LITURGI AMA/INA HKBP PARHORIAN

LITURGI 1
PROLOG: DIMULA NI MULANA DITOMPA DEBATA LANGIT DOHOT TANO RODI SUDE PANGISI NI
PORTIBION.
LIT I NO: 1
1 MUSA 1: 1. DIMULANI MULANA DITOMPA DEATA LANGIT DOHOT TANOON
1 MUSA 1: 2. DUNGI TARULANG MA TANOI GABE HALONGONAN JALA HOLOM DIATAS LUNG,
DUNGI MANGAREAP-REAP MA TONDI NI DEBATA DIATAS NI ANGKA AEK.
LIT 1 NO: 2
1 MUSA 1: 3. DUNGI MANGKULING MA DEBATA NINNA: JADI MAHO NATIUR! JADI TIUR MA TUTU.
1 MUSA 1: 4. NUNGA DENGGAN NATIUR I DI IDA DEBATA, JADI DIBAHEN DEBATA MA
PARSIRANGAN NI NATIUR SIAN NAHOLOM.
LIT 1 NO: 3
1 MUSA1: 27. JADI DITOMPA DEBATA MA JOLMA I TUMIRU RUPANA,RUPANA DITIRUHON DEBATA
LAHO MANOMPA IBANA,BAOA DOHOT BORU-BORU NASIDA DITOMPA.
1 MUSA 1: 31. DUNGI DITILIK DEBATA SUDE NATINOMPANA I,JADI NUNGA DENGGAN SITUTU.
DUNGI BOT MA ARI, TORANGMA ARI MUSE, IMA ARI PAONOMHON.

LITURGI II
PROLOG : DUNG DITOMPA DEBATA JOLMA I TUMIRU RUPANA, JALA TUDOS TUPANGALAHONA,
ALAI TONG DO NDANG SONANG ROHANI JOLMA I DINAULI I,DIPIKKIRI DO SANGKAP-
SANGKAP LAHOPA OLO-OLO I HISAPNA, IMA GABE BONSIR NI HADADABU TU DOSA
DOHOT PANGKORHONNA SAHAT TU TINGKION.
LIT II NO: 1
1MUSA 3: 1. ALAI ULOK DO NAUMBISUK SIAN NASA NA MANGGULMIT DI LADANG,ANGKA NA
JINADIHON NI DEBATA JAHOWA,JADI DIDOK MA MAN DOK BORU-BORU I: ATEHE
TONGON DO DIDOK DEBATA,NASO JADI PANGANONMUNA SIAN SALUHUT HAU
ANGKA NA DI PORLAK ON?
LIT II NO : 2
1MUSA 3: 2. DUNGI NINNA BORU-BURO I MA MANDOK ULOK I: JADI DO PANGANON NAMI SIAN
PARBUENI HAU ANGKA NA DIPORLAK ON?
1 MUSA 3: 3. ALAI SIAN PARBUENI HAU NADI PARSITONGAAN NI PORLAK I DIDOK DEBATA
DO;UNANG PANGAN HAMU SIAN I,JALA UNANG JAMA HAMU ASA UNANG MATE
HAMU.
LIT II NO : 3
1MUSA 3:4. DUNGI NINNA ULOK I MA MANDOK BORU BORU I: NDANG NA TUTU HAMU MATE.
1MUSA 3:5. AI DIBOTO DEBATA DO SADARI DIPANGAN HAMU SIAN I, TONGGOR MA MATA MUNA
,GABE DOSHON DEBATA HAMU UMBOTO NADENGGAN DOHOT NAROA.
LIT II NO : 4
1MUSA 3:6. DUNGI SAI DIPANOTNOTI BORU-BORU I MA PARBUENI HAU I DIBAHEN DENGGAN NA
PANGANON , JALA PIA MATANA MARNIDA JALA MANUNGGUL ROHA TU HAPISTARAN
HAU I JADI DIPUTIKHON MA SIAN PARBUENA IJALA DIPANGAN, DILEHON MA DOHT TU
SINONDUKNA SIAN I GABE DIPANGAN.
