BOHAL PAMBOHALION

CALON SINTUA HKBP KISARAN KOTA

MANGULUHON LITURGI/MARAGENDA

NAMAMBOHALI
Pdt Budianto Sianturi, S.PAk

1
Hira di sude hurianta HKBP, marasing do halak ni na marjamita sian na
maragenda di parmingguon. Ulaon parjamitaon godangan do i dipasahat
tu angka pandita. Hira so hea do angka pandita maragenda, jumotjot do
angka sintua, dung i guru huria, bibelvrouw, diakones, dohot evangelis.
Nang pe songon i, unang gabe so diboto pandita maragenda, ai manang
na boha pe pandita i do uluan dohot panungkunan di huria manang
ressortna, tarmasuk dohot di ulaon paragendaon i.

Ingkon tangkas do pangaradeon ni paragenda tu paragendaon i. Tung na

so jadi adong pingkiran na magarajumi na ulaon na mura do i. Tangkas
do pilliton angka ayat introitus dohot tangiang na hombar tu sadasada
minggu di sada taon parhuriaon. Di deba minggu, ndang pola adong
sipilliton ai holan sada do ayat, sada dohot tangiangna. Alai di deba
minggu, isara di tingki Trinitatis, adong do manang na piga ayat dohot
tangiangna, jala ingkon pilliton ni paragenda i do sada sian i. (Di tingki
na parpudi on, nunga dipillit angka ayat introitus, tangiang pamungkaan,
tangiang panopotion di dosa dohot bagabaga hasesaan ni dosa di Impola.
Hita ma manimbangi manang na mendidik i manang ndang).

Mangeahi hadengganon ni paragendaon dohot parmingguan, ingkon

"kuasaan" ni paragenda do suasana di gereja i. Ibana do na "maniop
komando" di parmingguon i, na "mangatur" angka kegiatan na hombar
tu unsur-unsur ni liturgi. Molo adong do sound system, tangkas ma i
dipangke paragenda i, ai ndang holan jagarjagar i umbahen dituhor, alai
ingkon gabe pangurupi situtu do i tu hadengganon ni parmingguon i.
Manang sadihari pe, ingkon parateatehononna do manang naung cukup
torang soarana tarbege di sandok inganan parmingguan i. Ndang ingkon
tongtong gogo, tingki holan sahalakna manghatai, boi do numanget, asal
torang di sude. Alai di na rap sude huria i marsoara, isara di na marende
manang di na manghatindanghon haporseaon, ringkot do gumogo, asa
boi seirama sude. Molo so adong pe sound system ingkon tongtong do i
parateatehononna. Hombar tusi, ingkon diboto paragenda do logu dohot
irama ni ende na niendehon di kebaktian i. Di tingki na parpudi on,
nunga lam godang huria mamangke pemandu lagu manang song leader.
Marhite i diorui do deba beban ni paragenda i. Alai sijagahonon do disi
asa seirama paragenda dohot parmusik raphon song leader, unang gabe
sabalikna masiboan lehengna be.
Di huria na torus dope mamangke sistim protokoler, ingkon sadar diri do
paragenda i paboa na paragenda do ibana, ndang master of ceremony
(MC). Ala ni i unang godang hatahatana (Pjm.5:1). Sai dipangke ma
joujou manang seruan na paling netral. Rupani, di na mangarahon
marende sae ma molo didok: “Marende ma hita, sian Ende Nomor ...”
Unang pola dipaganjangganjang i maniruniru gaya ni MC isara na
mandok songon on: “Taparade be ma endenta, tapuji ma Tuhanta,
marende ma hita marhite Ende Nomor ...” Ndang sintong i, ai ndang na
mangarahon parade ende ibana, mangarahon marende do; dung i, ndang
sude ende na diendehon di parmingguon i pujipujian, adong do tangiang,
adong poda, adong panopotion, dohot na asing. Nda geok do i molo
didok paragenda i: “Tapuji ma Tuhanta, marende ma hita sian Ende
Nomor 165:2” ninna, hape hata ni ende i mandok: “O Tuhan hutopoti
ma luhutna dosangki. Asi rohaM sai sesa ma, di Ho ma tondingki.”
Somalna, marningot angka dosana, tar dondon do panghilalaan ni halak
mangendehon i. Sahat ro di na tariluilu tahe adong do. Rangkak do halak
na boi mangendehon i hinsa songon na patut di ende na marrumang
pujipujian. Laos songon i di na manggorahon parkoor, sae ma molo
didok: "Marende ma koor adui." Unang pola dipaganjangganjang i
maniru gaya ni MC, isara na mandok: “Nuaeng nilehon ma kesempatan
tu koor ... laho patubegehon kesaksiannasida.” Kesaksian aha i? Atik
boha do jamita isi ni endenasida i, atik boha do poda, tangiang, dohot na
asing; ndang kesaksian manang panindangion. Apalagi so tung ma didok
agia ise: “Tabege ma marende koor ni ianakhonta naposobulung.” Ai
holan hita (huria i) do huroha na naeng umbege ende i, nda dohot do
Debata, surusuruanNa bahkan sibolis? Manang na dirimpu paragenda i
do na holan milik ni na dewasa do parmingguon i? Boha ma molo adong
disi remaja na umposo dope sian naposobulung na marende i na dohot
niajak ni paragenda i mambege endenasida i? Na dohot do angka remaja
i marianakhon tu naposobulung na marende i?

Taringot tu penampilan, ingkon hormat, daulat, jala badia. Tu sangkap i,

denggan do pangkeon angka atribut naung baku di HKBP. Rupani, baju
tohonan manang toga di pandita, baju parhobas di guru huria,
bibelvrouw, diakones, evangelis, dohot sintua. Tung na so niantusan be i
molo ro losok ni roha ni pandita marbaju toga manang angka guru huria,
3
bibelvrow, diakones, evanggelis dohot sintua ndang marbaju parhobas di
tingkina be. Ndang sipaubaubaon rumang ni atribut i asa songon na
hebat. Pinatudos tu baju toga ni huria na asing, songon GKI, GPIB,
dohot GKPI memang lebih sederhana do baju toga ni pandita ni HKBP.
Gabe adong ma nuaeng angka pandita na lomoan rohana mamangke
baju toga na sian Departemen Agama RI na suman tu baju toga ni GKI,
GPIB, manang GKPI. Baju toga na jinalona sian huria di tingki manjalo
tohonan hapanditaonna gabe dipasahat ma i pangkeon ni lamarina.
Songon i godang do huria na paubaubahon rumang ni baju parhobas ni
sintua. Hira rangkak nama tahe nuaeng idaon baju parhobas na dos tu
rumangna na asli. Pangurupi situtu do baju tohonan dohot baju parhobas
i tu hatohomon ni ulaon dohot na mangulahon i.

Ingkon jongjong do na manguluhon parmingguan i di atas ni dirina

sandiri, unang gabe di diri ni na asing. Sinode Godang 53 HKBP
mandok: “Pelayan gereja hendaknya tidak menunjukkan gaya yang
dibuat-buat dalam melaksanakan tugasnya….” Unang rupani
dipaasingasing parjongjongna, panghataion, manang parendeonna asa
songon na jago; unang dipatirutiru gaya ni na asing ai ndang sai hombar
i tu dirina. Sandok manang songon dia ibana, songon i ma.

