PARTORDING NI PARMINGGUON

MISERICORDIAS DOMINI
GOK ASI NI ROHA NI JAHOWA DO TANO ON
(Psalmen 33 : 5b)

Ev. Psalmen 4 : 1 - 9 Ep. 1 Johannes 3 : 1 - 7

TOPIK :
SONDANG NI BOHI NI JAHOWA MANONDANGI HITA

HURIA KRISTEN BATAK PROTESTAN

MINGGU, 14 APRIL 2024
01. MARENDE BE No. 6 : 2 – 4 PUJI JAHOWA NA SANGAP (BL No.
56)
♫♪♫ Puji Jahowa Sigomgom sude parluhutan
Na manogihon ho songon niiring ni tangan
Dohot hosam, songon hombar tu roham sai diramoti Ibana

♫♪♫ Puji Jahowa naung tipak manompa dagingmu

Jala na tongtong manumpak hisar pamatangmu
Jotjot do ro pangurupiNa tu ho, uju na ro hagogotan
...musik....
♫♪♫ Puji Jahowa situmpak sude ulaonmu
Ai ditumpakhon tu ho tongtong hangoluanmu
Ingot ma i, denggan basaNa do i, tomutomuNa sambing do

02. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Porbadia na tumompa langit dohot tano
on. Amen.
Gok asi ni roha ni Jahowa do tano on. Marhitehite Hata ni Jahowa do
manjadi angka langit. Marolopolop ma hamu, ale angka partigor,
mangasahon Jahowa, talup do marende angka na unjur marroha.
H : (Mangendehon): BE HKBP No. 852 : 1 “HALLELUYA” HKBP
(3x)
Haleluya, Haleluya, Haleluya!
U : Martangiang ma hita !
Ale Tuhan Debata ! Suru ma Tondi Parbadia tu rohanami, asa tarapul
situtu rohanami marhitehite haheheon ni AnakMu, Tuhan Jesus
Kristus, jala asa lam ganda haporseaonnami marhitehite pangkirimon
na mangolu, asa tongtong huingot hami, na hehe do hami muse sian
na mate songon Tuhan Jesus Kristus, Tuhannami, naung hehe sian na
mate i. Amen.
(hundul ma hita)

03. MARENDE BE No. 118 : 2 – 3 PAIAN MA DI HAMI (BL. 6)

♫♪♫ Paian Tuhannami, HataM di hami be

1
 Asa martua hami, nuaeng nang sogot pe
♫♪♫ Paian sinondangMu, ale Panondang i
Ambati ma na lilu, di parjalangan i

04. PATIK
U: Tangihon hamu (Tatangihon) ma Patik ni Debata di minggunta sadari
on, ima Patik I - IV
I. Ahu do Jahowa Debatam, ninna Debatanta. Ndang jadi
marangkup Ahu bahenonmu Debatam.
II. Ndang jadi ganaonmu jala ndang jadi sumanonmu manang aha
na di banua ginjang dohot na di banua tonga on, ro di na di
bagasan aek na di toru ni tano, ianggo tung gabe sisombaon
manang sioloan.
III. Ndang jadi dohonon goar ni Debata, ianggo so ture dalanna, ai
hona uhumNa do sogot angka na marsineang di GoarNa.
IV. Ingot hamu ma pabadiahon ari Minggu i ! Di na onom ari ma
ula hamu nasa siulaonmu; alai anggo ari papituhon i, ari
paradianan ni Jahowa Debatam do i. Ndang jadi ho mangula
anggo di na sadari i, manang anakmu pe manang borum manang
naposom lahilahi manang naposom boruboru, ro di pinahanmu,
ro di isi ni huta ni halak pe na mangebati hutam. Ai di na onom
ari do ditompa Debata langit dohot tano dohot laut dohot nasa
isina, dung i maradian do Ibana di ari papituhon i. Dibahen i do
umbahen na dipasupasu Debata Jahowa ari paradiananNa i jula
diparbadiai.
I do sahatna, Antong rap mangido gogo ma hita sianTuhan
Debata!
U+H: Ale Tuhan Debata, sai pargogoi ma hami mangulahon na
hombar tu PatikMi. Amen.

05. MARENDE BE No. 699 : 1, 2 SINGKOP DO ASI INI ROHAM (BL.

699)

♫♪♫ Singkop do asi ni rohaM, tu au na dangol on,

Na lilu ahu na hinan, nuaeng jumpang do.
2
 ♫♪♫ (Jongjong) Di na hutanda dosangki, gok biar rohangki,
Alai ala ni asiMi, mardame rohangki.

06. MANOPOTI DOSA:

U : Tatopoti ma dosanta di adopan ni Debata, martangiang ma hita :
Ale Amanami jala Debatanami, na di banua ginjang, Pargogo na so
hatudosan ! Pardengganbasa do Ho, jala ro di salelenglelengna do asi
ni rohaM. Sai marpamuati ma rohaM di hajahatonnami, jala sai unang
be ingot angka dosanami; ai jotjot do hami mardosa maradophon Ho,
jala jotjot do husungguli hami rimasMu marhite sian
pangalaosionnami, di hataM, Ale Tuhan Jahowa, sai unang
paingotingot pangalaosionnami, unang alang asi ni rohaM, sai urupi
ma hami, Ho ale Tuhan Debata hatuaonnami, palua hami, jala sesa
dosanami, ala ni AnakMu, Tuhan Jesus Kristus, Tuhannami. Amen.
Bagabaga ni Debata taringot tu hasesaan ni dosanta :
Munsat pe angka dolok, jala humuntal angka robean, alai anggo parasi
ni rohangKu na so tupa munsat sian ho, jala padan ni hadameonKu na
so tupa humordit, ninna Jahowa Siasii ho.
Hasangapon ma di Debata na di ginjang !
H : Amen. (hundul)

07. Marende BE No. 23 : 3 JESUS HAMI RO DISON (BL. 78)

♫♪♫ Sondang sian Debata, hatiuron sian ginjang
Baen ture sondangi ma, rohanami asa sonang
Lao manjalo hangoluan, pinatupaMi o Tuhan

08. E P I S T E L
U: Tangihon hamu (Tatangihon) ma hata ni Debata di Minggunta
sadari on, i ma na tarsurat di 1 Johannes 3 : 1 – 7,
Ida hamu ma godang ni haholongon na binasabasahon ni Ama i
tu hita, ai targoar do hita angka anak ni Debata, jala angka i do
hita tutu. Dibahen i, ndang ditanda portibi on hita, ai ndang
ditanda anggo Ibana.

