PARTORDING NI PARMINGGUON UJUNG TAON PARHURIAON DOHOT

PARNINGOTAN DI ANGKA NA MONDING

HKI Resort SIPAHUTAR II

(HKI Siabalabal, HKI Onanrunggu, HKI Immanuel,
HKI Lumban Holbung, HKI Lumban Lobu,HKI Tornauli Sitapongan,
HKI Pardomuan, HKI Lobu Tolong)

Ev: Matius 25 : 31 - 46 Ep: Yehezkiel 34 : 11 - 16

TOPIK:
PANGUHUMAN PARPUDI
MINGGU, 22 November 2020
 Ket: U= Uluan; R= Ruas; S= Sude
1. Joujou Tu Parsambaon + Votum Jongjong ma ruas
U : Hamu angka dongan na hinaholongan ni Tuhan Jesus Kristus. Sadari on nunga
sahat hita tu Minggu Ujung Taon Parhuriaon. Sintong ma na ni dok ni buku
Parjamita i na martingki jala na martiti be do saluhut na.
R : Pinuji ma Debata naung pasahathon hita tu Ujung Taon Parhuriaon on.
U : Laos di ari Minggu sadari on patupaonta do parningotan ni angka na monding
di na sataon parhuriaon on.
R : Pinuji ma Debata na tongtong mangaramoti jala margogoihon hita mamolus
rura partangisan on.
U : Huria na hinaholongan ni Tuhan Jesus Kristus martangiang na hohom ma hita
di bagasan rohanta be tapangido ma tu Debata asa diungkap roha nang
pingkiranta jala di parbadiai, asa tau hita marparsaoran dohot Ibana di
parsaoran na badia on. Marende ma hita sian. BE. No. 541 : 1 + 5
Na mulak Jesus i dihasangaponi, mangalap Nabadiai tu hasonangani
Hutundalhonma na dipudingki, Jesus ma haposanhi diharoroNai
Tinggil ma pinggolhi disoaraNai, so tung so begeonhu diharoroNai
Hutundalhon ma na dipudingki, Jesus ma haposanhi diharoroNai.
*** Martangiang dibagasan roha ***
U : Marhitehite goar ni Debata Ama dohot Goar ni AnakNa Tuhan Jesus Kristus,
dohot Goar Tondi Parbadia , natumompa langit dohot tanoon di pasaor ma
damena tu tondi ta (muna) A m e n
(rapma hita mandok tangiangta i)
R : Ale Jesus Tuhan nami bereng hami na di son, pinarmahan mi do hami
saluhutna nadison sai asi rohaM di hami sai pangolu hami on. A m e n.
Hundul ma ruas

2. Marende: BE. 266: 1 – 3 “Tu Banua Ginjang Do”

 Tu banua ginjang do pardalanta i. Na dihalungunhon ho tulus ma disi. Anggo
dison mubauba do sude, so sadia na ture, di tano on.
 Tu banua ginjang i sai tabereng be. Molo ngot manogot i, nang bodari pe.
Olo tongtong, martangiang ho gogo, ia naeng taruli ho di Jesus i.
 Tu banua ginjang i bereng ma tongtong. Molo na hurangan ho, di portibi on.
Ndang jadi be ganggu rohami disi, Debata patupa i, singkop sude.

3. Ayat + Tangiang
U : Jadi mulak ma sogot halak naung pinalua ni Jahowa, jala mariaia rot u Sion;
2
 R : jala halalas ni roha salelenglengna di atas ulunasida,
U : dapotan hilas dohot las ni roha nasida, alai maporus ma anggo arsak dohot
hoihoi (Jesaya 35: 10). Martangiang ma hita: Ale Tuhan Jesus, Tuhan ni

angka na mate dohot angka na mangolu! Ho do nampuna hami, manang

mangolu manang mate pe hami.
R : Nang pe mardalan hami di rura nilinggoman ni hamatean, ndang huhabiari
hami be hamatean, ai Ho do dongannami. Ndang tartiop hamatean manang
tanoman be hami, ai Ho do Tuhannami naung humophop hami, jala Ho
nampuna hami.
U : Ro hami nuaeng tu Ho mangido: Sahat tu Ho ma tondinami dohot
dagingnami, asa di Ho hami manang na mangolu manang na mate pe. Sai tiop
ma tangannami, urupi hami marhitehite panghophopMi, asa sahat hami tu
hangoluan na so ra suda. Amen. Didongani Tuhan Debata ma hita (hamu)
saluhutna. Amen. Haleluya, haleluya, haleluya
U+R: (Mangendehon) Haleluya…Haleluya…Haleluya.
U : Singkat ni Patik dihita sadarion diminggu parningotan ujungtaon ni
parhuriaon, tarsurat di Pangungkapon 3 : 3 “ Antong ingot ma manang
songon dia najinalo dohot nabinegem; ima radoti jala pauba roham,
dibahen I molo so tarsunggul ho, ro ma Ahu songon panangko; na so jadi
botoonmu sadiharina Ahu manopot ho”. Amen!!!

