HKBP CIPAYUNG CILANGKAP MINGGU, 16 JULI 2023 Topik : Pangaramotion ni Debata tu bangso napinillitNa. ============================================================= TEMA: Ulahon ma haluaonmu dibagasan biar dohot lomos ni roha. I. P R O S E S I : o Jam 08.40 Wib, prosesi Pandita, Parhalado, Panitia dohot Undangan mamasuhi bagas parmingguon, (jongjong ma sude ruas di ingananna be) di iringi musik ! Adong ma 3 halak ina di barisan parjolo adong maniop Lilin, Bibel dohot Silang di sambut dengan tortor. o Jongjong ma sude rombongan prosesi, Pandita pasahathon hata selamat datang dohot horas horas, dung i sitiop Lilin, Bibel dohot Silang manjahahon narasi, dung sidung dijaha hundul ma rombongan prosesi tu hundulanna be jala laos hundul ma ruas. II. P A R M I N G G U O N 1. K O O R : Seksi Parompuan 2. JOUJOU MARSOMBA MAMUJI DEBATA: (P: Paragenda ; SL : Song Leaders ; R:Ruas) P: Huria ni Tuhanta na hinaholongan di bagasan Goar ni Tuhanta Jesus Kristus. Marpungu do hita sadarion di inganan on marminggu mamuji dohot pasahathon hamauliateon ni rohanta tu Debata parholong roha i. Pimpinan HKBP manotophon taon 2023 ima Tahun Professionalisme dalam Penatalayanan. Dohot Tema: Ulahon ma haluaonmu dibagasan biar dohot lomos ni roha. Kerjakanlah keselamatanmu di dalam takut dan gentar. Tarjou do sude parompuan HKBP Cipayung Cilangkap mangulahon haluaonna dibagasan biar dohot lomos ni roha. Gabe angka parompuan na tangguh, parompuan na so hea sumurut. Di bagasan tingkion ma Pesta Puncak Parheheon Parompuan ni Hurianta HKBP Cipayung Cilangkap, dung dibonai pigapiga perlombaan antar wijk. Na tarjou do angka parompuan sada kategorial sian ruas ni huria na missioner di hurianta HKBP nang tu humaliangna, jala mangolu dibagasan asi ni rohaNa. Tahirim do napasidohot parompuan manumpahi ulaon pararathon Barita Na Uli i di liat tano on tarlumobi di HKBP Cipayung Cilangkap. Ala ni i di las ni rohanta sadarion di Pesta Puncak Parheheon Parompuan tahirim do sude parompuan ni hurianta lam marsada ni roha mangulahon haluaonna, saroha, sapingkiran pauliulihon parsaoranna songon pamatang ni Kristus huhut manghamauliatehon pambahenan ni Debata di huriaNa. Antong tanda las ni rohanta tapuji jala tasomba ma ibana. R : (mangendehon) BE. No. 585: 1 “Somba ma Jahowa” ♫ Somba ma Jahowa Debatanta amen Haleluya Sigomgom langit tano on ro di isi na amen Haleluya Beta hita lao marsinggang tu joloNa amen Haleluya Na songkal jala na badia do Jahowa amen Haleluya Endehon amen Haleluya endehon amen Haleluya Endehon amen Haleluya Haleluya Endehon amen Haleluya endehon amen Haleluya Endehon amen Haleluya Haleluya P: Di Pesta Parheheon Parompuan HKBP Cipayung Cilangkap sadarion, tung renta do angka parompuan ni hurianta marlas ni roha ro sian sude wijk mamuji huhut marsomba tu Tuhanta. Asa las ni roha bolon do na itajalo sadarion, boi hita marsada jala mangolu dibagasan holong ni roha. Antong puji ma Ibana sian nasa roham dohot sian nasa gogom . R : (mangendehon) BE.No. 555: 2-3 “Somba ma Jahowa Debatanta” ♫ Puji ma Jahowa Debatanta amen Haleluya Parasi roha na sumurung do Ibana amen Haleluya Taendehon ma goar ni Debatanta amen Haleluya Alani denggan ni basaNa tu hita amen Haleluya Endehon amen Haleluya endehon amen Haleluya Endehon amen Haleluya Haleluya Endehon amen Haleluya endehon amen Haleluya Endehon amen Haleluya Haleluya --------- J o n g j o n g -------- ♫ Sangap di Jahowa Debatanta amen Haleluya Na bonar jala marmulia do Jahowa amen Haleluya Tapatimbul ma goar ni Debatanta amen Haleluya Na tigor jala na sun gogo salelengna amen Haleluya Endehon amen Haleluya endehon amen Haleluya Endehon amen Haleluya Haleluya Endehon amen Haleluya endehon amen Haleluya Endehon amen Haleluya Haleluya Endehon amen Haleluya endehon amen Haleluya Endehon amen Haleluya Haleluya Endehon amen Haleluya endehon amen Haleluya Endehon amen Haleluya Haleluya 2. V O T U M – I N T R O I T U S : P: Dibagasan las ni roha di Pesta Parheheon Parompuan HKBP Cipayung Cilangkap on, tapungka ma parmingguonta dibagasan Goar ni Debata Ama, dohot Goar ni AnakNa Tuhan Jesus Kristus dohot Tondi Parbadia. AmenNunga dipabotohon Ibana tu Ho, ale jolma, manang aha na denggan jala manang aha naniluluan ni Jahowa sian ho, ima na mangulahon uhum sambaing dohot holong ni roha di habasaon, jala marpanmgalaho di haserepon maradophon Debatam. Haleluya! R: (mangendehon) Haleluya! Haleluya ! Haleluya! P : Martangiang ma hita! Ale Tuhan Debata Amanami na dibanua ginjang ! Sai lehon ma tu hami roha na togu, na badia, pingkiran na denggan dohot roha na ringgas pasauthon ulaon na denggan, Sai lehon dame tu hami asa sonang hami mangolu dibagasan pangondingiM, asa marsigantung tu hataM ma hami maradophon saluhut musunami. Sai ramoti jala pargogoi ma hami marhitehite Tuhan Jesus Kristus Tuhannam ---------H u n d u l--------- 3. MARENDE BE. No. 248 : 1+3 “Saleleng ho di tano on” ♫ Saleleng ho di tano on, patigor ma roham, Paingotingot ma tongtong, nidok ni Debatam ♫ Sai tiru Tuhan Jesus i, naung ro humophop ho. Pambaenna nang hataNa i, hangoluanmu do. 4. P A T I K N I D E B A T A : P: Patik ni Debata di minggunta di Pesta Parheheon Parompuan HKBP Cipayung Cilangkap sadarion ima Patik I dohot Lapatanna. Ahu do Jahowa Debatam ninna Debatanta ndang jadi Au marangkup bahenonmu Debatam. R: Dia do lapatan ni I on do: Ingkon umbiar rohanta jala humolong jala umpos mida Debata asa mida nasa na adong. P: Antong rap mangido gogo ma hita tu Debata laho mangulahon patikNa i ! P+R: Ale Tuhan Debata! Sai pargogoi ma hami mangulahon na hombar tu PatikMi. A m e n! 5. MARENDE BE.No. 183 : 1 -2 “Na jumpang au” ♫ Na jumpang au na asi roha, di au naung mago i hian Tuhan Jesus parasi roha, di au na lilu na hinan Nuaeng hutanda Tuhanki, parasi roha bolon i, parasi roha bolon i ♫ Dibahen godang ni dosangku, tung hona uhum au tama Hape ro Jesus dipadomu, au muse dohot Debata MudarNa na badia i, pajongjong pardomuan i, pajongjong pardomuan i .6. TANGIANG MANOPOTI DOSA : P: Hamuna na hinaholongan di bagasan Jesus Kristus! Sadarion