Angkup ni i, di udut ni pandohan nangkin didok Sinode Godang 53 i

dope: “…, serta setia pada kalimat-kalimat dalam agenda kebaktian,
doa-doa, dan kata-kata yang sudah lazim dan baku di HKBP.” Manang
songon dia na tarsurat di agenda i songon i ma dijaha, unang dipaubauba
manang ditambatambai. Taringot tu partuaon panutup ni turpuk di ari
minggu ma rupani, sai adong do paragenda na manambai, didok:
“Martua ma angka na umbege hata ni Debata jala na umpeopsa, jala na
mangulahonsa.” Hea do hubege diparsoalhon i di sada huria. Didok na
mandok i: “Ingkon tambahonon do i, ai ndang sae holan peopon hata i,
ingkon ulahonon do.” Mangalusi i hudok: “Tinambaan pe i songon i
tong dope ndang singkop. Ai boi do hata i diulahon antong sian na
tarpaksa manang sian roha na marsipaulaula. Ala ni i, ra, ringkot ma i
muse tambaan gabe songon on, jala na mangulahonsa sian rohana na ias.
Dung tinambaan i tarhilala ma muse tong dope adong na hurang, ai
ingkon torang do di dia i ulahonon. Ala ni i, ra, tambaan ma i gabe
songon on, jala na mangulahonsa sian rohana na ias di gareja dohot di
huta, di hauma dohot di partigatigaan, di kantor dohot di parsikolaan, di
... di ... di... Gabe boi ma i mansai ganjang situtu, gumanjang tahe sian
jamita.” Adong do pandita di na laho marjamita na manangianghon
tangiang na bebas jala na ganjang, dung i dipaujung dohot tabe na
mandok: “Dame ni Debata …..” Ninna rohangku na manegai
konsentrasi ni parminggu i do ibana disi, ai ndang diparade huria i dirina
tu tangiang sisongon i. Didok sada halak: “Sada na tumabo huhilala di
parmingguan ni HKBP on do, na parjolo sahali binege sian pandita i i
ma hata ni Debata na polin, ndang tangiang na ganjang, ai anggo i do na
boi terkontaminasi do i binahen ni hagiot dohot pingkiran ni
hajolmaonna.” Adong do muse pandita na pamalohu gabe boi manjaha
na so tarsurat, ai tagan so tangiang Ale Amanami didok do songon on:
“Tapaujung ma nuaeng parmingguonta on, martangiang ma hita.” Laos
songon i di na laho pasahathon hata pasupasu i didok: “Mulak ma hamu
di bagasan dame, jalo hamu ma pasupasu ni Debata Amanta i.” Jala di
na manghatahon pasupasu i adong do tong na so konsisten, ai didok
songon on: “Dipasupasu jala diramoti Tuhan Debata ma ho!
Disondanghon Tuhan Debata ma bohiNa tu ho, jala asi ma rohaNa mida
ho! Didompakhon Tuhan Debata ma bohiNa tu ho, jala dipasaorhon ma
dameNa tu tondimuna be!” Sasintongna, ingkon tondim padanan ni ho;
tondimuna be padanan ni hamu do i.

Na parpudi, didok na mandok: “Manusia bersifat silap.” Manang na

boha pe malona, jala boha pe pangaradeonna sai adong do tingkina sala
paragenda i. Molo masa na songon i, unang ma gabe didondoni
hasalaanna paragenda i, alai ingkon marusaho do ibana hatop malua sian
i. Molo sempat ibana didondoni, sai mandatdati nama i sala, gabe lam so
diboto be sibahenonna.

5
 LITURGI
Liturgi, i ma parture manang aturan ni parpunguan manang peribadahan ni halak
Kristen manang huria. Di HKBP, somal didok agenda. Ragam do kebaktian i, isara
parmingguon, partangiangan, parbagason, pangapulion, natal, dohot na asing. Na
naeng hataan dison, parmingguon do, i ma parpunguan di gareja di ganup ari
Minggu.

Di parmingguon manang kebaktian i, pajumpang do Debata dohot jolma. Ibana

sandiri do na patupahon parjumpangan i. Dohot hata na asing, Debata do suhut ni
parpunguan i. Jolma, sian gogo dohot usahona sandiri ndang tau mandapothon
laho pajumpang dohot Debata. Taringot tu parjumpangan i, adong dua aspek
panghilalaan, i ma:
a. Debata tuat pajumpanghon jala pasaorhon diriNa tu jolma.
b. Jolma dihindat sian portibina tu hadirat ni Debata.
Ala ni i, na badia situtu do parmingguon i jala na songkal, ai "pajumpang" disi
alam sorgawi dohot alam duniawi, dunia ilahi dohot dunia insani. Mansai ringkot
do i antusan ni sude asa sandok diparbadiai be rohana di na marminggu i, unang
gait manang gere.

Na marmula do kebaktian i di ulaon ni Debata Sitolusada naung papatarhon diriNa

tu jolma. Dipapatar do diriNa selaku Debata Ama, Panompa; selaku Debata Anak,
Sipalua jala Partobus; dohot selaku Debata Tondi Porbadia, na mangingani jala na
pabadiahon. Manghatai Ibana tu jolma, mangula jala bertindak, gabe malua
saluhut sian dosa dohot sian sandok pangonaina, sian huaso ni sibolis dohot
hamatean. Maradophon hapataran dohot ulaonNa na paluahon i, patut do jolma
mangalehon alus manang reaksi. Na parjolo, i ma na mananda, manghaporseai,
jala mamillit Ibana gabe Debatana; dung i, na mamuji jala na mandok mauliate, na
marningot jala na manghatindangkon angka pambahenanNa. I ma na dipolakan,
dibakukan manang dilembagakan di bagasan liturgi i, na diulahon na porsea i
secara bersama, di sada parpunguan na di berlangsung di bagasan goarNa, i ma
kebaktian i. Dipajumpanghon jala dipasaor Debata diriNa tu jolma, dipatubegehon
hata dohot tonaNa, patik dohot aturanNa, bagabaga dohot lumbalumbaNa;
ditangihon ende dohot pujipujian ni jolma i, tangiang dohot elehelekna,
panindangion dohot olopolopna, jala dijalo hamauliateon dohot peleanna. Dohot
hata na asing, di parpunguan i masa do interaksi timbal-balik antara ni jolma dohot
Debata: Jolma manjou, Debata hadir; Debata manghatai, jolma manangihon dohot
mangalusi; jolma manghatai, Debata manangihon dohot mangalusi.
Sahali nari, di parmingguon i pajumpang do Debata dohot jolma. Ibana sandiri,
sian asi dohot lomo ni rohaNa do na mangulahon i. So sian asi dohot lomo ni
rohaNa ndang adong parjumpangan dohot parsaoran, ndang adong panghataion
dohot pananangihonon. Tangkasna, Debata sandiri do patupahon kebaktian i.
Nang pe songon i, jolma do anggo na mangulahon. Hombar tusi, sidua
hajongjongan do na manguluhon kebaktian i, i ma:
a. Wakil ni Debata maradophon jolma manang huria i
b. Wakil ni jolma manang huria i maradophon Debata
Songon wakil ni Debata, ditariashon do hata ni Debata tu huria i, dipatubegehon
patik, aturan, uhum, tona, bagabaga, pasupasu, dohot lumbalumbaNa; jala selaku
wakil ni jolma, dipasahat do tangiang ni huria i tu Debata, pujian, hamauliateon,
dohot angka peleanna. Laos angka i ma na gabe unsur ni kebaktian i. Adong do
disi rupani unsur panindangion manang pemberitaan taringot tu Debata Sitolusada
na papatarhon diri tu jolma, na mangula jala pasaorhon diri, na marsoara jala
patubegehon hataNa; adong unsur jawaban sian jolma, i ma pujian, ende, tangiang,
panindangion haporseaon, hamauliateon, pelean, dohot na asing. Angka unsur i,
ndang boi asal dipangompaphon songon i, alai ingkon disusun do di bagasan
aturan manang pola na tontu.