LIT II NO: 5
1 MUSA 3: 7 DUNGI TONGGOR MA MATA NASIDA NADUA, DIBOTO MA NAMARSAEMARA NASIDA
GABE DISOMOTI MA BULUNG NI HAU ARA BAHEN SABUK NASIDA.
1 MUSA 3: 8 DUNGI DIBEGE NASIDA MA SOARA NI DEBATA JAHOWA NAMEDANG-EDANG,
DIPORLAK I, DIHAROR NI ALOGO, MAREAK BOTARI GABE MARTABUNI MA SIADAM
DOHOT JOLMA NA I DI HOLANG-HOLANG HAU ANGKA NA DI PORLAK I,MARADOPHON
BOHI NI DEBA TA JAHOWA.
LITURGI III
PROLOG : DUNG MAR DOSA JOLMA I DIDABU DEBATA MA UHUM TU NASIDA HOMBAR
TU PANGALAHONA
LIT III NO: 1
1MUSA 3; 9 DUNGI JOU-JOU MA DEBA TA JAHOWA DI SI ADAM NINNA MA MANDOK IBANA
“ DIDIA DO HO”?
1MUSA 3:10.JADI NINMA SI ADAM MA, HUBEGE DO NIAN SOARAM DI PORLAK I,GABE
MABIAR AHU, AI MARSAEMARA DO AHU UMBAHEN NAMARTABUNI AHU.
LIT III NO; 2
1MUSA 3:11. DUNGI NINA DEBATA MA ISE APABOTOHON TU HO NA MARSEMARA HO
DA TUNG DI PANGAN HO SIAN HAU NAHUPATIKHON I MANGORAI
PANGANONMU.
LIT III NO: 3
1 MUSA 3:12.DUNGI NINNA SI ADAM MA,BORU-BORU NA NILEHONMU BA HEN
DONGANHU,IDO MANGLEHON TU AHU SIA N HAU I GABE HUPANGAN.
1MUSA 3: 13.DUNGI NINNA DEBATA JAHOWA MA TU BORU-BORU I,BOASA SONGON I
BAHENONMU? JADI NINNA BORU-BORU I MA, ULOK I DO PAOTOOTO AU
GABE HUPANGAN.
LIT III NO: 4
1MUSA 3: 14. DUNGI NINNA DEBTA JAHOWA MA TU ULOK I,ALA DIBAHWNHO SONGON I
GUMODANG MA TORUNGKU TU HOSIAN NASA PAHAN-PAHANAN DOHOT
SIAN NA MANGGULMIT DI LADANG,BUTUHAM NAMA JURURHONONMU
JALA ORBUK PANGANONMU SALELENG NI NGOLUM.
LIT III NO: 5
1MUSA3:15.JALA BAHENONKU MA PARBADAANMU DOHOT BORU-BORU I RODI PINOMPAR
MU TU PINOMPARMU TU PINOMPARNA,IBANA MANGALISA HON ULUM,
GABE PARGUTONMU TAM BIHULNA.
1 MUSA 3: 16.DUNG I NINNA MA MANDOK BORU-BORU IGANDA SITUTU BAHENONKU
PARNIAHAPANMU SALELENG GABE-BABEANHO,BERNIT TAONONMU LAHO
MANUBUHON ANAKHONMU,SINONDUKMU NAMA IHUTANMU , JALA IBANA
MANGARAJAI HO.
LIT III NO : 6
1MUSA 3;17. JALA DIDOK MA TU SI ADAM ,ALA DITANGIHON HO SOARA NI JOLMAM GABE
DIPANGAN HO SIAN HAU NAHUOPATIKHON I MANDOK ,UNAG PANGAN SIAN
I,HONA TORUNGKU MA TANO ON ALA HO,PORSUK MA AHAPONMU
MANGANHON GOGONA SALELENG DI NGOLUM.
LIT III NO : 7
1MUSA 3: 23. JAL DIPABALI DEBA TA JAHOWA IBANA SIAN PORLAK EDEN ASA DIULA TANO
PAMBUATAN NAI.
1MUSA 3: 24. JADI DILELE MA SI ADAM I JALA DIPAIPAHON ANGKA HERUBIM TUNGKAN
HABINSARAN NI PORLAK EDEN IMA NA MARPODANG SIDUA BABA
MARJIMBUR- JIMBUR ASA DIJAGA DALAN TU HAU HANGOLUAN .
