TERTIB ACARA PERESMIAN GEDUNG SEKOLAH MINGGU

HKBP KAMPUNG SAWAH –RES. BESITANG

MINGGU, 02 JUNI 2019

1. Marpungu ruas ni huria, parhalado, panitia pembangunan, panitia peresmian Gedung

Singkola Minggu, dakdanak Singkola Minggu, RNHKBP, dohot Pendeta Ressort di
alamanni Gedung Singkola Minggu
2. Pembukaan plankat (Pdt Ressort)
3. Pengguntingan Pita ( Pdt Ressort dan Uluan Ni huria )
4. Mangungkap Pintu Gedung Sekolah Minggu
Tukang : (tukang pasahat kunci ni bagas tu Panitia. Dungi didok
ma:)
Hupasahat hami ma kunci ni bagas on tu hamu panitia nami, dipasupasu
Tuhanta do hami di na mamungka pembangunan sahat tuna dimpos. Sai
dipasupasu Tuhan i ma hamu mamangke inganan on, gabe patimbolhon goar
ni Debata.
Panitia : (Pasahat kunci tu Pandita)
Hupasahat hami ma kunci ni bagas on tu hamu amang Pandita nami. Sian
roha na hibul hami panitia tama mandok mauliate tu Debata Pardenggan
Basa i, boi sidung dohot dimpos renovasi gedung sekolah minggu HKBP Kp.
Sawah. Onpe amang Pandita, ungkap hamu ma,
Pdt Ressort : Huungkap ma bagas on marhitehite Goar ni Debata Ama
dohot Goar ni AnakNa Tuhan Jesus Kristus dohot Goar ni Tondi Parbadia.
Amen.
5. Parhalado, Ruas bongot tu bagasan gedung sekolah minggu
satongkin dung sidung bongot ma muse tu gereja laho mandohoti
parmingguon.

Prosesi: sian alamanni ni gedung sekolah minggu tu bagas joro.-diiringi musik

1
 PARTORDINGNI PARMINGGUON MINGGU EXAUDI
DOHOT PERESMIAN GEDUNG SINGKOLA MINGGU
HKBP KAMPUNG SAWAH RES. BESITANG MINGGU, 02 JUNI 2019
Thema: PANDONGANION NI JAHOWA DI NGOLU NI ANGKA NA SATIA
(Penyertaan Allah Bagi Orang yang Setia)

I. JOUJOU PARSOMBAON TU DEBATA

(U : Uluan, R: Ruas, A: Ama, I: Ina, SKM: Singkola Minggu, RN: Remaja Naposo, S: Sude)
U : Horas jala selamat ari Minggu ma di hita saluhutna.
R : Horas jala selamat ari Minggu ma tutu
U : Di Minggu Exaudi sadari on laos di Pesta Peresmian Gedung Singkola Minggu
HKBP Kampung Sawah, marpungu do hita di bagas joro ni Tuhanta sadari on,
manghamauliatehon asi ni roha dohot denggan basa ni Debata Jahowa na tajalo
di saluhut pardalanani ngolunta. Songon i manghamauliatehon panumpak ni
Debata di Pembangunan Gedung Singkola Minggu HKBP Kampung Sawah
sadari on.
R : Pinuji ma Tuhan i ala sude asi ni rohaNa dohot denggan basaNa na tajalo, dohot
panumpakNa di huria HKBP Kampung Sawah on.
U : Alani i patut do dohononni ni angka na porsea i: Mangolu do Jahowa, jala pujion
ma partanobatoanki, jala timbul do
Debata ni hatuaonku. (Psalm 18:47)
R : Pujionku ma goar ni Debata marhitehite ende, jala pasangaponku ma Ibana
marhitehite pujipujian. (Psalm 69:31)
U : Antong di bagasan unduk dohot serep ni roha, martangiang na hohom ma hita
paradehon roha, pingkiran nang pamatangta laho marsomba tu adopanni Debata.
---------martangiang na hohom 2 menit musik angon-angon BE 462 sa ayat---------
Tapahibul ma rohanta, tapangiar ma soaranta, tapuji ma Debata marhite na
marende sian BE No 565: 1,3 dohot 4

II. PARMINGGUON
1. Marende BE 565: 1, 3, 4 Las rohangku lao mamuji
1. Las rohangku lao mamuji Debata Parholong i,
Songon bunga na mangerbang di na binsar ari i.
Arsak, dosa, haporsuhon mago dibaen asiMi.
Las ni roha na manongtong lehon di au Tuhanki.

