Jamita di Ari Parningotan di hamamate ni Tuhan Jesus Tanggal 07 April 2023

HEBER 5, 7 – 10 Ep. Psalm 22, 18 - 25

Hamu angka dongan hinaholongan ni Tuhanta Jesus Kristus! Ari Parningotan di Hamamate ni
Tuhanta Jesus digoari Jumat Agung (Good Friday), na patuduhon, tung na marmulia ma tutu na masa
di ari i, ima hamamate ni Jesus i. Ala ari Jumat Agung manaringoti haluaon. Jala taboto do, sandok
portibi on do manghalungunhon jala mangharing-kothon haluaon. Alai sungkunsungkun na sangat
menentukan ima: Dia dia, di ise do dapot hita haluaon na sempurna? Ise do na boi mangalehon
haluaon na singkop? I do na pinatangkas ni turpuk di Jumat Agung on. Memang, ndang apala tangkas
ise panurat ni surat on, songon i nang alamat na manjalo pe; alai didok angka pande bisuk, hira huria
Rom, na toropan ruasna sian Jahudi do. Ninna, naeng torop ruas ni huria i na naeng murtad, ala so
tahan nasida mangadopi pangaleleon dohot penyiksaan. Ala ni i ma disurathon surat on laho
meyakinkan nasida asa unang olo nasida murtad, ai holan Jesus do Sipalua na sempurna. Karena
Yesus itu adalah Juruselamat yang sah, yang paling sempurna dan yang terunggul dari semua
juruselamat. Nats ini meyakinkan mereka dan kita hari ini, bahwa Yesus adalah Imam Besar yang
sempurna, yang sejati, satu-satunya yang bisa memperdamaikan kita dengan Allah. Tuhanta Jesus
pe nunga didok hian di Johannes 14, 6: Ahu do dalan i dohot hasintongan dohot hangoluan. Ndang
adong na sahat tu Ama i, ia so marhite sian Ahu. Jala i do didok si Petrus Ulaon Apostel 4, 12 “Asa
ndang adong haluaon di bagasan manang ise na asing; ai ndang adong goar na asing ditoru ni langit
dilehon tu jolma, parhiteanta tu haluaon”, ima Jesus.

Sian surat Heber on ma, tarlobi sian turpuk sadari on mansai tangkas dipatorang tu hita
taringot tu keabsahan dohot keunggulan ni Jesus songon Sintua ni malim. Dia ma i? Parjolo, songon
naung tabege nangkin, Jesus i ma Sintua ni malim, mangihuthon horong ni si Melkisedek. Jala na
paduahon, tajaha di Heber 4, 14: Onpe, dibahen naung adong di hita sintua ni malim na bolon,
naung manorusi angka banua ginjang i, i ma Jesus, Anak ni Debata, gomos ma tatiop naung
taparhatopot i!”. Ima na patuduhon huaso ni Jesus na mangalobii banuainjang dohot sude huaso.
Ala ni i patut do Ibana goaron Sintua ni Malim na sumurung. Jala keabsahan dohot keunggulan na
patoluhon, ima nab oi tajaha di Heber 4, 15c na mandok, ia Jesus i ima Sintua ni malim na so
mardosa, ala ndada sian boni ni jolma Adam Ibana alai sian Tondi Parbadia do. Ala ni I, ndang
mardosa. Ndang pola ingkon pelehononNa pelean pardosaonNa. Alai, di 2 Korint 5, 21 didok do: ‘Dia
yang tidak mengenal dosa telah dibuatNya menjadi dosa karena kita, supaya dalam Dia kita
dibenarkan oleh Allah”. Humongkop hita gabe dosa Ibana, na so tumanda dosa, asa gabe hatigoran
ni Debata hita di bagasan Ibana. Jala na paopathon, songon nidokna di Heber 4, 15: “Ai naung adong
do di hita sintua ni malim na tarbahen dongan mangkilala di angka hagaleonta; tung na tarunjun do
Ibana di na saluhut songon hita, alai ndang mardosa”.