tahamuliatehon do Pesta Parheheon Parompuan HKBP Cipayung Cilangkap. Alai ingkon taparhatopot do dirinta angka halak pardosa. Ala ni i dibagasan unduk ni roha tatopoti ma dosanta na godang i tu adopan ni Debata. SL : (mangendehon) BE. No. 683: 1 “DiadopanMu Jesus” ♫ Di adopanMu Jesus lea tutu do diringkon Dibaen godang ni dosangkon di adopanMu Jesus P: Ale Amanami jala Debatanami na di Banuaginjang. Parasiroha na sumurung mida hami! Huparhatutu jala hutopoti hami do dosa dohot pangalaosionnami na godang i di joloM. Tatap hami marhitehite asi ni rohaM, jala sesa ma dosanami saluhutna, ala ni panghophop ni Anak haholongan ni rohaM, Tuhan Jesus Kristus, Sipangolu hami.Amen! R: Alai jotjot do hami manimbil sian dalanMu na sintong i. Sipata maol do hami patuduhon holong na sian Ho. Jotjot do hami mangulahon dosa. Hupangasahon hami do utohutok nami sandiri. Sipata mandao do hami sian dalanMu. Lupa do hami di sude pasupasu na nilehonMi tu hami. Ale Tuhan, nunga mardosa hami, asi ma rohaM, sesa dosanami, ai jotjot do hulupahon hami hataM. SL : (mangendehon) BE. No. 683: 2 “DiadopanMu Jesus” ♫ Di adopanMu Jesus marsomba au huhut tungki Lao manopoti dosangki diadopanMu Jesus P: Dipajongjong Debata do huriaNa di tongtonga ni portibi na gok dosa dohot hajahaton. Marhite angka parompuan songon ruas di huriaM HKBP Cipayung Cilangkap on, di suru Ho nasida pararathon hataM asa lam tamba bilangan ni angka parompuan nang halak na porsea jala marsihohot tongtong tu Ho. Marhite HataMi, naeng mangolu hami ganup ari di ngolu na imbaru. Bagasna i, antong, hamoraon, hapistaran dohot parbinotoanMu. Na so hasigatan do angka uhumMu jala na so habogasan do angka dalanMu. SL : (mangendehon) BE. No. 683: 3 “DiadopanMu Jesus” ♫ Di adopanMu Jesus tarsolsol bagi rohangkon Muba ma au tu jolo on di adopanMu Jesus R: Jotjot do ndang huhaporseai hami HataM na gabe sitiopon nami. Asa gabe madabu do hami tu hajahaton, hatop do hami mandele dohot mabiar. Lemba do hami ro tu angka parpunguan ni HuriaM, sipata bangkol do rohanami ro tu parmingguan laho manangihon hataM i. Asa gabe gumodang do hami dipengaruhi angka teori teori jaman na lam maju on. Lupa do hami di habisukon na sian Ho i. Ndang huhamauliatehon hami hataM na hubege hami, asa lam hurang do holong nami nang tu angka naposoM. Gabe hubereng hami do angka ulaon nasida i, songon kewajiban sambing. Lupa do hami manghamuliatehon saluhutna tu adopanmu. Ale Tuhan asi ma roham di hami. SL : (mangendehon) BE. No. 683: 4 “DiadopanMu Jesus” ♫ Di adopanMu Jesus taruli au di asiMi Tu Ho ma sahat diringki di adopanMu Jesus P: Hadirion ni Huria songon pamatang ni Kristus di portibion, ima laho pasauthon panjouon ni Debata. Di suru do hita tu portibi na gok angka sahit, isarani sahit sosial na lam ragatna di masyarakat. Tarjou do hita mamboan las ni roha tu angka halak, gabe parasiroha songon Ibana parasiroha i! Hita do parhitean ni Debata laho pasahathon sangkapNa laho mangurupi angka na marsahit, na pogos, na dangol dohot angka na marsitaonon. Aha