Di HKBP, nunga adong Agenda, i ma aturan manang liturgi ni kebaktian. Na

dipahombar do i tu parsagi ni tingki di sada taon parhuriaon. Marhite i, dipamura
do ulaon ni angka parhobas, ai ndang pola be ingkon manusun sandiri liturgi
siganup minggu, alai sae ma mamillit dohot padomuhon angka unsur liturgi naung
diparade disi. Tutu, sai adong do tingkina ingkon patomutomuon ni sadasada
parhalado liturgina, isara di pesta na sangat khusus di huria i. Siangkup ni Agenda,
adong dope di Almanak, i ma aturan ni turpuk sijahaon dohot sijamitahonon
siganup minggu. Ala ni i, ndang pola be angka parjamita mangalului turpuk tu
ganup minggu. Sistim i digoar stelsel perikope. Ndang sude huria mamangke
sistim i, adong do na mangalehon kebebasan tu angka parjamita. Rap adong do
denggan dohot hurang ni na dua i. Sistim na parjolo, ala naung tarihot tu taon
parhuriaon, sai adong do sian turpuk i na so hona tu situasi na sangat khusus jala
na insidentil, jala ndang sude turpuk ni Bibel i dijamitahon. Sistim na paduahon,
boi mangonjar parjamita mamillit dohot manjamitahon turpuk angka na mura
sambing, angka na maol dipasiding. Dungkon ni Agenda dohot Almanak, adong
dope Buku Ende naung disagi hombar tu rumang dohot pamangkeon ni angka
ende na tarsurat disi. Na parpudi on do na gumodang mangigil pangaradeon ni
angka parhobas, ai ingkon pillitonna do angka ende na hona tu unsur-unsur liturgi
dohot parsagi ni tingki di taon parhuriaon. Tutu, di angka taon na parpudi on,
7
nunga disurathon nomor ni ende tu ganup minggu di Impola. Nang pe songon i,
ndang gabe dipalua i angka parhobas so paradehon ende, ai ndang sai sarupa
panatapan ni na parade liturgi na di Impola i tu panatapan ni na mangulahonsa.
Taringot tu ende na mardomu tu jamita ma rupani. Nang pe dos turpuk
sijamitahonon, bolas do marasing tekananna; marasing, ala marasing na
manjamitahon, marasing situasi dohot kondisina. Tontu, diigil parasingan i do
nang parasingan ni ende.

Andorang so tinorushon manghatai liturgi i, ringkot ondolhonon: Ndang

tarpatomutomu huria sada liturgi na singkop jala na marlaku sepanjang jaman. Na
di pardalanan dope huria i, liturgina pe di pardalanan dope, na ringkot tongtong
dipaimbaru. Di taon 1904 rupani, dipaimbaru hurianta do liturgina sian na
marpangke di abad 19. Dung i, di taon 1936 adong do muse usaho paimbaruhon
liturgi i, alai ndang tuntas. Liturginta sinuaeng on, ojak dope i di liturgi 1904, alai
nunga godang perubahanna sian tingki tu tingki. Deba sian perubahan i na
diaturhon do i sian Pusat, deba jolo dihatai jala diputushon di Rapot Pandita, alai
deba na pinatubu ni huria marsadasada do i, dungi i ditiru huria na asing jala di
ujungna gabe ditotophon.

Tarbagi dua bagian bolon do liturgi ni hurianta, i ma:

a. Parsombaon, sian pamungkaan tu na papungu pelean parjolo.
b. Parjamitaon (pemberitaan), sian jamita tu panimpuli.Di bagian na parjolo na
gumodang berperan i ma paragenda. Disi, marfungsi do ibana songon malim na
jongjong di dua hajongjongan: wakil ni Debata maradophon huria i, dohot
sabalikna, wakil ni huria i maradophon Debata. Di bagian paduahon, gumodang
berperan parjamita. Disi pe jongjong do ibana di dua hajongjongan, i ma
panurirang na patubegehon hata dohot lomo ni roha ni Debata, dohot selaku malim
na manangianghon huria i, manangianghon pelean, dohot pasahathon pasupasu
manang ramalan imam. Tumangkas, tapamanat ma skema na mangihut on:

I. PARSOMBAON

A. Pamungkaan

01. Marende Huria

Dipungka do parmingguon marhite Ende Huria. Disi, marfungsi do ende i songon

pangaradeon manang ajakan/panggilan parsombaan na naeng berlangsung. Ala ni
i, ende na hombar tu fungsi i ma pilliton sian Buku Ende i. Rupani, Ende
Pujipujian, Ende di Ari Minggu, manang ende na hombar tu goar ni Minggu/Pesta
di taon parhuriaon. Di mulana, diendehon do dison sude ayat ni sada nomor sian
Buku Ende i. Di tingki on, rata-rata tolu ayat nama (adong na holan dua). Boha
parmuba ni i, ndang apala binoto. Alai ra, godangan do i na menghemat tingki. Na
tolu ayat i diholangholangi musik saayat. Parmubana, hatontuan sian Pusat.
Maksudna, pahothon ton ni ende i (ai sipata, moru do ton ni ende i dung di ayat
paduahon). Di tingki na parpudi on, di ayat na patoluhon, jongjong huria i.
Parmubana, sian sadasada huria na gabe diadaptasi di na asing. (Alai ndang sude
dope huria mangulahon i).

B. Penahbisan

02. Votum-Introitus-Tangiang

a) Votum.

Votum, "manguba" rumang ni punguan i sian parpunguan na somal, na "profan"

gabe parsaoran na di bagasan goar ni Debata Ama, Anak, dohot Tondi Porbadia,
na badia manang na sakral. Alai adong do na memahami i songon joujou manang
elehelek tu Debata asa ro tu parpunguan i, jala hombar tu interaksi timbal-balik na
nidok ondeng, dihaporseai huria i do na hadir Ibana di tingki i.

b) Introitus

Introitus, patuduhon warna ni parmingguon i. Sipilliton do introitus i sian angka

ayat introitus naung diparade di Bagian Paduahon ni Agenda i, di sub bagian A.
Naung disagi do angka ayat i hombar tu parsagi ni tingki di sada taon parhuriaon.

c) Haleluya

Ala naung "diuba" rumang ni punguan i gabe parsaoran di bagasan goar ni Tuhan i
marhite Votum jala dihaporseai huria i naung hadir Debata di kebaktian i, gabe
dijangkon/disambut ma Ibana marhite pujian Haleluya.

d) Tangiang

9
Sambutan Haleluya diuduti dohot tangiang na hombar tu Introitus. Tangiang on,
sipilliton do sian tangiang naung diparade di Bagian Paduahon ni Agenda i, di sub
bagian D, naung disagi do i hombar tu parsagi ni tingki di sada taon parhuriaon.
(Di Agenda 1904, di ujung ni tangiang i rap do na sahuria i mandok “Amen”.
Dung i, udut tu tangiang i ndang adong be ende, langsung nama tu Patik. Ndang
binoto be, boha jala sadihari parmuba ni i tu sinuaeng on).

