DOA FIRMAN

O MAWU RUATA YAMANG KEKAL SULARUMU SURGA, MAWU NANDIADI PATUUPPA,

RUATA NAMUNGKALASSU TALOARA. MAWU SASUBANNA SU AROENGU ALLO SU ARAMBA
RABBI SU LARUMU ARANU MAWU KAMI YESUS KRISTUS ANUNGU TINGGASSA, PUNNU
SARAMATTI YAMI.

O MAWU, SU ORASSA INDI IYAMI MAPASAANG ADIENGKAMANA, SUBA WURRU DALO,

ANAWAUGGU DARANGU LAI APAPIAN MAWU ARODE TALA SURUNGE SU PABIARRANI YAMI
MANGA ALANGU O MAWU. NAOMANG SARA OARASSA INDI IYAMI SIDUTU TAE SU PADURIN
MAWU LAI SAMPITU RUATA, TAE LAI NIAGILANU TEMPO MABIAKKA SU WOWON DUNIA. SU
TEMPO INDI LAI TAE NIAGILANU LOAKKE MASSUBA SIO MAWU SU TAMPA INDI. SUBBA
WURRU DALONG KAMI MANGA ALLANGU NASAATE SU SARUANNU O MAWU.

O MAWU RUATA YAMANG SULARUMMU SURGA, ORASSA INDI LAI YAMI NARIAHITE
MADARINGIKKA PONSIN MAWU, TITAN DUATA. RENGETANU MAWU APAN IWASA LAI
ILARANNI YAMI SUADIAO DORONGANNA SEMARANNU HARRAHO SUSI TADEAU AILARANNI
YAMI PANDU WURRU TUDANG KIO MAWU. ALAUNGU APAN MATINGKKU RENGETANU
MAWU SIDUTU SU TILUMMAN MAWU, OGOLENG ATIKKOA, APANDE LAI ASIRONGA.
ANAMBONG AWANUAN MAWU ORASA INDI APAN MADARINGIKKA PASON MAWU SIDUTU
OGOLEN TARINGA APAN MADARINGIKKA, ANAMBONG BARANG DAREO LAI RINGIDA SEPPA
APAN MANGARIWU, IRUGANNA WUASSU TAMPA INDI RINGANNU TARINNO MAWU.

OMAWU RUATA YAMANG KEKAL SULARUMU SORGA, TUALAGAE RENGETANU ANA

IYAMI MANGA ALLANGU NARUAHITE MADARINGIKKA PONSIN MAWU TITAN DUATA,
RIANNU PANAGGANG ARANU MAWU YESUS KRISTUS, PONSIN MAWU TITAN DUATA APAN
NABALI TAUMATA PAN WATARINO ROENG KARAMNONE, ORASSA INDI SARANG SIDUTU.
APULUN MAWU ARIADI. AMIN.

ARIOMANNU SASAMBA

O YAMANGI YAMI SULARUMU SURGA, MAWU NANDIADI PATIUPPA, RUATA

NAMUNGKALASSU TALOARA. MAWU MARANGU LAI MAAKKANNA SIAMI ANAMBON
DIADIANNU, NANGILEMMBO IYAMI MANGA ALLANGU O MAWU. ORASSA INDI IYAMI
MA’ADIENGKAMANNA SI MAWU, ANAWAUGGU DARANGNGUNU APAN BAHEWA SI YAMI,
YAMI MANGA ALLANGU TAMA’AWARISSA APAPIANU O RUATA, MANTUDE
MAADIENGKAMANNA LAPIDU MANGAMMULU SASAMBA SU SARUANNU O MAWU. SASAMBA
INDI LAI UDDE ARAMATTU MAWU SI YAMI SAMBAU-SAMBAU, ANAWAUGGU RUATA
NANGARAMATTA MANARANG KAMI NAOMANG PIA GESSINE.

O MAWU, ARAMATE SASAMBA INDI TADEAU MOLAA SASAMBA MAWANGNGI SU

SARUANU MAWU, LAI MOLAA SASAMBA APANG IPANGEWALLA ARARATUANNU MAWU SU
WOWON DUNIA INDI.

OH MAWU RUATA YAMANG KEKAL SULARUMU SORGA, ARAMATE WE YAMI

SARANGKAMAMBONE APAM BUATTE NANGGOGOLU SASAMBA INDI; SU ANAMBONG
PANSARIANA LAI MANARANG KAMI. MARINO SU AMMARANNA (SU WAWAILANNA, SU SOA
LAI SU WANUA) SU TAHAROANGA, SU LAUDA. TADEAU MAHESSI WURRU MASOMAKKA.

