HURIA KRISTEN BATAK PROTESTAN

(HKBP)
ACARA MINGGU PESTA I PARNINGOTAN
DI HAHEHEON NI TUHAN JESUS

TOPIK :
“GABE SITINDANGI HAHEHEON NI KRISTUS”
 MINGGU, 01 APRIL 2018

ACARA MINGGU PESTA PARJOLO PARNINGOTAN

DI HAHEHEON NI TUHAN JESUS
MINGGU, 01 APRIL 2018
===========================================================
01. Jou-jou tu parsaoran dohot Debata. (U : Uluan ; H : Huria)
U : Selamat Paskah ma di hita saluhutna.
H : Selamat Paskah ma tutu.
U : Hamuna dongan sahuria, na marpungu do hita di ari Minggu sadari
on marningot dohot manghalashon denggan basa ni Jahowa naung
pinasahatNa tu hita ima marhite Pesta Paskah sadarion.
H : Hupuji hami ma Ho Tuhan marhite parmingguonnami, sai jangkon
ma hami di adopanMu asa marolopolop daging nang tondinami.
U : Pesta Paskah ima marningot Haheheon ni Tuhan Jesus sian na mate.
Tapaserepma dirinta diadopan ni Debata, Ibana do Debata pargogo
naso hatudosan, na patupahon haluaon di hita marhite haheheon ni
AnakNa Tuhan Jesus Kristus. Tama do pujionta Ibana dibagasan
habadiaonai na Badia do Ibana.
H : Hupaserep hami ma dirinami marsomba di jolo ni habadiaonMi,
sai jangkon ma hami di bagasan habadiaonMi asa marolopolop
daging nang tondinami.
U : Antong rap ma hita mamuji pasangaphon Tuhan i di bagasan las ni
roha, marende ma hita.
02. Marende BE. No. 96 : 1+ 3 – 4 “Nunga Talu Hamatean” BL. 101
1. Nunga talu hamatean dibaen Tuhan Jesus i.
Ai na hehe do Ibana songon na nidokNa i.
Haleluya, Haleluya, nunga hehe Jesus i.
Haleluya, Haleluya, nunga hehe Jesus i.
3. Marlasroha be ma hita ala hehe Jesus i.
Ai malua sude hita sian hamagoan i.
Haleluya, haleluya, nunga hehe Jesus i.
Haleluya, haleluya, nunga hehe Jesus i.
-------------------MUSIK------------------ ( Jongjong)
4. Sai tapuji ma Tuhanta na marholong roha i.
Tapasangap ma Ibana na marasiroha i.
Haleluya, haleluya, nunga hehe Jesus i.
Haleluya, haleluya, nunga hehe Jesus i.
03. Votum – Introitus – Tangiang.
U : Marhitehite Goar ni Debata Ama dohot Goar ni AnakNa Tuhan
Jesus Kristus dohot Goar ni Tondi Porbadia na tumompa langit
dohot tano on.
H : Amen
U : Unang ho mabiar, Ahu do bonana dohot ujungna. Na mangolu do,
jala naung mate Ahu najolo, jala ida ma, Ahu do na mangolu ro di
salelengnilelengna, jala di Ahu do anakhinsu ni banua toru dohot
hamatean. Haleluya.
H : ( Mangendehon : Haleluya, Haleluya, Haleluya )
U : Martangiang ma hita.
Ale Tuhan Jesus, Tuhannami! Na mandok mauliate do hami tu Ho,
ala di taluhon Ho do dosa dohot hamatean marhitehite
hamamateMi, ala di sondangi Ho tanomannami, asa
marpangkirimon namangolu hami ala ni haheheonMi. Ndang be
mabiar hami mida hamatean, ai Ho do ulunami, ruasMu do hami.
Dipaunsat Ho do hami sian haholomon tu hatiuron. Sian hamatean
tu hangoluan. Antong pargogoi ma hami mamuji dohot mangoloi
Ho ariari, pasangaphon Ho di bagasan haporseaon na mangolu,
paima sahat hami tu lambungMu. Amen.
(Hundul)
04. Marende BE. No.92 : 2 – 3 “Puji Ma Na Manaluhon” BL. 178
2. Tole hita mangendehon halalas ni roha i.
Dohot marolopolophon sangap ni na monang i.
Na tongtong mangolu i tole hita mangendehon.
Halalasni roha i di parngolu Jesus i.
3. I do las ni rohanami lao mamujimuji Ho.
Ndang be sitoruan hami ala na dung mate Ho.
Dungkon i mangolu Ho Nunga ringan tondinami.
Sian hangongoluMi ala hamonanganmi.