03. Marende Huria

Dison na marfungsi do ende i songon sambutan ni huria tu tangiang na di jolo (d).

Hombar tusi, sipilliton ma dison ende na marhata tangiang na gumodang jumpang
di Ende di Ari Minggu dohot Ende taringot tu Haporseaon. [Adong do na
memahami sude ende na di Agenda i songon pangaradeon tu unsur na mangihut.
(Ende on rupani, dirajumi songon pangaradeon tu na manjaha Patik). Jala hombar
tusi ma ende na dipillit. Ndang sintong i. Di Agenda 1904 torang do, ganup ende
na mangihut tu unsur na di jolona do i. (Pamanat ma skema na di ginjang i).
Ephorus Pdt.Dr.Justin Sihombing mandok, na marfungsi do angka ende i
manggonamhon unsur na di jolona. “Songon na mamantikhon labang,” ninna
Ompui, “nang pe naung masuk sude, diantuk dope manang na piga hali nari asa
haru gonam.”] Rata-rata ende on saayat, molo ayat na jempek dua.

C. Pendamaian

04. Patik

a) Patik

Di hurianta, dijaha do patik i di jolo ni panopotion/bagabaga hasesaan ni dosa.

Sian i torang, na marfungsi do patik i paingothon taringot tu dosa, jala manognogu
hita tu Kristus (usus elenchticus manang usus paedagogicus). [(Ndang sude huria
mamereng songon i, adong do na mangarajumi i songon petunjuk hidup baru (usus
normativus manang usus didacticus). Hombar tusi, dijaha do patik i di pudi ni
bagabaga hasesaan ni dosa. Pamanat ma rupani Tata Kebaktian ni GPIB, GKI,
dohot na asing].

Molo ‘digonti’ patik na tarsurat di Agenda i dohot sada manang lobi ayat ni Bibel,
ingkon pilliton do ayat na marhata patik/berbahasa hukum. Unang digoar i singkat
ni patik, alai patik, ai di bagasan kerangka tata kebaktian i na marfungsi do i
songon patik. Molo lobi sian sada ayat dipillit, hombar tu interaksi timbal-balik na
nidok di jolo i, unang ma dijaha i marrumang na masialusalusan. Debata do na
manghatai disi, jolma manangihon. Molo dohot do huria i manjaha, ise be na
manangihon?

Ndang jadi gantion patik i dohot na asing, isara Aturan Paraturan ni Huria manang
Ruhut Parmahanion Paminsangon, ai ndang patik ni Debata i. Laos songon i,
ndang sigontion patik i dohot Credo, hatorangan ni Sakramen manang Konfessi, ai
ndang usus elenchiticus dohot usus paedagogicus fungsi utama ni angka i di huria.

b) Tangiang

Panjahaon ni patik i disambut huria i do i marhite tangiang songon na tarsurat di

Agenda. Taringot tuson pe, molo ‘digonti’ patik i dohot ayat ni Bibel, unang gabe
digonti hata ni tangiang i songon on : "... mangulahon na hombar tu hataMi", alai
hot do dohonon "... mangulahon na hombar tu patikMi".

05. Marende Huria

Dison, marfungsi do ende i songon sambutan tu patik i. Ala ni i sipilliton ma dison

ayat ni ende na marhahonaan tu patik manang tu ayat na dijaha di kebaktian i.
Nuaeng on, rata-rata ende on dua ayat, jala di ayat paduahon jongjong huria i laho
manopoti dosa. [Songon na nidok di jolo (ida 01) ndang sude dope huria
mangulahon i].

06. Panopotion-Bagabaga

a) Manopoti Dosa

Dung disadarhon marhite patik i, sahat ma huria i tu panandaon dohot panopotion

nang sihol ni roha di hasesaan ni dosa. Pilliton ma dison tangiang naung diparade
di Agenda di Bagian Paduahon, sub bagian B. Di na mamillit i, parrohahonon do
hata ni tangiang i laho pahombarhon tu parsagi ni tingki di taon parhuriaon
manang tu warna ni kebaktian i.

b) Tingki na Hohom (Saat Teduh)

Unsur na imbaru dope on di agenda ni hurianta, jala ndang sude dope huria naung
11
mangulahonsa. Na binoto, dipungka do unsur on di HKBP Menteng, gabe
diadaptasi di torop huria, jala ndang adong pola oraora sian Pusat. Di deba huria
angka naung mangulahon, diisi do i dohot musik na angonangon; di na asing, song
leader/musik. Maksudna, laho mangauhon tangiang panopotion i dohot paradehon
roha tu bagabaga hasesaan ni dosa na mangihut.

c) Bagabaga Hasesaan ni Dosa

Di angka na manopoti dosana sian nasa rohana rade do asi ni roha ni Debata na
mengampuni. Hombar tusi, di bagasan hajongjonganna songon malim na mewakili
Debata maradophon huria i dipatubegehon paragenda i do samansam ramalan
imam, i ma bagabaga hasesaan ni dosa. Pilliton ma i sian angka ayat naung
diparade di Agenda di Bagian Paduahon, sub bagian C. Taringot tusi pe, ingkon
parrohahonon do dia na hombar tu taon parhuriaon.

d) Pujian/Gloria Besar

Bagabaga hasesaan ni dosa i disambut huria i marhite paragenda na jongjong di

tingki i songon malim na mewakili jolma maradophon Debata, didok:
"Hasangapon ma di Debata na di ginjang." Dung i, diuduti huria i ma i dohot
"Amen". Ndang dohot pola paragenda mandok i. Na mandok Amen on, na imbaru
dope di hurianta jala hatontuan sian Pusat do i. Marhite na mandok i, diparhatopot
huria i do hinasintong ni bagabaga dohot hasesaan i. Ndang gaitgait i, alai na tutu
situtu do.

07. Marende Huria

Ende on, udut ni sambutan pujian ni huria na di jolo i do (06.d) Hombar tusi,
pilliton do dison ende na marhata pujian, las ni roha, manang olopolop ni huria
manghalashon hasesaan ni dosana. Rata-rata ende on saayat, molo apala jempek
dua.

D. Pemberitaan/Petunjuk Hidup Baru

08. Hata ni Debata turpuk ni ari Minggu

a) Hata ni Debata
Aha do sasintongna goar ni unsur on?

Epistel: Ndang binoto manang na boha jala sadihari partubu ni goar on. Tutu, hea
do di hurianta holan sian Evangelium na opat i do dibuat turpuk jamita (jala mulak
do i dung opat taon; rupani, dos do sude turpuk sijamitahonon di 1936 dohot 1940,
di 1937 dohot 1941 dohot satorusna). Di angka tingki i, unsur on dibuat ma sian
Epistel manang suratsurat tongosan. Alai molo pinamanat ndang songon i sian
mulana, ai dibuat do i tong sian Padan na Robi, sian Evangelium na opat i, dohot
sian Epistel. Di tingki on, nunga dohot muse sian Pangungkapon. Antong boasa
goaron i Epistel?

