Puji hamu Jahowa tutu, pardenggan basa, Parasiroha salelengna i, Pardenggan basa i, parasirohai. Ingot tongtong ale tondingkon, sude na denggan Na dipasonggop Debata tu ho; Denggan basana do na pangoluhon ho
02. Votum/ Introitus (U: Uluan; H: Huria)
U: Marhitehite goar ni Debata Ama, dohot goar ni AnakNa Tuhan Jesus Kristus dohot goar ni Tondi Parbadia. H: Amen. U: Harop ni roha ni halak partigor manjadi las ni roha, alai tarhirim do ianggo halak parjahat i di na niaropna. H: biar mida Jahowa do parmulaan ni parbinotoan, alai anggo halak na oto manoisi hapistaran dohot pangajaran. U: Sai tangihon ma, ale anaha, pangajaran ni amangmu, jala unang tulakhon poda ni inang mu,Haleluya. U: Martangiang ma hita: Hupuji hami ma Ho ale Debata naung manompa jala marmahani hami gabe marhahipason hami marpungu di inganan on. Sadarion marlas ni roha do hami ala nunga simpul parsingkolaan ni dongan nami (Benny Octavianus Hutahaean). Na mandok mauliate ma hami tu Ho ale Tondi Parbadia ala saluhutnai. Mangido hami patau jala urupi ma amanami on mangula dihuriaMi hombar tu lomo ni rohaM. Anggiat marhite ibana lam rarat harajaonMu di portibi on. Amen.
03. Marende BE. 188:1
Jahowa siparmahan au dang hurang manang aha, Ai nasa jea dipadao do sian dorbianna, Tongon dibaen na lomak I lao pangulahon tondingki, Dibaen asi roha Na. 04. Hata ni Debata : U: Martua ma jolma na jumpangan hapistaran dohot jolma pangalapan roha. H: Ai dumenggan do pangomoanna sian pangomoan di perak, jala dumenggan parbuena sian sere palangki. U: Ummarga do i sian angka mutiha, jala sandok arta hasoloan ni roham, ndang tarpatudos tusi. H: Di tanganna siamun do ganjang ni umur, jala di hambirangna do hamoraon dohot hamuliaon. U: Dalanna do angka dalan hasudungan ni roha, jala sude lapangna hademakon H: Hau hangoluan do Ibana di angka na mandahopi, jala manang ise na marsitiopan tusi martua do. H: Martua ma angka na tumangihon hata ni Debata jala na umpeopsa. U+H: Amen.
05. Marende BE. 803: 1
Pelehon hapistaranmi tu Debata I, Sinamot hahipasonmi daging nang tondimi, Sai pangke ma luhutna i pasangap Tuhan I, Sian nasa roha gogomi olio Tuhan I.
06. Jamita.
07. Marende BE. 802: 1-2
Pangke tingkim saonari, dapothon ma Tuhan I, Unang godang sidalian, ingot jempek ngolumi. Nunga rade hasonangan, di surgo I, di surgo I, Unang adong nanggo sada na so parjambar disi.
Suan ma holong ni roha, tiru ma Tuhanta I,
Las ma roham di gotilon, jalo ma balos ni i. Nunga rade hasonangan, di surgo I, di surgo I, Unang adong nanggo sada na so parjambar disi. 08. Tangiang Pangondianon
09. Marende BE. 691 : 1-2+6 (Pelean)
Hupasahat ma tu Jesus saluhutna ngolungki, Roha nang pambahenanku saluhutna tingkingki, Hupasahat ma tu Jesus saluhutna diringki, Hupasahat ma tu Jesus saluhutna ngolungki.
Pangkeonku ma tanganku, mangula lomona I,
Langka nang simanjojakku mangihuthon Tuhanki. Hupasahat ma tu Jesus saluhutna diringki, Hupasahat ma tu Jesus saluhutna ngolungki.
Mauliate ma rohangku ala au hinophopMi,
Pujionhu ma goarMu salelenglelengna i. Hupasahat ma tu Jesus saluhutna diringki, Hupasahat ma tu Jesus saluhutna ngolungki.
10. Tangiang Panutup
U: Martangiang ma hita pasahathon peleantaon tu Debata: (Lihat
Agenda HKBP……) H: Ale Amanami na di banua ginjang ……… U: Asi ni roha ni Tuhanta Jesus ………. H: (Mangendehon) Amen…Amen…..Amen.