BISSMILAHIRROHMANIRROHIMI

ASSALAMUALAIKUM WAROHMATULLAHI WA BAROKATUH

BISMILLAHIROHMANIRROHIM ALHAMDULILLAHI RAABIL 'ALAMIN WA SHOLATU

WASSALAMU 'ALA ASYOFIL ANBIYA'I WAL MURSALIN SAYYIDINA WA MAULANA
MUHAMMADIN WA 'ALA ALIHI WA SHAHBIHI AJMA'IIN, AMMA BA'DU.

PANJENENGANIPUN PARA PEPUNDHEN, PARA PINISEPUH, AJISEPUH, SAHA SESEPUH

INGKANG TANSAH ANGGUNG MESTUTI DHUMATENG PEPOYANING KAUTAMEN
INGKANG SATUHU DAHAT KINURMATAN.

PANJENEGANIPUN PARA 'ALIM, PARA ULAMA, PARA KYAI, PARA USTADZ LAN
USTADZAH INGKANG KITA TENGGA SEDAYA PITUTUR LUHURIPUN, LANGKUNG -
LANGKUNG WA BIL KUSUS PANJENENGANIPUN AL MUKHAROM BAPA KYAI ZAINUL
MISBACH MUSTHOFA INGKANG TANSAH KITA TENGGA MENGGAH RAWUH SAHA
MAUIDHOH KHASANAHIPUN.

PARA PANGEMBAN PENGEMBATING PRAJA SATRIYANING NAGARI INGKANG

MINANGKA PANGAYOMANING PARA KAWULA, MLIGINIPUN PANJANEGANIPUN BAPA
PAMUJI MINANGKA KEPALA DESA GENENGADAL INGKANG SATUHU KINURMATAN

PANJENENGANIPUN KADANG BESAN SUTRESNA BAPA AGUS MIWAH IBU  INGKANG

SATUHU PANTES HANAMPI PAKURMATAN.

MBOTEN KASUPEN DHUMATENG PARA RAWUH , PARA PILENGGAH KAKUNG

SUMAWANA PUTRI, SAHA PARA SANAK KADANG WREDHA MUDA TUMARUNA
INGKANG TANSAH WINENGKU ING SUKA RAHAYU.

PURWAKANING ATUR SUMANGGA KITA TANSAH NGONJUKAKEN PUJI SYUKUR

DHUMATENG GUSTI INGKANG MAHA WELAS LAN MAHA ASIH NUWUN INGGIH ALLAH
SWT, AWIT SAKING SIH WILASA MIWAH BAROKAHIPUN INGKANG SAMPUN
KAPARINGAKEN DHUMATENG PANJENENGAN LAN KULA, SAHENGGA WONTEN ING
KALODANGAN PUNIKA KITA SAGED MAKEMPAL MANUNGAL WONTEN ING DALEMIPUN
BAPA ZAENUDIN DALAH SEDOYO KELUARGA KANTHI PINARINGAN KARAHARJAN,
KASARASAN , MBOTEN MANGGIH ALANGAN SATUNGGAL MENAPA. PRAMILA SAKING
MENIKA SUMANGGA KITA IKRARAKEN KANTHI KALIMAH TAHMID
ALHAMDULILLAHIROBIL'ALAMIN.
SHALAWAT LAN SALAM MUGI TANSAH LUMINTU LUMINTIR DUMATENG TITAH
LINANGKUNG INGKANG DADOS PANUTAN SAHA PATULADHAN KULA PANJENENGAN
SAMI NUWUN SANG NABI AGUNG MUHAMMAD SAW, MUGI MUGI KITA SEDAYA
PIKANTUK SYAFAATIPUN BENJANG ING YAUMIL KIYAMAH. ALLAHUMA AMIN

SAGUNG PARA RAWUH KAKUNG MIWAH PUTRI INGKANG SATUHU BAGYA MULYA.
NYADONG AGUNGING SAMODRA PANGAKSAMA SAKDERENGIPUN DENE KAWULA
KUMAWANTUN JUMENENG WONTEN NGARSA PENJENENGAN LAN NGGEMPIL
KAMARDHIKAN ANGGENIPUN SAMI MAWAN PANGANDIKAN. NUN INGIH MUNDHI
DHAWUH SAKING PANJENEGANIPUN INGKANG HAMENGKU GATI NUN INGGIH BAPA
ZAENUDIN MIWAH IBU, KAWULA INGKANG KAPITEDAN SINARAYA MINANGKA SULIH
SARIRA KEPARENG NGATURAKEN MENAPA INGKANG DADOS WIGATOSING SEDYA
MENGGAH PAHARGYAN DALU PUNIKA.