Patujolo ni Jamita: Na jolo, di deba huria dijamitahon do unsur on di

parmingguan, jala digoar do i jamita metmet. (Jamita, digoar jamita godang).
Angka sintua do parjambar disi. Alai ndang songon i anggo di angka huria na
balga, isara di Pearaja dohot di Sipoholon, di parmingguon paduahon na dipatupa
di bodari ni ari Minggu i do i dijamitahon (Ida Dr.J Sihombing, Homiletik, al.15-
17) Di na deba nari muse, di evangelisasi na dipatupa di gareja di sada ari holang
di na saminggu i. Alasanna, ai i do na mangajarhon manang na songon dia huria i
manghangoluhon Evangelium i. (Evangelium, indicatif; epistel, iperatif). Hombar
tusi, di periode ni Ephorus Ds.GHM Siahaan, hea do laos ayatayat ni turpuk i do
na ditontuhon gabe ayat ariari di na saminggu i. Molo i do, boasa goaron i Patujolo
ni Jamita?

Hata ni Debata Turpuk ni Ari Minggu on: Dumenggan ma tapangke goar on, ai i
do tarsurat di Agenda i. (Tung taparrohahon ma, ndang adong tarsurat di Agenda i
hata Epistel. Ndang sintong i, sai songon na paotootoonta dirinta mandok epistel
hape turpuk na sian Padan na Robi do na tajaha, manang sian Evanggelium,
manang sian Pangungkapon ai taboto be do lapatan ni Epistel, surat tongosan).

Sahali nari, nunga niondolhon, na tarbagi dua bagian bolon do parmingguonta i, i

ma Parsombaon (I) dohot Parjamitaon/Pemberitaan (II). Molo mamereng hita sian
segi Parsombaon (I) sambing, manang na dijamitahon i manang na so dijamitahon,
na harajuman do Hata ni Debata turpuk ni ari Minggu i songon Pemberitaan
Firman, alai sian segi keutuhan ni na dua i (Parsombaon dohot Parjamitaon), gabe
harajuman do i songon Petunjuk Hidup Baru di angka naung pinaimbaru ni Tuhan
i marhite hasesaan ni angka dosana.

Hatiha on, dijaha do unsur on masialusalusan manang responsori antara paragenda

13
dohot ruas. Hasomalan i dipungka do di angka huria, dung i di periode 1992-1998
dilegalisasi ma i sian Pusat. Alasanna, asa diboan be bibelna tu gareja. Alai sian
hajongjongan ni unsur on di bagasan kerangka kebaktian i, jala hombar tu
interaksi timbal-balik na nidohan ondeng, ndang sintong i. Debata do na
manghatai disi, na manangihon do jolma. Ala ni i, holan paragenda do manjaha i.

b) Pernyataan Bahagia

Panjahaon ni unsur on ditutup dohot sada Pernyataan Bahagia na mandok:

"Martua ma angka na umbege hata ni Debata jala na umpeopsa." (Di Agenda i
tarsurat do ‘na tumangihon’ alai di Bibel ‘na umbege’ do). Sarupa tu bagabaga
hasesan ni dosa, Pernyataan Bahagia on pe na harajuman do songon samansam
ramalan imam na dihatahon paragenda i di bagasan hajongjonganna selaku malim
na mewakili Debata maradophon huria i. Sai adong do paragenda na ringgas roha
manambanambai hata partuaon i, didok rupani: “Martua ma … jala na umpeopsa
dohot na mangulahonsa.” Tung na so ringkot do i, ai nang pe ditambatambai
ndang hea i sun singkop.

09. Marende Huria

Ende on, sambutan ni huria do tu Hata ni Debata turpuk ni ari Minggu i. Ala ni i,
pilliton ma disi ende na marhahonaan tu turpuk i. Di tingki on, rata-rata ende on
dua ayat, jala di ayat paduahon jongjong huria i. (Taringot tusi, ida 01 dohot 05).

E. Panindangion

10. Manghatindanghon Haporseaon

Songon na nidok di jolo (4), hapataran dohot tindakan ni Debata na paluahon i,

hata, patik, bagabaga, dohot pernyataan bahagiaNa, na mangigil reaksi manang
alus do sian jolma na pungu i. Di liturginta i, dibakuhon do alus i di bagasan sada
Panindangion Haporseaon.

Di dekade onompuluan, di sada rapot pandita dipasingkop do joujou ni paragenda

tu na manghatindanghon haporseaon i songon on: “Tahatindanghon ma
haporseaonta i, songon na hinatindanghon ni donganta sahaporseaon di sandok
portibi on, rap ma hita mandok.” Na marpardomuan do i tu semangat ekumenis na
lam tu timbona.
11. Tingting

Di Agenda 1904, simpul manghatindanghon haporseaon pintor marende nama,

dung i marjamita. Tingting dohot na papungu pelean, dung salpu jamita pe. Ndang
torang be di hita, boha jala sadihari parmunsat ni tingting dohot na papungu pelean
tu jolo ni jamita songon na taulahon di tingki on.

Na marfungsi do tingting i songon jamita (barita) huria. Bagian ni panindangion ni

huria i do i, ai disi dihatindanghon huria i do haporseaonna paboa, ala ni hapataran
ni Debata dohot ala ni hataNa, tubu do huria i naung gabe haojahaannasida
nuaeng. Boha do hajongjongan ni huria i, boha parngoluon parhobasonna,
parungkilon dohot sitaononna, sieahan dohot sidungdungonna, dihatindanghon
huria i ma i marhitehite tingting i.

Alai huhut, na marfungsi do tingting i songon pengutusan, na paborhathon huria i

tu angka na patut patupaonna songon alusna tu na binege dohot na jinalona di
kebaktian i. Nian, nunga dialusi nasida i marhite na manghatindanghon
haporseaon. Alai ndang sae dope i; siudutanna dope i di kebaktian i sandiri lumobi
di hangoluanna siapari. Manang na boha jala di dia huria i ingkon mangalehon
alusna, diinformasihon ma i di tingting i. [Ingot, naeng marujung ma bagian
parjolo ni parmingguon i (Parsombaon). Ala ni i, di ingananna do molo adong
dison pengutusan].

Hombar tu fungsina na dua i, ndang siagohonon tingting sian parmingguon i. Nang

pe naung dirongkom i jala disagihon tu parminggu, anggo bagian na tertentu, isara
na tubu, na marbagas, na monding, dohot na asing, ingkon tong do jahahononhon.

Di tingki on, tubu do muse unsur na imbaru di bagian on di torop huria, i ma

tangiang pangondianon. Di na deba, laos sijaha tingting i do manguluhon i, alai di
na asing, na pinillit sian tongatonga ni horong na adong di huria i manang sian
lunggu/wjik. Nang pe songon i, tong dope adong syafaat ni parjamita. Ninna roha,
denggan ma dipasada i sude di tangiang pangondianon ni parjamita, ai gabe
‘panegai’ do i tu keutuhan ni unsur i (panindangion dohot pengutusan ro di
pelaksanaanna/pengucapan syukur).

F. Pengucapan syukur

15
12. Pelean/Marende Huria

Di Agenda 1904 holan sahali do papungu pelean jala ingananna dung salpu
tingting (ida 11). Boha jala sadihari i gabe dua (bahkan tolu ro di opat) hali
papungu pelean ndang torang be.

