Partording Ni Acara Manghehei Saringsaring Ni:

Op. Pangihutan Doli Dohot Boru &

Op. Asianmon Doli
Kamis, 03 Februari 2022
HUTA: SIBAGANDING

PANGARADEON

I. Acara Partangiangan:
1. Marende BE No: 301: 6 “Las Situtu rohangku”
Marguru tu Tuhanku ma au di sasude, Ditogu Debatangku ma au tu
na ture, Sai pasupasu ma Ulaonku ni tanganku, Sude sibahenonku
O Tuhan Debata

2. Invocatio-Introitus-Tangiang (U=Uluan, H=Huria)

U : Tapungka ma acara on, di bagasan goar ni Debata Ama dohot goar ni
AnakNa Tuhan Jesus Kristus dohot Tondi Porbadia, sitompa langit
dohot tano on,
H : Amen.
U : Haleluya di Tuhan Debatanta i do, hatuaon dohot hasangapon dohot
hamuliaon dohot hagogoon. Na pahehehon Tuhan Jesus i do
pahehehon hita sogot ala ni Tuhan Jesus.
H : Pinuji ma Debata na tongtong mangalehon hangoluanta.
U : Songon on do Hata ni Tuhan Jesus: Na monang i do siparulosan
dohot ulos na saksak, jala ndang sesaonku goarna sian pustaha
hangoluan, jala parhatopotonku do goarna di jolo ni Damang dohot
di jolo ni angka surusuruanNa.
H : Pinuji ma Debata Ama ni Tuhan Jesus Kristus, naung
umpasupasuhon tu hita ragam ni pasupasu partondion dohot
pardagingon pe, marhite hamoraonna dohot sian holong ni rohana
na so marpansohotan i.
U : Martangiang ma hita: Ale Debata Ama nami, na gok asi dohot
holong ni roha do Ho! Mangasahon holong ni rohaMi do hami ro
tu adopanmu pasahathon hamauliateon ni rohanami siala
pangurupionMu di tongatonga ni Pomparan: Op. Pangihutan
1
 dohot Op. Asianmon Sitompul Dipanghilalahon rohanami
pangaramotionMu di saluhutna nasida boi tolhas tu huta on di
bagasan hahipason dohot las ni roha.
Ale Tuhan, pasada roha nasida di ulaon manghehei saringsaring
dohot di na patupahon ulaon di partuat ni Amanami: Op. Cristina
Doli. Asa di bagasan hasadaon ni roha nasida saluhutna, padao
holso ni roha dohot ganggu ni roha. Alai pahot ma haporseaon na
togu di bagasan roha nasida.
Antong, sai Ho ma na manggomgomi dohot na manumpak, asa
tiur mardalan ulaon on. Pasingkop angka na ringkot di ulaon on
sian hamoraonmi. Padao ma jea sian nasida
Togutogu jala ramoti ma nasida di angka ari na mangihut, asa
tongtong manaili jala marhaposan tu Ho, ai sian Ho do haroroan
ni saluhutna na adong.
Di bagasan Jesus Kristus Tuhannami hupasahat hami tangiang
nami on. Amen

3. Marende BE. 695:1 ‘Jesus Tuhanhu di Ho Ma au on’

Jesus Tuhanhu di Ho ma au on, asa mangihut tu Ho au tongtong.
Gohi rohangku ingani au on, sonang di Ho tongtong. O Tuhan
togutogu ma au. O Tuhan togutogu ma au. Gohi rohangku ingani
au on, sonang di Ho tongtong.