3
 H: Hamu angka haholongan! Anak ni Debata do hita nuaeng,
jala ndang dope dipapatar, manang na gabe aha hita sogot;
alai taboto do: Anggo dung patar Ibana, gabe suman ma
hita tu Ibana, ai idaonta do rupana sandiri.
U: Ganup na mangkirim songon i di Ibana, diparbadiai ma dirina,
songon Ibana na badia i!
H: Pangalaosi do ganup na mardosa, ai pangalaosion do dosa i.
U: Diboto hamu do, na mambuat angka dosanta do Ibana, umbahen
na ro; ndang adong dosa anggo di bagasan Ibana.
H: Nasa na mian di bagasan Ibana, ndang mardosa; ganup
sipardosa, ndang dung diida jala ndang ditanda i Ibana.
U: Hamu angka anaha, unang dipaotooto halak hamu! Siulahon
hatigoran, i do na tigor, songon Ibana na tigor i.
Ido sahatna, martua ma na tumangihon Hata ini Debata jala na
umpeopsa. Amen
09. Marende BE No. 136 : 4 – 5 BIDANG DOPE NA HOLOM I (BL. 38)
♫♪♫ Tagogo ma pasauthon i, mamboan hata hangoluan i
Tu nasa bangso na di tano on, ringkot tabaen ulaon i tongtong
Tu nasa bangso na di tano on, ringkot tabaen ulaon i tongtong

♫♪♫ (Jongjong) O Raja na di surgo i, na dung manobus nasa jolma i

Tibu sondangi ma na holom i, tu Ho ma taiti hajolmaon i.
Tibu sondangi ma na holom i, tu Ho ma taiti hajolmaon i.

10. MANGHATINDANGHON HAPORSEAON :

U : Tahatindangkon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H : Ahu porsea di Debata Jahowa….. (hundul)

11. TINGTING
12. PASAHAT PELEAN HUHUT MARENDE BE HKBP No. 772: 1-3
TUHANKU DO PATURE DALANHI – BL. 772 (Pelean Ia, Ib)
♫♪♫ Tuhanhu do pature dalanhi,
Tuhanhu do patiur langkangki,
4
 Sian nasa rohangki hupasahat ngolungki,
Tuhanhu do patiur langkangki.
♫♪♫ Tuhanhu do pature dalanhi,
Tuhanhu do patiur langkangki,
Hulului do Tuhanhi, surut ma na holom i,
Tuhanhu do patiur langkangki,
... musik...
♫♪♫ Tuhanhu do pature dalanhi,
Tuhanhu do patiur langkangki,
Hupasahat diringki tu tangan ni Tuhanhi,
Tuhanhu do patiur langkangki.

13. JAMITA: Psalmen 4 : 1 - 9

14. PAPUNGU PELEAN HUHUT MARENDE BE HKBP No. 518 : 1 - 4
MARSINONDANG DIBAHEN JESUS – BL. 355 (Pelean II)
♫♪♫ Marsinondang dibaen Jesus asi ni rohaNa i,
Jala hita do disuru, asa ta paboa i.
Tapagalak palitonta, tapatiur dalan i,
Ai torop dope na lilu, sai hatop ma mulak i.

♫♪♫ Nang au on na dao najolo, di na holom lilu au,

Alai sondang ni Tuhanku do mamboan mulak au.
Tapagalak palitonta, tapatiur dalan i,
Ai torop dope na lilu, sai hatop ma mulak i.
.... musik ....
♫♪♫ Haholomon mangkuphupi toropan di tano i,
Tung torop mangkalungunhon, sondang tu dalanna i.
Tapagalak palitonta, tapatiur dalan i,
Ai torop dope na lilu, sai hatop ma mulak i.

♫♪♫ Dongan, so tung mintop lampu na ringkot tu dongan i,

So tung mago angka jolma dibaen halembaonmi.
Tapagalak palitonta, tapatiur dalan i,
Ai torop dope na lilu, sai hatop ma mulak i.

5
15. TANGIANG PELEAN :
U : Tatangianghon ma peleanta. Ale Debata, Amanami na di banua
ginjang,! Ho do haroroan ni saluhut silehonlehon na denggan dohot
nasa ulibasa na mauliutus. Hupasahat hami ma sian na nilehonMi tu
hami, peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni HuriaM dohot di portibi on.
Buhai ma roha nami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.

H : (Mangendehon) BE HKBP No. 204 : 2 “Ndang Tadingkononhu

Ho”BL. 73
Nasa nanilehonMi, tondi ro di pamatanghu
Hosa dohot gogongki, ro di saluhut artanghu
Hupasahat i tu Ho, na so unsatonhu do.
H : (Mangendehon): BE HKBP No. 841 “AI HO DO NAMPUNA
HARAJAON”
Ai Ho do nampuna harajaon, dohot hagogoon
Ro di hasangapon, saleleng ni leleng na, Amen.
U : Tangiang Pasupasu
H : (Mangendehon) Amen, Amen, Amen.