Angkup ni na mangalusi nasa na binahen ni Debata marhite na manghatindanghon

haporseaon, laos songon i manggohi na sinosohon ni pengutusan na marhite
tingting, dison dilehon huria i ma pelean manang hamauliateonna. Marhite i,
dipatuk do na ringkot tu panghobasion ni huria i, baik di bagasan laos songon i
dohot tu ruarna. Ringkot ondolhonon di bagasan kerangka ni tata kebaktian i,
sintuhu ni unsur on na papungu pelean do na dipatupa di tingki marende. (Jadi na
papungu pelean huhut marende do, ndada sabalikna na marende huhut papungu
pelean). Ala ni i, sipilliton ma dison ende na marhahonaan tu pelean. (Sayang,
mansai otik do ende sisongon i di Buku Ende HKBP). Alai, ala na harajuman do
tong bagian on songon peralihan tu bagian paduahon (Pemberitaan), bolas do
pilliton ende na manggombarhon sihol ni roha tu hata ni Debata, manang joujou
dohot sosososo tu na manangihon jamita.

Catatan

Koor. Unsur na penting do koor di parmingguanta, alai unang ma nian

magodanghu. Laho mangaradoti hasadaon dohot hahohot ni warna ni kebaktian,
sipasingothonon do tu angka punguan koor asa dipahombar be endena tu unsur-
unsur dohot tu warna ni kebaktian i. Rupani, molo salpu patik do anggap ni sada
punguan marende, ndang hombar be i molo diendehon Tangiang Ale Amanami.
Ra, denggan do pingkirhonon asa unang menetap anggap ni sadasada punguan
koor marende di parmingguon, alai ganup minggu ma diatur manang na sadihari
anggapna hombar tu hata ni endena be. Di deba huria, molo adong do koor na
mangihut tu sada unsur, ndang marende be disi huria. Ninna, laho menghemat
tingki. Ndang denggan i, ai molo marende sadasada koor ndang sude huria i na
marende. Tutu sude do boi manangihon dohot mangauhon i songon ende ni
tondina, alai manang na boha pe dihalomohon Debata do huria i rap marende sude.
Dr.J Sihombing mandok: “Rapna i do na arga.” Papungu sude koor marende
marjojor di sada tingki, isara dung salpu tingting, i pe ndang denggan, ai ndang
mandukung i tu unsur-unsur ni parmingguon i. Bahkan gabe adong kesan na
ambaamba do koor i di agenda parmingguon i. Dung i, holan di bagian parjolo ni
parmingguon i do patupaon koor. Ndang sipatupaon be koor dung salpu jamita.
II. PEMBERITAAN

G. Pewartaan/Pengajaran

a) Salam

Di godangan tata kebaktian, penyampaian salam dipatupa do di bona ni kebaktian.

Ndang pola bertentangan i tu na taulahon di hurianta, ai songon na nidok ondeng,
na tarbagi dua do kebaktianta i. Jadi molo dison pe ingananna tong do i di
pamungkaan. Di hurianta holan partohonan pandita do na pasahathon tabe, anggo
na so partohonan pandita sae do martangiang sian roha.

Sai adong do pandita na so setia tu formula ni tabe i, dipaasingasing hatana i

otikotik. Ia so i, dipungka jolo dohot tangiang sian roha na tar ganjang, dung i pe
asa dipasahat tabe i. Ndang denggan i, ai na manegai konsentrasi ni ruas do i.
Didok sada halak: “Sada na tumabo huhilala di parmingguan ni HKBP on do, na
parjolo sahali binege sian pandita i i ma hata ni Debata na polin, ndang tangiang
na ganjang, ai anggo i do na boi terkontaminasi do i binahen ni hagiot dohot
pingkiran ni hajolmaonna.”

b) Jamita

Di na manjaha turpuk, sai adong do tong pandita na padohothon ruas marhite

panjahaon na masialusalusan. Sahali nari, hombar tu prinsip interaksi timbal-balik
ndang sintong i, ai Debata do na manghatai disi, na manangihon do huria.

Songon sada sian huria protestan hita, tahaporseai do na unsur on do pamusatan ni

peribadahanta. Na marfungsi do jamita i songon pewartaan dohot pengajaran.
Ndang tarsirang na dua i; di bagasan pewartaan ingkon adong do pangajaran, jala
di bagasan pangajaran, ingkon adong pewartaan.

c) Tangiang

Di hurianta sai ditutup do jamita marhite tangiang pangondianon ni parjamita.

Mangihuthon agenda i nian, andorang so Tangiang "Ale Amanami" do inganan ni
i. Alai ala ndang sai dijaha be tangiang na di agenda i disi, asing ni di angka ari
17
pesta, di bagian on nama kesempatan ni parjamita pasahathon tangiang
pangondianon. Ala ni i, unang ma holan na mardomu tu jamita i ditangiangkon
parjamita i disi, dohot ma na mardomu tu tingting masa, na marsahit, na marlas ni
roha, dohot na asing (Ida 11).

d) Saat Teduh

Di deba huria, salpu jamita adong do saat teduh, na diiringi musik na angonangon.
Ndang na imbaru i, masa do i sian na jolo. Na so mangulahon i do na so umboto
jala na so marningot be disi.

H. Pengucapan Syukur

14. Pelean/Marende Huria

Duansa i, na papungu pelean dohot na marende, sambutan ni huria i do i tu jamita

i. Sipilliton ma dison ende na hombar tu jamita i, manang na taringot tu na
pasahathon pelean. (Ida huhut hatorangan 12)

15. Tangiang-Ende Pelean

Di dekade onompulan pe partubu ni unsur on di liturgi ni hurianta. Partubuna,

marhite hatontuan sian Pusat. Disi, dihatindanghon huria i do na sian Debata do
saluhutna ro, jala sipaulahon do i tu Ibana marhite pelean. Di mulana, adong do
manang piga ayat ni ende na ditontuhon tusi na boi dipillit tu sadasada tingki. Alai
lam leleng gabe holan No.204:2 nama na dipangke di sandok huria manang
sadihari pe.

I. Panutup

16. Tangiang-Pasupasu

Di bagian on, sai adong do na manambahon unsur ajakan na mandok: “Tapaujung

ma nuaeng parmingguonta, martangiang ma hita.” Ndang adong tarsurat na
songon i di agenda i, ala ni i ndang pola sidohonon i.

a) Tangiang/syafaat
Tangiang pangondianon na marhahonaan tu angka pesta na tarsurat di Agenda i
denggan ma i dijaha di tingkina be, ai syafaat na khusus do i. (Ida hatorangan 13.c)

b) Tangiang Ale Amanami

Di Agenda 1904, rap mandok do na sahuria i di tangiang Ale Amanami i sian

bonana sahat tu ujungna. Ndang binoto be boha jala sadihari partubuna gabe holan
paragenda manjahahon i.

c) Pujian/Doxologi

Di hurianta, diendehon do bagian doxologi ni tangiang Ale Amanami i. Di Agenda

1904 ndang songon i. Ndang binoto manang boha jala sadihari gabe diendehon
huria i non i. Ala doxologi do i, hatop do pangendehonna, unang diendatendat.

d) Pasupasu

Dison pe, adong do na manambahon formula pengutusan na mandok: “Mulak ma

hamu di bagasan dame, jalo hamu ma pasupasu ni Debata Amanta i!” Na
diompaphon do i ala adong pandohan na songon i di terjemahan Indonesia, na so
hea dope dihatai jala ditotophon.

