JUJUR NGOLU/ RIWAYAT HIDUP

PAHALA LUMBANTOBING (OMPU LIZA DOLI)

SANTABI GODANG MA DI HAMU SALUHUTNA AMANTA RAJA, INANG SORIPADA,

RAJA NI DONGAN TUBU, RAJA NI BORU, RAJA NI DONGAN SAHUTA, RAJA NI ALE
ALE, TAR LOBI MA DI HAMU RAJA NI HULA HULA NAMI SALUHUTNA.

ANDORANG SO HUJAHAON JUJUR NGOLU/ RIWAYAT HIDUP NI DAHAHANGON,

DIDOS NI ROHA NAMI NAMARHAHAMARANGGI MOLO TUNG AU PE NA
MANJAHAON MEWAKILI ANAK NI DAHAHANGON TUNG BANE MA ROHAMUNA,
SIALA ANAK NAMI 2 NA RAP DO NASIDA DIBAGASAN PARDALANAN PESAWAT
UDARA SIAN JAKARTA TUJUAN SILANGIT JALA SAHAT DO I SIANG ON, ASA
TANGIANGHON HAMU TIUR PARDALANNI ANAK NAMI SAHAT TU HUTA
DIBAGASAN HAHIPASON.

IA AMANGTUA NAMI NATORAS NI DAHAHANGON MARGOAR MAHARUDDIN

LUMBANTOBING, MANGALAP BORU NI RAJA I SIMANJUNTAK SIAN
PARDANGGURAN. DIBASABASAHON DEBATA MA DI AMANGTUA NAMI :
5 HALAK DAKDANAK (1 BAOA DOHOT 4 BORU) IMA : BORU SIANGKANGAN
RUSMANI LUMBANTOBING MARHAMULIAN TU ANAK NI AMANG BORU NAMI
SITOMPUL SIAN PAHAE, BORU SIPAIDUA LAMSU LUMBANTOBING
MARHAMULIAN TU ANAK NI AMANG BORU NAMI TAMBUNAN SIAN MEDAN, BORU
SIPAITOLU LINA LUMBANTOBING MARHAMULIAN TU ANAK NI AMANG BORU
NAMI SIMAMORA SIAN SIBOLGA, ANAK SIANGKANGAN PAHALA
LUMBANTOBING, BORU SIAMPUDAN DORTI LUMBANTOBING MARHAMULIAN TU
ANAK NI AMANG BORU NAMI TAMBUNAN SIAN MEDAN.

ALAI SONGONI MA HUROHA PARDALAN NI NGOLUNI INANGTUA NAMI ON,

TIBU DO MARUJUNG NGOLU.

MARHASOHOTAN MA MUSE AMANGTUA NAMI MANGALAP BORU NI RAJA I

MANALU SIAN SIMAUNG MAUNG DOLOK, DIBASABASAHON DEBATA MA MUSE
DAKDANAK DINASIDA IMA : 3 HALAK (1 BAOA DOHOT 2 BORU) IMA BORU
SIANGKANGAN TETTY LUMBANTOBING MARHAMULIAN TU ANAK NI AMANG
BORU NAMI PURBA SIAN BARUS, ANAK SIANGKANGAN MUSA LUMBANTOBING
MANGALAP BORU NI RAJAI MANALU SIAN SIMAUNG MAUNG DOLOK,
BORU SIAMPUDAN TATY LUMBANTOBING MARHAMULIAN TU ANAK NI AMANG
BORU NAMI MANALU SIAN SORKAM.

IA DAHAHANGON NA TAPADOP ADOP DITIKKI ON IMA MARGOAR PAHALA

LUMBANTOBING SIPAIOPAT ANAK NI AMANGTUA NAMI MAHARUDDLIN
LUMBANTOBING TUBUNI INANGTUA NAMI BORU NI RAJAI SIMANJUNTAK, TUBU
MA DAHAHANGON DI TANGGAL 2 OKTOBER 1959, MARHASOHOTAN MANGALAP
BORU NI RAJA I SITOMPUL SIAN LOBU HARAMBIR – PAHAE
DI BULAN NOPEMBER 1980. DIBASABASAHON DEBATA DI NASIDA HAGABEON DI
ANAK DOHOT BORU GODANG NA 6 HALAK (2 BAOA DOHOT 4 BORU).

IA ANAK SIANGKANGAN MARGOAR GUNARDI PARULIAN LUMBANTOBING,

MANGALAP BORU NI RAJA I SITOMPUL SIAN LOBU HARAMBIR PAHAE,
DIBASABASHON DEBATA MA DI ANAK/PARMAEN NAMI ON DAKDANAK 3
HALAK (2 BAOA DOHOT 1 BORU). IA GOAR BUHA BAJU NI ANAK NAMI ON IMA
LIZA LUMBANTOBING, JALA IHUTMA MUSE GOAR MATUA NI DAHAHANGON
GABE MARGOAR OMPU LIZA DOLI.

