GEREJA METHODIST INDONESIA

JEMAAT IMMANUEL HUTAHAEAN

RESORT HUTAHAEAN DISTRIK 10 WILAYAH I
(DALAM PERSEKUTUAN GEREJA-GEREJA DI INDONESIA)
Jln. Hepata Km. 1 Desa Simatibung-Hutahaean
Kec. Laguboti Kab. Tobasa-Sumut

TATA IBADAH MINGGU BERBAHASA BATAK

GMI-IMMANUEL HUTAHAEAN
MINGGU, 20 JUNI 2021 (MINGGU KEEMPAT SESUDAH PENTAKOSTA)

1. HAMI SIAN PIMPINAN JEMAAT RAP DOHOT MAJELIS, LAY SPEAKER DOHOT CALON LAY
SPEAKER GMI IMMANUEL HUTAHAEAN PASAHATHON DAME NA SIAN DEBATA TU HITA
SALUHUTNA NAPUNGU DISON, SYALOOM…!

2. MARENDE MA HITA JOU-JOU TU PARPUNGUNTA “ JESUS SAI INGANI HURIAM

- JESUS SAI INGANI HURIAM TONGTONG, SAI PARBADIAI NA PUNGU DISON
- ROHANAMI GOHI DOHOT ASIMI NASA PANGARSAHI SAIPADAO MA I
- ASA LAM DUMORAS LANGKANAMI BE, PAIMA ARI HOBAS MIDA BOHIMI. AMEN.

3. MANJAHA AYAT JOU-JOU PARSAORAN TU DEBATA SIAN ALMANAK DIUDUTI VOTUM

INTROITUS :
“ MARHITE-HITE GOAR NI DEBATA AMA, DOHOT GOAR NI ANAKNA TUHAN JESUS
KRISTUS, DOHOT GOAR NI TONDI PORBADIA, NA MANOMPA LANGIT DOHOT TANO ON, SAI
DIPASAORHON MA DAME-NA TU BAGASAN TONDITA BE”.
“TANDAONMUNA MA DISI, PABOA AHU DI TONGATONGA NI ISRAEL, JALA AHU JAHOWA,
DEBATAMUNA I, JALA NDANG ADONG DUNGKON NI AHU; JALA NDANG BE TARURAK
BANGSONGKU RO DI SALELENGLELENGNA”. AMEN.

HUNDUL MA HAMU !

4. MARENDE HITA SIAN ENDE PUJI-PUJIAN NO. 35:1-2

5. TANGIANG PANINDANGION DOSA:

HAMU ANGKA NA HINAHOLONGAN, DISURU DEBATA DO HITA DIBUKU NA BADIA I,
MANOPOTI NA SA DOSANTA TU JOLO NI DEBATA. DEBATA AMA NA DISURGO I PARGOGO
NA SO HATUDOSAN I, MARDONGAN TORUK DOHOT BIAR NI ROHA, ASA JALOONTA BASA-
BASA DOHOT ASI NI ROHA-NA NA GODANG I, TAPAUNDUK MA ROHANTA, MARTANGIANG
MA HITA MANOPOTI DOSANTA, RAP MANDOK MA HITA, IMA TANGIANG PANINDANGION
NI DOSANTA :
“ ALE AMANAMI NA DIBANUAGINJANG, NA MANOMPA HAMI SIAN HOLONG NI ROHAM,
NA MANGARAMORI HAMI MARHITE-HITE HOLONGMI, JALA NA PATAUHON HAMI
BAGASAN HOLONG NI ROHAM, MARDONGAN HASEREPON NI ROHA HUPARHATOPOT
HAMI DO NA SO HUHAHOLONGI HAMI HO, SIAN NASA ROHA, TONDI, PIKIRAN DO HOT
GOGONAMI, JALA DONGAN I PE DANG HUHAHOLONGI HAMI, SONGON PANGHOLONGI NI
KRISTUS DI HAMI.
NA MIAN DO NGOLUM DIBAGASAN TONDINAMI, ALAI HUTULAK HAMI DO I, MARHITE-
HITE PANGALAHONAMI, HUTULAK HAMI DO TODIM, NDANG HURADOTI HAMI LOMO NI
ROHAM , IPE SESA MA NASA DOSA NA HUULA HAMI; URUPI MA HAMI PATUREHON
PANGALAHONAMI; JALA DIBAGASAN PANOGUNOGUON NI TODIM MA HAMI DI SUDE
ULAON NA NAENG ULAON NAMI TU JOLOANON; ASA GABE PATAR DIBAGASAN HAMI
DOHOT DIBAGASAN SALUHUT HALAK HAMULIAONMU NA MIANDIBAGASAN
PANOMPAIAON MARHITE-HITE JESUS KRISTUS TUHANNAMI. AMEN!. MARTANGIANG BE
MA HITA DIBAGASA ROHANTA LAO MANGINDO HASESAAN NI DOSANTA (Dilehon waktu 1
menit diuduti ) Manjaha ayat Sipatogar Tondi na di toru on)
“IDA MA NA TEAL DO IBANA, * NDANG TIGOR ROHANA DI BAGASAN; ALAI ANGGO
HALAK PARTIGOR I * MANGOLU DO BINAHEN NI PARSIHOHOTNA MARHAPORSEAON”.
AMEN.

