PARTORDING NI IBADAH

DI PARPUNGUAN BODARI
(Natal Umum)

 Ev: MATEUS 1: 18 - 23  Ep: JESAYA 7: 10 - 17

TOPIK :

DONGANTA MA DEBATA

HURIA KRISTEN BATAK PROTESTAN

MINGGU, 24 DESEMBER 2023

1. Sipatudu:

1. Di parpunguan Natal bodari on, disagihon ma angka Liturgi

sipajojoron ni na mewakili ganup horong naung rade di acara on.
2. Hombar tu torop ni na hinaporluhon ni ganup huria, na boi do dibuat
muse ayat na hombar tu liturgi na rade di acara on.
3. Diparade jala ditontuhon hian ma angka sipagalak lilin di jolo ni
langgatan.
4. Diparade ma lilin na metmet (Handle Light) dibagihon tu sude ruas,
sipagalakhon uju mangendehon Buku Ende HKBP No. 54

2. PAMUHAI NI PARPUNGUAN LAHO PAGALAK LILIN

U: Nunga Tubu Raja ni Hadameon nunga tutu ro Ibana. Nunga
ditongatonganta Ibana. Nunga patar asi ni roha ni Debata di
tongatonga ni Huriana, nunga patar pambahenan ni Debata di
portibi on. Dilehon Anakna Tuhan Jesus Kristus gabe Sipalua
Portibi on. Ala ni i naeng ma dohononta:
H: Pardenggan basa do Debata, jala ro di salelenglelengna do
asi ni rohana, marsundutsundut do nang hasintonganna.
U: Ida ma, Debata Jahowa sandiri mandok: Haholongon
Salelenglelengna hubahen manghaholongi ho. Dibahen i
hutogutogu ho marhitehite asi ni roha. Antong dibagasan las ni
roha tahatindanghon ma:
H: Tung na godang situtu do asi ni roha ni Debata tu hita,
nunga dipasinghop Debata bagabagaNa tu hita, jala ro di
salelenglelengna do habonaron ni Jahowa, Haleluya.
U: Di panggagatan Betlehem do inganan hatubuan ni Sipalua i,
ditadinghon do sangapNa laho manopot hita na di pardangolan
on, asa marsangap Ibana marhite ulaonNa na balga i. Antong
tanda naung ditongatonganta Panondang i, hujou hami ma hamu
tu jolo angka sipagalak Lilin on; ………. (hombar tu naung

1
 disagihon)……..Dipagalak ma Lilin naung diparade di
Langgatan.

01. Marende BE HKBP No. BE. 56 : 1, 2, 4 ‘SAI RO MA HAMUNA”

BL 139
♫♪♫
Sai ro ma hamuna angka na porsea, sai ro ma hamuna tu Betlehem.
Ida dakdanak, Sipalua hita, tasomba ma Ibana, tasomba ma Ibana,
tasomba ma Ibana Rajanta.
♫♪♫
O Raja na sangap, Tuhan ni saluhut, ditaon Ho na porsuk di tano on.
Ala ni jolma na di hamagoan, tasomba ma Ibana, tasomba ma Ibana,
tasomba ma Ibana Rajanta.
----Musik-----
♫♪♫
(Jongjong) O Jesus, Tuhanku sai naeng pujionku, pambaenMu di ahu
pardosa on. Ai gabe Jolma Ho humophop ahu, tasomba ma Ibana,
tasomba ma Ibana, tasomba ma Ibana Rajanta.