LITURGI IV
PROLOG: SIALA NAUNG MARDOSA JOLMA NA TINOMPA NI DEBATA ALA NI MA NAENG
TABOTO PASAHATHON DIRINTA TU IBANA ASA DIPALUA HITA JALA DAPOTAN
HANGOLUAN.
LIT IV NO: I
PARJAMITA 7; 20.AI DANG ADONG JOLMA PARTIGOR DITANO ON NANGGO SADA,ANGGO
TUNG HOLAN NA DENGGAN DIULAHON, JALA DANG DUNG MARDOSA.
LIT IV NO: 2
PSLM 33: 6. MARHITE-HITE HATA NI JAHOWA DO MANJADI ANGKA LANGIT JALA MARHITE-
HITE HOSA NI PAMANGANNA SUDE ANGKA PARANGANNA.
LIT IV NO: 3
PSLM 33: 7.IBANA PAPUNGUHON AEK NI LAUT I SONGON TIMBUNAN,ANGKA
PARARTAANNA DO ANGKA LUNG I DIBAHEN.
LIT IV NO: 4
PSLM 33: 8.SAI MARHABIARAN MARADOPHON JAHOWA MA SUDE TANO ON,JALA
MARSOMBA TU IBANA MA SUDE PANGISI NI PORTIBION.
PSLM 33:9.AI MANGKULING IBANA,GABE MANJADI DO,MANDOKKON IBANA JADI
JONGJONG MA.
PSLM 14:2.MANATAP-NATAP DO JAHOWA SIAN BANUA GINJANG,PAIDA-IDA JOLMA
MANISIA ,MARNIDA ATIK NA ADONG NA MARROHA,NAUSO-USO DI DEBATA.
LITURGI V
PROLOG ; SIALA DOSA NABINAHENNI JOLMA I.GABE MANGKORHON HASUSAAN DO
DITONGA NI NGOLUNA,TARLUMOBI TAHE MANGKORHON HAMATEAN,SIALA
NI I JOU-JOU DO JOLMA I TUDEBATA MANGIDO ASI NI ROHA NA.
LIT V NO: 1
PSLM 14:3. HAPE TUNG SALUHUT DO NASIDA SUMURUT,TUNG SANGE DO NASIDA
MARROHA MAGO,NDANG ADONG SIBAHEN NADENGGAN NANGGO SAHALAK.
LIT V NO: 2
JEREMIA 17:9. TUNG NA ANGKAL SITUTU DO ROHA NI JOLMA,JALA NAGANGGU,TUNG ISE
MA NA TUK MANDODOISA?
LIT V NO: 3
ROMA 3: 23. AI DANG ADONG IMBAR NI I,TUNG SALUHUT DO NASIDA MARDOSA JALA
DANG DAPOT PUJIONNI DEBATA NASIDA.
LIT V NO: 4
ROMA 3: 24. GABE DIPINTORI DO NASIDA DALAN BASA-BASA BINAHEN NI ASI NI ROHANA
HINORHONNI PANOBUSION NA DIBAGASAN KRISTUS JESUS.
LIT V NO: 5
ROMA 5: 12. DIBAHEN I,SONGON NABONGOT DOSA I TU PORTIBION MARHITE SIAN SADA
HALAK JALA MARHITE-HITE DOSA I RO HAMATEAN,SONGON I SAHAT
HAMATEAN I TUSALUHUT JOLMA,ALA SUDE NASIDA MARDOSA.
LIT V NO: 6
1 JOH 3: 8. SIAN SBOLIS DO HALAK NA MANGULAHON DOSA,AI SIAN MULANANA DO
MARDOSA SIBOLIS I.LAHO MANEGAI ULAON NI SIBOLIS I DO UMBAHEN
NARO ANAK NI DEBATA.
 LIT V NO: 7
DANIEL 9:17 ONPE ALE DEBATA NAMI! SAI TANGIHON MA TANGIANG NI NAPOSOM
DOHOT HOI-HOINA I,JALA BAHEN MA MARSINONDANG BOHIM DI ATAS NI
INGANAN HABADIAONMU NAUNG TARULANG I,ALA NI TUHAN I.