1
 ANTONG DIBAGASAN LAS NI ROHA, DI ASI DOHOT HOLONG NI DEBATA, RAP MA HITA
MANGINDOHON DI TANGIANG MANIAJARHON TUHANTA JESUS KRISTUS, RAP MANDOK
MA HITA :
ALE AMANAMI NA DI BANUA GINJANG, SAI PINORBADIA MA GOAR-MU, SAI RO MA
HARAJAONMU, SAI SAUT MA LOMO NI ROHAM DI BANUA TONGA ON SONGON NA DI
BANUA GINJANG, LEHON MA TU HAMI SADARION , HANGOLUAN SIAPARI, SESA MA
DOSANAMI, SONGON PANESANAMI DI DOSA NI DONGAN NA MARDOSA TU HAMI, UNANG
HAMI TOGIHON TU PANGUNJUNAN PALUA MA HAMI SIAN PANGAGO, AI HO DO NAPUNA
HARAJAON, DOHOT HAGOGOON, DO HOT HASANGAPON RO DI SALELENGLELENGNA.
AMEN.

6. MARENDE HITA SIAN ENDE PUJI-PUJIAN NO.159: 1-2

7. RESPONSORIA :
AYAT REPONSORIA, MANANG MARSIALUSAN DIBAGASAN MINGGUNTA SADARION, IMA
NA TARSURAT SIAN, PSALMEN 20:1-10, TAJAHA MA MARSORINGSORING DIBAGASAN
GOAR NI TUHANTA JESUS KRISTUS. RIM MA HITA JONGJONG
U : ENDE SIAN SI DAUD.
H : SAI * DIALUSI JAHOWA MA HO DI ARI HAGOGOTAN, SAI DIPATIMBUL * GOAR NI
DEBATA NI SI JAKKOB MA HO!
U : DITONGOSHON MA TU HO PANUMPAHION SIAN BAGAS HABADIAON, JALA
DITUNGKOL HO SIAN SION!
H : SAI MARNINGOT MA IBANA DI SUDE ANGKA PELEANMU SIPANGANON, SAI
TALMIS MA DI ROHANA ANGKA PELEANMU SITUTUNGON! SELA.
U : SAI DILEHON MA TU HO SISUBUT ROHAM, JALA DIPASAUT NASA SANGKAPMI.
H : ASA MARIAIA HITA MIDA HATUAONMI, JALA MAMIORHON * TONGGOL,
MANGASAHON GOAR NI DEBATANTA I. SAI DIPASAUT JAHOWA MA NASA
PANGIDOANMU.
U : NUAENG PE HUBOTO TANGKAS, NA TINUMPAHAN NI JAHOWA MINIAHANNA I,
SAI ALUSANNA DO IBANA SIAN ANGKA LANGIT HABADIAONNA I MARHITEHITE
ANGKA PANGABAHAN NI HATUAON NI SIAMUNNA.
H : MANGASAHON HURETA DOHOT HODA DO IANGGO NASIDA, ALAI ANGGO HITA
GOAR NI JAHOWA, DEBATANTA I DO ITAINGOT.
U : MARTUNGKAPAN JALA MARTINGGANGAN IANGGO NASIDA, ALAI ANGGO HITA
TONG DO MARSIHOHOT JONGJONG.
S : SAI TUMPAHI MA RAJAI, ALE JAHOWA, SAI ALUSI MA HAMI DI ARI
PANGALUALUANNAMI!Amen

8. TAENDEHON MA ENDE GLORIA PATRI : “ SANGAP MA DI AMA……….”

“SANGAP MA DI AMA, ANAK NANG TONDI PORBADIA PE, NA HOT SIAN MULANA, NANG
RO DISALELENGNA, NUAENG NANG SOGOT PE. AMEN.