05. P a t i k.
U : Patik ni Debata di minggunta sadari on, ima dienet sian na tarsurat
di Heber 10 : 22 – 23. Songon on ma didok disi :
 Di bahen i, tadapothon ma, marroha na sintong, di bagasan hagogok
ni haporseaon, dung diurasi rohanta, unang be di solsoli panggora ni
roha i hita, jala dung diburi dagingta dohot aek na ias!
H : Momos ma tatiop panghirimon na tarpahatopot i, ai haposan do na
marbagabagahonsa!
U : Rap mangido gogo ma hita sian Debata mangulahon na hombar tu
patikNa i.
U+H : Ale Tuhan Debata, sai pargogoi ma hami mangulahon na hombar
tu patikMi. Amen

06. Koor
07. Marende BE. No. 633 : 1 – 2 “Nunga Hehe Kristus i” BL. 633
1. Nunga hehe Kristus i, Haleluya; sian hamatean i, Haleluya.
Parlangitan jouhon ma, Haleluya, tano on alusi ma, Haleluya.
( Jongjong )
2. Singkop panghophopNa i, Haleluya; Gok hamonanganNa i, Haleluya.
Sondang haluaon i, Haleluya. Patiur dalanta i, Haleluya.
08. Manopoti dosa :
U : Tatopoti ma dosanta di adopan ni Tuhanta martangiang ma hita :
Ale Tuhan Debata, Amanami, Parasi roha na sumurung ! Na pungu
do hami di joloM martangiang tu Ho ; ndada mangasahon
hatigorannami, na mangasahon asi ni rohaM nagodang i do. Sai asi
ma rohaM mida sandok bangsonami, sesama dosanami saluhutna.
Sai sungguli ma rohanami, asa muba roha dohot pangalahonami, ala
ni Tuhan Jesus Kristus Tuhannami, sipangolu hami.
H : ( Mangendehon Ende Suplemen No. 683 : 1)
DiadopanMu Jesus, lea tutu do diringkon, dibaen godang ni
dosangkon, diadopanMu Jesus.
U : Ala ni i do umbahen na hupaserep hami dirinami sadari on di
joloM, jala huparhatopot hami, tung jojot do hami manimbil sian
dalanMu na badia songon biru-biru na lilu.
H : ( Mangendehon Ende Suplemen No. 683 : 3 )
Di adopanMu Jesus, tarsolsolbagi rohangkon, muba au tu joloan
on, di adopanMu Jesus.
U : Bagabaga ni Debata taringot tu hasesaan ni dosanta ; Ise be
mangaluhon angka na pinillit ni Debata? Debata do na mintori. Ise
do na mandabu uhum hamagoan? Kristus Jesus do naung mate ; alai
ndada holan i, naung mulak mangolu do, jala di siamun ni Debata
do Ibana mangondihon hita. Hasangapon ma di Debata di ginjang !
 H : Amen
09. Koor