IA ANAK SIPAIDUA MARGOAR HENGRO JUANDI LUMBANTOBING, MANGALAP

BORU NI RAJA I SIREGAR SIAN SITOMPUL – SIATAS BARITA, DIBASABASHON
DEBATA MA DI ANAK/ PARMAEN NAMI DAKDANAK 2 HALAK (1 BAOA DOHOT
1 BORU).

BORU SIANGKANGAN MARGOAR LANNA LUMBANTOBING, MARHAMULIAN TU

ANAK NI AMANG BORU NAMI HUTAGALUNG SIAN SIBUNTUON. DIBASABASHON
DEBATA MA DI BORU/HELA NAMI ON DAKDANAK 5 HALAK (2 BAOA DOHOT
3 BORU)

BORU SIPAIDUA MARGOAR FRISKA LUMBANTOBING, MARHAMULIAN TU ANAK

NI AMANG BORU NAMI SITUMORANG SIAN DOLOKSANGGUL. DIBASABASHON
DEBATA MA DI BORU/HELA NAMI ON 2 DAKDANAK BAOA

BORU SIPAITULO MARGOAR RUKAYA LUMBANTOBING,S.TH , MARHAMULIAN TU

ANAK NI AMANG BORU NAMI SINAGA SIAN KOTA PASAR TARUTUNG.
DIBASABASHON DEBATA MA DI BORU/HELA NAMI ON 1 DAKDANAK BAOA

BORU SIAMPUDAN MARGOAR ESRA LUMBANTOBING, MARHAMULIAN TU ANAK

NI AMANG BORU NAMI ARITONANG SIAN SAITNIHUTA. DIBASABASHON DEBATA
MA DI BORU/HELA NAMI ON 1 DAKDANAK BAOA

IA ULAON NI DAHAHANGON DI TIKKI NGOLUNA MARTANI.

SEKITAR 2 MINGGU NA SALPU TOMPU MA SONGGOP PARSAHITON TU

DAHAHANGON, SEGALA USAHA PENGOBATAN HU USAHAON HAMI DO ANGGIAT
NIAN TIBU MALUM PARSAHITON NI DAHAHANGON, ALAI DANG SANGKAP NI
JOLMA NA SAUT NI PARDALAN NI NGOLUNI DAHAHANGON ALAI SANGKAP NI
TUHAN DO NA MANJADI, MARUJUNG NGOLU MA DAHAHANGON DI ARI RABU, 6
JULI 2022 PUKUL 12:30 WIB DI BAGAS NASIDA – HUTA LUMBANDOLOK II
PARBUBU, TUTUP UMUR 63 TAON, HURANG 3 BULAN.
IA BILANGAN NI POMPARAN NI DAHAHANGON IMA:
- ANAK ` = 2 HALAK
- PARMAEN = 2 HALAK
- BORU ` = 4 HALAK
- HELA ` = 4 HALAK
- PAHOMPU SIAN ANAK = 5 HALAK
- PAHOMPU SIAN BORU = 9 HALAK
PUNGU SUDE = 26 HALAK

MOLO TUNG ADONG HASALAAON NI DAHAHANGON DI TIKKI NGOLUNA

MARADOPHON HAMU SALUHUTNA NA HUPARSANGAPI HAMI, MARSOMBA JARI
JARI SAMPULUH PA SAMPULU SADAHON SIMAJUJUNG MANGIDO MOHON
UNTUK DIMAAFKAN. MOLO TUNG ADONG UTANG MANANG SINGGIR NI
DAHAHANGON DI TIKKI NGOLUNA RADE DO HAMI MANGGARAR DOHOT
MANJALO.

SONGONI MA JOLO NA BOI DIPAJOJOR HAMI SONGON JUJUR NGOLU MANANG

RIWAYAT HIDUP NI DAHAHANGON . LAOS MARHITE IMA AMANTA RAJA, INANG
SORIPADA, RAJA NI DONGAN TUBU, RAJA NI BORU, RAJA NI DONGAN SAHUTA,
RAJA NI ALE ALE, TAR LOBI MA DI HAMU RAJA NI HULA HULA NAMI SALUHUTNA,
ASA BOAN HAMU HAMI DITANGIANG MUNA ASA DIBAGASAN HAHIPASON
ANGKANG BORU NA MANGHABALUHON DAHAHANGON PAIHUT IHUT SUDE
POMPARANNA, TARLOBI DITAMBAI DEBATA PASUPASUNA TU HAMI DI
HAGABEON DITONGATONGA KELUARGA NAMI, ANGKA POMPARAN NI
DAHAHANGON NA DIBAGASAN MENEK DOPE IMBUR MAGODANG GABE ANAK
DOHOT BORU NAHASEA DI JOLONAMI TARLOBI DI JOLO NI TUHAN, NA
DIBAGASAN PARSIKKOLAAN LAM TU PISTARNA JALA TERCAPAI CITA- CITANA,
DIPATIUR DEBATA ANGKA PASSAMOTAN DIHAMI.

MAULIATE MA DIHITA, MAULIATE DI TUHAN. BOTIMA