INGKANG ANGKA SEPISAN PENJENGANIPUN BAPA ZAENUDIN MIWAH IBU

NGATURAKEN SUGENG SIANG, SUGENG RAWUH, SAHA SUGENG LENGGAH KANTHI
MARDU MARDHIKANING PENGGALIH, SINARTAN AGUNGING PANUWUN INGKANG
TANPA PEPINDHAN DENE PANJENENGAN SEDAYA SAMPUN KEPARENG RAWUH
MINGANKANI MENAPA INGKANG DADOS PANYUWUNIPUN BAPA ZAENUDIN MIWAH
IBU. NUN INGGIH WONTEN ING SIANG PUNIKA PANJENENGANIPUN KEPARENG
NGAWONTENAKEN TASYAKURAN WALIMATUL URSY ANGGENIPUN NETEPI
DHARMAING ASEPUH HANGRAKIT SEKAR CEPAKA MULYA, MIWAHA PUTRA
MAHARGYA SIWI PUTRI KINASIHIPIN INGKANG ASESILIH RARA AYU …………………….
INGKANG KADHAUPAKEN KALIYAN BAGUS ………,,,………….. SAKING PANJENGANIPUN
BAPA ……………… MIWAH IBU …………….…. INGKANG MIJIL SAKING TLATAH DUSUN
KEDATON WONOKROMO PLERET.

PARA RAWUH PARA PILENGGAH KAKUNG PUTRI INGKANG SATUHU KINURMATAN,

KEPARENG MATUR BILIH SRI ATMAJA TEMENTEN SARIMBIT ANNGENIPUN DHAUP
SUCI UTAWI AKAD NIKAH BADE KELAKSANAN SIANG MENIKO, NUN INGGIH DINTEN
MINGGUI, NYARENGI SURYA KAPING 30 JUNI 2019, KIRANG LANGKUNGIPUN WANCI
TABUH 09.00 WEKDAL NUSWANTARA IMBANG PRACIMA, MITURUT TATANANING
AGAMI LAN NAGARI, KANTHI SINEKSEN DENING PARA KADANG, SAHA SANAK
SEDHEREK MINGGAHIPUN PARA SESEPUH LAN PINISEPUH MAPAN WONTEN ING
DALEMIPUN BAPA ZAENUDIN MRIKI KANTHI MANGGIH RAHAYU WILUJENG TAN
MANGGIH ALANGAN SETUNGGAL MENAPA. LAN UGI SAMPUN KAWISUDA MINANGKA
PANGANTEN KANTHI ADICARA PANGGIH MITURUT SATATANING ADAT INGKANG
SAMPUN LUMAMPAH WONTEN ING TLATAH DUSUN BRAJAN DESA WONOKROMO
MRIKI.
PARA RAWUH PARA PILENGGAH KAKUNG PUTRI INGKANG SATUHU WICAKSANA.
JANGKEP KAPING KALIH, PANJENENGANIPUN BAPA ZAENUDIN MIWAH IBU LAN
GOTRAH KALUWARGA NGATURAKEN AGUNGING PANUWUN INGKANG TANPA UPAMI
TUMPRAP SEDAYA SUMBANGSIH LAN KADARMAN INGKANG AWUJUD MENAPA
KEMAWON, LANGKUNG -LANGKUNG DHUMATENG PARA WARGA LINGKUNGAN MRIKI
BAPAK IBU UGI KADANG MUDA- MUDI INGKANG SAMPUN PARING PAMBIYANTU,
INGKANG SEDAYA KALAWAU TUNDHONIPUN SAGED ADAMEL RANCAG, LANCAR, LAN
GAYENG PAHARGYAN MENIKA, UGI SAGED NGENTHENG-NGENTHENGI
SESANGGEMAIPUN INGKANG HAMENGKU GATI. ANANGING PANJENENGANIPUN BAPA
ZAENUDIN MBOTEN KUWAWI MATUR MENAPA-MENAPA, UGI MBOTEN SAGED
NGATURI MENAPA-MENAPA, NAMUNG PUJI DONGA WONTEN NGARSANIPUN ALLAH
SWT, MUGI - MUGI SEDAYA AMAL KASAENAN PANJENEGAN SEDAYA DADOS AMAL
IBADAH, LAN PIKANTUK LELIRU SAHA PIWALES SAKING ALLAH SWT. ALLAHUMA AMIN.