04. Marende : BE No. 238 : 1+3 “Ihuthon Au Sude Hamu”(ay.3 jongjong ma ruas)
 Ihuthon Au sude hamu, didok Tuhanta Jesus. Sai soadahon dirimu,
hatangKu ma patulus; Alai bolonghon ma sude parulanmu na so ture.
 Hupatuduhon di hamu sipasidingonmuna. Sude geduk dirohamu
sipaubaonmuna. Ai naeng ias ma tondimu di na lao suda bohalmu.
5. MANOPOTI DOSA:
U : Huria na hinaholongan ni Tuhanta. Tapaunduk jala tapeserep ma rohanta tu
adopan ni Debata parasi roha bolon i laho manopoti angka dosanta na godang i.
Martangiang ma hita: Ale Tuhan Debata Parasi roha jala Pardengganbasa,
Amanami marhitehite Tuhan Jesus Kristus. Na ro do hami nuaeng tu adopanMu
mangarsakhon dosanami. Na tarsolsolbagi do hami di adopanMu ala ni dokdok
di dosa dohot hajahatonnami. Jotjot hulaosi hami patikMu marhite angka
tubutubu ni rohanami na jahat. Nang dongannami jolma pe ndang huhaholongi
hami doshon dirinami baliksa tahe jotjot hubahen hami jut roha ni dongannami
marhite hata dohot pambahenannami. Sai unang ma paingotingot angka dosa
dohot pangalaosionnami, unang tulak hami sian adopanMu, sai palambas ma
rohaM. Asi ma rohaM di hami, jangkon ma hami ai tung marsak do hami ala di
dosanami i.
R : (mangendehon ½ soara ) BE. NO. 86:3 “Silang Na Badia I” ( BL.67)
3
 Ro do au nuaeng tu Ho, sai palambas ma rohaM. Nunga pola mate Ho ala asi
ni rohaM. Jangkon au na dangol on, sai ulosi tondingkon.

U : Jotjot do hami mabiar manghatindanghon Ho di ngolunami ala mabiar hami

ndang dapotan arta ni portibi on. Lupa do hami na diparade Ho do arta na
sumurung i di hami i ma hangoluan si salelenglelengna. Mabiar do pe hami
mida hamatean, subang do rohanami manaringoti hamatean i hape nunga
dipatundukhon Ho hamatean i marhite AnakMu Tuhan Jesus Kristus na mate
jala na mulak mangolu sian na mate. Ale Tuhan sai anju ma hami di
hagaleonnami i, sai paloas ma hami mangolu di adopanMu.
R : (mangendehon ½ soara) BE.86:4 “Silang Na Badia I” (BL.67)
Dosa patundukhon au, Ho ma mangondihon au. Ramun situtu do au, mudarMi
mamuri au. Na pogos, dangol au on; Ho ma artangki tongtong.
U : Ale Tuhan sai sahaphon ma tu rohanami pardosa on TondiM na badia i asa
margogo hami manaluhon hisap-hisap ni dagingnami, asa margogo hami
manghatindanghon Ho
di ganup tingki. Lehon ma di hami panghirimon na mangolu di hangoluan
sogot, asa unang mabiar be hami mida hamatean i. Sai ajari jala pargogoi ma
hami mamangke ariarinami hombar tu lomo ni rohaM. Tangihon ma hami ala ni
asi dohot holong ni rohaM di bagasan Goar ni AnakMu, Tuhan Jesus Kristus,
Tuhan Sihophop hami. Amen.
U : Tabege ma Hata bagabaga ni Debata taringot tu hasesaan ni angka dosanta: Ai
ndang adong imbar ni i: ai saluhut do pardosa jala hurangan maradophon
hasangapon ni Debata, alai angka na gabe pintor, binahen ni basabasa marhite
sian asi ni rohaNa, hinorhon ni ponobusion na marhitehite Kristus Jesus i, na
pinajongjong ni Debata bahen habangsa parasian marhitehite haporseaon di
mudarNa. Hasangapon ma di Debata na di ginjang.
S : Amen. (Hundul)

