PARTANGIANGAN PELETAKAN BATU PERTAMA

Keluarga: G. Panjaitan / br. Sihombing

Senin, 02 Agustus 2021

1. Patujolo dohot Pangaradeon diri: (U=Uluan ; H=Hasuhuton ; N=Natorop ; S=Sude)

U: Di hamu hasuhuton dohot hita saluhutna na marpungu di inganan on, horas
jala didongani asi ni roha ni Tuhan i ma hamu saluhutna!
S: Horas ma tutu jala didongani asi ni roha ni Tuhan i ma nang hamu
Parhaladonami!
U: Nunga marpungu hita di inganan on hombar tu joujou ni hasuhuton, ima
diulaon mameakhon batu parjolo dipembangunan ni bagas sibagandingtua
keluarga amang G. Panjaitan / br. Sihombing. Anggiat ma pamuhai na
denggan dohot bona ni nauli parpunguanta ombas on di hasuhutonta.
N: Ima tutu, Debata mual ni nauli bona ni nadenggan; Ibana ma mamasumasu
sangkap nauli on.
H : Amen! Asi ma rohaM Tuhan, pasupasu ma sangkap ni rohanami on.
U: Didok hata ni Tuhanta: “Molo mardos ni roha manang dua sian hamu di tano
on tumangiangkon manang hata dia pe, jaloonmuna do i sian Damang na di
banua ginjang i.” Nunga mardos ni roha hita nuaeng, sai jumpang ma
pangidoanta i. Laos taingot ma hata ni endenta na mandok: “Raphon Tuhan
Jesus i pungka ulaonmu; Ingkon tu Ibana i parguruhononmu; Baen Ibana
donganmi, hehe dohot modom. Dege ma bogasNa i, rohami pahohom.”
Taendehon ma i di bagasan las ni roha pasangaphon Debata!

2. Marende Huria BE No. 565 : 1 + 4 “Las rohangku lao Mamuji”

1. Las rohangku lao mamuji Debata parholong i.
Songon bunga na mangerbang dina binsar ari i.
Arsak, dosa, haporsuhon mago dibaen asiMi.
Las ni roha na manongtong lehon di au Tuhanhi.

2. Rap ma hita mangendehon sangap di goarNa i.

Tapangiar soaranta lao mamuji Tuhan i.
Sun do holong ni rohaNa na so marnamontok i.
I do pasadahon hita salelenglelengna i.

3. 3. Votum – Introitus – Tangiang.

U: Marhitehite Goar ni Debata Ama dohot Goar ni AnakNa Tuhan Jesus
Kristus dohot goar ni Tondi Parbadia, na tumompa langit dohot tano
on. Amen. Martua ma ganup na manghabiari Jahowa, na marparange di
 angka dalanNa i. Ida ma, sai songon i do tongon dapotan pasupasu baoa, na
manghabiari Jahowa.
S: Sai pasupasuon ni Jahowa ma ho sian Sion, asa paidaidaonmu hinadenggan
ni Jerusalem ganup ari saleleng ho mangolu.
U: Jala ingkon idaonmu do angka pahompum tubu ni anakmu. Hasonangan ma
songgop tu hamu.
S: Haleluya! Pinuji ma Tuhan i.
U: Martangiang ma hita: Ale Jahowa, Debata Parasiroha na sumurung jala
Pardengganbasa na manongtong saleleng ni lelengna. Na mandok mauliate
do hami tu Ho ala sude denggan basaM naung sahat tu hami. Tongtong do
dibuha Ho tanganMu laho manarihon angka na ringkot di ngolunami,di
sipangananon, parabiton dohot lan angka na tau hasonangannami. Nang di
ulaonnami pe sadari on Ho do pujionnami, ai ndang tarpatupa hami salangka
na ture anggo so mardonganhon Ho. Antong asi ma rohaM, pasupasu ma
sangkap ni Keluarga amang G. Panjaitan / br. Sihombing di na patupa
pembangunan sibaganding on, mamungka sian mameakhon batu parjolo di
pembangunan sadari on. TondiM Nabadia i ma mamparrohai pande bagas
dina paulihon. Ai hataM do mandok “molo so Jahowa paulihon bagas, loja
sambing do angka na mamandei.” Dibahen i Ho do dihaposi rohanami asa
manjadi ulaon on bahen las ni roha di hami dohot hasangapon di goarMu, di
bagasan Jesus Kristus Tuhannami.
Sude: Amen.

3. Marende BE. 188 : 1 “Jahowa siparmahan au.”

1. Jahowa siparmahan au, ndang hurang manang aha.
Ai nasa jea dipadao do sian dorbiaNa.
Tongon dibaen na lomak i, lao pangoluhon tondingki, dibaen asi rohaNa.

