POS PARMINGGUON HKBP TANJUNG LAGO

Ressort Alang-Alang Lebar

Distrik XV Sumbagsel
Jln. Palembang – Tanjung Api-Api Km. 24, Kec. Tanjung Lago - Banyuasin
Jumat. 31 Desember 2021
\

Jala na laho salpu do portibi on,

rap dohot na pinarhagiotna;
alai na mian ro di BARITA JUJUR TAON
salelenglelengna do na
mangulahon lomo ni roha ni
Debata
(BERICHT HURIA)
Dan dunia ini sedang lenyap dengan
keinginannya, tetapi orang yang TAON 2021
melakukan kehendak Allah tetap
hidup selama-lamanya
1 Johannes 2:18

ORIENTASI PELAYANAN HKBP 2021 :

Tema :
“Aku telah memilih dan menetapkan kamu, supaya pergi dan menghasilkan buah”
(Yohanes 15 : 16)
Sub Tema :
“Di tengah pandemi Covid-19, kita berbenah dan bertransformasi menunaikan tugas Gereja
dengan kewaspadaan”
1. Patujolo
.Horas amang, inang, naposo dohot singkola minggu, ruas ni hurianta na
hinaholongan. Pinuji ma Debata na mandongani huriaNa dibagasan taon 2021 on. Boi hita
marlas ni roha marhuria di na sataon on, jala sai tongtong ma mian las ni rohanta i na
marhuria. Dibagasan pardalanan ni huria di sataon na bolon on, tutu godang do angka
ragam ni panghobasion nang sipatupaon ni huria na boi tahilala, jala naung sahat di hita
ganup. Tongon dope dibagasan hamaolon huria mandalani panghobasion, songon ruas na
tongon dibagasan hamaolon hinorhon ni sahit sorimago na so marlaon sahat di tingki on.
Alai, mauliate ma di Debata na tongtong mandongani hita, hamu amanami/inanami,
naposo-singkola minggu, boi hita mandalani na sataon on. Taparhatutu do ia dirinta on na
ingkon dohot do mamelehon peleanta tu Debata marhite huriaNa, i do naung tapatupa
dibagasan taon 2021 on. Nunga boi hita marhusor saotik sian hasomalanta di taon naung
salpu i laho mangeahi angka ulaonta di bagas taon 2021 on, na patuduhon harentaonta di
huria. Mauliate ma di hita, naung tapatudu hasadaonta di pigapiga ulaon ni huria, na
mamungka di bona ni taon 2021 sahat tu nuaeng, di parpunguanta laho manadinghon taon
2021, jala mangeahi 2022 na naeng tabongoti. Antong, tabege ma barita jujur taon na
masa di hurianta dibagas taon 2021 on, songon on ma ;

2. Panghobasion
2.1 Parmingguon (Ibadah Minggu)
2.1.1 Sikkola Minggu (pkl. 08.30)
Hombar tu naung ditotophon rapot huria di 07 Februari 2021, nunga ditotophon
parmingguon ni Singkola Minggu masuk pkl. 08.30 WIB, mamangke Agenda Singkola
Minggu, Buku Ende, Kidung Jemaat, Buku Ende Singkola Minggu, Alkitab.

2.1.2 Minggu Magodang (pkl. 10.00)

Parmingguon di magodang, mardalan do bagas saton on, i ma na masuk di pkl, 10.00
WIB, mamangek Agenda parmingguon, dohot Bibel-Buku Ende, Alkitab-Kidung Jemaat.
Adong na ingkon sipamanatonta, di piga-piga minggu pesta paduahon songon, di Pesta
Paskah II dohohot Ari Pentakosta II, dang dope tapatupa di parmingguonta.
2.2 Partangiangan Keluarga
Tapungka do partangiangan keluarga di taon 2021 on na mamuhai di bulan Februari 2021.
Hombar tu himbauan ni pamarenta jala soso sian uluanta na adong di hatopan dohot di distrik
maradi do partangiangan keluarga di bulan Agustus 2021. Partangiangan keluarga na dipatupa
sahali sabulan on, ganup ari sabtu masuk pkl. 17.00 WIB di bagas ni ganup ruas (dijabu ni
ruas).