LIT V NO: 8
DANEL 9: 18. SAI PAELENG MA PINGGOL MU ALE DEBATANGKU,JALA TANGIHON,SAI
TONGGOR MA MATAM, JALA IDA HAMAMAGONAMI DOHOT HUTA I NAUNG TARGOA R TU
GOARMU! AI NDADA MANGASAHON HATIGORANNAMI HAMI,MARSOMBAHON HOI-HOI
NAMI TU JOLO NI BOHIM, MANGASAHON ASI NI ROHAM NA GODANG I DO.
LIT V NO: 9
DANIEL 9: 19. ALE TUHAN, SAI TANGIHON MA! ALE TUHAN SAI MARPAMUATI MA ROHAM!
ALE TUHAN,SAI PARATE-ATEHON MA I,JALA PATUPA,UNANG PANGER-NGER
ALA NI DIRIM,ALE DEBATANGKU,ALA NAUNG TARGOAR GOARMU DI ATAS NI
HUTAM DOHOT BANGSOM.
LITURI VI
PROLOG : DIBAGA-BAGAHON DEBATA DO NASA RAGAM NI PASU PASUTU NGOLU NI NASA
JOLMA, NAMANGULAHON LOMONI ROHANA, ALAI MADABU TU
PARUHUMAN DO SOGOT AKKA NAMANGALAOSI PATIK NA.
LIT VI NO.1
1 MUSSA 12: 3. JALA PASU PASUONGKU ANGKA NAMAMASU- MASU HO,JALA TORUANGKU
ANGKA NAMANORUI HO JAL DAPOTAN PASU –PASU MARHITE –HITE HO
SALUHUT ANGKA BANGSO NI TANOON.
LIT VI NO: 2
1 JOH 2: 2. IBANA DO PARDENGGANAN PASAEHOON ANGKA DOSANTA,ALAI NDADA
HOLAN DOSANTA,TUNG DOHOT DO DOSA NI SANDOK PORTIBION.
LIT VI N0: 3
5 MUSA 18 : 5.PANURIRANG SADA SONGON AU ON PATINDANGON NI JAHOWA DEBATAM,
SIAN TONGA-TONGGAMI, SIAN ANGKA HAHA ANGGIM,IBANA TAMA TANGIHONONMUNA.
LIT VI NO: 4
JESAYA 42:1. IDA MA NAPOSONGKI NA HUTOGU, NAHUPILLIT I HASUDUNGAN NI
ROHANGKU,NUNGA HUAMPEHON TONDINGKU TU IBANA TARIASHONONNA
MA UHUM TU ANGKA PARBEGU.
LIT VI N0: 5
1 JOH 2: 15. UNANG MA HAHOLONGI HAMU PORTIBION NANG ANGKA NADIBAGASANNA
ANGGO DIHAHOLONGI HALAK PORTIBION NDANG DI BAGASAN IBANA
HOLONG NI ROHA NI AMA I.
LIT VI N0: 6
1 JOH 2: 16. AI NASA NA DI PORTIBION,IMA LOMO NI ROHA NI DAGING,GIOT-GIOT NI MATA
DOHOT NA MANENGA-NENGAHON SINADONGAN NDADA SIAN AMA I ANGGO
I TUNG SIAN PORTIBION DO.
LIT VI NO : 7
1 JOH 2: 17. JALA LAHO SALPU DO PORTIBION RAP DOHOT NA PINARHAGIOTNA ALAI NA
MIAN RODI SALELENG-LELENGNA DO NA MANGULAHON LOMO NI ROHA NI BEDATA.
LIT VI NO: 8
MATEUS 6: 33. JUMOLO MA LULU I HAMU HARAJAON NI DEBATA, DUNGI PASAHATONNA
MA ANGKA ONDENG TU HAMU.ALAI TAHE SONGON SINTONGNA MANGOLU
AHU, INGKON GOK HAMULIAON NI JAHOWA SOGOT LIAT PORTIBION .