do naung tabahen? Tarlumobi angka parompuan ni hurianta HKBP Cipayung Cilangkap on? Ingkon jujur do hita, mansai godang dope na so boi taulahon. Ndang marsitutu hita di panjouonta i. R: Ale Tuhan, nunga mardosa hami. Marpamuati ma rohaM dihami, sesa ma dosanami i, ai jotjot do hami holan hata di ngolu nami. Pargogoi ma hami jala jangkon ma hami gabe siseanMu. Ramoti HuriaMi asa gabe pasu pasu i tu humaliang hami. SL : (mangendehon) BE. No. 683: 1 “DiadopanMu Jesus” ♫ Di adopanMu Jesus lea tutu do diringkon Dibaen godang ni dosangkon di adopanMu Jesus P: Tabege ma hata bagabaga taringot tu hasesaan ni dosa! Munsat pe angka dolok, jala humuntal angka robean, alai anggo parasi ni rohangKu na so tupa munsat sian ho, jala padan ni hadameonKu na so tupa humordit, ninna Jahowa Siasii ho. Hasangapon ma di Debata na di ginjang! P+R: A m e n ! --------H u n d u l-------- 7. MARENDE BE. No. 213: 3-4 “Dung sonang rohangku” ♫ Diporsan Tuhanku sandok dosangki, Bolong tu na dao do dibaen. Nang sada na so jujuronna be I, Na martua tondingku nuaeng. Sonang do, sonang do, dipasonang tongtong rohangkon. ♫ Mangolu nang mate di Jesus do au, Ibana haporusanki. HataNa sambing do partogi di au, Ai na tau haposanku do i. Sonang do, sonang do, dipasonang tongtong rohangkon 8. E P I S T E L : Mateus 13:1-9 P: Turpuk epistel di minggunta sadari on ima na ni enet sian Mateus 13:1-9 tajaha ma marsingkat sorin: Dung i didok ma: “Di na sadari ruar ma Jesus sian bagas i, laho hundul tu pasir ni tao. R: Jadi marpungu ma torop halak tu jolona, gabe dipanaek Ibana ma sada parau laho hundul tusi, jala sude natorop i jongjong do di pasir i. P: Dung i godang ma dihatahon tu nasida, huhut pangke umpama, ninna ma: Na laho tu balian do sahalak panabur laho manabur. R: Jadi di na manabur i ibana, adong ma boni i deba na mamiltik tu dalan, dung i ro ma angka pidong mamarguti. P: Alai anggo na deba, tu tano na batu on do madabu, di na so sadia hapal tano, jadi tibu ma tubu, dibahen na so bagas tano disi. R: Alai di na lam timbo mata ni ari, rahar ma; gabe mate, ala so marurat. P: Anggo na deba, tu parsihupian do madabu, laos tubu do angka sihupi i, gabe dipisati ma eme i. R: Alai na deba nari, tu tano na denggan i do madabu, gabe saut ma marparbue, saratus lompit do na deba, onompulu lompit do na deba, jala tolupulu lompit do na deba. P: Hamu angka na marpinggol, pinggol hamu ma i! Ido sahatna ! Martua do angka na tumangihon Hata ni Debata, jala na umpeopsa. P+R: A m e n ! 9. MARENDE BE. 470:2+4 “Jesus Ho nampuna Au” ♫ Sai rajai ma matangki, manangkasi dalanMi, Sai patinggil pinggolhi, tumangihon hataMi -----jongjong sude----- ♫ Hata nang soarangki, sai rajai ma dohoti, Sai denggan huhut sintong, baen hatangku sai tongtong. 