2. VOTUM – INTROITUS – TANGIANG :

U: Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen.
Dung i gabe daging ma Hata i, jala maringanan di tongatonga ni hita on,
jadi huida hami ma hasangaponNa songon hasangapon ni anak sasada
na sian Ama i, gok asi ni roha dohot hatutuon. Haleluya!
H: (Mangendehon): BE. HKBP No. 852 : 1 ”HALELUYA HKBP (3x)
BL 852
Haleluya, Haleluya, Haleluya.
U: Martangiang ma hita!
Ale Tuhan Debata, Amanami na di banua ginjang ! Mandok mauliate
do hami tu Ho, ala ni godang ni asi dohot holong ni rohaM di hami; ai
dibasabasahon Ho do AnakMu na sasada i tu hami na di pardangolan
on, asa malua hami marhitehite Ibana sian dosa dohot sian hamatean
saleleng ni lelengna. Hupangido hami tu Ho, sai sondangi ma rohanami
2
 na holom i marhitehite Tondi Parbadia i; angkup ni i sai parrohai ma
hami, asa huboto hami mandok mauliate tu Ho, asa tarapul situtu
rohanami di hagogotan dohot di pangunjunan marhitehite AnakMu,
Tuhan Jesus Kristus Tuhannami. Amen.
(Hundul )

3. Marende BE. HKBP No. 605 : 1 – 2 “LAS MA ROHAM” (BL 605)

♫♪♫
Las ma roham Tuhanta ro, gumomgom sasude
Ungkap roham, jangkon Rajam
Marende ma sude, marende ma sude, marende, marende ma sude.
♫♪♫
Tano nang laut, harangan i, nang awang-awang i;
Hauma i, nang sunge i, olophon Raja i,
Olophon Raja i, olophon, olophon Raja i.

4. PATIK:
U : Tangihon hamu (Tatangihon) ma Patik ni Debata di Parpunguanta di
borngin on, ima sian Pilipi 2 : 4 – 5, Unang ma na ringkot di hamu be
matahon hamu, dohot ma na di dongan! Songon parrohaon ni Kristus
Jesus ma parrohaonmuna. I do sahatna. Antong rap mangido gogo ma
hita sian Tuhan Debata!

U+H : Ale Tuhan Debata, sai Pargogoi ma hami mangulahon na hombar tu

PatikMi. Amin
5. Marende BE. HKBP No. 47 : 1, 4 “DI NA SABORNGIN I DO
BINSAR” (BL 103)
♫♪♫
Di na saborngin i do binsar Panondang di tondinta i.
Padaohon saluhut na simpar, lao patiurhon sasude.
Sondangon ni Panondang on, muse sandok portibi on.
♫♪♫
Dibahen i sai marsinondang ma baen haporseaonmi.
Padenggan jala sai patorang roham ro di parangemi.
Paboa na marguna do Panondang na ro i di ho.

3
6. TANGIANG MANOPOTI DOSA:
U : Tatopoti ma dosanta, martangiang ma hita:
Ale Tuhan Debata, Amanami na di banua ginjang! Ho do na
patupahon hasesaan ni dosa di hami halak na dangol on marhitehite
Anak haholongan ni rohaM. Sai asi ma rohaM di hami, angka na
mangarsakhon dosanami. Sai sahapi ma tu bagasan rohanami
hasesaan ni dosanami i. Lehon ma tu hami TondiM na badia i, asa
unang ganggu rohanami di asi ni rohaM, alai asa hot rohanami
marhaporseaon laho manggotaphon nasa dosa dohot roha portibi on,
asa hupasahat hami dirinami tu Ho, gabe pelean na mangolu jala na
badia marhitehite Tuhan Jesus Kristus Tuhannami. Amen.
Tabege ma bagabaga taringot tu hasesaan ni dosa:
Songon on do panghaholongi ni Debata di portibi on, pola do AnakNa
na sasada i dilehon, asa unang mago ganup na porsea di Ibana, asa
hangoluan na saleleng ni lelengna di ibana. Hasangapon ma di Debata
na di ginjang !

U + H: Amen (Hundul)
7. Marende BE HKBP No. 614 : 1 – 2 “RO MA HO TU AHU” (BL 614)
♫♪♫
Ro ma Ho tu au, o Jesus Tuhanhi, Sian banua ginjang, tu rohangki. Ro
ma Ho tu au o Tuhan Sipalua i. Dame binoanMu ndang natarasam i, O
Tuhanhi.

