ACARA PARTANGIANGAN KAMIS PUTIH

HURIA KRISTEN INDONESIA (H K I)

DAERAH I SUMATERA TIMUR I
Kamis, 28 Maret 2024

OJAHAN : JESUS GABE TIRUAN DIHITA

1. Votum Jongjong Huria
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohotGoar ni Tondi Parbadia, na manompa langit dohot tano on,
dipasaor ma dameNa tu tondintabe, Amen. Rap mandok ma hita di
tangianta i :
U+H : Ale Jesus Tuhannami, bereng hami na dison. PinamahanMi do hami
saluhutna na dison. Sai asi rohaM di hami sai pangolu hami on, Amen.
Huldul Huria

2. Marende BE No. 81:1-2 “Aha ma Endehononku” (As=Do)

♪ Jesus, mual ni ngolungku, Sipangolu tondingki. Ai dibunu Ho musungku, I
ma hamatean i. Ho manaoni hamagoan, Patupahon hangoluan, Ala ni
hupuji Ho tung marribu hali do.

♪ Haleaon, insahinsak, Reherehe, tijur pe, Tali dohot pastappastap, Tung

ditaonhon Ho sude, Paluahon au na pogos, Sian tangan ni sibolis. Ala ni
hupuji Ho tung marribu hali do.

3. Ayat/Tangiang
U : Ala ni i do dipatimbo Debata Ibana jala dibasabasahon tu Ibana goar na
sumurung asa nasa goar
H : Asa somba tu Goar ni Jesus nasa ulu ni tot, na di banua ginjang i dohot na
di tano, nang na ditoru ni tano
U : Martangiang ma hita: Ale Tuhan Jesus, Sitobus hami jala na
padomuhon hami tu Debata Ama na di banua ginjang i. Mauliate dohot
pujipujian na husombahon hami tu Ho, ala olo Ho manadingkon
 hasangaponMu jala manaon na porsuk laho manghophop hami pardosa
on. Sai parrohai ma hami, asa huingot jala huhangoluhon hami arga ni
panobusionMu di hami, gabe boi hupatupa hami lomo ni rohaM. Sai
patongtong ma haporseaon dohot holong na nilehonMi di hami, asa
hupangke hami i laho pasangaphon dohot mangihuthon Ho di bagasan
ngolunami. Amen

4. Marende BE. No. 76 : 1 SADA NAMA SANGKAP

♪ Sada nama sangkap ni rohangku di sandok portibi on.Ndang tagamon na
so las rohangku, molo jumpang au inon.Naeng ma sai ingoton ni
rohangku, na binaen ni Jesus tu tondingku. Uju pinorsanNa i, saluhutna
dosangki..

5. Epistel : Psalmen 116:12-19

U : Tung beha ma pamaloshu tu Jahowa, ala saluhut denggan ni
uhumna i tu ahu!
H : Jaloonku do panginuman ni angka hatuaon, jala pajoujouonku
do goar ni Jahowa.
U : Gararonku ma angka bagabagangku tu Jahowa, apala di adopan
ni sandok bangsona.
H : Arga do di roha ni Jahowa hamamate ni angka na niasianna i.
U : Antong, ale Jahowa, nunga tung naposom ahu, naposom do ahu,
anak ni hatobanmu, nunga diharhari Ho angka rante sian ahu.
H : Sai pelehononku ma tu Ho pelean hamauliateon, jala sai
pajoujouonku ma goar ni Jahowa.
U : Sai gararonku ma angka bagabagangku tu Jahowa, apala di
adopan ni sandok bangsona.
H : Di angka alaman ni bagas ni Jahowa, di parsitongaanmi, ale
Jerusalem! Halleluya!
U : Martua ma na umbege jala na umpeop Hata ni Debata,
Amen.
6. Marende BE. No. 77 : 1 + 4 “Hamu Saluhut Halak”
♪ Hamu saluhut halak, ro ma hamu manatap, hangoluanmu on.
Na gantung di parsilang tumahan hamatean, naeng ingotonmu i
tongtong

♪ Patangkas ma luhutna Sap mudar do dagingna Sai hir hodokna i

Buas huhut hosana Hinorhon ni bernitna Modar sude dagingna i

7. Narasi : (manjaha sian Buku “Eli-eli lama Sabachtani” hlm.19)

Mandapothon pesta Paska i, nunga diboto Jesus, naung ro tingkina
manadingkon portibi on laho mandapothon Ama i, ...........................