10. Marende BE. No. 93 : 2 “Pesta Paska Hatuaon” BL. 94

2. Talu ho banua toru, Ndang tarbahen tiopanmu
Raja siparngolu i, Raja siparngolu i
Hamatean, hamagoan , na so pola habiaran;
Nunga talu i sude.
11. Epistel : Jona 2 : 1 - 10
U : Dung i diparo Jahowa ma sada ihan raja, asa di bondut si Jona. Jadi
di bagasan butuha ni ihan i ma si Jona tolu ari tolu borngin.
H : Dung i martangiang ma si Jona tu Jahowa Debatana, sian butuha
ni ihan i.
U : Jala didok ma: Joujou do ahu sian hagogotanhi tu Jahowa gabe
dialusi Ibana ahu. Sian butuha ni parbeguan ahu mangangguhi:
Ditangihon ho do soarangki!
H : Nunga direonghon ho ahu tu bagasan lung tu bagasan pusupusu ni
laut, gabe pusat manghaliangi ahu, sude * angka ombakMi dohot
galumbangMi mangalingkupi.
U : Ianggo ahu, nunga hudok: Nunga bali ahu sian jolo ni mataM; alai
tahe ulahanhu dope mamereng dompak joro habadiaonMi.
H : Nunga nian dihaliangi angka aek i ahu, pola tos hosangku, lung i
pasampaksampak ahu sirambon do alit tu ulungku.
U : Nunga mangungkor ahu sahat tu bona ni angka dolok,
ransangransang ni tano on pe nunga tarsordak humaliang ahu ro di
salelenglelengna. Alai dipanangkok ho ngolungku sian godung ale
Jahowa Debatangku.
H : Uju mandate hosangku di bagasan, Jahowa ma huingot, jadi sahat
ma tangianghu tu Ho, tu joro ni habadiaonMi.
U : Alai halak na marsomba tu ganaganaan sipaotooto, i ma na
manadinghon hasonangannasida i.
H : Alai anggo ahu mardongan soara pujipujian ahu mamele tu Ho,
gararonhu do na huparbagabaga, Jahowa do nampuna hatuaon.
U : Ima sahatna, Martua do na tumangihon hata ni Debata jala na
umpeopsa. Amen
12. Marende BE. No. 89 : 3 ”Ate Didia Soropmi” BL. 130
 3. Mangolu do naung mate i, hurungan di lohahon.
Dirante do musuNa i, tabanNa diarahon.
Tung ise na mangate be, mangalo Ulubalang i,
Na so tarbaen so monang
13. Pujipujian di haheheon ni Kristus dohot Panindangion Haporseaon.
U : Haheheon ni Jesus sian na mate, ido pataridahon nunga di taluhon
huaso ni Debata ia gogo dohot huaso ni dosa. Asa lam porsea hita di
hata ni Debata na mandok : Unang ho mabiar, ai Ahu do Parjolo
jala Parpudi! Ahu do Siparngolu; naung mate do Ahu najolo, gabe
mangolu antong ro di salelenglelengna; di Ahu do anak hinsu ni
hamatean dohot banua toru!
Hamu angka naporsea, puji ma Debata.
H : Mangendehon BE. No. 853 : 1. “ Haleluya”
Haleluya, Haleluya, Haleluya, Haleluya.
Haleluya, Haleluya, Haleluya, Haleluya.
Haleluya, Haleluya, Haleluya, Haleluya.
U : Ndang dihalomohon sibolis molo tahaporseai jala tajalo haluaon na
sian sian Debata, alani sai manggogo do sibolis laho mangelaela
jolma asa manadingkon Debata. Alai haporseaonta manjalo
haheheon ni Jesus i, ima margogoihon angka hita laho maralo
dompak sibolis i. Nunga tajalo hagogoon i marhite haheheon ni
Jesus, alani puji ma Debata.