6. Marende: BE No. 253: 1 + 4 “Ale Debatangki”

 Ale Debatangki, lam jonok rohangki, jonok tu Ho. Imana sai tongtong
sangkap ni rohangkon, jonok tu Ho. Nang beha panoguM di au on naposoM,
asa lam jonok do :,: jonok tu Ho. :,:
 Ale Debatangki jaga ma tondingki, tangihon au. Molo diloas Ho sipata jea
ro manahop au. Naeng ma nang jea i manogu rohangki, tu hasonangan i :,:
tangihon au. :,:

7. E P I S T E L : Yehezkiel 34 : 11 - 16 (Responsoria)
11. Ai songon on do hata ni Tuhan Jahowa: Ida ma, ahu, apala ahu sandiri usouso
sogot di birubirungku, jala luluanku nasida.
4
 12. Songon pangalului ni parmahan di punguanna di ari uju di tongatonga ni
birubirunna angka na mampar i ibana, suang songon i ahu mangalului

birubirungku sogot, jala paluaonku nasida sian saluhut inganan

parserahannasida i, uju di ari ombun dohot haholomon marimpotimpot.
13. Jala ahu manogihon nasida ruar sian angka bangso dohot papunguhon nasida
sian angka luat, asa huboan nasida mulak tu tanonasida i, laos ahu marmahan
nasida di atas ni angka dolok Israel, di bagasan angka rura dohot di bagasan
saluhut parmianan di tano on.
14. Di jampalan apala na lomak ahu marmahan nasida, jala di atas dolok angka
na timbo di Israel parudamannasida, disi ma mangulon nasida di parudaman
na denggan, jala jampalan apala na lomak jampalanna di atas ni angka dolok
ni Israel.
15. Ahu sandiri ma marmahan birubirungku, jala ahu paulon nasida, ninna Tuhan
Jahowa.
16. Luluanku ma na mago i, jala mulak boanonku na tardempar i, jala lilitanku do
na mabugang i, jala pargogoanku do na marsahit i; alai anggo na mokmok i
dohot na gogo i siaphononku do, ahu sandiri tahe marmahansa marhitehite
uhum.
U : Martua do na tumangihon hata ni Debata jala na umpeopsa.
R : Amen.

8. Marende BE No. 354: 1-2 ”Sae tong maimaima do” (ay. 2 jongjong ma ruas)
 Sai tong maimaima do rohantai di Jesus, Ibana haluaon do, di angka na
tinobus. Ro do muse Tuhantai mardongan hasangapon i. Sai ro ma Ho o Jesus,
sai roma Ho o Jesus
 Marlas ni roha ma disi sudena naung tinobus, masihol situtu doi di Jesus i
Partobus. Ro do muse Tuhantai. d.u.
9. Manghatindanghon Haporseaon
U : Rap ma hita manghatindanghon haporseaonta i
U + R : Au porsea Di Debata Jahowa ........./ D.u....

10. Marende BE. No. 392: 1…. “Sae Pasiat Tuhan Jesus” (Pel. I & II)
 Sai pasiat Tuhan Jesus tu bagasan roha mi, sai maimaima Jesus bege
panuktuknai. Sai pasiat Tuhan Jesus , jangkon i tu rohami, nungga tingki
parasian sotung jolo salpu i
 Hariburon na di tano sai ringgas dijangkon ho, marisuang Tuhan Jesus sai
di hagarishon ho. Sai pasiat........
-Musik–

5
  Ai sadia leleng nari laos so putus rohami ? unang toishon , so tung salpu
tingki parasian i. Sai pasiat.............
 Lehon ngolumi tu Jesus , ai hatop do salpu i, sai pasiat ma Tuhanmu tu
roham nalojai. Sai pasiat .........