 LIT VII
PROLOG: MOLO TAJANGKON KRISTUS DI NGOLUNTA GABE NA TINOMPA NAIMBARU MA
HITA , JALA GABE HATIGORANNI DEBATA HITA DIBAGASAN KRISTUS JESUS TUHANTAI.
LIT VII NO: 1
1 KORINT 1:30.ALAI SIAN IBANA DO UMBAHENNA DIBAGASAN KRISTUS JESUS HAMU,AI
IBANA DO GABE HABISUHON DI HITA SIAN DEEBATA DOHOT HATIGORAN
DOHOT HABADIAON DOHOT HALUAON.
LIT VII NO: 2
1 KORINT 5: 17.ASA MOLO DIBAGASAN KRISTUS HALAK, NATINOMPA NAIMBARUMA I.
NUNGA SALPU PANGALAHO NA ROBI GABE NA IIMBARU.
LIT VII N0: 3
2 KORINT 5: 21.AI ON DO DIPATUPA DEBATA HUMONGHOP HITA GABE DOSA IBANA NA SO
TUMANDA DOSA,ASA GABE HATIGORAN NI DEBATA HITA DI BAGASAN IBANA.
LIT VIINO: 4
KOLOSE 1: 16. AI MARHITTE SIAN IBANA DO DITOMPA SALUHUTNA,NA DIBANUA GINJANG
DOHOT NASO TARIDA I,ANGKA HABANGSA,ANGKA HARAJAON,ANGKA
GOMGOMAN,ANGKA PARHUASOON,SALUHUTNA IDITOMPA MARHITE-HITE
IBANA JALA MARHAPATEAN TU IBANA.
LITVII NO: 5
KOLOSE 1: 17.JALA DI JOLO NI SALUHUT NA DO IBANA,JALA SALUHUT NA IDO HOT
DIBAGASAN IBANA.
LITURGI VIII
PROLOG: DI TATAP DEBATA DO ANGKA JOLMA NADIPARDANGOLAN I, JALA MARPANGULAHI
DO ROHANA DI NASIDA.SIALA NI DIBAGABAGA HON DEBATA DO MESIAS
NAGABE PARDENGGANANTA TU IBANA.
LIT VIII NO: I
JESAYA 11: 1.DUNGI RUAR MA SADA TUNAS SIAN TUNGKO NISI ISAI,JLA MARPARBUE SADA
TUBIS NA TUBU SIAN URAT NA.
LIT VIII NO: 2
JESAYA 11: 2.JADI SONGOP MA TU IBANA TONDI NI JAHOWA , TONDI HABISUHON DOHOT
HAPISTARAN TONDI PANUTURION DOHOT HAGOGOON,TONDI
PARBINOTOAN DOHOT BIAR MARADOPHON JAHOWA.
LIT VIII NO: 3
JESAYA 40: 3, SOARA NI NA JOU- JOU DIHALONGONAN, PAULI HAMU MA DALAN DI
JAHOWA,PATIGOR HAMU DI ADARAN DALAN BALOBUNG DI DEBATA.
LIT VIII NO: 4
JESAYA 60: 2.AI IDAMA HAHOLOMONDO MANGHUP-HUPI TANOON,JALA HAGOLAPON
ANGKA BANGSO,ALAI NA BINSAR NE MA JAHOWA DI ATASMU,JALA
MARSINONDANG HAMULIAONNA DI ATASMU.
LIT VIII NO: 5
SAKARIA 9: 9.MARIAIA SITUTU MA HO ALE BORU SION,MAROLOP-OLOP MA HO ALE BORU
JERUSALEM ,IDA MA NAROMA RAJAM TUMOPOT HO,PARTIGOR IBANA JALA
SIPARMONANG,NASEREP DO ROHANA JALA MARSIHUNDUL DI HALODE
DOHOT DI ANAK NI HALODE INA-INA.
LITURGI IX
PROLOG: DANG MAN SADI DEBATA MANGHAHOLONGI PORTIBI ON,SAI MARPANGULAHI DO
ROHANA ASA UNANG MAGO GANUP NA PORSEA DI IBANA.
