Jamita tu Partangiangan Bona Taon

Pomparan ni Datu Parulas Sihombing Lumbantoruan Boru

dohot Bere/Ibebere se Pekanbaru Sekitarna
Sabtu, Tgl. 28 April 2007
Nas: Mateus 18: 19 - 20
“Molo mardos ni roha manang dua sian hamu di tano on
tumangiangkon manang hata dia pe, jaloonmuna do i sian
Damang na di banua ginjang i. Ai anggo pungu dua
manang tolu pe marhitehite GoarHu, sai dongananku do
nasida. - “Aku berkata kepadamu: “Jika dua orang dari
padamu di dunia ini sepakat meminta apapun juga,
permintaan mereka itu akan dikabulkan oleh BapaKu
yang di sorga”. Sebab dimana dua atau tiga orang
berkumpul dalam namaKu, di situ Aku ada di tengah-
tengah mereka”.
Marhite Partangiangan Bona taon on, tarjou do hita
patuduhon ngolu na masihaholongan
na pinasada di bagasan Kristus!
1. Laho manonun hasadaon di halak Batak, adong do sada hata
mutiha na arga, i ma hata na mandok: “Tamtamna do
tajomna, rim ni tahi do gogona”. Didok roha, ndang piga be
dongan na umposo na mananda andalu, ai nunga maol
jumpang i ala ndang be tapangke di kota on. Alai sian andalu i
do ro hata na mandok: “Tamtamna do tajomna”. Ai ditamtam
ni andalu i do tajomna. Molo diduda sidudaon, pola boi
mambola, mamonggol dohot manggetei na niduda i, gabe
mansai lamot ma na niduda i. Asa di tamtam ni andalu i do
hatajomonna.
 Namarudut do hata i na mandok: “Rim ni tahi do gogona”.
Tarida do i sian pandudaon ni panduda, umbahen adong
hata na mandok: Marsada dua tolu songon andalu ni
panduda. Molo rap manduda sai humatop do sae sidudaon,
ndang hinilala na loja, ai hira na dapotan gogo do iba sian
dongan na manduda i. Asa hata tulut do i. Molo mardos ni
roha, jala molo rim tahi laho mangula nasa siulaon, lam
1
 margogo do hita. Ndang adong na sundat, dohot na so
tarula molo rap mangula ulaon i.
 Molo holan sahalak do mangulahon siulaon, tibu ma loja, ro
ma losok ni roha, olo muse ma masa na masipasombuan,
gabe mate-mate sahalak. Molo masa na songon i, ndang
saut be ulaon. Alai molo rim tahi, molo sahata saoloan, jala
molo dos roha, tamba ma gogo laho mangulahonsa. Ndang
masipasombuan, ndang masitugan-tuganan. Sandok rap
mangula ulaon i. Rim tahi laho pasidungkon ulaon i. Asa
dihorhon rim ni tahi i do partamba ni gogo laho patulushon
sada-sada ulaon.
 Molo adong halak na bangkol rohana masiurupan, i ma na
patuduhon na so di tanda dirina sandiri. Ndang di tanda
hahuranganna dohot halobianna, jala ndang di tanda
hahurangan dohot halobian ni donganna. Ai molo diboto,
adong hahuranganna dohot halobianna, jolma na songon i
do na olo masiurupan di angka ulaon na dokdok i.
 Ap. Paulus mandok di Galatia 6: 2, “Masiurupan ma hamu
mamorsan na dokdok i, i ma dalan mangaradoti Patik ni
Kristus”. Lapatanna: Molo masiurupan hita mangula
siulaonta, laos disi do tulus jala saut Patik ni Kristus. Patik
ni Kristus, i ma asa mian hita di bagasan na masihaho-
longan, hita sama hita (Joh 15: 10 – 12). Hataridaan ni na
masihaholongan, i do na marsiurupan. Panghorhon ni na
marsiurupan i do dapot hasasaut ni pandohan i:
“Tamtamna do tajomna, rim ni tahi do gogona”.
 Molo didok: “Tamtamna do tajomna, rim ni tahi do gogo-