DENE SAK LAJENGIPUN DUMATENG PARA RAWUH SEDAYA, LUGUNIPUN SAMPUN

SAWETAWIS DANGU ANGGENIPUN BAPA ZAENUDIN NGRANTAM, NGRONCE, MIWAH
NGANTHA- NGGANTHA PAHARGYAN MENIKA, ANANGING DHAWAHIPUN TAKSIH SARWI
KIRANG PANTES, SAKING MENIKA PANJENENGANIPUN BAPA ZAENUDIN
SAKELUWARGA  NAMUNG SAGED NYUWUN AGUNGING SAMODRA PANGAKSAMA.
NANGING SANGET PANYUWUNIPUN BAPA ZAENUDIN, KATUR SAGUNG PARA RAWUH
KEPARENGA PARENG PARING BERKAH PAMUJI, MUGI-MUGI TEMANTEN SARIMBIT
ANGGENIPUN SUMEDYA LELUMBAN WONTEN ING MADYANING BABRAYAN AGUNG
SAGED JUMBUH INGKANG SAMI GINAYUH, SEMBADA INGKANG SAMYA SINEDYA,
TANSAH ATUT RUNTUT RERENTENGAN KADOS MIMI LAN MINTUNO, SAYUK RUKUN,
SAMAD SINAMADAN, WIWIT KAWITAN DUMUGINING DELAHAN TANSAH MENGGIH
BAGYA MULYA, TANSAH PINAYUNGAN SIH BARUKAHING GUSTI ALLAH SAHINGGA
DADOS KALUWARGA INGKANG SAMAWA, SAKINAH MAWADAH WA ROHMAH,
TUNDHONIPUN MUGI PIKANTUK TURUN INGKANG SHOLEH LAN SHOLEKHAH INGKANG
MITUHU DHUMATENG TIYANG SEPUH KEKALIHIPUN SAHA PARA SESEPUHIPUN .
ALLAHUMA AMIN.

PARA RAWUH SAHA PARA PILENGGAH KAKUNG SUMAWANA PUTRI INGKANG PANTES
SINUDARSANA, INGKANG KAPING TIGA PANJENENGENIPUN BAPA ZAENUDIN MIWAH
IBU LUMANTAR KAWULA TANSAH HANGLENGGAN BUDI DAYANING MANUNGSA
KIRANG SAMPURNA. PRAMILA MBOK BILIH ANGGENIPUN NAMPI KARAWUHAN
PENJENENGAN  SEDAYA KIRANG TANGGAP, TANGGUH LAN GUPUH, KATHAH
KEKIRANGANIPUN, MBOTEN SAGED NGATUTRAKEN PAPAN PALENGGAHAN INGKANG
SAE, SAHA MBOTEN SAGED NGATURAKEN SUGUHAN ARUPI DEDHAHARAN LAN
UNJUKAN INGKANG SAK KELANGKUNG ECA MUGI PANJENENGAN SEDAYA KERSA
NGLUNTURAKEN SAMODRA PANGAKSAMI. MBOTEN KEKILAPAN SAKING KADANG
MUDA TARUNA ANGGENIPUN LELADI WONTEN NGARSA PENJENENGAN SEDAYA
WONTEN KIRANGING SUBA SITA, LUMANTAR KAWULA TANSAH NYUWUN
PANGAKSAMA DUMATENG PANJENENGAN SAMI.

MINANGKA WASANANING ATUR, DUMATENG PARA RAWUH SEDAYA, MAWANTU-

WANTU PANYUWUNANIPUN BAPA ZAENUDIN MIWAH KALUWARGA, KEPARENGA
NDUMUGEAKEN ANGGENIPUN SAMI LELENGGAHAN  NGANTOS DUMUGI TITIWANCI
PURNANING PAHARGYAN DALU PUNIKA.

MEKATEN ATUR KAWULA MINANGKA SULIH SARIRA SAKING HAMENGKU GATI BAPA
ZAENUDIN, HAMBOK BILIH KATHAH INGKANG LEPAT ATUR KAWULA, KANTHI ANDAHP
ASORING MANAH KAWULA NYADHONG AGUNGING SAMODRA PANGAKSAMI.

AKHIRUL KALAM  WA BILAHITTAUFIQ WAL HIDAYAH WASSALAMU'ALAIKUM WAROH

MATULLAHI WA BAROKATUH.