8. Marende BE. No. 88:1+3 “Disurgo do Alealenta”

♪ Jesusku naung manobus ahu, Sai naeng haholonganku Ho. Tu Dolok
Golgata Ho laho, Nionjar ni holongMu do. Hupuji nasa asiMi, Alai
gumodang holongMi.
♪ Tarsolsolbagi do rohangku, Paidaida dangolMi, Marningot sasude
dosangku, Ai i do na tinaonMi. Hupuji nasa asiMi, alai gumodang
holongMi.

9. Narasi : (manjaha sian Buku ““Eli-eli lama Sabachtani hlm. 22”)

Jadi dung diendehon nasida ende pujipujian i, ruar ma nasida laho tu dolok
Jetun........

10. Marende BE. No. 417 : 1 – 2 Rade Situtu

♪ Rade situtuhaluaon, na naeng tangkuponmu antong. Rade nang di ho ha
tu-A on, si halas ho non mu tongtong. Bernit do di taon Tuhanmu
pasehon dosamSasude. Tung unang paujat Ibana, Sai jangkon
pangkophopNa i.
♪ Patedek sude hahurangan, topoti sandok dosami,Pangido : Sai sesa o
Tuhan, sudepangalaosionki.Daidati, sai saut botoonmu naung sesa
dosam sasude ;
Mardame dagingmu nang tondi, maniop tongtong Tuhan i.
11. Narasi : (manjaha sian Buku ““Eli-eli lama Sabachtani, hlm. 23)
Alai diboto si Judas parjehe i do inganan i, ai jotjot do marpungu tusi Jesus
dohot angka siseanNa.............

12. Marende BE. No. 743:1-2 “O Tuhan Togutogu ma au”

♪ O Tuhan togu-togu ma au,tu dalan lomo ni rohaMi,Raphon Ho sonang
mardalan au,nang rahis maol sidalananki,TondiMi baen manggohi au
on,Margogoihon au naposoMon,Pasangap Ho dingolungkon,Paima sahat
tu surgo au on.
♪ Panghulingi ma au O Tuhan,Na rade tumangihon hataM,Sai tumpahi
ruasMu Tuhan,Na uasan nuaeng di hataM,Sai patau ma au on
naposoM,Manjou halak na dao sian Ho,Ro di na so tumanda Ho,Muba
gabe pangoloi di Ho.

13. Jamita : Johanes 13:1-17

14. Marende BE. No. 83:1… “Na Lao do Birubiru I” Pelean

♪ Na lao do birubiru i, mamorsan angka dosa Ni nasa hajolmaon i. Di
benget ni rohana, Diporsan do sahitta i. Dilehon do dirina i, tu tangan
ni pamunu. Ditaoni do na bernit i, Ro di na tos hosana i. Didok :
Naeng porsanonku.
♪ Ianggo birubiru i, i ma alealengku, na paluahon tondingki, Disuru
Debatangku. Didok mandok AnakNa i. Sai topot ma pardosa i. Naung
sun tinoruanku. Balga tutu do rimashi, Alai tarbahen do mombun i.
Horhonon ni mudarmu.
♪ “Na olo au, ale Amang. Sian sandok rohangku, Pasauthon lomo ni
roham. Roham sambing do guru” O holong ni rohana i. Tung aha do
tudosanmi. Na songon ho margogo? Dilehon Debata hape, AnakNa,
lao manaon sude sitaonon ni na mago.

15. Tangiang Pelean