LIT IX(9) NO: 1
JESAYA 9: 1.BANGSO NAMARDDALANI DIBAGASAN HAHOLOM ON MARNIDA SADA PANONDANG
NABOLON,BINSAR DO SADA PANONDANG DI ANGKA NA MANGINGANI TANO
LINGGOMAN NI HAMATEAN.
LIT IX (9)NO: 2
JESAYA 9 ; 2.NUNGNGA DIPATOROP HO BANGSO I,NUNGNGA DI PADIRI HO DI IBANA HALALAS NI
ROHA BOLON ,MARLASNI ROHA NASIDA DI JOLO NI BOHIM SONGON LAS NI ROHA
DIGOTILON,SONGON PAROLOP-OLOPON DI NAMARBAGI TABAN-TABAN.
LIT IX(9) NO: 3
JESAYA 9; 3.AI NUNGA DIPONGGOLHON HO AUGA NA AMPE TU IBANA,DOHOT BATAHI NI ABARANA
DOHOT LINSING-LINSING NI NA MANGADU IBANA,SONGON UJU DI ARI MIDIAN.
LIT IX(9)NO:4
JESAYA 9: 4. AI MASOKSOK DO SOGOT NASA SINJATA NI PARSINJATA DI HATUTURTAR NI
TONTANGAN, RODI ULOS NAMARSAMPUR MUDAR GABE SIPANGANON NI API.
LIT IX(9) NO; 5
MIKA 5: 1. ALAI ANGGO HO BETLEHEM EFRATA,MAMETMETHU DO HONIAN ANGGO TUNG POLA
JUJURON TU ANGKA HUTA NAMARRIBU-RIBU DIJUDA,HAPE SIAN HODO NAGABE
HAROROAN NI NA GABE PANGGOMGOMI DI ISRAEL JALA HAROROANNA SIAN
NAHINAN,SIAN ANGKA ARI NAROBI SALELENG-LELENGNA.
LIT IX(9) N0:6
JOH 3: 16. AI SONGONON DO HOLONG NI ROHA NI DEBATA DI PORTIBION POLA DO ANAKNA
NASASADA I DILEHON,ASA UNANG MAGO GANUP NA PORSEA DI IBANA,ASA
HANGOLUAN NASALELENGNILELENGNA DI IBANA.
LIT IX(9)NO: 7
PSLM 24:7. PATUGINJANGMA TOHANGMUNA HAMU ALE ANGKA HARBANGAN PATUGIJANGMA
HAMU ALE ANGKA PINTUSIAN NAROBI ASA BONGOT RAJA NI HAMULIAON I.
LIT IX(9) N0: 8
PSLM 24:8. ISE ULANING RAJA NI HAMULIAON I?IMA JAHOWA JALA ULUBALANG,JAHOWA
ULUBALANG DIHAMUSUON.
LITIX(9) NO: 9
PSLM 24:10. ISE ULANING IBANA RAJA NI HAMULIAON I?IMA JAHOWA ZEBAOT,IBANA DO RAJA NI
HAMULIAON.
LITURGI X(10)
PROLOG: MARLAS NI ROHA DO SAUHUT HALAK NAUNG MANJALO HALUAON NASIAN DEBATA,JAA
NDANG MANSADI NASIDA MANGENDEHON GOAR NA NABADIA I.
LIT X NO: I
PSLM 30: 5.PUJI MA JAHOWA HAMU ALE ANGKA NA NIASIANNA,JALA ENDEHON HAMU MA BARITA
NI HABADIAON NA I.
PSLM106: 1.HALELUYA! MANDOK MAULIATE MA HAMU DIJAHOWA,AI NABASA DO IBANA, AI RODI
SALELENG –LELENGNA DO ASI N ROHANA I.
LIT X NO: 2
PSLM103: 1-2.PUJI MA JAHOWA ALE TONDINGKU,JALA NASA ROHANGKU DIBAGASAN MAMUJI
GOARNA NABADIA I.PUJI MA JAHOWA ALE TONDINGKU,JALA UNANG
TUNGHALUPAHON DENGGAN NI BASA NA SUDENA.