11. J a m i t a : Matius 25 : 31 - 46
12. Marende BE. No. 241: 1-2 “Sonang dilambung Jesus”
 Sonang dilambung Jesus sonang naro tu si, unang be ho mabiar laho
mandapothon i. Tongtong di jouhon Jesus,sai roma ho tu Au, Tadingkon
haholomon jala haposi Au. Sonang dilambung Jesus sonang naro tu si, unang
be ho mabiar laho mandapthon i.
 Sonang dilambung Jesus rap hita lao tu si, inganan naummuli do
dilambungnai. Ai nungga diparade hasonangantai Asa marhasonangan naro
tu Jesus i. Sonang dilambung Jesus Rap hita lao tu si inganan naummuli do di
lambung nai.
13. Tingting dohot Tangiang simpul tingting.
ACARA KHUSUS : Parningotan Di Angka Na Monding:
 Marende. BE. No. 336 : 3 – 4 “ Sonang ma modom”
Molo soara ni Tuhan Jesus I, na manorusi sude tanomani
Ro manungguli angka naung mate, hehe nasida marhasangapon
Hamuliaon di Ho O Debata, ala pamabaenanMu dihami on sude;
Mate dihami alani dosa Mangolu hami dibaen AnakMu
U : Hamu angka dongan sahaporseaon na hinaholongan ni Tuhan Jesus Kristus. Molo
tapatupa pe sadari on parningotan ni angka na monding ndang na mangarungkari
sidangolon parningotan on. Alai marhite parningotan ni angka na monding on naeng
ingotonta hita pe na ingkon marujung do di tingki na be songon angka donganta
naung parjolo monding i. Ndang sihabiaran be sorop ni hamatean i ai nunga
dipatunduk Tuhan Jesus Kristus marhitehite haheheonNa sian na mate. "Jo hamatean,
didia hamonanganmi? Jo hamatean, didia soropmi?" Alai dosa do sorop nihamatean,
jala patik i do gogo ni dosa i. Alai mauliate ma di Debata, na pamonang hita
marhitehite Tuhanta Jesus Kristus!
R : (mangendehon) BE. No. 334:1 “Nasa Jolma Ingkon Mate” (BL.186)
Nasa jolma ingkon mate, ingkon mago sibuk i. Na mangolu ingkon mate, asa tung
dengganmu muse.Daging on do gabe bangke jala ingkon do malangke. Asa sogot
bangkit i, tu hasangaponna i.
U : Ingot ari hamamatem, i do na naeng sunggulhonon ni parpunguan on tu hita. Ndang
parmianan na hot portibi on di hita, ingkon tadinghononta do saluhutna na adong di
portibi on, surgo i do parmianan na hot ro di saleleng ni lelengna di angka na porsea di
Ibana.
R : (mangendehon) BE. No. 334: 3 “Nasa Jolma Ingkon Mate”(BL.186)
Jesus Kristus nunga mate, ala ni mangolu au. Singkop tua diparade, i pe las rohangku
lao. Manadinghon pardagangan, mandapothon hasonangan. Mandapothon Jesushi, ai
malungun au tusi.

6
U : Ingot ari hamamatem. Paingothon hita asa mamparhaseang tingki na nilehon ni Debata
tu angka ulaon na denggan, ulaon na hinalomohon ni Debata. Antong, binsan sadihari
dope, taulahon ma na denggan di saluhut halak, alai gumodang ma tu donganta
sahaporseaon!
R : (mangendehon) BE. No. 802:1 “Pangke Tingkim Saonari”(BL.802)

