Tertib Acara Partangiangan Bona Taon dan ulang tahun ke 40
Votum – Introitus: ( L = Liturgis, P =Punguan; S = Sude; )
Punguan Tuan maruji Hutagaol 25Januari 2018
Tema:
Martua ma sibahen dame, ai goaron do nasida anak ni Debata!
Mateus 5:9
I. KEBAKTIAN
1.Joujou tu Parsaoran Nabadia (L = Liturgis):
Hamuna angka dongan sahaporseaon! Sadari on ari Minggu,
Tgl. 25 Januari 2018 on, Marpungu do hita Anggota punguan Tuan
Maruji Hutagaol mandok mauliate tu Tuhanta Pardengganbasa i
na paloashon hita mandok mauliate tu Ibana. Nunga diramoti
Tuhanta hita manalpuhon taon 2017, jala nunga masuk hita tu taon
2018. Ala ni i tama do hita mandok mauliate tu Debata jala mangido
pangaramotionNa di na mamungka nang di na mandalani taon na
imbaru on. Taparade ma rohanta asa masuk hita tu Parsaoran
Nabadia di adopan ni Debata. Tapangke satongkin tingkinta
Laho Marhahohomon (Saat Teduh)… Amen!
2.Marende sian BE. No. 66:1+3 ” Debata baen donganmi ”
Debata baen donganmi/ Lao mangula ulaonmu/ Baen Ibana
haposanmu/ Sai paserep rohami/ Debata baen donganmi/
Debata baen donganmi.
Debata baen donganmi/ Sai na saut do ulaonmu/ Sai
na tulus do sangkapmu/ Jala sonang rohami/ Debata baen
donganmi/Debata baen donganmi
3.
L: Dibagasan goar ni Debata Ama dohot AnakNa Tuhan
Jesus Kristus dohot Tondi Parbadia, na manompa langit dohot
Tano on. Amen. Mandok mauliate ma hamu tu Jahowa, ai
na basa do Ibana, ai ro di salelenglelengna do Asi ni rohaNa i.
P: Sai urupi ma hami ale Jahowa Debatanami. Sai tumpahi
ma ngolunami hombar tu asi ni rohaM.
L: Sai halomohon Jahowa, jadi lehononNa ma tu ho pinangido ni
rohaM. Pasahat ma dalanmu tu Jahowa jala haposi Ibana
asa Ibana paturehon.
P: Taoloi ma Jahowa marhitehite las ni roha, ro be ma hita
tu joloNa marhitehite olopolop.
L: Taboto ma: Jahowa do Debata; Ibana do na jumadihon hita, jala
Ibana nampuna hita,bahenbangsoNa dohot birubiruNa.
P: Martua ma ganup na manghabiari Jahowa, na
marparange di angka dalanNa i. Sai panganonta do na niula ni
tanganta, martua ma hita jala sonang.
S: Tapuji ma Jahowa, ai Pardenggan basa do Ibana; taendehon ma
goarNa, ai hasudungan ni rohanta Ibana.
L: Martangiang ma hita Ale Tuhan Debata, huboto hami do,
ndada ala ni gogo dohot habisuhonnami sambing
umbahen na tarbahen hami tolhas tu taon 2018 on; tung holan
ala asi ni rohaM sambing do.Hupasahat hami ma
ngolunami tu Ho mandalani ariari na pinasahatMu tu
hami di taon 2018 on. Manang dibagasan las ni roha
manang arsak ni roha hami, holan Ho sambing ma
huhaposi hami. Ala ni i, sai lam patogu ma nang
haporseaonnami, asa tongtong hami marsigantung tu Ho.
Unang
 mandele hami molo ro pangunjunan tu hami.
Hupagomgomhon hami ma nang punguannami on tu
adopanMu nabadia i, asa anggiat punguannami on
lam tu sadana tau mamparbuehon godang angka na
denggan tu saluhut ruasna nang na humaliang hami pe.
Hupasahat hami ma tangiang nami on tu Ho,
marhite-hite Tuhan Jesus Kristus na pasadahon hami
mandok mauliate tu Ho.
S: Amen!
4. Marende sian BE. No. 69:1-2: ”Ungkap bahal na umuli”
Jesus, sai urupi hami, Dohot di taon baru on Paimbaru gogonami,
Mangihuthon Ho tongtong Pasupasu ma muse, Na porsea
sasude.
Pingkiranku, ulaonku, Tau pasangap Ho ma i
Dungo manang modom ahu, Ho tongtong di lambungki
Nang lao ruar masuk pe, Ho ma donganki muse
5. Gabe Parroha Mauliate Ma Hita Tu Debata (L = Liturgis,
A = Ama/Bao I = Ina/Parompuan, S = Sude)
L:Mandok mauliate ma hita tu Debata na mangolui, ala
denggan ni basaNa dohot asi ni rohaNa nasohalompoan i
mangaramoti ngolunta. Mansai balga situtu do holong ni roha ni
Tuhanta mangaramoti hita Anggota punguan Tuan
maruji Hutagaol sian taon naung salpu i sahat tu
taon 2018 on.
A: Dilehon do las ni roha dohot panghirimon na mangolu tu hita,
nang pe marombas-ombas arsak nang las ni roha taadopi di taon
naung salpu i. Ndang tarasam hita denggan basa ni
Jahowa na mangaramoti ngolunta. Alani i, patut tapuji
Ibana jala taoloi na nidokNa.
L: Idama, pangarimpunan ni na denggan naung huida i: Lehet do
mangan minum jolma i jala dipasonang rohana
mangihutihut sandok ulaonna hian na niulana di
hasiangan on saleleng di ngoluna. Na nilehon ni Debata tu