9. MANGHATINDANGKHON HATA HAPORSEAON.

RAP DOHOT ANGKA DONGANTA SAHAPORSEAON DISANDOK LIAT PORTIBION,
TAHATINDANGKHON MA HATA HAPORSEAONTA I, RAP MANDOK MA HITA :
AHU PORSEA DI DEBATA JAHOWA, I DO AMA NA PARGOGO NA SO HATUDOSAN, NA
TUMOMPA LANGIT DOHOT TANO.
AHU PORSEA DI JESUS KRISTUS, ANAK NI DEBATA JAHOWA NA SASADA I, I MA NA
TINUBUHON SI MARIA, NA GABE-GABEAN SIAN TONDI PORBADIA, ANDORANG
SOHABUBUHAN, I DO TUHANTA, NA TUMAON NA BERNIT, DI PANGUHUMAN SI LATUS, NA
MATE TERPAJAL DO IBANA DI HAU PINORSILANG JALA DITANOM. DUNGI MULAK
MANGOLU DI ARI PATOLUHON, NA MANAEK TU SORGO, LAHO HUNDUL DI SIAMUN NI
DEBATA JAHOWA, AMANAI PARGOGO NA SO HATUDOSAN I, DISI MA IBANA PAIMA
MULAK SOGOT TU TANO ON, MANGUHUMI HALAK NA MANGOLU DOHOT NA MATE.
AHU PORSEA DI TONDI PORBADIA, JALA ADONG SADA HURIA NA BADIA, HURIA
HATOPAN NI HALAK KRISTEN, ANGKA NA BADIA.DOHOT DIHASESAAN NI DOSA, DOHOT
DIHATA I NA MANDOK : MULAK MANGOLU DO SOGOT DAGING NI HALAK NAUNG MATE,
DOHOT DIHAGOLUAN NA SO RA SUDA. AMEN.

10. EPISTEL DIBAGASAN MINGGUTA SADARION, IMA NA TARSURAT SIAN:

2 KORINT 5:6-10, HUJAHA HAMI MA DIBAGASAN GOAR NI TUHANTA JESUS KRISTUS.

2
11. TANGIANG EPISTEL: MARTUA MA HALAK NA TUMANGIHON HATA NI DEBATA, LAS
HUHUT MANGULAHON DIBAGASAN ROHA NA IAS. AMEN..

12. TINGTING : TABEGE MA TINGTING NAMASA DI HURIANTA NA SAMINGGUON, DIUDUTI

TANGIANG HAMALIMON.

13. TANGIANG HAMALIMON : LS R.D Br.SIAHAAN

14. PANPUNGU PELEAN :

TAPARADE MA ROHANTA LAO PASAHATHON PELEANTA. RO MA HAMU PETUGAS (Jolo
ro tu jolo patugas diunduti manjaha) INGOT HAMU MA HATA NI DEBATA DINA
PASAHATHON PELEANTA TU DEBATA :
TANGKAS DO HUBOTO, ALE DEBATANGKU, HO DO NA MANGUJI ROHA, JALA
HASINTONGAN DO LOMO NI ROHAM; DIBAHEN I SALUHUTNA ON SIAN SINTONG NI
ROHANGKU UMBAHEN NA MANGARINGGAS AHU MARGUGU, TOLE DOHOT BANGSOMU
NA PUNGU DISON, NUNGA HUIDA MARLAS NI ROHA MANGARINGGAS BE MARGUGU TU
HO. AMEN.

15. TANGIANG ENDE PELEAN:

RIM MA HITA JONGJONG, TATANGIANGHON MA PELEANTA ON TU DEBATA,
MARHITE- ENDENTA : “SAI PASU-PASU O TUHAN”
SAI PASU-PASU O TUHAN, NA PINELEHON TU JOLOM, ASA DI PANGKE HURIAM, LAO
PASANGAPHON HO TONGTONG. AMEN.

16. MARENDE HITA SIAN ENDE PUJI-PUJIAN NO. 250 : 1-2

( DI AYAT 2 RIM HITA JONGJONG)

17. JAMITA

18. MARENDE HITA SIAN ENDE PUJIAN-PUJIAN NO. 271: 1-2

19. AYAT PENGUTUSAN :

DOXOLOGI : “TAPUJI DEBATANTA I…..”

20. PASU-PASU, AMEN…AMEN…AMEN…., SAAT TEDUH

ENDE
EPISTEL RESPONSORIA KHOTBAH
PUJI-PUJIAN
1. No. 35:1-2 PL: 1 Samuel 15:34-
16:13
2. No.159:1-2 2 Korint 5:6-10 Psalmen 20:1-10
3. No.250:1-2
4. No.271:1-2 PB: Markus 4:26-34

ENDE
EPISTEL RESPONSORIA KHOTBAH
PUJI-PUJIAN
1. No. 35:1-2 PL: 1 Samuel 15:34-
16:13
2. No.159:1-2 2 Korint 5:6-10 Psalmen 20:1-10
3. No.250:1-2
4. No.271:1-2 PB: Markus 4:26-34

ENDE
EPISTEL RESPONSORIA KHOTBAH
PUJI-PUJIAN
1. No. 35:1-2 PL: 1 Samuel 15:34-
16:13
2. No.159:1-2 2 Korint 5:6-10 Psalmen 20:1-10
3. No.250:1-2
4. No.271:1-2 PB: Markus 4:26-34

3
 ENDE
EPISTEL RESPONSORIA KHOTBAH
PUJI-PUJIAN
1. No. 35:1-2 PL: 1 Samuel 15:34-
16:13
2. No.159:1-2 2 Korint 5:6-10 Psalmen 20:1-10
3. No.250:1-2
4. No.271:1-2 PB: Markus 4:26-34