10. MANGHATINDANGHON HAPORSEAON : P: Tahatindangkon ma haporseaonta i, songon na hinatindangkon ni donganta sahaporseaon di sandok portibion, rap ma hita mandok: R: Ahu porsea ……dst. Amen -------- H u n d u l------- 11. K O O R : a. Seksi Naposobulung b. Seksi Parompuan 12. Tingting : 13. K O O R : Seksi Ama 14. MARENDE BE. No.759 : 1 –----- “Jahowa Siparmahan au” (P.Pelean I A,I B) ♫ Jahowa Siparmahan au, ndang na hurangan au; Tongon dibaen na lomak i, pangolu tondingku. ♫ Di togu au tu na tio, aek hangoluan i, Di baen do tondingki sio, di dalan hasonangan i. ---musik----- ♫ Sai dipasabam rohangki, ditogu tondingki, Tu dalan hatigoran i ala goarNa i. ♫ Di rura hamatean pe, ndang be mabiar au, Ai disondangi do sude sonang mardalan au. ---musik---- ♫ Batahi dohot tungkotMi do mangapuli au, Di dalan sidalananki, Ho mandongani au. ♫ Rade dibaen ho meja i, gok panginumanki, Ho mamiahi ulungki, di ida musungki. ---musik--- ♫ Tongtong do denggan basaMi, jambar ni ngolungki, Bongot ma au tu jabuMi, dung suda bohalhi. 15. J A M I TA : Psalm 65: 1-9 16. MARENDE BE. No. No. 753 : 1----- “Dipardalanan Jesus di jolongku” (Papungu Pelean II) ♫ Di pardalanan Jesus di jolongku, Holong ni tanganMi manogu au. Nang di ngolungku Ho do sombaonhu tung sonang mardalan raphon au. Reff. Huboto do tangkas panoguonMu, Diiring-iring Ho do langkangki. Sahat ro di ujung ni pardalanhu. Togu ma au jonok tu lambungMi, ------------musik----------------- ♫ Sipata lilu haporseaonhu, Ni lilianan ni portibi on,Alai dung Ho hutatap o Tuhanku. Margogo do au di ngolungkon. Reff. Huboto do------ -----------musik---------------- ♫ Patogu ma Tuhan haporseaonhu, Asa polin tu Ho manghirim au, Tu surgo i patulus pardalanhu, TondiMi maringan ma di au ----------musik-------------. 17.. P A R S U R U O N : ------J o n g j o n g ---- Pdt: Hamu angka nahinongkop ni Tuhanta, nunga di jalo hamu Hata ni Debata na gabe bohal di partondion. Debata do mamillit hita jala marpadan Ibana dohot hita.Ibana do mamillit dohot mangaramoti hita gabe bangsoNa. Antong marpadan ma hita diadopan ni Debata, marpangalaho ma hita songon pangalaho ni anak ni Debata, Nunga gabe bangsoNa hita, mangolu ma hita dibagasan holong ni rohaNa, asa gabe pasupasu hita tu angka donganta nang tu portibion. Ruas : (mangendehon) BE. 792:1 “Pasu-pasu hami O Tuhan” ♫ Pasu-pasu hami O Tuhan sai usehon dameMi, Sai ampehon tanganMi Tuhan, lehon tu au gogoMi. Di portibi on baen ma au Tuhan habaoran ni las ni roha. Tu na marsak i tu na dangol i gabe mangapuli I Pasu-pasu hami O Tuhan sai usehon dameMi. Sai ampehon tanganMi Tuhan, lehon tu au gogoMi Pdt: Hamuna angka na hinaholongan, Ruas ni Huria tarlumobi angka parompuan; Mangolu ma hamu dibagasan holong dohot sada ni roha! Patuduhon ma haporseaonmuna laho mangaradoti haholongon huhut pajongjong hatigoran. Laho ma hamu gabe panondang dohot sira tu tongatonga ni portibion mamboan haluaon tu ganup halak. Ruas : (mangendehon) BE. 792: 5 “Pasu-pasu hami O Tuhan” ♫ Pasu-pasu hami O Tuhan sai usehon dameMi Sai ampehon tanganMi Tuhan, lehon tu au gogoMi. Diportibion baen ma au O Tuhan, sipajongjong hatigoran. Pargogoi ma au, raphon HuriaM, patupahon na denggan. Pasu-pasu hami O Tuhan sai usehon dameMi. Sai ampehon tanganMi Tuhan, lehon tu au gogoMi 23. TANGIANG PELEAN + PASUPASU