♫♪♫
Asi ma rohaM di au, o Tuhanhi, sai jalo ma tangiang nang endengki.
Songon si Maria, in ana martua i, baen nang au martua ala haroroMi,
o Tuhanhi.

8. E P I S T E L:
U: Tangihon hamu (Tatangihon) ma hata ni Debata Turpuk Epistel di
Parpunguanta borngin on, ima na tarsurat di Jesaya 7: 10 – 17, Angkup
ni I didok Jahowa ma mandok si Ahas, songon on:
H : Pangido sada tanda di ho sian Jahowa Debatam, pangido sian
banua toru, manang sian banua ginjang sahali.
4
 U : Jadi ninna si Ahas ma: Ndang olo ahu mangido, asa unang huunjuni
Jahowa.
H : Jadi ninna si Jesaya ma: Ua tangihon hamu ma, ale pinompar ni si
David! Ndang dope sae hamu pauruuruhon jolma, dohot do
Debatangku naeng lojaanmuna.
U : Dibahen i apala Tuhan i sandiri ma mangalehon sada tanda di hamu: Ida
ma, gabegabean ma sada namarbaju, jala tumubuhon sada anak, jala
bahenonna ma goarna: Immanuel.
H : Mantega dohot situak ni loba panganonna, paima diboto
mambolonghon na jat, jala mamillit na denggan.
U : Ai tagan so diboto dakdanak i dope mambolonghon na jat, jala mamillit
na denggan, tarulang ma tano i na nirajaan ni na dua raja hinabiaranmu
i.
H : Paroon ni Jahowa ma tu ho dohot tu bangsom dohot tu pinompar
ni amam angka ari na so dung ro, olat ni ari hababali ni Epraim
sian Juda, bahenon ni raja ni Assur.
U: I do sahat na. Martua do angka na tumangihon Hata ni Debata jala
na umpeopsa. Amen.
9. Marende BE. HKBP No. 53: 1, 2 “DI BETLEHEM DO TUBU”
(BL. 51)
♫♪♫
Di Betlehem do tubu di hita Anak i.
I do sian na burju hupillit Rajangki.
Ido, ido hupillit Rajangki.

♫♪♫
Tu holong ni rohaNa hubonom rohangkon.
Hulehon di Ibana sude na di au on.
Olo, olo, sude na di au on.

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H : Ahu Porsea di Debata Jahowa….. d.u. (Hundul)

11. LITURGI SIAN GANUP HORONG;

5
a. Barita Panompaon ni Debata di portibi on:
1 Musa 1: 1 – 5 + 31
b. Panarihonon ni Debata di saluhut na tinompana i:
1. Psalm 104: 24 3. Psalm 104: 31
2. Psalm 104: 27 – 28 4. Psalm 104: 33
c. Pangalaho ni jolma dohot pardangolan ala ni dosa i:
1. Amos 5: 12 – 13 3. Jesaya 30: 9
2. Amos 5: 14 4. Jesaya 30: 10
d. Dipungka Debata patolhas bagabagaNa
1. Jesaya 54 : 10 3. Psalm 103:8 – 9
2. Hesekiel 33 : 11 4. Psalm 103:12 –13
e. Udut ni Bagabaga i;
1. Jes. 9 : 1 3. Jes. 60: 1
2. Jes. 9 : 2 4. Jes. 60: 2
f. Hasasaut ni Bagabaga i; Hatutubu ni Sipalua ;
1. Luk. 2: 1 – 2
2. Luk. 2: 3 – 5
3. Luk. 2: 6 – 7
4. Luk. 2: 8 – 11
5. Luk. 2: 12
6. Luk. 2: 13
7. Luk. 2: 4
U: Nunga ro Hatuaonami, nunga tubu Sipalua i. Antong tapuji ma Debata
mandok:
H: Hasangapon ma di Debata na di ginjang, dame ma di tano on, di
angka jolma halomoan i.
...... (Pagalak Lilin Tangan / Handle Linght).....
.........diiringi soara ni Organ (angonangon) BE. 54.......BL 64

