HKBP PAGARAN NAULI RESSORT MEDAN MILLENIUM ======================================= 1. Marende sian BE No.210:1-2 ¯ O Tuhan na marasi roha, na so tardodo jolma i, Torop do halak sipardosa, na rap mamuji goarMi Dibaen basaM na godang i, marhitehite Jesus i. ♫ Dibahen Ho do pardengganan, pasaehon dosa i sude. I do manghorhon haluaon, di hita na tarjea i. I pe mauliate ma au on di Ho o Debata. 2. Votum-Introitus P : Marhite-hite Goar ni Debata Ama dohot Goar ni anakNa Tuhan Jesus Kristus dohot goar ni Tondi Parbadia, namanompa langit dohot tanoon. S : Amen P : Na mamolus do anggo portibion rap dohot na pinangido ni rohana, alai na mian ro di saleleng ni lelengna do na mangulahon lomo ni roha ni Debata. S : Hupuji hami ma Ho Ale Debata Jahowa, ala ni holongMu di hami. P : Pardenggan basa do Jahowa, tau partanobatoan di ari hagogotan jala ditanda do angka na marhaposan tu ibaNa. S : Hupuji hami ma Ho ale Tuhan Jesus Kristus, Marhite ende dohot pujian nami Ala ni holongMu di hami, mate Ho di hau pinarsilang laho paluahon hami sian Dosa. P : Parangehon hamuma na tama di Tuhan i, marguru tu sandok Lomo ni rohaNa, marparbuehon parbue marhite saluhut ulaon nadenggan. Oloi hamuma Jahowa marhite-hite las ni roha, ro be ma hamu tu joloNa marhite-hite olop-olop S : Hupuji hami ma Ho Ale Tondi Porbadia disude pandonganionMu di hami. P : Martua do halak na manaon di pangunjunan, ai dung tau sian pangunjunan i, jaloonna do tumpal hangoluan, na pinarbaga-baga ni Tuhan i tu angka na holong roha di ibana. Haleluya Martangiang ma hita: Ale Tuhan Debata, pargogo naso hatudosan jala parasiroha! Hupaserep hami rohanami di joloM jala hupangido hami tu Ho : Sai lehon asi ni rohaM manggohi rohanami, jala sondangi rohanami marhitehite TondiM, asa lam hutinggalhon hami nasa dosa nami, jala hutangihon hami hataM na badia i. Sai paian ma Hata dibagasan rohanami, asa marparbue na denggan hami. Hupangido hami saluhutna marhite-hite Tuhan Jesus Kristus Tuhan nami. Amen. 3. Marende sian BE No 211 : 1 ♫ Tuhan Jesus Siparmahan Au birubiruNa do, Jesus gok di Ho rohangku Sai ihuthononku Ho Sai ihuthononku Ho, Sai ihuthononku Ho, Jesus gok di Ho rohangku Sai ihuthononku Ho 4. Responsoria : Epistel Job 42 : 1 - 6 P : Hata ni Debata sibegeonta patujolo ni jamita dihita diulaonta sadarion ima na tarsurat di Job 42 : 1 – 6 Marsoringsoring mahita manjahasa : Dung i ninna si Job mangalusi Jahowa : Ama : Nuaeng pe asa huboto, tung guru dokMu do luhutna, jala ndang hasundatan sangkap ni rohaM nanggo sada Ina : Ise do ibana na paholom tuptupan so marpanimbangon? Tongon tahe, nungga huhatahon tutu na so huantusi; halongangan do angka i, salpu sian rohangku jala na so huboto. Sude : Ua tangihon ma, naeng ahu manghatai adong do naeng sungkunonku tu Ho, asa Ho pabotohon tu ahu. Ama : Nungga nian dibege pinggolhu linggona taringot tu Ho, alai anggo nuaeng nungga dohot matangku marnida Ho. P : Dibahen i jora ma ahu jala husolsoli dagingku hundul dibagasan orbuk dohot sirabun. Ima sahata. Martua ma angka na tumangihon Hata ni Debata ja na umpeopsa. Sude : Amen 5. Marende Sian BE No.213:1 ♫ Dung sonang rohangku dibaen Jesus i Porsuk pe hutaon dison , Na pos do rohangku di Tuhanta i Dipasonang tongtong rohangkon Sonang do, sonang do Dipasonang tongtong rohangkon 6. Responsoria : Doa Peneguhan dan ucapan syukur P : Hupuji jala hupasangap hami goarMu na sun badia i ale Tuhan. Dilehon Ho do sada ni roha nang pingkiran di Parhalado nang ruas ni huriam na adong di Wijk II HKBP Pagaran Nauli Ressort