2. Debata Parholong roha, na manesa dosangki,

Ndang tarbaen so las rohangku lao mamuji asiMi
Sai ajari sude hami mangulahon holong i,
Asa gok las rohanami dibagasan Tuhan i.

2
 -----------------------musik-------------------
(mangendehon ayat 4 huhut jongjong)
4. Rap ma hita mangendehon, sangap di GoarNa i,
Tapangiar soaranta lao mamuji Tuhan i.
Sun do holong ni rohaNa na so marnamontok i,
I do pasadahon hita salelenglelengna i.

2. Votum/Introitus
(U : Uluan, R: Ruas)
U : Marhitehite goarni Debata Ama, dohot goar ni AnakNa Tuhan Jesus Kristus, dohot
goar ni Tondi Porbadia, na tumompa langit dohot tano on. Amen
Sai tangihon ma soarangku, Ale Jahowa, molo joujou ahu. Didok rohangku, Ho
mandok: Lului hamu ma bohingKu! Antong bohiM ma na hulului, ale Jahowa. Sai
unang ma tabunihon bohiM maradophon ahu. Jahowa do panondangi di ahu dohot
hatuaonku, tung mida ise ma mabiar ahu?Jahowa do partanobatoan ni ngolungku,
tung mida ise ma ahu biahaton?Haleluya!
R : (Mangendehon) Haleluya, haleluya, haleluya
U : Martangiang ma hita!
Ale Tuhan Debata, pargogo na so hatudosan, Amanami na di banua ginjang i!
usehon ma TondiM na badia i dohot hapistaran na sian Ho i tu saluhut HuriaM,
asa lam rarat jala lam hot HataM na badia i ditongatonga ni hami on. Lehon ma
hiras ni roha di naposoM manjamitahon hataM, asa lam pita jala lam ganda
HuriaM na badia i. Patongtong ma huhut rohanami mangoloi Ho sahat ro di ujung
dibagasan haporseaon na ture marhite AnakMu, Tuhan Jesus Kristus ,Tuhannami
. Amen.
(---hundul---)
3. Marende BE 475:1-2 Ho Tongtong Ihuthononku (BL 92)
1. Ho tongtong ihuthononku Jesus, sipangolu au.
Tung na so tadingkononku Ho na paluahon au.
Sai marguru au tu Ho, sai marguru au tu Ho,
Ho tongtong ihuthononku Jesus, sipangolu au.

2. Tung di dia jumpang ahu Tuhan sada songon Ho ?

Na manogunogu ahu tu na sonang songon Ho ?
Sai Marguru au tu Ho, Sai Marguru au tu Ho
Ho tongtong ihuthononku, Jesus, Sipangolu au

4. Patik 5 Musa 6:1-2 (U: Uluan, S: Sude)

U : Tangihon hamu ma patik ni Debata di ari Minggu sadari on na tarsurat di 5 Musa 6:1-
2. Songon on ma didok: Alai on do tona, aturan dohot uhum, angka naung tinonahon
3
 ni Jahowa, Debatamuna i, podahononhon tu hamu, asa ulahononmuna di tano
sisoluhonmuna i, dung taripar hamu tusi. Asa marhabiaran ho tu Jahowa, Debatam
jala diradoti ho saluhut aturanna dohot tonana, angka naung hutonahon tu ho,
songon i ho nang anakmu nang pahompum saleleng ho mangolu, asa tung
hupaganjang umurmu.
Olat ni i do sahatna. Rap mangido gogo ma hita tu adopanni Debata laho
mangulahon PatikNa!
S : Ale Tuhan Debata, sai pargogoi ma hami, mangulahon na hombar tu PatikMi. Amen

5. Koor RENA
6. Marende BE No. 171:1-2 TANDAI MA AU BL.49
1. Tandai ma au, sungkapi ma dohot rohangku.
Uji ma au, pamanat huhut ma dalanku.
Olo ditanda Ho au Debata.
------------jongjong---------------------------
2. Asi ma rohaM, taringot tu pangalahongku.
Olo tutu, jotjot do na lilu dalanku.
Sesa dosangku, sude Debata.