Hamu angka dongan! Ra, nunga be tangkas di hita, jala nunga boi pos rohanta, paboa Jesus i
do satu-satunya Sintua ni malim na sempurna jala na terunggul. Ala ni i, songon Sintua ni malim
Ibana, dipelehon Jesus ma diriNa sandiri gabe pelean pardamean na padamehon hita tu Debata.
Marhite dagingNa dohot mudarNa naniusehonNa di silang Golgata i ma na boi manesa sude dosa.
Jala marhite hamamateNa di silang i ma Jesus gabe pengganti, manggantihon hita manuhuk sude
uhum ala ni dosa i. Jala singkop ma saluhutna dipatupa di silang i.
 Ala ni i, sadarion, di Jumat Agung on, dipapos rohanta: Unang adong be hita na ragu-ragu
mambahen Tuhan Jesus gabe Sipalua di hita. Jala, unang adong be adong hita na olo murtad,
maninggalhon Sipalua na singkop i. Alai, lam tapatogu ma rohanta manghaporseai Ibana. Dan
tetaplah setia mengikut Tuhan Yesus walau harus menderita. Mengapa? Karena tidak ada
Juruselamat yang sesempurna Yesus di agama atau di tempat manapun. Itulah juga menjadi alasan
kita untuk tetap setia mengikut Tuhan Yesus walau – siapa tahu – kita dipaksa, disiksa, dipecat atau
didiskriminasi atau dipersekusi karena kita pengikut Yesus – atau bila kita diiming-imingi jabatan dan
harta, atau jatuh cinta dengan gadis atau cowok beragama lain. Justru molo taadopi do pangaleleon
ala goar ni Jesus ingkon lam unduk, taat hita tu Tuhan Jesus. I do na nidokna di ayat 7 – 9. Didok disi,
justru uju di penderitaan i diguruhon Jesus i do pangoloion, ketaatan, tu Debata na marsuru Ibana. I
do na masa di Getsemane. Tutu, Anak ni Debata do Ibana, alai na olo gabe jolma laho pasauthon
sangkap haluaon ni Debata, AmaNa i, ima: ingkon manaon na hansit, durus mudarNa, jala mate di
hau silang. Ima pergumulan ni Jesus di Getesemane, pola martitir hodokNa songon mudar ala
dokdok ni pergumulan ala sitaonon i.

Hamu angka dongan! Ima sitiruonta, asa olo hita gabe pangoloi di Debata marhite angka
sitaonon pinasonggop ni Debata tu hita. Memang godang do halak na olo unduk, pangoloi molo
diimingimingi hadiah. Hal ana somal do i, alai ndang adong halobianta disi. Alai, boha do hita olo lam
unduk tu Debata justru di tingki marsitaonon hita, i do pinangido ni Debata. Jesus ma tiruanta, na olo
unduk di sitaonon gabe bona ni haluaon. Ingatlah, ketika kita taat dalam penderitaan karena iman
kita, maka kuasa Tuhan akan turut campur tangan menguatkan dan melepaskan kita. Bukti di Alkitab
tentang itu sangat banyak. Tetapi yang terutama, ketaatan, itulah yang diminta Tuhan dari kita.
Kemurnian iman percaya kita terlihat dari ketaatan kita, seperti ketaatan Abraham yang mau
mengorbankan anaknya, Ishak. Tidak ada gunanya kita terus mengatakan ‘aku percaya kepada
Tuhan Yesus’ bila kita tidak mau taat kepadaNya terutama ketika menderita. Dan itulah gunanya
penderitaan bagi kita, yaitu menjadi tempat/ sarana/ kelas bagi kita untuk belajar taat kepada Tuhan
Yesus, sehingga iman kita semakin kuat dan dewasa. Semakin taatlahlah ketika harus menderita
karena nama Tuhan Yesus. AMEN