LIT X NO: 3
PSLM 47;7-8. SAI ENDEHON HAMU MA DEBATA!SAI ENDEHON HAMU MA RAJANTA I!ENDEHON MA
TUTU.AI DEBATA DO RAJA NI LIAT PORTIBION,ENDEHON HAMUMA ENDE SIPODAON.
 LIT X NO: 4
JESAYA52:7. LEHETNAI DI ATAS NI ANGKA DOLOK ANGKA PAT NI PARBARITA
NAULI,NAPATUBEGEHON HADAMEON,NAMAMARITAHON BARITA NAULI,NA
PATUBEGEHON HATUAON,NA MANDOK TU SION: DEBATAM DO BANGKIT RAJA.
LIT X NO : 5
MAT 24:14. LAOS BARITAHONONHON DO BARITA NAULI ON NA TARINGOT TU HARAJAON I DI LIAT
PORTIBION LAHO MANGHATINDANGHONSA TU SALUHUT BANGSO,DUNG PE I,ASA RO UJUNGNA.
LIT X NO: 6
PSLM 30: 6.TU BAGASAN TANGANMU DO HUPASAHAT TONDINGKU,NUNGA DITOBUS HO AHU ALE
JAHOWA DEBATA NI HASINTONGAN I.
LITURGI XI
PROLOG: SAI MARHAPOSAN TU JAHOWA MA HO DINASA NGOLUM JALA MARSIHOHOT,ASA DI
DONGANI HO GANUP ARI RASIRASA RO AJAL NI HASIANGAN ON.
LITXI NO: I
PODA3:5. MARHAPOSAN TU JAHOWA MA HO SOAN NASA ROHAM,JALA UNANG
MARPANGUNSANDEAN HO TU PINGKIRAN MU SANDIRI.
LIT XI NO: 2
2KORINT5:17.ASA MOLO DIBAGASAN KRISTUS HALAK,NATINOMPA NA IMBARUMA I,NUNGA SALPU
NAROBI GABE NAIMBARU.
LIT XI NO:3
GALATIA5: 22.ALAI ANGKA ONDO PARBUE NI TONDI: HOLONG DOHOT LAS NI ROHA,DAME DOHOT
LAMBAS NI ROHA,HABASAON,HABASARON,HAPORSEAON,HALAMBOHON DOHOT HATOMANON.
LIT XI NO: 4
1KORINT6: 20. AI ARGA DO HAMU DITOBUS DIBAHEN I ,PASANGAP HAMU MA DEBATA MARHITE-
HITE DAGINGMUNA DOHOT MARITE-HITE TONDIMUNA,AI DEBATA DO NAMPUNASA.
LIT XI NO: 5
ROMA8:17. ALAI MOLO ANAK HITA DOHOT MA PANEAN,PANEAN DI DEBATA DONGAN PANEAN NI
KRISTUS.MOLO TUNG DONGANNA HITA DI SITAONON GABE DONGANNA MA HITA
SOGOT NANG DI HASANGAPON.
LIT XI NO: 6
PODA 3: 6. SAI IBANA MA TANDA DI NASA DALANMU,SA IBANA PATIGOR ANGKA DALANMU.
LIT XI NO: 7
PGKPN 3: 11. MAGIRA MA AU RO,TIOP MA NA DIHO.UNANG ADONG NAMAMBUAT TUMPALMI.
LIT XI NO: 8
MAT 28:18b-19. NUNGA SAHAT TU AHU NASA HUASO NA DI BANUA GINJANG DOHT NA DI TANOON
LAHO MA HAMU,PODA IHAMU MA SALUHUT BANGSO,DIDI HAMU MA NASIDA TU BAGASAN
GOAR NI AMA, ANAK DOHOT TONDI PARBADIA.
LIT XI NO: 9
MAT 28:20.LAOS AJARI HAMU MA NASIDA MANGARADOTI NASA HATA NAUNG HUPATIKHON I TU
HAMU.AI IDA MA SAI DONGANANKU DO HAMU GANUP ARI, RASIRASA RO AJAL NI
HASIANGAN ON.

PGKPN 2: 10b. SAI BURJU MA HO RASIRASA MATE DUNGI LEHONONKU MA TU HO TUMPAL

HANGOLUAN I.A M E N.