7. Manopoti Dosa (U: Uluan, R: Ruas, A: Ama, I: Ina, SKM: dakdanak Singkola
Minggu, RN: Remaja Naposobulung, S: Sude)
U : Ale Tuhan Debata, Pargogo na so hatudosan, Parasi roha na sumurung, Ama ni Tuhan
Jesus Kristus Sipangolu hami ! Hami, halak pardosa na dangol on ro tu jolo ni habangsa
habadiaonMi manopoti jala manganggukhon dosanami. Mansai jotjot huarsahi hami Ho
marhitehite pingkiran dohot hata dohot pambahenannami na roa i.
R : Pingkiran, hata dohot pambahenannami, ingkon pasangaphon Ho hian do i, alai gabe
mangarsahi rohaM do hubahen hami.
U : Ndang huhaholongi hami Ho sian nasa rohanami dohot nasa ateatenami dohot nasa
tondinami dohot nasa gogonami; nang dongannami, ndang doshon dirinami hubahen
hami.
R : Hujalo hami do nian holongMu na balga i di ngolunami, alai ndang boi hubalos hami
holongMi, maradophon dongannami, tarlumobi maradophon Ho.
U : Dibahen i tama do rimasanMu jala uhumanMu hami tu hamatean saleleng ni lelengna i.
Alai na maporus ma hami nuaeng tu asi ni rohaM na godang i mangido sian nasa
rohanami hasesaan ni dosanami saluhutna.
A : Ale Debata Ama, Parholongroha, sai marpamuati ma rohaM mida hami, angka ama na
adong di huriaMon.
I : Ale Debata Parasiroha, sai patongtong ma asi ni rohaMi di hami angka ina na adong di
HuriaMon.

4
 RN : Ale Debata Pardengganbasa, sai unang ma paingotingot dosa ni haposoonnami, jala
unang baloshon tu hami hombar tu hajahatonnami.
SKM: Ale Tuhan Pardengganbasa, sesa ma dosanami, loas ma hami magodang mananda
holongMu.
U : Sai urupi ma hami paubahon rohanami ala ni Tuhan Jesus Kristus. Anak haholongan ni
RohaM, Sipangolu hami dohot ala ni GoarMu na badia i.
R : Ale Tuhan, sai asi ma rohaM di hami halak na dangol on! Amen.
U : Tabege ma bagabaga ni Debata taringot tu hasesaanni dosanta. Songon on do Hata ni
Jahowa: Unang ho mabiar, ai Ahu do Siluluhon ho; nunga pola hujou goarmu, Ahu
nampuna ho. (Jes. 43, 1). Hasangapon ma di Debata na di ginjang !

8. Marende BE No 701:1-2 Tu Ho do au marpadan

1. Tu Ho do au marpadan O Jesus Tuhanki,
Asa burju haposan au di adopanMi,
Sai Ho ma mandongan ni au di ulaonki.
Ajari pargogoi ma hu di dalanki

2. Baen ma pangkilalaan di au O Tuhanki,

Donok do Ho O Tuhan mandopang musungki.
Ragam do pangunjunan dihasiangan on,
Ho partanobatoan di paraloankon.