INDI ARIOMANNI YAMI OH MAWU, IPAOMA SU SARUANNU O RUATA. RINGANNU I

PANGGONG ARANU MAWUNG KAMI YESUS KRISTUS PUNNU SARAMATTI YAMI. AMIN.
 ARIOMANNA SARRIU WURRU TAMANGI YAMI + PERSEMBAHAN
(DOA SAFAAT)
O MAWU RUATA YAMANG KEKAL SULARUMU SURGA, MAWU NANDIADI PATUUPPA,
RUATA NAMUNGKALASSU TALOARA. MAWU SASUBANNA SU AROENGU ALLO SU ARAMBA
RABBI SU LARUMU ARANU MAWU KAMI YESUS KRISTUS ANUNGU TINGGASSA, PUNNU
SARAMATTI YAMI.
O MAWU, SU ORASSA INDI IYAMI MAPASAANG ADIENGKAMANA, SUBA WURRU DALO,
ANAWAUGGU DARANGU LAI APAPIAN MAWU ARODI TALA SURUNGE SU PABIARRANI YAMI
MANGA ALANGU O MAWU. NAOMANG SARA OARASSA INDI IYAMI SIDUTU TAE SU PADURIN
MAWU LAI SAMPITU RUATA, YAMI MANGNGA ALANGU O MAWU TAE LAI NIAGILANU TEMPO
MABIAKKA SU WOWON DUNIA INDI. SU TEMPO INDI LAI TAE NIAGILANU LOAKKE MASSUBA
SIO MAWU SU LODDI MAWU, HUMAN DUATA INDI. SUBBA WURRU DALONG KAMI MANGA
ALLANGU NASAETE LAI NA RUITTE SU SARUANNU O MAWU.
O MAWU RUATA YAMANG SULARUMMU SURGA, ORASSA INDI LAI YAMI WUATTE
NAARINGKKA RENGETANU O MAWU, DORONGANNA UDDE MAASIA SU WANTAN
DARUMUNAUNGI YAMI, MOLAA UTTUTA WURRU HASA, TATANTIRO LAI SASASA SIAMI
MANGA ALLANGU SUPATUMBIARRANI YAMI SU WOWON TALOARA INDI, DORONGANNA
HARAHO MAWU MANGGOGOLU ATATOHASSA LAI TARRINO SI YAMI MANGA ALANGU
TADEAU MAPALAGUNG LAI MAPADAROHAN RENGETANU MAWU INDI SU PABIARRANI YAMI
SAMBAU- SAMBAU LAI SI YAMI SUADIOA MOALLA LAGU SARRANI LAI DAROHAN SIDI I
PAMANTUGA ARANU MAWU.
O MAWU RUATA YAMANG KEKAL SU LARUMU SORGA. SUORASSA INDI LAI YAMI
MADORONGKE ARAMATTA SU PABIARANI YAMI SAMBAU-SAMBAU LAI SU PUTUNGANNI
YAMI, LAI SU TANGAN SOA LAI WANUA WUASSU PENTAKKE SARAN PODOLE, ASUNGE-
ATAHURANDIMAN, AUNTUNGAN –ASOMARRAN, PADARAME–PAANGKAKANNA,
WASASANGGAROMA WURRU WASAMPINUNUTANNA SU LARUMANNA’A MOLA’A WUATTI
YAMI SUADIOA.
O MAWU RUATA YAMANG KEKAL SU LARUMU SORGA. ORASSA INDI LAI YAMI
UMARIOMANNU ANA ASISIS, WAWINE WARU, LAI ASIANGA SU PABIARRANE O MAWU,
RUATU SIDUTU WASAHAPA LAI WAPADURI SIMANGITOU SARANGKANABONE.
MAWU RUATA YAMANG KEKAL SU LARUMU SORGA. IYAMI LAI UMARIOMANU
MANGA HAGURANGI YAMI APAN WAUMBELE TATARI MARATADA, SASINGKALON PARENTA
WUASSU ARIMBOINE SARA AEDESANNE, MAWU SIDUTU WASIRUNGA LAI WATILUMA.
WARUADA LAI WAEHETTA SU ANAMBONG MANARA TITA WURRU PARENTA. TADEAU
MATARI RINGANNU PIANE, MATITA RINGANNU RAMANGE, HUNANG APAPIAN SABIBI.
MAWU RUATA YAMANG KEKAL SU LARUMU SORGA. IYAMI UMARIONANU MANGA
HAGURANGI YAMI APAN WARRIWA ANDANG LETAA, WASAHIPUNNA ANARAMU YUPUNG
TAU RORO, AGILEWEN PARADA PURUTTA RIWA MASARI, PARADA IPANGEMONA TATAUN