Medan Millenium laho patupahon ulaon Kebaktian Padang sadarion di inganan na uli on. Marsangap ma goarMu siala ulaon sadarion. J : Sai asi ma rohaM Tuhan, jala jalo ma pangidoan dohot somanami on. P : Pasu pasu ma angka ruas ni Wijk II on di taon 2019, asa lam matoras di Haporseaon jala lam tu ringgas na nasida mandohoti sude ulaon ni huriaM lumobi laho patulushon pembangunan Gereja HKBP Pagaran Nauli dohot manghobasi taon parasirohaon. J : Lehon ma di hami roha hapantason lao mamalingi angka ari-ari nami, dohot mangulahon angka ulaon nami asa hupangke hami saluihutna i lao pasangaphon goarMu. P : Jalo ma tangiang nami dibagasan haserepon dohot unduk ni roha nami. Patau ma hami Ale Tuhan. P/J Amen. 7. Bernyanyi dari KJ No 26 : 1 “ Mampirlah Dengar doaku” ¯ Mampirlah, dengar doaku, Yesus Penebus,Orang lain Kauhampiri, jangan jalan t’rus,Yesus, Tuhan, dengar doaku; Orang lain Kauhampiri, jangan jala t’rus. 8. Doa Syafaat : 9. Marende sian BE No.464:1-2 “Huboan ma diringku” ♫ Huboan ma diringku, Tuhan, hibul tu Ho. Ai au do tinobusMu,Umbaen tarbaen au ro. Pagalak ma rohangku, dison managam au Tondi Mi ma suru, na boi manggomgom au. ♫ Ho sipalua ahu, sun hinagogoMi HataM do huhaposi Na so boi muba i. Pagalak…..d.u. 10. Jamita : Pdt Romai Irene Hutahaean, STh 11. Bernyanyi dari BE No. 122 :1-4 ”IDA HINADENGGAN NI” (Papungu Pelean) 1. Ida hinadenggan ni, angka na saroha i. Parpambaenan na burju, nang hatana pe tutu. 2. Sai hushus uapnai, songon bungabungai. Angka na tinompai, pajengkarhon tano i. .................... m u s i k ..................... 3. Doshon nambur do tahe, na sumorop sasude. Denggan ni parsaoran ni, dongan na saroha i. 4. Diparbaga debata, tu na marsaroha da. Pasupasu na godang, ima roha na sonang. 12. Pengutusan P : Ale Tuhan Debata Amanami marhitehite Tuhan Jesus Kristus Tuhannami. Naung manjou hami tu harajaonMu marhitehite TondiM na badia i. Di Kebaktian Padang Keluarga besar Wijk II HKBP Pagaran Nauli. Pujion nami do Ho sian nasa roha nami na sandok mauliate di Ho. P+R : (Mangendehon langsung) Ende No. 194:2 BL.62 Mauliate ma di Ho O Debata ala basam. Sibahen dalan i marhite anakMi tu banuaM. P : Nunga hujalo hami angka pasupasuM di ngolu nami. Tau panumpak jala pasupasu ma hami di masyarakat dohot di bangso nami. Ai marhite i gabe boi lam tangkas pangoloion dohot panghangoluhonnami di panjouonnami tu parsaoran, tu panghobasion, dohot tu panindangion. Ajari jala pargogoi ma hami manghaholongi Ho sian nasa rohanami marhitehite panghaholongion nami di huriaMi. Dohot marhitehite hiras ni rohanami mandohoti jala manumpahi angka ualon di bagasanna. P+R : (Mangendehon langsung) Ende No. 194:3 BL.62 Anggiat ma holong rohangku sai tongtong burju tu Ho.Sai dongananmu au manang tu dia lao sonang tutu. P : Marhitehite tondiM nabadia i ajari ma hami mangantusi dohot manghangoluhon hata dohot lomo ni rohaM di tongatonga ni huriaMi dohot di keluarga besar Wijk II HKBP Pagaran Nauli. Parbadiai ma hami di bagasan hasintongan asa tung tarpauba hami rohanami jala tarpature hami ngolu dohot pangalahonami. padungo ma hami ganup ari mangharinggashon nasa ulaon na denggan paboa na masihol jala malungun hami tu hangoluan na so ra suda na pinaradeM di angka na porsea di goarMu. P+R : (Mangendehon langsung) Ende No.194:4 BL.62 Disuru anakMi tu au tondinai na sian Ho.Manogu tondingki tu hasonangan i.Pinuji Ho p : Rap mandok ma hita di tangiang Ale Amanami J : Ale amanami na dibanuaginjang………… dst P : Pasu-pasu J : (Mangendehon) Amen-amen-amen