuk do gogoNa padaohon jea i
2. Ndang dilului rohaNa, dison sonangNa i
Di surgo habangsaNa, harajaonNa i
Ai naeng buni dope di tano on sangapNa
Dung tulus pe sangkapNa, patar ma i sude
05. VOTUM - INTROITUS-TANGIANG (U= Uluan R=Ruas)
U : Marhitehite Goar Ni Debata Ama, dohot Goar ni Anakna Tuhan Jesus Kristus,
dohot Goar ni Tondi Parbadia, na tumompa langit dohot tano on.
R : Amen
U : Pinuji ma Debata Ama, naumpasupasuhon ragam ni asi ni roha dohot holong na
sumurung marhite Jesus Kristus Tuhanta i,
R : Sangap ma di Ho ale Debata.
U : Alai taboto do, saluhut do manumpak tu na denggandi angka na marholong ni
roha di Debata, angka na jinou na sian tahiNa hian. Ai halak na so marholong ni

-2-
 roha, i do na so tumanda Debata, ai haholongon do Debata
R : Ai marhite i do tanda Anak ni Debata dohot anak ni sibolis. Ndang sian Debata
ganup halak na so mangulahon hatigoran, jala na so marholong ni roha di
donganna.
U : Angkup ni i, saroha ma hamu saluhutna, sapanghilalaan angka na marholong ni
roha di dongan, na marasi ni roha, na serep ! Haleluya…
Martangiang ma hita :
Ale Tuhan Debata, uhirhon ma bagas tu rohanami holong ni rohaMi marhite
Perayaan Natalnami di tingki on, asa tangkas hujangkon hami sondang na binoan
ni AnakMu Tuhan Jesus Kristus Sipalua i, ai marhite sondang haholongan na i do
boi talup hami saluhutna masihaholongan maradophon dongannami jolma,
marhite hata dohot pambahenan na denggan, tarlumobi ma di tongatonga ni
parsaoran Punguan Silae, boru bere, ibebere na adong di Palembang dohot
humaliangna, asa gabe habaoran ni pasupasu ma punguannami on mamboan
holong ni Kristus tu nasa humaliang.
U+R : Amen
06. Marende BE. No. 49: 1 -2 “Sai ro ma tu bara” BL. 47
1. Sai ro ma tu bara di Betlehem on
Hamu na porsea, hatop ma tuson
Marnida halasan ni rohanta i
Tinongos ni Amana di surgo i
2. O, Ida hamu ma di bara inon
Dakdanak na tubu disi borngin on
Uli do RupaNa, mataNa tiur
O Bereng Ibana, ho gabe tiur

07. LITURGI I
PROLOG: Margogo do Debata laho patupahon na adong on sian na so adong hian, Ibana
ma ginoaranna pargogo na so hatudosan, sitompa nasa na adong. Ditompa angka i,
marhitehite huasoNa na sun Badia. Jadi ma ho……Gabe manjadi ma songon i:
1) 1 Musa 1 : 2-3 - 1 Musa 1 : 4-5 ( Ketua/ Inanta)
2) 1 Musa 2 : 1-3 - 1 Musa 2: 4-5 (Sekretaris/Inanta)
3) Psalm 89 : 12-13 - Psalm 89:14-15 (Bendahara/Inanta)
4) Psalm 90 : 1 –2 - Pangungkapon 4:11 (Komisariat/Inanta)

08. Marende BE No. 47: 1-2 “Aut Na Saribu hali Ganda”

1. Dina saborngin I do binsar panondang di tondinta i

-3-
 Padaohon saluhut na simper, lao patiurhon sasude
Sondangon ni panondangon muse sandok portibion
2. Ianggo ho, ale tondingku, sai jangkon ma panondang i
Sai unang ma lea rohamu dibaen hametmetonna i
Pabalionna do sude, Sibolis dohot hosa pe.
09. LITURGI II
PROLOG: Dung i dipungka Debata Jahowa ma sada porlak na margoar porlak Eden
tartungkan habinsaran, jadi tusi ma dibahen jolma na jinadihonNa i.
1) 1 Musa 2 : 9 - I Musa 3: 19-20 (St. B.Silaen/Br. Siagian
2) Hesekiel 28 : 13 - Hesekiel 31: 9 (A. Stenly/ Hutabarat)
10. Marende BE. 48: 1-2 “ RIA MA HITA SASUDE”
Ria ma hita sasude mamuji Debata
Girgir ma parendenta be,
Ai I do na tama, Ai I do na tama
Diungkap Debatantai, Banua ginjang I,
Disuru do AnakNa I, Hangoluanta I:,:
11. LITURGI III
PROLOG: Nunga susa be sasude jolma hinorhon ni dosa. Bisuk do ulok i laho mangela jolma
i asa mangalo tu Debata. Alai tarbahen angka na tinompa i dope marsidalian muse. Umbahen
na maol jumpang hamubaon ni roha. Asa ala ni pardosaon i sahat ma jolma i tu hamatean.
1) 1 Musa 3 : 11-12 - I Musa 3: 21 ( P.Silaen/ Marpaung)
2) 1 Timotius 2 : 14-15 - I Timoteus 5 : 22-23 ( D.Silaen/ Panggabean)
12. Marende BE No. 39 : 5-6 “Beha ma panjalongku” BL. 156
5. Di na tarihot ahu, ro Ho mananggal au
Di na tarhurung ahu, Ho paluahon au
Ho do na pasangaphon na lea on hian
Ho do na pamorahon na pogos on hian
6. Hamu, na holso roha bianen ni dosa i,
Tangihon boaboa na sian surgo i
Naung ro do Sipalua disuru Ama i
Pasonang rohamuna mamboan dame i
13. LITURGI IV
PROLOG: Marragam do hasusaan hinorhon ni dosa. Alani pardosaonna gabe mabiar do
jolma, na parjolo marnida Debata. Alai tung pe mardosa jolma i, tongtong do dihaholongi
Debata. Ndang di pasombu Debata lilu jolma i ala ni pardosaonna.
1) 3 Musa 5 : 1 - 3 Musa 5 : 6 ( Sijabat/ Silaen)
2) 3 Musa 5 : 10 - Psalm 32 : 5 ( Perumnas)