Dung sude lilin galak, taendehon ma BE HKBP No. 54 : 1 – 3 BL 64

“SONANG NI BORNGINNA I“
(Jongjong ma hita)
6
 ♫♪♫
Sonang ni bornginna i, uju ro Jesus i. Sonang modom do halak sude,
holan dua na dungo dope; mangingani Anakna, Jesus Tuhanta i.
♫♪♫
Denggan ni bornginna i, uju ro Jesus i. Tu parmahan di Betlehem i,
dipaboa na di surgo i; nunga ro Sipangolu, Jesus Tuhanta i.
♫♪♫
Godang ni tua disi, di na ro Jesus i. Tung malua pardosa muse, sian
hamagoanna sude; ala ro Sipangolu, Jesus Tuhanta i.

U: Nunga tubu Sipalua i, Raja ni Hadameon. Nunga tutu gabe jolma

Ibana humophop hita. Nunga singkop bagabaga ni Debata na sian na
robi i. Tajanghon ma Ibana tu rohanta asa Ibana gabe arta na ummarga
di hita ima haluaon na pinatupaNa i. Jala momos ma tatiop
panghirimon na taparhatopot i, ai haposan do na marbagabagahonsa.
Amen. (Hundul)

11. Sunggul-sunggul

12. Papungu Pelean Huhut Marende BE. HKBP No. 52 : 1…

“HATUAON DO” (BL. 55) (Pelean Ia, Ib)
♫♪♫
Hatuaon do las ni roha do, hatutubu ni Jesus i.
Mago do jolma ro ma Tuhanta, las be, las be ma rohanta i.
Mago do jolma ro ma Tuhanta, las be, las be ma rohanta i.

♫♪♫
Hatuaon do las ni roha do hatutubu ni Jesus i.
Domu do hita tu Debatanta; las be, las be ma rohanta i.
Domu do hita tu Debatanta; las be, las be ma rohanta i.
----------Musik-----------

♫♪♫
Hatuaon do las ni roha do hatutubu ni Jesus i.
Las ma rohanta mida Tuhanta las be, las be ma rohanta i.
Las ma rohanta mida Tuhanta las be, las be ma rohanta i.

13. J A M I T A: Mateus 1 : 18 - 23
7
14. Marende BE. HKBP No. 598 : 1 … ”BEGE ENDE NI
SURUSURUAN” BL. 598 (Pelean II)
♫♪♫
Bege ende ni suruan, sangap ma di Tuhan i.
Nunga tubu Si palua Raja Sipardame i.
Dipadame Debatanta do diriNa tu pardosa.
Nunga tubu Kristus i di huta Betlehem i.
Ende ni suruan i, sangap ma di Tuhan i.
♫♪♫
Kristus Raja sian surgo tuat tu portibi on.
Tubu sian si Maria lao manobus hita on.
Debata na so tarida gabe daging songon hita.
Nunga raphon hita be Jesus i, Immanuel.
Ende ni Suruan i, sangap ma di Tuhan i.

------Musik-------

♫♪♫
Jesus Raja Hadameon sondang hatigoran i.
Panondang ni hangoluan di saluhut jolma i.
Dirumari do diriNa lao manobus manisia
Asa unang mate be ala ni dosana be.
Ende ni Suruan i, sangap ma di Tuhan i.

15. Tangiang Pelean: (Jongjong )

U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa uli basa na mauliutus. Hupasahathami ma sian na nilehonMi tu
hami, pelean nami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
Buhai ma rohanami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok

8
 mauliate tu Ho, marhitehite Jesus Kristus Tuhannami. Amen. Rap ma
hita mandok di tangiang ale amanami!

U+ H: Ale Amanami na di banua ginjang....d.u.

U: Tangiang Pasupasu

H: Mangendehon BE. HKBP. No. 845 : 1 “AMEN, AMEN, AMEN”

BL 845
♫♪♫
Amen, Amen, Amen.