4. Manjaha Hata Ni Debata: 1 Musa 50:22-26

U : Jadi maringan di tano Misir ma si Josep, ibana dohot isi ni jabu ni
amana i, jala mangolu si Josep saratus sampulu taon lelengna.
H : Jadi sanga diida si Josep pinompar ni si Epraim ro di sundut
patoluhon; angka anak ni si Mahir pe, tubu ni si Manasse, tu
ampuan ni si Josep do ditubuhon.
U : Dung i didok si Josep ma tu angka hahaanggina i: Na mate ma
anggo ahu, alai sai tingkiron ni Debata do hamu sogot, jala
togihononna hamu ruar sian tano on tu tano na niuarihonna i tu
si Abraham, si Isak dohot tu si Jakkob.
H : Dung i dipatolon si Josep ma angka anak ni si Israel, ninna ma:
Sai na tingkiron ni Debata do hamu sogot, ingkon boanonmu ma
dohot holiholingku sian on!

2
U : Jadi mate ma si Josep marumur saratus sampulu taon, gabe
dihapuri nasida ibana, jala dipamasuk ibana tu bagasan batang
di tano Misir.
Ido sahatna: martua do angka na tumangihon Hata ni Debata,
jala na umpeopsa.
U+H : Amen!

5. Marende BE. No: Marende BE. 9: 1 “Hupuji Holong ni rohaMu”

Hupuji holong ni rohaMu, O Tuhan Jesus Rajangki
Tu Ho hulehon ma tondingku, ai ido pinangidoMi
Huhalupahon ma diringku, mamingkir holong ni rohaMu

6. Manjaha Ruhut Parmahanion Dohot Paminsangon Taringot Tu

Mangongkal Holi
U : Haoloan do mangongkal holi molo ala ni: Kuburan na sega,
Kuburan na nieak ni dalan, manang aek magodang, tanah
longsor, parhutaan, pembangunan, industri, na pasadahon simin,
na pasadahon saringsaring tu simin na imbaru.
H : Na pasadahon kuburan ala mate di luat na dao.
U : Molo tung adong angka na naeng pasadahon saringsaring ingkon
radot ma parhalado ni Huria maniroi asa unang masa disi ruhut
hasipelebeguon.
H : songon na manortori holiholi, manulangi holiholi, na
mangandungi, manganapurani, songon i nang pamasuk
pisang tu pangongkalan ni holiholi i domu tu ruhut
hasipelebeguon.

U : Naeng ma parbinoto Parhalado ni huria, molo masa mangongkal

holi, laos songon i manimpan hliholi i paima dipamasuk tu
ingananna.
H : Molo dao inganan i, gabe tu gareja ma i disimpan, molo
ulaon sadari jalo ma sian kuburan na leleng tu kuburan na
imbaru.
U : olat ni i ma sahatna.

7. Marende BE. No: Marende BE. 221: 4-5“Saleleng Jesuski”

Torop di tano on manghaliangi au
Sai Tuhan Jesus do tongtong maniop-niop au
3
 Naeng tarsulandit au di maol ni dalan i
Hatop ma lao tu Jesus au pamalum rohangki

8. Martangiang sian Hasuhuton

9. Marende BE. No: Marende BE. 225: 1 “Holan sada do Na ringkot”
Holan sada do na ringkot, Jesus lehon i di au
Manang aha pe na dapot, ndang tuk pasonangkon ahu
Nang arta nang sangap sude hamoraon ndang tau mangalehon dia au
hasonangan. Alai molo dapot na sasada i, tongtong las rohangku
hinorhon ni i.
10. Martangiang sian Hulahula
11. Marende BE No: 707:1
Hagogoon dohot apul-apul, do dilehon Tuhan i tu au, Ganup ari au
ditogu-togu ganup tingki diondingi au. Ai hombar tu lomo ni rohaNa
do dilehon Tuhan i tu au Ro marsorin arsak las ni roha haporseaon
hu di patau.

12. Renungan Singkat

13. Marende BE No: 691:1... “Hupasahat ma tu Jesus”
Hupasahat ma tu Jesus saluhutna ngolungki
Roha nang pambahenanku, saluhutna tingkingki
Hupasahat ma tu Jesus saluhutna diringki
Hupasahat ma tu Jesus saluhutna ngolungki.
14. Tangiang Panutup + Ale Amanami.....