4. Poda/Tangiang sian Psalm 128: 1-6 : (U=Uluan ; H=Hasuhuton ; N=Natorop ; S=Sude)

U: Martua ma ganup na manghabiari Jahowa, na marparange diangka dalanNa.
N: Sai panganonmu do naniula ni tanganmu, martua ma ho jala sonang
H: Ale Tuhan, asi ma rohaM, urupi ma hami!
U: Tudoshon hau anggur na marparbue do ianggo jolmam dibagasan angka bilut
ni jabum, tudoshon tunas ni hau jetun do angka anakmu humaliang mejam.
H: Ale Tuhan, patulus dengggan ni basaM.
N: Ida ma, sai songon i do tongon dapotan pasupasu baoa na
manghabiari Jahowa.
 U: Sai pasupasuon ni Jahowa ma ho sian Sion, asa paidaidaonmu hinadenggan
ni Jerusalem ganup ari saleleng ho mangolu.
N: Jala ingkon idaonmu do angka pahompum tubu ni anakmu. Hasonangan ma
songgop tu angka na manghabiari Jahowa.
H: Ale Tuhan, pargogoi ma hami.
U: Tahamauliatehon ma hata ni Tuhanta i marhite na manghaporseaisa di
bagasan ngolunta siapari, suang songon na nidok ni Tuhanta Jesus Kristus
taringot tu Patik raja i. Sihaholonganmu do Tuhan Debatam sian nasa
ateatem, sian nasa hosam dohot sian nasa roham! I do patik raja jala parjolo.
Alai dos do arga ni na paduahon on: Sihaholonganmu do donganmi doshon
dirim! Martua do na tumangihon Hata ni Debata jala naumpeopsa.
S: Amen.

5. Marende BE. No. 2: 1 “Naeng Pujionhu Ho Jahowa”

1. Naeng Pujionku Ho Jahowa, Ai Ho do Debata na tutu i.
Sai suru Tondi Parbadia, Tu au asa hupuji goarMi.
Marhitehite Jesus AnakMi, asa lomo rohaM di endengki.

6. Mameakhon Batu Parjolo

U: Hita saluhutna na hinaholongan ni Tuhanta Jesus Kristus, peakhononhon ma
batu parjolo dipembangunan ni bagas sibagandingtua on. Didok Hata ni
Debata: “Hupeakhon do di bagasan Sion sada batu parsuhi, na marpili jala na
arga; ndang na tarila na porsea di Ibana!” (1 Pet. 2:6-7) Asa naeng ma
manungguli rohanta ulaon on laho marsihohot di Batu mamak na togu i. Ai
ndang tarpauli ojahan na asing, dungkon ni naung ojak i, i ma Jesus Kristus
i. (1 Kor. 3:11)
H: Jala nasa natumangihon dohot mangulahon HataNa tudos ma i tu halak na
marroha, na paulihon bagasna di atas batu mamak. Ia ro pe udan potir,
mangalantap pe tangkuju jala pur pe habahaba manondong bagas i, ndang na
marumpak, ai batu mamak do haojahanna. (Mat. 7:24-15)
U: Antong di bagasan haporseaon na marsihohot tu Debata tapeakhon ma
nuaeng batu on

- Pendeta mameakhon batu parjolo,

- diuduti hasuhuton, keluarga besar, sisolhot,
- Sintua Lingkungan,
- dipaujung pandebagas
 U: Nunga hupeakhon hami batu parjolo on, iale Jahowa, sai manumpak ma Ho!
Iale Jahowa sai Ho ma mambahen manjadi! (Ps. 118:25)

Sude: Amen.

7. Marende No. 2: 3 ““Naeng Pujionhu Ho Jahowa”

3. Asi roham ale Jahowa, pamalo au mamuji goarMi.
Sai unang asal puas hata ingkon tutu dipuji rohangki.
Ho Ama, Anak, dohot Tondi I, doshon na jongjong au di joloM.

8. Martangiang Pangondianon

9. Marende BE. 15:4 “Aut na saribu hali ganda.”

4. Mauliate ma rohangku di Ho, o Debata tongtong.
Dibaen sude denggan basaMu naung nilehonMu di au on.
Ai dipatongon Ho tongtong sude na ringkot di au on.

10. Jamita :

11. Marende BE. 772: 1 “Tuhanku Do Pature Dalanki”

1. Tuhanku do pature dalanki, Tuhanku do patiur langkangki,
Sian nasa rohangki hupasahat ngolungki, Tuhanku do patiur langkangki

2. uhanku do pature dalanki, Tuhanku do patiur langkangki,

Hulului do Tuhanhi, surut ma na holom i. Tuhanhu do patiur langkangki.

12. Penutup - Tangiang Ale Amanami - Pasupasu