Taringot tu hata ni pasupasu, di mulana bebas do pandita mamangke pasupasu ni

si Aron na tarsurat di 4 Mus.6:24-26 manang formula ni si Paulus di 2 Kor.13:13.
Nuaeng, ingkon pasupasu ni si Aron i nama. Manghatahon i, sahat tu dekade 60-
an, molo pandita dipangke hata ‘hamu’, na so pandita, ‘hita’. Alai marhite rapot
pandita dipatontu ma asa dihatahon i songon na tarsurat di Agenda i, molo pandita
‘ho’, na so pandita, ‘hita’. Dung sidung dihatahon pasupasu i, ndang pola dohonon
ni paragenda i be ‘Amen’, langsung nama huria i mangalusi marhite na
mangendehon ‘Amen, Amen, Amen.’

e) Amen-Amen-Amen

Na mangendehon Amen pe, ndang binoto be boha jala sadihari partubuna. Di

Agenda 1904, ndang adong i. Amen, mandok tutu, sintong. Marhite na
mangendohon i ditohoi huria i do angka na jinalo dohot na binegena di kebaktian
i, jala sitorushononna ma i di hangoluanna ariari.

19
AGENDA HKBP (Tata Ibadah HKBP) adalah sebuah Buku Kumpulan
Tata Ibadah yang dipakai oleh gereja HKBP. Agenda HKBP merupakan
Aturan Baku pelaksanaan Ibadah atau Liturgi diseluruh gereja HKBP.
Pemakaian kata Agenda HKBP adalah sebagai hasil dari missionaris
Jerman (RMG) ke tanah Batak pada tahun 1861.
Agenda HKBP atau Liturgi HKBP telah beberapa kali mengalami
perubahan. Pertama sekali Agenda HKBP dicetak oleh missionaris pada
tahun 1894, dan diawal pemakaiannya Agenda yang dipakai oleh pendeta
non Batak/missionaris dengan yang dipakai oleh Pendeta suku Batak
atau Guru Huria adalah berbeda.. Pada saat itu Agenda yang dipakai
Pendeta dan Guru Huria orang Batak tidak meuat Votum, karena pada
saat itu orang Batak dianggap kurang pantas untuk mengucapkan kata
 Votum tersebut.
Pada tahun 1918 Agenda HKBP yang yang dipakai oleh missionaris dan
Pendeta dan Guru Huria HKBP disamakan, dan Agenda HKBP yang
dipakai saat ini adalah Agenda HKBP cetakan tahun 1937.
Buku Agenda HKBP berisikan Tata Ibadah HKBP antara lain:
1. Kebaktian minggu biasa,
2. Kebaktian dengan:
 perjamuan kudus,

 baptisan,

 naik sidi,

3. Pemberkatan nikah,
4. Pemakaman,
5. Ordinasi (die Ordination zum Predigtamt), dll.
Agenda HKBP untuk Kebaktian Minggu:
BAHASA INDONESIA BAHASA BATAK
Nyanyian Bersama Marende Huria
· Votum – Introitus (Doa Pembukaan) · Votum – Introitus.
Di dalam Nama Allah Bapa, Marhite-hite Goar ni Debata Ama,
dan Nama AnakNya Tuhan Yesus Kristus dohot Goar ni AnakNa Tuhan JesusKristus,
dan Nama Roh Kudus, dohot Goar ni Tondi Parbadia,
yang menciptakan langit dan bumi. Amin na tumompa langit dohot tano on. Amin
Nyanyian Bersama Marende Huria
· Pembacaan Hukum Taurat / Hukum
Tuhan · Manjaha Patik
Nyanyian Bersama Marende Huria
· Pengakuan Dosa · Manopoti Dosa
Nyanyian Bersama Marende Huria
· Epistel (Pembacaan Firman ) · Epistel
– Biasanya dilakukan secara Responsoria – Responsoria
Nyanyian Bersama Marende Huria
· Pengakuan Iman Rasuli · Manghatindanghon Haporseaon

21
· Warta Jemaat · Tingting
Nyanyian Bersama Marende Huria
· Khotbah · Jamita
Nyanyian Bersama Marende Huria
· Tangiang Pelean dohot
· Doa Persembahan & Ende Pelean.
Nyanyian Persembahan
BE No.204 BE No.204 : 2
· Doa Penutup / Doa Bapa Kami /

Doa Berkat. · Tangiang Panutup / Ale Amanami /

Pulanglah dengan sejahtera Pasu-pasu.
Dan terimalah Berkat Tuhan: Mulak ma ho/hamu dibagasan dame:
dan terimalah Berkat Tuhan: “Dipasu-pasu jala diramoti
“Tuhan memberkati engkau Tuhan Debata ma ho/hita,
dan melindungi engkau/kita, Disondangkon Tuhan Debata
Tuhan menyinari engkau dengan
wajahNya ma bohiNa tu ho/hita,
dan memberi engkau/kita Kasih Karunia, jala asi ma horaNa mida ho/hita *) !
Tuhan menghadapkan wajahNya kepada Didompakkon Tuhan Debata
mu/kita ma bohiNa tu ho/hita,
dan memberi engkau/kita damai jala dipasaorhon ma dameNa
sejahtera.” tu tondim/tondinta be.”
Amin, Amin, Amin. Amin, Amin, Amin.

Kegiatan yang dipekerjakan (atau Tata Ibadah HKBP) yaitu suatu

buku himpunan tata ibadah yang dipakai oleh gereja-gereja Huria
Kristen Batak Protestan (HKBP).[1] Kata Kegiatan yang
dipekerjakan berasal dari bahasa Latin yang berfaedah menunjukkan
suatu daftar tentang hal-hal yang hendak dikerjakan; kemudian kata itu
dipakai oleh gereja-gereja protestan di Jerman Agende atau
“Kirchenagende”, yaitu suatu buku himpunan tata ibadah yang dipakai
oleh gereja, selang lain: kebaktian minggu biasa, kebaktian dengan
perjamuan kudus, dengan baptisan, naik sidi, pemberkatan nikah,
pemakaman, ordinasi (die Ordination zum Predigtamt), dsb-nya.
Padanannya sebelum masa Reformasi yaitu Kegiatan yang dipekerjakan
missarum (perayaan messe), kegiatan yang dipekerjakan
mortuorum (perayaan mengenang para orang mati), dsb-
nya.[1] Himpunan Tata Ibadah HKBP pun dikenal dengan nama
“Agende” (dulu) atau “Agenda” (kini) berdasarkan dengan pemakaian
kata itu oleh gereja-gereja asal para misionaris yang melakukan
pekerjaan di Tanah Batak (1861 – 1940).[1]
Latar Belakangan Historis
Semenjak awal pekabaran Injil di Tanah Batak 1850-an) oleh para
penginjil (Protestan) Eropa hasrat untuk pengadaan suatu liturgi atau
tata ibadah minggu dan peristiwa-peristiwa gerejawi lainnya sudah
menggema dan upaya untuk itu sudah dilakukan.[2] Ini nampak dari
laporan-laporan para penginjil, seperti yang nampak dari laporan
kegiatan pengabaran Injil di lembah Silindung (Batak – Toba) oleh
Ingwer Ludwig Nommensen (Hutadame), Peter H.Johannsen
(Pansurnapitu) dan August Mohri(Sipoholon).[1] Mereka di tempat
pelayanan masing-masing telah membuat gagasan-gagasan awal untuk
menciptakan tata ibadah minggu, ibadah baptisan, perjamuan kudus,
peneguhan sidi, pernikahan, dsb-nya. Dan ini seluruhnya telah bermuara
pada suatu buku Kegiatan yang dipekerjakan, dan agung probabilitas
Kegiatan yang dipekerjakan edisi pertama ialah Kegiatan yang
dipekerjakan 1904, yang menjadi acuan untuk paparan dalam mencari
dasar-dasar teologis dan praktis suatu Kegiatan yang dipekerjakan HKBP
untuk dipakai masa mendatang. Dugaan ini didukung oleh hal benar
suatu buku pedoman dan penjelasan tata ibadah serta kelengkapannya,
yang telah dipublikasikan menempuh edisi bahasa Jerman terbit tahun
1906 dan edisi bahasa Batak (Toba) tahun 1907.[1]
Urutan Tata Ibadah dalam Kegiatan yang dipekerjakan HKBP
Susunan mata kegiatan ibadah menurut Kegiatan yang dipekerjakan
HKBP yaitu sebagai berikut :
 Marende (Menyanyi)