-4-
 3) Heber 5 : 3 - Heber 10:12 ( Sitorus/Silaen)
14. Renungan Situasional
U : Mamestahon Natal, lapatanna: Marningot dohot manghalashon pambahenan ni
Debata naung patupa dalan haluaon sian hamagoan ni jolma pardosa. Ala ni i, ganup
halak Kristen na mamestahon Pesta Natal, ingkon gok do las ni rohana dibagasan
Tuhan i, ai las ni roha dibagasan Tuhan i do songon hapapatar ni haporseaon. Didok
hata ni Tuhanta: ”On pe, ale angka dongan, sai las ma rohamuna, sai olo ma hamu
patoguon jala apoan, sada ma pangkirimonmuna radoti hamu ma dame i, asa
didongani Debata parholong jala sipardame i hamu.
R : Molo marpesta Natal, naeng ma tutu di bagasan las ni roha na gok, ai parningotan asi
ni roha ni Debata do Pesta Natal. Alai sai maol do gok las ni roha, ai jotjot do ponjot
roha panosak ni portibion, umbahen nidok songon i, angka on ma deba alana:
A : Ia panghilalaan di tingki na parpudi on nga lam tu boratna, ala ni angka na ringkot di
ngolu siapari on. Lam tu maolna do mangalului na ringkot i, i ma angka haporluan ni
keluarganiba, lam tu maolna pansarian hape ia sisarihonon dohot sipingkiran lam
martamba-tamba. Gabe hinorhon ni do jotjot jut roha jala mambahen madabu tu
pandelean.
I : Nian niingot do hata ni Debata na mandok: “Unang ma holosoan rohamuna, mandok:
aha ma panganonnami? Aha ma inumonnami? Aha ma parabitonnami? Alai beha ma
bahenon so madabu iba tu holso, ai mansai gogo do manosak angka na ringkot siapari
on. Sipata pola tahe golap jala holom panghilalaan ala sai mamingkirhon angka na
ringkot i.
R : Aha ma na boi hatindanghonon ni hami di Pesta Natal bodari on?
U : Didok hata ni Debata do: Pasahat ma dalanmu tu Jahowa jala haposi Ibana, asa Ibana
paturehon. Tung i do na sintong siulahonon. Ai apala di partingkian na sulit songon
partingkian nuaeng on, ingkon tu Debata do hita maporus na boi paluahon hita, na boi
patiurhon rohanta, jala na boi mangalehon angka na ringkot i di hita. Ingkon holan
mangasahon asi ni roha ni Debata do laho mangatasi hamaolon i.
R : Di Pesta Natal bodari on, aut ma nian sude hami marhatopothon di jolo ni Tuhanta,
mandok: Ale Tuhan, di na ponjot rohanami, alai patiur ma i marhite sondang na
binoanMu sian surgo i.
U : Ingot hamu ma na nidok ni Debata : Ai dilehon Debata do tu hita tondi hagogon, tondi
haholongon, tondi pangarajaion diri, ndada tondi hatahuton. Ima sahatna, martua ma
na tumangihon hata ni Debata jala naumpeopsa.
R : Amen
15. Marende BE. 46: 1-2 “ Na sian ginjang do au ro”
1. Na Sian ginjang do au ro, Barita na imbaru do,