9. Koor Ina Kamis

10. Epistel Johanes 14:15-26
U : Epistel di Minggunta sadari on ima na tarsurat di Johannes 14:15-26, tajahama
marsingkat pasorin. ! molo na holong do rohamuna di Ahu, radotanmuna do angka
patikHu.
R : Jala pangidoonHu ma tu Ama i asa dilehon tu hamu sada pangondianon na asing,
asa i mandongani hamu salelengna i.
U: I ma Tondi hasintongan i, na so tarjalo portibion on, ai ndang diida jala ndang
ditanda; alai ditanda hamu do Ibana, ai na rap ma Ibana dohot hamu jala di bagasan
hamu ma Ibana .
R : Ndang tadinghononHu hamu so marama; na ro ma Ahu mandapothon hamu.
U : Saotik nari nama, jadi ndang be idaon ni portibi on Ahu, alai idaonmuna do Ahu; ai
na mangolu do Ahu, hamu pe mangolu do.
R : Di na sadari i ma botoonmuna Ahu dibagasan Damang jala hamu di bagasan Ahu,
jala Ahu dibagasan hamu.
U : Manang ise na maniop angka patikHi jala diradoti, I do na holong roha si Ahu. Alai
dihaholongi Damang I do na holong roha di Ahu; Ahu pe, holong do rohangKu di
ibana jala papataronHu ma Ahu tu ibana
5
 R: Jadi di dok si Judas ma( ndada si Iskariot): “ Dia do alana Tuhan umbahen na holan
tu hami papataronMu diriM, ndada tu portibi on?” .
U: Dung i ninna Jesus ma mangalusi ibana:” Ganup na holong roha di Ahu radotan ni i
do hatangKi, jala haholongan ni Damang ma ibana, gabe ro ma Hami manopot
ibana, maringanan tu bagasan ibana”.
R: Na so holong roha di Ahu, ndang radotan ni i hatangKu. Ndang au nampuna hata
na binegemuna i, Ama i na marsuru Ahu do. “ I ma Hutunahon tu hamu, tagan rap
dope Ahu dohot hamu.
U: Alai anggo Pangondian i, i ma Tondi Parbadia, sisuruon ni Ama i marhitehite goarHu,
ajarhonon jala paingothonon ni i do tu hamu nasa na huhatahon i tu hamu
Olat ni i do sahatna. Martua do na tumangihon hata ni Debata jala naumpeopsa.
S: Amen

11. Koor/Nyanyian Sekolah Minggu

12. Marende BE No BE.754:1+3 Gok las ni roha do au

1. Gok las ni roha do au di ngolungkon
Di ngolungkon di ngolungkon gok las ni roha
Do au dingolungkon tongtong di rohangkon
Mauliate gok las ni roha maringan holongMi
Tuhan di au mauliate gok las ni roha
Maringan holongMi Tuhan di au.
------jongjong-----------------------
3. Gok do holong ni Jesus di ngolungkon, di ngolungkon,
Di ngolungkon. Gok do holong ni Jesus di ngolungkon,
Tongtong di rohangkon.
Mauliate ………

13. Panghamauliatehonon di Denggan Basa ni Debata dohot Manghatindangkon

Haporseaon
U : Huria ni Tuhanta, nunga tajalo hasesaanni dosanta, jala nunga tajalo hataNa
namampargogoihon hita mangolu di bagasan haimbaruon. Jala lam dimpos dope
jaloonta hata ni Debata marhite jamita di parmingguonta annon. Sihamauliatehononta
do i tu adopanni Debata. Ai diusehon do ragam ni pasupasu partondion di bagasan
ngolunta.
R : Mangolu ma hami di bagasan hatani Debata, ai ido hangoluan di hami.
U : Holong ni Tuhan Jesus nunga patar di ngolunta, ai tahaporseai do alani holongNa
umbahen na dipalua hita sian dosa dohot hamatean. Jala diajari do hita asa
masihaholongan songon Ibana na manghaholongi hita.

6
 R : Mangolu ma hami di bagasan holong ni Debata, asa boi hami masihaholongan
maradophon dongannami.
U : Songon i do nang di huria on. Dipatuduhon Debata do huasoNa mangaramoti dohot
mamasumasu sude panghobasion, nang sude ngolu ni ruas ni huriaNa. Mangerbang
do angka panghobasion, nionjar ni las ni roha marsilehonlehon dohot roha mauliate
sian ganup ruas ni huria. Dilehon Tuhan Debata do gogo dohot hahipason songon i
gabe ni na niula di sude ruas ni huria on. Laos boi tolhas pembangunan Gedung
Singkola Minggu HKBP Kampung Sawah on, jala tapestahon do peresmian Gedung
i sadari on.
R : Marparbuehon angka parbue na denggan ma ngolunami ala denggan basa ni Tuhan
i. Lam tu burju na ma hami marsilehonlehon, mangurupi dongan na hurangan, jala
gabe habaoranni pasupasu.
U : Antong molo songon i, tama do dohononta songon nidok ni Apostel Paulus tu huria
Efesus. Pinuji ma Debata, Ama ni Tuhanta Jesus Kristus, naung umpasupasuhon tu
hita ragam ni pasupasu partondion sian banua ginjang, di bagasan Kristus.
R : Mauliate ma di Debata Jahowa Pardengganbasa i.
U : Antong tahatindangkon ma hata haporseaonta i, songon panghatindanghononni
donganta sahaporseaon di sandok portibi on. Rap ma hita mandok!
S : Ahu Porsea di Debata Jahowa.....
Amen. (Hundul)