Pangke tingkim saonari, dapothon ma Tuhan i. Unang godang sidalian, ingot jempek
ngolumi. Nunga rade hasonangan, di surgo i, di surgo i. Unang adong nanggo sada, na
so parjambar disi.
U : (Molo pe ndang adong na marujung ngolu, ndang pola dijahahon bagian on,
langsung ma diuduti tu bagian na ditoru). Angka on ma goar ni ruas ni hurianta
namarujung ngolu dibagasan sataon parhuriaon on...... (manjaha angka goar-goar ni
ruas ni huria namarujung ngolu dibagasan nasataon. Asa torop ni ruas ni hurianta
namarujung ngolu…Ama=.....halak; Ina=.....halak; Naposo=.......halak;
Dakdanak=.........halak
Marende. BE. No. 525 “ Na lao ma au”
Na laho ma au tu na sonang diginjang, disurgo tutu sai na sonang ma au
O, ho donganki, na gok dosa, gok arsak, sai dohot ma ho, sai tu surgo ma lao
Sai ro dohot ho, dohot Ho, dohot Ho. Sai dohot ma Ho, sai tu surgo ma lao
U : Didok di bungku nabadia i (Pangungkapon 20 :12) Dungi huida ma angka naung mate
i, angka na metmet nang angka nabalga, jongjong di jolo ni habangsa i, jadi di ungkap
ma angka bungku. Dungi di ungkap ma sada bungku na asing, ima bungku hangoluan,
gabe di uhumi ma angka namatei marguru tu angka natarsurat dibagasan bungku i,
hombar tu naniula nasida be.
 Marende. BE. No. 335 Loas au, asa Lao
Loas au asa lao tu Jesusku tu na dao, ai malungun do rohangku.
Mandapothon Debataku, asa dilambungNa au, asa dilambungNa au.
Antong rim ma hita jongjong. Dibagasan unduk dohot serep ni roha martangiang ma
hita dibagasan rohanta, asa tongtong ingot hita pasahathon dirinta tu Tuhanta, sahat rodi
hasusuda ni bohalta be.
(mangkuling ma musik angonangon BE. No. 347 saayat, laos martangiang ma
dibagasan rohana be...........).
U + R : Marende 347 : 1 + 3 “Sae Masipaidaan do”
 Sai masipaidaan do naporseai,dung sahat be langkana tu hasonangan i, tu
hasonangan i, tu hasonangan I
 Sai masipaidaan ma hita on muse, dilambung ni Tuhanta , dung monang hita be,
dung monang hita be, dung monang hita be.
U : Martangiang ma hita: Ale Tuhan Debata huingot hami do sadari on angka dongan
nami naung jumolo monding, songon duhutduhut do tutu saluhut daging, jala songon
bungabunga do saluhut hasangapon ni jolma. Nungga malos duhutduhut i jala nungga
marurus angka bunga bunga i, alai na hot do
ianggo hataM rodi saleleng ni lelengna. Ajari jala pargogoi ma hami asa marsihohot
dihaporseaon nami tu Ho asa burju hami rasi rasa mate, asa dohot hami parjambar di
tumpal hangoluan i. Amen.
14. Marende BE. No. 128: 1….. “Ditanda Debatanta” (Pel. III)
7
 Ditanda Debatanta na di Ibana i, na metmet nang na balga, di nasa bangso i, ndang
mago loasonna nang sada sian i, :,: ditogu do sudena tu hasonangan i.
 Ditanda do nasida dibaen porsea do, nasida di hataNa, nang tu nasida ro. Ido
hangoluanna, ido guruna I, :,: laos ido sinjatana, mangalo dosa i.

*** Musik ***

 Ditanda do nasida, dibaen mangkirim di, na pinarbagahonNa, tongtong rohaNa i. Sai
saut do bahenonNa, sude hataNa i. :,: Ido sitiopanna, ro diajalna i.
 Ditanda do nasida dibaen holong sude. Rohana di Ibana nang di donganna pe. Ai ido na
mandasdas nasida sai tongtong. :,: asa tong dipatolhas, pastikNa i sintong.

15. PAMORHATION:
U : Nunga tabege hata ni Debata na pabotohon tu hita ia Kristus i na manontong do jala
ro di salelenglelengna do pamarentaonna, na so tupa munsat sian ibana, harajaonna pe
na so tupa pesan do. Saluhut bangso, houm dohot halak parpangkuling
marragamragam marsomba tu ibana. Antong tabaritahon ma i di keluarganta, di na
humaliang hita nang di sandok portibion.
R : Ale Tuhan Debata, TondiMi ma margogoihon ahu, asa margogo ahu
mamaritahon i di keluarga dohot di na humaliang.
U : Ingot ma, lam godang do angka na jungkat, ro ma tingkina ndang tartahan halak disi
poda na so tingkos i laho mangaliluhon angka na porsea.
Unang mabiar hamu, alai pos ma roham, Tuhan Jesus mandok: Sai na dongananKu
do hamu ganup ari, rasirasa ro ajal ni hasiangan on.
R : Olo Tuhan, dison do ahu, suru ma nang ahu.
U : Antong borhat ma hamu mamaritahon Barita Na uli i di keluarga nang di na
humaliang. Nunga monang Kristus, talu sibolis. Hangoluhon ma Hata ni Debata
ganup ari asa nasa soara marhatopothon: Jesus Kristus do Tuhan. Bahen hasangapon
di Debata Ama.
R : (Mangendehon) BE No. 190: 3 “Las rohangku situtu”
Las rohangku situtu, ai parjambar au tutu. Dina denggan sasudena, pinarbaga ni
Debata. Di sude na burju i mangihuthon Jesus i.

16. Tangiang Panutup

 Tangiang pelean + Tangiang Ujung Taon Huria (Agenda HKI)
 Tangiang Ale Amanami + Tangiang Pasupasu
 Mangendehon: Amen, Amen, Amen

MEMENTOMORI = INGOT ARI HAMAMATEM

TUHAN YESUS MEMBERKATI

8
 Na ginurithon:
Pdt. Ulrike Juliana Girsang. S. Th
HKI Resort Sipahutar II