H : Mangendehon BE. No. 853 : 1. “ Haleluya”

Haleluya, Haleluya, Haleluya, Haleluya.
Haleluya, Haleluya, Haleluya, Haleluya.
Haleluya, Haleluya, Haleluya, Haleluya.
U : Pasiding hamu ma nasa ganggu ni roha dohot roha biar, alai pangke
ma gogo na sian Debata laho mangula ulaonmuna huhut
marpanindangion ala haporseaon i. Mardonganhon gogo na sian
Debata do hita margogo manaluhon nasa dosa huhut mandok :
"Nunga tarbondut hamatean; nunga soluk hamonangan!" "Jo
hamatean, didia hamonanganmi? Jo hamatean, didia soropmi?"
H : Mangendehon BE. No. 853 : 1. “ Haleluya”
Haleluya, Haleluya, Haleluya, Haleluya. (Berdiri)
Haleluya, Haleluya, Haleluya, Haleluya.
Haleluya, Haleluya, Haleluya, Haleluya.
 U : Hamonangan ni huaso ni Debata maralohon huaso ni dosa marhite
haheheon ni Jesus sian na mate, ido gabe hamonangan ni angka
naporsea maralohon huaso ni sibolis dohot nasa huaso hagolapon na
di portibion. Hehe ma hamu gabe sitindangi di haheheon ni Kristus,
ai nunga dipaimbaru hamu asa rap dohot Ibana saleleng ni lelengna.
Antong tahatindanghon ma haporseaonta i songon na
hinatindanghon ni donganta sahaporseaon di sandok portibion, rap
ma hita mandok:
H : Ahu porsea………du. (Hundul)
14. Tingting
15. Koor
16. Marende BE. No. 91 : 1 – 5 “Hatuaon Do” BL. 55
( P. Pelean 1a & 1b)
1. Hatuaon do las ni roha do hangongot ni Tuhanta i
Mago do hita, ngot ma Tuhanta, las be, las be ma rohanta i.
Mago do hita, ngot ma Tuhanta, las be, las be ma rohanta i.
2. Hatuaon do las ni roha do hangongot ni Tuhanta i
Monang do Jesus, talu si bolis, las be, las be ma rohanta i.
Monang do Jesus, talu si bolis, las be, las be ma rohanta i.
--------------------------MUSIK-----------------------
3. Hatuaon do las ni roha do hangongot ni Tuhanta i.
Mungkap do dalan tu hangoluan, las be, las be ma rohanta i.
Mungkap do dalan tu hangoluan, las be, las be ma rohanta i.
4. Hatuaon do las ni roha do hangongot ni Tuhanta i.
I ma gogonta dompak dosanta, las be, las be ma rohanta i.
I ma gogonta dompak dosanta, las be, las be ma rohanta i.
--------------------------MUSIK-----------------------
5. Hatuaon do las ni roha do hangongot ni Tuhanta i.
Monang ma hita jumpa ajalta, las be, las be ma rohanta i.
Monang ma hita jumpa ajalta, las be, las be ma rohanta i.
17. Jamita : Ulaon Apostel 10 : 39 – 43.
18. Marende BE. No. 95 : 1 – 3 “Haleluya Taendehon” BL. 222
( P. Pelean II tu Kategorial Parompuan HKBP)
1. Haleluya ! taendehon nuaeng di ari haheheon ,
Tuhanta Siparmonang i.
Ai malua do Ibana, haruar sian tanomanNa,
Na talu hamatean i.
 Sun ulaonNa i dibaen Tuhanta i, haleluya ,
Naung sahat di Tuhanta i;upaNa na sumurung i.
2. Tongam di parungkilonNa di pangke Jesus i gogoNa,
Mangalo si pangago i.
Hita naung pinarhatoban ni setan dapot haluaan,
Dibaen hamonangonNa i.
Naung sae utangta i digarar Jesus i, haleluya,
Di Tuhan i rohanta i;Salelengnilelengna i.
--------------------------MUSIK-----------------------
3. Naso pola habiaran ni hita on be hamatean, ai hita pe sai hehe do.
Molo burju taihuthon Tuhanta i di parungkilon,
sai ingkon tu lambungNa ro.
Diboan Jesus i do hita on muse tu lambungNa,
Parmonang i, sai saut ma i;Binaen ni hagogoonMi.
19. Tangiang Panutup : (Agenda HKBP)
Tangiang Pelean – Tangiang Ari Haheheon - Tangiang Ale Amanami –
Pasu-pasu – Amen-Amen-Amen.