na”, Mansai umbuk do Hata i tu tona ni Tuhan Jesus na
gabe siulahononta di partingkian on. Ai parbue ni na
mardos ni roha do rim ni tahi i, alai adong ma na ingkon
siulaon, i ma: “Tumangiangkon manang hata dia pe”.
Marhite rim ni tahi na mangidohon tu Tuhanta i, saut ma
2
 jaloonta na tahalungunhon sipasahaton ni Damang na di
banua ginjang i.
2. Tapasada ma rohanta mangido sipangidoonta tu Tuhanta i:
1. “Molo mardos ni roha manang dua sian hamu di tano on
tumangianghon manang hata dia pe, jaloonmuna do i sian
Damang na di banua ginjang i” (ay. 19).
 Molo mardos ni roha dua sian hamu, na marlapatan
situtu do hata on, mengajak angka dongan rap
mangidohon tu Tuhanta i manang aha sipangidoonta.
Hape molo taparrohahon na maol do mardos ni roha na
dua halak i. Ise ma i? I ma: Ama dohot Ina di tonga-
tonga ni keluarga.
 Ai jotjot do masitugan-tuganan molo martangiang. Boha
ma bahenon ni Tuhanta i mangalusi pangidoanta, molo
ndang dos rohanta. Ingkon na dos do rohanta
mangidohon tu Tuhanta i, dung i alusanNa ma hita.
2. Anggo pungu dua manang tolu pe marhitehite goarHu, sai
dongananKu do nasida (ay. 20): Di pilsafah ni halak Batak
pe, mansai tangkas do didok: “Molo ndang adong na
mangido, ndang adong na ma la”. Lapatanna, ingkon na
adong do na mangido asa adong na mangalehon. Songon i
do nang hubunganta tu Debata, ndang jadi pasif hita. Alai
ingkon na berusaha do hita semaksimal mungkin mangido
tu Ibana, dung i lehononNa ma tu hita na tapangido sian
Ibana. Ai nunga dilehon tu hita jaminan ni pangaramotion-
Na, na mandok: Sai dongananKu do nasida. Gariada ndang
holan di dongani, sahat do tu na mangalusi, marhite na
mangalehon na tapangido sian Tuhanta i.
3. Molo mardos ni roha hita, rim tahinta, sai na jaloonta do na
tapangido sian Ibana. Ai nunga pungu lobi sian dua ro di tolu
halak hita di Partangiangan Bona Taon Pomparan ni
Ompu Datu Parulas Sihombing Lumbantoruan -Boru
dohot Bere/Ibebere on, mangidohon tu Tuhanta asa
3
jumpang roha na masihaholongan na pinasada di bagasan
Kristus.
Adong ma lima dasar sipeopon ni rohanta, songon tanda ni
naung ni alusan ni Debata tangiangta:
1. Dilehon do tu hita haporseaon: Songon parrohaon ni
sahalak dakdanak maradophon amana manang inana,
porsea do ibana na lehononna manang aha na pinangido ni
rohana. Songon i do nang hita pe. Molo porsea hita tu
Debata, lehononNa do nasa na tapangido tu Ibana.
2. Dilehon do tu hita hagogoon: I ma sipangkeonta laho
mamuji Ibana, huhut mangido na ringkot di ngolunta.
3. Dilehon do tu hita Pengarahan= Petunjuk, panogu-noguon,
asa sai hombar tu lomo ni rohaNa ulaonta di ngolunta
siganup ari.
4. Dilehon do tu hita Asi roha dohot ragam ni Pasupasu.
5. Dilehon do tu hita Pangapulion, na patauhon hita mardos ni
roha, patuduhon rim ni tahinta mangidohon sipangidoonta
tu Debata Ama i. Sai na pasahatonNa do na tapangido tu
Ibana, ai Debata na tongtong mian di tonga-tonganta do
Ibana mandongani hita ganup ari.
Antong! Tapatuduhon ma ngolu na masihaholongan na
pinasada di bagasan Kristus, ai marhite i jaloonta ma ragam ni
pasupasu di pardalanan ni ngolunta. Amen.

4
Doc: Grh. Letare Hutabarat/HKBP Sukajadi.