2.3 Ulaon Sakramen

Hombar tu naung ditotophon hurianta HKBP taringot tu ulaon sakramen, holan dua do
ulaon sakramen na di ula di tongatonga ni huria HKBP hombar tu na ni tonahon Tuhan Jesus tu
angka na porsea, i ma Pandidion Na Badia (Baptisan) dohot Parpanganan Na Badia (Perjamuan
Kudus). Dua sakramen on dalan do on tu hita na porsea laho manjalo haluaon dohot mangingot
denggan basa ni Debata marhite Jesus Kristus.
2.3.1 Pandidion Na Badia (Baptisan Kudus)
Dibagasan saton on dang mardalan pandidion na badia di tonga ni hurianta, siala
ndang adong dakdanak na di tardidihon.
2.3.2 Parpanganan Na Badia (Perjamuan Kudus)
Di taon 2021 on, sahali do dipatupa hurianta Parpanganan Na Badia, di Minggu, 04
April 2021, i ma Minggu Paskah I, Na mandohoti Parpanganan Na Badia on, toropna
26 halak naung manghatindanghon haporseaon, jala mardalan dohot denggan do ulaon
parpapangan na badia i.

2.4 Ulaon Parmahanion (Pastoral)

2.4.1 Parguru Malua/Mahantindanghon Haporseaon
Na di tanggal, 27 Juni 2021, di Minggu IV Dung Trinitatis, dipatupa do Ulaon
Malua/Manghatindanghon Haporseaon tu sahalak naposo parompuan na manumpang
di hurianta, sian ruas ni HKBP Sukarami Ressort Alang-Alang Lebar.

2.5 Ulaon Diakonia Huria

2.5.1 Manopot Ruas na dibagasan parsitaonon/parungkilon (dalan laho mangapuli)
Mardalan do ulaon parsinirohaon ni hurianta, napatuduhon ulaon diakonia huria tu
ruas na di bagasan parsitaonon/parungkilon, i ma na mangapuli di keluarga ni ruas na
marhabot ni roha.
 2.5.2 Mansagi Nilai ni Parsingkola
Dalan mangurupi angka dakdanakn na bagasan parsingkolaan na mamorluhon nilai
ugamo sian huria, dilehon huria do marhite pangidoan ni angka natoras tu guru
singkola minggu manang tu parhalado. Hatontuon ni penilaianna i ma hombar di
haringgason na mandohoti ulaon huria dohot parbinotoon di bibel/alkitab dohot angka
ende huria.

2.6 Dewan dan Seksi Kategorial

Hombar tu ulaon panjouhon ni Huria ditongatonga ni portibi on, adong 3 (tolu) ulaon na
dibahen di hurianta HKBP, ima Koinonia (Parsaoran/Persekutuan), Marturia
(Panindangion/Bersaksi), dohot Diakonia (Panghobasion/Pelayanan Sosial). Tolu ulaon ni huria
on mardalan do di hurianta i ma :
2.6.1 Koinonia
Dalan laho marpasaoran ditonga ni huria, Koinonia i ma tugas na
bertanggungjawab di angka sude punguan kategorial na adong di hurianta,
2.6.1.1 Sikkola Minggu
Di bagasan saton on, asing ni parmingguon di singkola minggu, hombar tu
program naung ditotophon di rapat huria, dipatupa do di singkola minggu
ulaon :
a) Perayaan Paskah, mecari telur, lomba mewarnai, dan cerdas cermat
alkitab (CCA)
b) Perayaan natal, di natal keluarga, pembagian bingkisan natal.
2.6.1.2 Naposo
Ndang tarbentuk dope kategorial ni naposo di tonnga ni hurianta.
2.6.1.3 Parompuan
Dibagasan saton on, kategorial parompuan holan patupahon pelean
pujipujian di perayaan natal keluarga.
2.6.1.4 Ama
Ndang tarbentuk dope kategorial ama di tonga ni hurianta

.
2.6.2 Marturia
Dalan laho patuduhon panindangion (kesaksian) di haporseaon di hurianta,
Marturia bertanggungjawab taringot tu angka ulaon Zending, Musik, dohot angka unsur
ibadah na asing,
2.6.2.1 Tim Musik Ibadah/Parorgan
Dibagasan sataon on, tarurupi do hita marhite Dewan Marturia Huria
Sukarami, na sai mangurupi hita di piga-piga minggu di parorgan na boi
manghobasi tu hurianta on. Hombar tusi, tu ari naeng ro, ringkot do
tajalahi laho mamungka dirinta, molo adong rohanta laho dohot
manghobasi di tonga ni hurianta on marhite bidang musik, asa talean
dirinta tu hurinta on,
2.6.2.2 Song Leader
Ruas ni hurianta na mamelehon dirina gabe manguluhon ende di ganup
minggu i ma :
1. Ny, Sitorus/Inang T. br, Silaen
2. Ny. Sihite/Inang CSt. R. br, Sitohang
3. Am. P, Manurung/br. Sinaga
4. Am. M. Sihombing/br. Sitorus
5. Am. M. Pakapahan/br. Siregar
2.6.2.3 Mansagi Kalender 2021
Disagihon do tu sude ruas ni huria i ma kalender parhuriaon sian hurianta
HKBP, na gabe sipaingot di hita ruas ni huria di angka ari di taon 2022 na
naeng taeahi, sude do ganup keluarga mandapothonsa kalender HKBP na
sian hurianta.