14. Koor: Ina Sabtu

15. Tingting

16. Marende BE. No 770:1-... Tu Debatami (Pelean Ia-Ib)

1. Tu Debatami na sun gogo i, Sai maporus ma ho ganup ari
Di tanganNa doho molo musu ro
Tung na sonang di ampuanNa ho,
Di tanganNa doho molo musu ro
Tung na sonang di ampuanNa ho
2. Tung sun hinagogo ni Tuhan i,
Ingot ma Debatam do manghophop.
Nang ponjot rohami, ndang leleng i,
Tongkin na i pujionmu Tuhan i.
Nang ponjot rohami, ndang leleng i,
Tongkin na i pujionmu Tuhan i.
-------------------musik------------------------
3. Soara ni olop-olop na i, marsaringar di angka partigor.
Lan do do gogo disi mambaen monang i
7
 Paima sahat sude tu surgo i.
Lan do do gogo disi mambaen monang i
Paima sahat sude tu surgo i.

17. Jamita Daniel 3:21-29

14. Marende BE No 467 Asi ni rohaM hupuji (Pelean II)

1. Asi ni rohaM hupuji ala Ho manobus au.
Di paias Ho rohangku, gabe soranganMu au.
IngananMu rohanami. TondiMi manggohi i.
Pangke dohot ngolunami gabe ulaulaMi.
2. Sai ramoti ma rohangku, asa boi gohanMu au.
Sai mabaor ma pasupasu nang marhite sian au,
IngananMu……..
--------------musik-----------------------
3. Naeng huhatindangkon hami hagogoonMi tongtong,
Paluahon na mardosa, nang parjahat na bolong.
IngananMu……..
4. Sai papulik rohanami gabe pangoloi di Ho.
Asa marsahala hami lao mangkatindangkon Ho.
IngananMu……..

18. Borhat Manghangoluhon Hata ni Debata

U : Nunga sahat joujou ni hata ni Debata tu hita sadari on, asa mangolu ma hita
mangasahon asi ni roha ni Debata. Marhaposan tu Debata ma hita, ai Ibana do na
tuk ma masumasu ngolunta.
R: Ndang tagamon tarurak angka na mangkaposi Ho, sai maila do sogot angka pangose
soada alana.
U: Molo mangolu hita di bagasan asi ni rohaNa, hasiholanta do nang mangaradoti hataNa.
Antong sai tongtong ma mauas hita tumangihon hataNa, jala las ma rohanta mangulahon
angka podaNa.
R: Ale Tuhan Debata, na malungun do hami tongtong di hataMi.
U: Molo tapestahon pe sadari on Peresmian Gedung Singkola Minggu HKBP Kampun
Sawaah on, patuduhon olopolopta do i di pasupasu ni Debata na tajalo, gabe boi sidung
tapatupa pembangunan Gedung Singkola Minggu i. Alani i manongtong ma olopolop
muna di adopanni Debata. Manongtong ma las rohamuna manumpahi ulaon di bagas
joro ni Debata.
R: mangendehon: BE.792 Pasu-pasu hami O Tuhan
Pasu-pasu hami o Tuhan sai usehon dameMi,
8
 Sai ampehon tanganMi Tuhan, Lehon tu au gogoMi
Di portibion baen ma au Tuhan habaoran ni las ni roha
Tu na marsak i tu na dangol i gabe pangapuli i.

19. Tangiang Pelean – Ende Pelean

20. Tangiang Pasupasu
21. Amen-Amen-Amen
===========================================
III. ACARA PESTA

1. Kata Sambutan
a. Panitia Pembangunan
b. Mewakili ruas
c. Bimbingan dan Arahan dari Pdt Ressort
2. Makan Siang