 Pasu–pasu (Berkat; “Votum” )

23
 Manjaha sada ayat na tongon tu ganup Minggu manang ari
pesta sian bag. IIA (Membaca suatu nats mingguan atau suatu
nats yang ditentukan dalam proses IIA Agenda).

 Martangiang (Doa dari proses IID);

 Huria mandok (Jemaat menyambutnya dengan

mengucapkan): Amen!

 Pandita mandok (Pendeta mengucapkan) : Didongani

Debata ma hamu!;

 Huria mandok (Jemaat meresponnya): Amen!

Tangihon hamu ma patik ni Debata (Dengarkanlah
Hukum Allah): (manang sinungkun angka patik tu na
torop I / atau menanyakan inti Hukum itu untuk jemaat
yang beribadah)

 Huria mandok di ujung (jemaat menyambutnya): “Ale

Tuhan Debata! Sai pargogoi ma hami, mangulahon na
hombar tu patikmi! Amen!” (Ya Tuhan Allah!
Kuatkanlah kami melaksanakan perbuatan-perbuatan
yang berdasarkan dengan HukumMu. Amin!)

 Marende huria (Jemaat menyanyi): “O Jesus Panondang di

portibi on” (No.24) ; manang No.21,3: “Paian Panondangmu ale
Panondang i. Ambati ma na lilu di hasiangan i.”; manang ayat ni
Ende na asing pinillit, aci do

 Panopotion di dosa (Pengakuan dosa): Tatopoti ma

dosanta! (Marilah kita mengaku dosa-dosa kita!) (Dijaha
tangiang on,manang sada na asing taringot tu panopotion, na
tarsurat di bag. II B/ membaca doa yang sudah tersedia atau
memilih doa pengakuan dosa dari proses IIB)
 Pandita mandok: Bege hamu ma baga-baga ni
Debata,taringot tu hasesaan ni dosa (Pendeta mengucapkan:
dengarlah janji Allah tentang pengampunan dosa itu): “Molo
tatopoti angka dosanta, haposan do Ibana jala bonar, manesa
dosanta jala paiashon hita sian saluhutna hageduhon i.”
(Sekiranya kita mengaku dosa-dosa kita, Dia setia dan jujur
untuk menghapus jala memurnikan kita dari segala kebohongan
kita). Manang hata baga-baga nasing na tarsurat di bag.II C (
Atau membaca suatu janji pengampunan dosa dari bag IIC)

 Huria marende ( Jemaat menyanyi ): “Amen, Amen, Amen na

tutu do I, Sai marhasonangan na porsea i. Sesa do dosana
salelengna I, Lehonon ni Jesus haposanta i!”

 Pandita mandok (Pendeta menyebut ): Tabege ma hata

ni Debata turpuk ni ari Minggu on (Marilah kita
mendengar Firman Allah nats untuk hari Minggu ini):
(jahaon sian Evangelium manang sian Epistel manang
sian Padan na Robi, na so sipajojoron di na sadari di
parjamitaan/membaca dari kitab Injil atau nats darei
Prjanjian Lama yang tidak perlu dihafalkan pada hari itu
dari podium khotbah)

 Pandita mandok (Pendeta menyebut ): Martua do angka na

tumangihon hata ni Debata, jala na umpeopsa.
Amen! (Berbahagialah orang yang mendengar firman Allah
serta memperhatikannya / menyimpannya dalam hati. Amin!

 Huria mandok (Jemaat menyambut dengan nyanyian ):

“Hatami ale Tuhanhu, arta na ummarga I etc”

 Pandita mandok (Pendeta mengatakan) : Tahatindanghon ma

hata haporseaonta I (Marilah kita menyaksikan pengakuan

25
 percaya kita) , (rap mandok Pandita dohot huria/pendeta
mengucapkannya bersama-sama dengan jemaat)

 Huria marende (Jemaat menyanyi) : Na martungkot sere au

etc.” (No.168) ; manang (atau) “Ojahan on do ingananhu” etc
(No. 155,6); manang (atau) “Pos ma ho rohanghu di Debata”
etc ( No. 166 ) ; mamang (atau): Jahowa do haposanghi na, na
mangapoi rohanghu etc (No. 148) ; manang (atau): Loas hutiop
Jesushi etc (No. 172, 4)

 Pandita ro tu parjamitaan, dohononna ma (Pendeta maju ke

podium khotbah serta mengucapkan): Dame ni Debata, na
sumurung sian saluhut roha, I ma mangaramoti angka ate-
atemuna dohot rohamuna, marhute-hite Jesus Kristus. Amen! /
Damai Allah yang melebihi segala kelicikan, itulah yang
memelihara hati dan pikiranmu menempuh Jesus Kristus. Amin!

 Marjamita (Berkhotbah) . Dung sun marjamita, martangiang

sian roha (khotbah ditutup dengan doa bebas)

 Tingting (Warta jemaat) . Tiningtinghon angka

sitingtinghononhon di huria (pemberitahuan apa-apa yang perlu
dikenal dan dilakukan oleh jemaat)

 Huria marende (Jemaat menyanyi). (Andorang marende

mardalan durung-durung/persembahan/menyanyi sambil
memberikan persembahan ke kantong persembahan yang
diedarkan oleh para penatua)

 Pandita ro tu jolo ni langgatan, martangiang (Pendeta datang

menuju mezbah dan membacakan doa): Dijaha ma sada
tangiang, na tongon tu minggu manang pesta/doa dipilih dari
doa yang ditentukan untuk setiap minggu (ida di bag.II E di buku
on/lihat bag II E dari Agenda)
 Udutna luhut huria mandok (semua jemaat mengucapkan Doa
Bapa Kami): Ale Amanami na di banua ginjang. Amen!

 Pasu-pasu (berkat) : Dipasu-pasu jala diramoti ….” Manang /

Atau : “Didongani asi ni roha ni Tuhanta Jesus Kristus

 Laho haruar (ketika ketika keluar ibadah): marende angka anak

dohot boru sikola, sada ende na pinillit hian (anak-anak sekolah
laki-laki dan perempuan menyanyikan suatu lagu yang sudah
dilatih sebelumnya)

27