SOA, PANAMBUA LORRON BANUA. RIWA MARALAKKA APAN IPARIWA WIAKKU WANUA I
PAMADURI ASIS SOA LATION BANUA WURRU ASIANGA.
MAWU RUATA YAMANG KEKAL SU LARUMU SORGA. IYAMI LAI MANANTILLU
MANARANG KAMI SUADIAO WAUMBELE PARUDAMA MATUALAGA, WAWATTEN
SASOROANNA MASEMA SU SOA SU WANUA INNDI. OGOLEN TARINONU O MAWU LAI
ATIKKOA LAI APANDENU O RUATA, TADEAU IPANGNGAMATTU MANARAN MAWU INDI
IYAMI WOTONGE MAOLA SUAREAPA IPAAPULU MAWU SASANE. RAUA’A SU ANAMBONG
PATATIAKKA, PAGAHIO WURRU PATATA’AE, AWEE DORONGANNA YAMI MAATTU
ANINTENGAN, MASAWEM BAMBANGA, MAMASANNA ALU TAPUNENE TA OTONGE SU
WAWAILANNU MAWU. DORONGANNA RINGIDI YAMI SAMBUA, URAENNA SAMBAU,
MANNONOMA ERE SUMPITA, MAPARASSA ERE ATUPPA, MAONDONGA ERE ANNE RITAA,
MARABBU ERE ATTA’A PUSSA’A, WASASIOTTE SUADIAO SU MANARAN MAWU
WASASANGKUNDIMAN SU SAMBAU SU PINITANNU RUATA. TADEAU SOANG KAMI MASESA
SU LUNSIANGU SEMAKKU ARARATUANU MAWU.
MAWU RUATA YAMANG KEKAL SU LARUMU SORGA. ORASSA INDI LAI LAMI
MANATILE SOA LAI WANUANG KAMI SULIMANG MAWU, MAWU MALUADDA SOA INDI
WUASSU ANAMBONG ALALEO, ARUSAITTA, RINGIDA SEPPA WURRU ARARANDUMA.
SARANGKAMANBONE UDDE ITARINTINGKE WURRU ITIMBARRUNGA SU TAMPA TAWE YA
RANGON RINGIDI YAMI, SU TAMPA APAN TAWE YATUDANNI YAMI. ETEUDDE SU
PANENTEAN LAWAA APAN TAWE AONANNU MARASSAGA, SU TAHALOANG MAITUMA TAWE
AOMANNU SAMAKKA, SU TARANUSA TAMANGARRABA, I PAONODE SU SAGGA TAMABARIA.
SOA LAI AWANUANG MAWU ISINDI SARANTE WURU RANDUNGANTE SARANTENG ARAUNNU
MAWU WURRU RANDUNGANTEN TARINON DUATA, ANTIMATE SUMAWU ARAMATTA
WATIALU SU SOANG KAMI INDI, ITAAN SAUMMBU ITUUDU PANAMUANG KAMI.
 MAWU RUATA YAMANG KEKAL SU LARUMU SORGA. YAMI MADIENGKAMANNA
SUADIOA RINGANNU MANGA ARANGUANNI YAMI APAM ORASSA INDI NATAMBANNA ALLO
PABIARANE, TONNA PAMANUANNE ETEUDDE ARANGUNAAN (sebut nama yang berulang
tahun) ............... MAWU MANGARAMATTA SI MANGITOU, LAI SU MANGA TURRANGA LAI
AMONANNA APAN MAADIENGKAMANNA SU MAWU ANA NASENGKAMA ANAMBONG
GATING KARAMATTA (sebut nama keluarga (AMONANNA) yang bersukur atas berkat-berkat tuhan lainya
seperti perpuluhan dll) SI DUTU LAI MATINO LAI MARANGNGANA, MATINO SU ARAMATTU
MAWU MARANGNGANA SU PASUNGEN DUATA ; SU MANA TURANGI YAMI APAN
WAPEMDAMA LAIANG KAWA’A, TIRRINGU PUA LAI ARARADA’A ARANGUANNA (sebut nama-
nama yang sakit atau dalam pergumulan) ....... MAWU MANGGILU AURE LAI APAPIA, ARAMETTE
ANAMBONG BIAKKA LAI UNDAMA APAN I PAPAATTA TADEOU MOLAA LENTEANNU
ARAMATTU MAWU; SU MANGNGA TURA-TURRANGA APAN TAWE NARANTA SU ADIOA
RINGANNI YAMI ORASSA INDI SUDUTU ITANTILE SU MAWU, ANAMBONG APELEANNE SU