2.6.3 Diakonia
Ulaon diakonia ni huria i ma, ulaon na patuduhon ulaon parasinirohaon ni
huria tu ruas dohot tu humaliang. Na adong somalna di ulaon diakonia i ma seksi
pendidikan, seksi kesehatan, seksi kemasyarakatan. Hombar di ringkotna, ndang
sude nian na boi ni hobasan ni huria di humaliangta. Hombar tu na ni porluhon di
ganup ulaon ni huria, na mandukung ganup ulaon ni huria.
2.7 Pembangunan
Ulaon ni pembangunan di hurianta di bagasan taon 2021 on, i ma :
1. Manambai teras di siamun ni gareja/menambah jalan setapak di samping kanan Gereja.
2. Paturehon alaman ni Gareja/Pengerataan halaman depan.
3. Paturehon cet di bagasan dohot di ruar ni gedung gareja/mencat ulang dinding dalam-
luar, atap atas di dalam dan teras. Na dilehon marhite spontanitas ni horong ama-
naposo baoa dohot hamuliatehon sian sada keluarga ni ruas (NN).

2.8 Parhalado
Pangula Na Gok Tingki Hatorangan
1 Pdt. Daniel R.A Tampubolon, S.Th Pendeta Ressort HKBP Alang-Alang Lebar
2 CPdt. Juanri J. Situmorang, S.Th

Sintua Huria

1 St. J. Silitonga Pos Parmingguon HKBP Tanjung Lago

2 St. T. Sihotang
3 CSt. R. br. Sitohang

2.9 Statistik Ruas Ni Huria

a. Ruas Na Tamba : 1 KK + 1 Naposo
b. Ruas Na Pinda : 1 KK
c. Ruas Na Sorang : 1 Halak Parompuan
d. Ruas Na Monding :-
Total torop ni ruas ni Pos Parmingguon HKBP Tanjung Lago sahat tu ujung taon 2021on
ima 17 KK, dengan rincian :
Ama 17 jiwa
Ina 17 jiwa
Naposo 3 jiwa
Remaja 2 jiwa
Singkola Minggu 19 jiwa
Total 58 jiwa
2.10 Parhepengon
REKAPITULASI PENERIMAAN DAN PENGELUARAN
ANGGARAN TAHUN 2021
POS PARMINGGUON HKBP TANJUNG LAGO

No Uraian Penerimaan Pengeluaran Ket

I Huria

II Pembangunan

III Pusat (Pelean II/Namarboho)

IV Lain-lain

TOTAL PEMASUKAN-PENGELUARAN

Saldo Akhir per Desember 2021 :

I. Huria : Rp.
II. Pembangunan : Rp.
III. Pusat : Rp. @status belum disetor!
Nunga tangkas be laporan parhepengon ni hurianta, na dibagas taon 2021.

Laporan Parhepengon on dipatupa Bendahara

Inang T. br. Silaen

3. Panimpuli
Songon i ma Barita Jujur Taon (Bericht Huria) na boi tapajojor hami dibagas taon 20 21on.
Nunga tabege angka na masa di hurianta. Angkup ni i, tapungka ma rohanta asa rap sadalan dohot
saroha hita ruas dohot parhalado laho paulihon parsaoran ditonga ni hurianta. Asa tanda huria na
jongjong diluatta on, ima huria siboan dame, jala boi lam tanda nunga jongjong harajaon ni Debata
di luattaon. Sai dipasupasu Tuhanta ma hita di na manadinghon taon 2021 jala dipargogoi hita laho
mandalani ari di taon 2022 nanaeng taeahi. Tabe mardongan tangiang, Parhalado Pos Parmingguon
HKBP Tanjung Lago, Horas!

Tanjung Lago, 31 Desember 2021

Pimpinan Jemaat
Pos Parmingguon HKBP Tanjung Lago

CPdt. Juanri J.M Situmorang, S.Th

CC :
Pendeta HKBP Ressort Alang-Alang Lebar