-5-
 Huhut na uli situtu Huboan tu sude hamu.
2. Naung tubu do saborngin on, anak ni na marbaju on,
Anak na uli situt na gabe las ni rohamu.
16. LITURGI V
PROLOG: Marholong ni roha do nian Debata mida jolma na tinompaNa i, di sesa do angka
pangalaosion ni jolma. Alai laos manggogo situtu dope jolma i laho mangalo Debata. Dipillit
Debata do bangso Israel i gabe bangsoNa. Alai luhut do manggogo nasida laho mangalo
Debata. Didia do hita nuaeng, tagamon do adong langka ni ngolunta na sai mangalo tu lomo
ni roha ni Debata?
1) 3 Musa 16 : 2 - 3 Musa 16 : 3 ( Sijabat/ Silaen)
2) Josua 22 : 18 - Nehemia 9 : 26 ( Lubis/ Silaen/ Koref)
3) Psalm 78 : 17 - Psalm 78 : 56 ( Napitupulu/ Silaen)
17. Marende BE No. 38 : 4 “Paruak ma harbangan” BL. 189
4. O Jesus, ro ma Ho tuson, ai naung huungkap rohangkon
Patongon asi ni rohaM, patolhas denggan ni basaM
Tu au marhite tondiMi, togihon au tu surgo i
Ai naeng tongtong disi hupuji goarMi
18. LITURGI VI
PROLOG: Alai ndang dihalomohon Debata hamatean ni angka parjahat i, hamubaon ni
rohana di halomohon rohana asa mangolu. Ndang dijujur Debata pardosaon ni jolma i gabe
uhuman na manghorhon hamatean di salelengnilelengna. Marasi ni roha do Debata, di
bagabagahon Debata do haroro ni Sipalua i, laho paluahon jolma sian pardosaonna. Songon
tanda ni holong ni rohaNa mida halak pardosa. Tatangihon ma hata ni angka panurirang ni
Debata.
1) Yesaya 7 : 14 - Yesaya 9: 5-6 ( St. Pangaribuan/Panjaitan)
2) Hesekiel 34 : 23-24 - Daniel 7: 13-14 ( Aritonang/ Napitupulu)
3) Maleakhi 3:1 - Zakharia 9: 9 ( Panjaitan/ Sihombing)
4) Jesaya 11:1-2 - Jeremia 23: 5-6 ( Sinaga/ Purba)
19. Marende 52: 1 “ Hatuaon do”
1. Hatuaon do, las ni roha do
Hatutubu ni Jesus I, Mago do jolma,
Ro ma Tuhanta, Las be, las be ma rohanta i..
2. Hatuaon do, las ni roha do, Hatutubu ni Jesus i!
Domu do hita tu Debatanta. Las be, las be ma rohanta i!

20. LITURGI VII

-6-
 PROLOG: Ndang tarpaidaida Debata be jolma i lilu dibagasan dosa. Ndang tarbunihonsa asi
dohot holong ni rohaNa. Hatop do ditongos Sipalua i asa malua ganup jolma sian dosa.
Tabege ma haroroNa, jala jangkon ma Ibana tu bagasan rohanta.
1) Lukas 2 : 4-5 - Lukas 2 : 6-8 ( E. Silaen/ Aritonang)
2) Lukas 2 : 9 - Lukas 2: 10-11 ( R. Silaen/ Tobing)
3) Lukas 2: 13 - Lukas 2: 14 ( A. Silaen/ Gultom)
21. CANDLE LIGHT (Pagalak lilin)
22. Marende BE. No. 54: 1,3 “Sonang ni bornginna i” BL. 64
1. Sonang ni bornginna i, uju ro Jesus i
Sonang mudom do halak sude, holan dua na dungo dope
Mangingani AnakNa Jesus Tuhanta i
3. Godang ni tua disi, din a ro Jesus i
Tung malua pardosa muse, sian hamagoanna sude,
Ala ro Sipangolu, Jesus Tuhanta i

23. LITURGI VIII

PROLOG: Ai songon on do holong ni roha ni Debata di portibi on, pola do AnakNa nasasada i
dilehon, asa unang mago ganup na porsea di Ibana, asa hangoluan na salelengnilelengna di
Ibana.
1) Yohanes 1: 14 4) Markus 1: 11
2) Lukas 2 : 15 5) Ulaon ni apostel 16: 31
3) Lukas 2: 20 6) Yohanes 15: 7

24. Marende BE. No, 61: 1+6 “Na tau las ni roha” BL. 2
1. Na tau las ni roha hatutubu ni
Jesus Sipalua, haholonganki
Jesus Sipalua, haholonganki
6. Sai mardongan Jesus, hinadenggan ni
Nang tu au patulus halolomoMi
Nang tu au patulus halolomoMi

25. JAMITA:
26. Marende BE. No. 53:1-2 “Di Betlehem do tubu” (Pelean)BL. 51
1. Di Betlehem do tubu di hita Anak i
Ido sian na burju hupillit Rajangki
I do, i do, hupillit Rajangki
2. Tu holong ni rohaNa hubonom rohangkon

-7-
 Hulehon di Ibana sude na di au on
Olo, olo, sude na di au on
27. TANGIANG PANUTUP: Pelean – Ale Amanami – Pasupasu – Amen…Amen…Amen.
28. ACARA (Panitia)

PANITIA NATAL
Pasahathon

SELAMAT HARI NATAL 2010

&
TAHUN BARU 2011
Tu

SUDE PUNGUAN RAJA SILAEN, BORU, BERE

-8-