ibana; ai i do jambarna.
I: Angkup ni i, molo dilehon Debata tu manang ise
hamoraon dohot sinamot, diloas ibana mangan dohot mam-buat
jambarna sian i, huhut marlas ni roha diulaonna, silehon-
lehon ni Debata do i. Ai ndang sadia dipaingot-ingot rohana
angka ari ni ngoluna, ala naung nialusan ni Debata ibana
marhite sian las ni rohana.
L: Jahowa do silehon tua dohot pasupasu tu hita, Ibana do hatuaonta.
Soara ni olopolop dohot hatuaon marsaringar di undung-undung ni
angka partigor: Siamun ni Jahowa do sibahen hamonangan dohot
las ni roha di hita.Hamu ale angka na manghabiari Jahowa,
marhaposan tu Ibana ma hita! Ibana ma tutu Pangurupi
dohot lombu-lombunta dipardalanan ni ngolunta ganup ari.
A: Dingot Jahowa do hita: Ibana ma tutu mamasumasu ngolunta.
Ibana do mamasumasu nang sude anggota ni Punguan Tuan
maruji hutagaol martua ma hita jala sonang.
L: Ibana mamasumasu angka na manghabiari Jahowa, angka na
metmet dohot angka na magodang. Sai tambaambaan ni
Jahowa do pasupasuNa tu hita dohot tu pinomparta sogot.
I: Martua ma ganup na manghabiari Jahowa, na lomo roha
situtu di angka patikNa! Sangap ma
pinomparna i sogot di tano on, dapotan pasupasu ma sundut ni
angka partigor sogot.
 S: Hamoraon marlobilobi dibagasan jabuna, jala hot do
hatigoranna i ro di salelenglelengna. Idama, sai songon i do
tongon dapotan pasupasu ganup jolma na manghabiari
Jahowa. Amen.
6.Marende sian BE. No. 70:3-5, ”Naung salpu taon na buruk i”
Sai tong paian hataMi, na mangapuli roha i alai pangango
sasude padao ma sian hami be,alai pangango sasude
padao ma sian hami be
Urupi hami mangoloi patik Mu jala pargogoi lao
manundalhon dosa I nang nasa jat ni rohangki, lao
manundalhon dosa I nang nasa jat ni rohang ki
7.Jamita
8.Marende sian BE. No. 213:1+3, ”Dung sonang rohangku”
Dung sonang rohangku dibaen Jesus i/ Porsuk pe hutaon
dison/ Na pos do rohangku di Tuhanta i/ Dipasonang
tongtong rohangkon/ Sonang do, sonang do/ Dipasonang tongtong
rohangkon.
Diporsan Tuhanku sandok dosangki/ Bolong tu na dao do
dibaen/ Nang sada na so jujuronNa be i/ Na martua
tondingkunuaeng/ Sonang do, sonang do/ Dipasonang
tongtong rohangkon.
9.Tangiang Pangondianon
10. Marende sian BE. No. 504:1+3 ”Ditogu Tuhan Jesus au”
Ditogu Tuhan Jesus au, i do na mangapuli au Diganup dalan nang
tung maol, tanganna do tongtong huhaol Ditogutogu Jesus au,
tanganna sai maniop au Tongtong ma siseanna au, paima boi
tu surgo lao.
Gomos ditiop tanganki, so tung na silap langkangki
Dinasa parsorionki, Ibana haporusanki Ditogutogu
Jesus au, tanganna sai maniop au Tongtong ma siseanna
au, paima boi tu surgo lao
11. .Borhat mandalani taon 2018 mangasahon Debata
(L = Liturgis,P = Punguan) jongjong ma hita sude
L: Dihita saluhutna! Nunga dipaloas Debata hita masuk tu taon 2018
on. Silehonlehon ni Debata do on tu hita, si hamauliatehononta.
Alai ingkon pangkeonta do taon na binasabasahon ni Tuhan i
dibagasan hasatiaon tu Ibana marhite ngolu nang
pambahenanta.
P: Alai anggo ahu dohot donganku sajabu, ingkon Jahowa do oloan
nami.
L: Sai jagahon dirim asa uang dihalupahon roham Jahowa naung
manogihon ho ruar sian taon 2017 masuk tu taon 2018 on.
P: Alai anggo ahu dohot donganku sajabu, ingkon Jahowa do oloan
nami.
L: Ingkon habiaranmu Jahowa, Debatam, jala oloanmu
Ibana. Jala maruari ho tu goarNa. Ingkon burju ho
mangaradoti angka taon di Jahowa, ro di angka
 panindangionNa dohot aturanNa angka naung tinonahonNa tu ho
P : Alai anggo ahu dohot donganku sajabu, ingkon Jahowa do oloan
nami.
L : Unang meret bungku patik ni Jahowa sian pamanganmu, sai
pikirpikiri ma i arian dohot borngin, asa diradoti ho jala
dipatupa ho hombar tu sude na tarsurat di bagasan i, asa
maruntung ho di angka dalanmu, jala marmulia
parulanmu.
P : Alai anggo ahu dohot donganku sajabu, ingkon Jahowa do oloan
nami.

12. Tangiang Ale Amanami – pasu pasu

II. Acara ulang tahun

1. Makan bersama di sertai acara lelang
2. Potong kue ulang Tahun
3. Mandok hata sian
- Bere/ ibebere
- Boru/ Hela
- Anak ni punguan/ paniaran
- Pengurus ni Punguan

4. Laporan keuangan dan ketentuan di punguan

5. Perkenalan anggota baru

6. Hiburan / lucky draw

7. Masijalangan