SINGKATU MAWU, MARINOE IMANITOU SUAMATANE MANGKARAU, SU PAMANSARIANNE,
SU PASIORANNE LAI SUARAWU TAMPA SI DUTU PAPADURIANNANU MAWU. AWEE IYAMI
MADORENGKE AMPUNGA SU MAWU SU MANGA ARANGUANNI YAMI TAWE NARANTA
SUADIOA ANAWAUGGU NAWONOANNU APULUN DUNIA INI, IMANGITOU NABUTAUANNA,
NABOTONG SAHADA, NATARINGAN PANGKULA, MAIELEMBAGGANG MAWU. O MAWU
AMPUNGE MANGA ARANGUANNI INDI, ARIE PALARIMATUE SU TARENGKO LAI RUSARANG
KAMITOU, AWEE DORONGANNA HAROHO MAWU MANGARORE LAI MANGEHETTA SI
MAINGITOU TADEAU SAMBAU TEMPO MAANAUNGA MAWU LAI RUMANTA SUADIA MASARE
MAWU ERE INDI RAMAGAE LAI PIANE.
OMAWU RUATA YAMANG KEKAL SULARUMU SORGA, IYAMI MANARAKATEN
ANAMBONG HATIN MANARA, PINITANNA, LAI PANSARIANI YAMI MARINO SU AMARANNE,
SU WAWAILANNA, SU SOA LAI SU WANUA, SU TAHALOANGGA LAI SU LAUDA.
SARANGKANAMBONE UDDE ITANTILE SU MAWU, ARANATE O MAWU TADEAU PIA GESINE
LAI TANGADE SU PABIARANI YAMI HUNANG HAUSANU SAMPINUNUTANI YANI LEMBO
LAMBALEN HUNANG IPAMANTUGA ARANU MAWU.
O YAMANGI YAMI SULARUMU SURGA, MAWU NANDIADI PATIUPPA, RUATA
NAMUNGKALASSU TALOARA. MAWU MARANGU LAI MAAKKANNA SIAMI ANAMBON
DIADIANNU, NANGILEMMBO IYAMI MANGA ALLANGU O MAWU. ORASSA INDI IYAMI
MA’ADIENGKAMANNA SI MAWU, ANAWAUGGU DARANGNGUNU APAN BAHEWA SI YAMI,
YAMI MANGA ALLANGU TAMA’AWARISSA APAPIANU O RUATA, MANTUDE
MAADIENGKAMANNA LAPIDU MANGAMMULU SASAMBA SU SARUANNU O MAWU. SASAMBA
INDI LAI UDDE ARAMATTU MAWU SI YAMI SAMBAU-SAMBAU, ANAWAUGGU RUATA
NANGARAMATTA MANARANG KAMI NAOMANG PIA GESSINE.
O MAWU, ARAMATE SASAMBA INDI TADEAU MOLAA SASAMBA MAWANGNGI SU
SARUANU MAWU, LAI MOLAA SASAMBA APANG IPANGEWALLA ARARATUANNU MAWU SU
WOWON DUNIA INDI.
OH MAWU RUATA YAMANG KEKAL SULARUMU SORGA, ARAMATE WE YAMI
SARANGKAMAMBONE APAM BUATTE NANGGOGOLU SASAMBA INDI; SU ANAMBONG
PANSARIANA LAI MANARANG KAMI. MARINO SU AMMARANNA (SU WAWAILANNA, SU SOA
LAI SU WANUA) SU TAHAROANGA, SU LAUDA. TADEAU MAHESSI WURRU MASOMAKKA.
MAWU RUATA YAMANG KEKAL SU LARUMU SORGA, TAE MANAMBO LAI
SASARANDENG KAMI AWEE YAMI TATA MATARAA SARANGKANAMBONE, TUDEO
IPADORENGKE TIPUNNE SUMAWU ANA MANTUDEO MAWU OBONG TIPUSSA WURRU
SUUNGNGA SU SARANGKANAMBONE. MAWU RUATA YAMANG KEKAL SU LARUMU SORGA,
AMPUNE WE TARENGKONG KAMI SU SARUANNU O MAWU. ARIOMANI YAMI INDI ISARITE LAI
IRAPAPAKKE, IPASAATE SULANTAKU ARARATUANNU MAWU RIANGANNU PANAGGONG
ARANI YESUS KRISTUS PUNNU SALAMATTI YAMI APAN NANGARAA SIAMI U’ARIOMANNA
SUSAMBAU, ARIOMANNA YAMIANGI YAMI APAN ILAGGUNG KAMI ERE INDI. O YANGANGI
YAMI .... (Doa Bapa Kami)