MAULIATE MA DI TUHAN DOHOT DI HITA SUDE

DI TIKKI NADENGGAN ON, PATORANGHON KU MA SAOTIK TAROMBO NI OMPU NAMI SAHAT

TU PARPINOMPARON NI DAMANG ON.

IA DAMANG NAMI ON, IMA POMPARAN SIAN OMPU HARANGAN (SIMANJUNTAK MARDAUP
NAMORA TANO NO 12) NA MAMUKKA HUTA DI LAPO GAMBIRI TARUTUNG. IA OMPU ON
MARHASOHOTAN MA TU BORU NI RAJA I (SIANTURI DOHOT SIMARE-MARE → BONA NI ARI). SIAN
BORU NI RAJA I SIANTURI ADONG MA PINOMPARNA 4 HALAK. JALA SIAN BORU NI RAJA I SIMARE-
MARE ADONG MA 2 HALAK.

SIAN POMPARAN NI BORU NI RAJA I SIAMARE-MARE IMA OMPU NAMI SIAMPUDAN (NO 13)
MARHASOHOTAN MA TU BORU NI RAJA I HUTAGALUNG (BONA NI TULANG). SIAN BORU NI RAJA I
HUTAGALUNG ADONG MA PINOMPARNA 4 HALAK.

SIAN POMPARAN NI BORU NI RAJA I HUTAGALUNG IMA OMPU NAMI SI PAIDUA (NO 14)
MARHASOHOTANMA TU BORU NI RAJA I SILITONGA ( IMA NA MANUBUHON DAMANG ON ). SIAN
BORU NI RAJA I SILITONGA DIPASU-PASU TUHAN MA JALA MARPINOMPARs 3 ANAK DOHOT 1 BORU.

KET: - ANAK SI PAIDUA (NO 15), IMA AMANG UDA NAMI NA TINGGAL DI PARAPAT,
MARHASOHOTAN MA TU BORU NI RAJA I SILITONGA. DIPASU-PASU TUHAN MA NASIDA DOHOT 2
ANAK DOHOT 2 BORU.

- AMANG UDA NAMI SI PAITOLU (NUNGA BE MARUJUNG NGOLU), ALAI

MARHASOHOTAN MA TU BORU NI RAJA I SITUMORANG
- NAMBORU NAMI SIAKKANGAN MARHAMULIAN MA TU ANAK NI RAJA I SINAGA.
DIPASU-PASU TUHAN MA NASIDA DOHOT 1 ANAK DOHOT 5 BORU.

* SAONARI PE, AMANG RAJA NAMI DOHOT INANG SORIPADA PATORANGNGONKU MA

PARPINOMPARAN NI DAMANG NAMI ON

IA DAMANG ON MARGOARMA : ALFRIUS SIMANJUNTAK (ANAK SIAKKANGAN)

OMPU PANGGOARAN: OMPU KEILANI DOLI SIMANJUNTAK

TUBU MA DI: SIANTAR, TANGGAL 02-08-1957

MARHASOHOTAN MA TU BORU NI RAJA I: BORU SIHOTANG

IA POMPARAN NI DAMANG ON ADONG MA 3 ANAK DOHOT 2 BORU (JALA NUNGA MARPAHOPPU

SIAN ANAK DOHOT SIAN BORU)

- ANAK SIAKKANGAN IMA AU SANDIRI MARINGANAN DI BANDUNG, MARHASOHOTAN MA AU

TU BORU NI RAJA I HASUGIAN → DIPASU-PASU TUHAN MA HAMI DOHOT ANAK (1) DOHOT
BORU (1)
- ANGGIKU SIPAIDUA MARINGANAN MA DI TANGERANG, NUNGA MARHASOHOTAN TU BORU
NI RAJA I SIHOTANG → DIPASU-PASU TUHAN MA NASIDA DOHOT BORU (1)
- ANGGIKU SIPAITOLU IMA SIAMPUDAN BAWA DI HAMI NA TINGGAL RAPPAK DOHOT
DAMANG DISON → NGA SALESAI PENDIDIKAN NA, ALAI DANG DOPE MANDAPOT SI ROKKAP
NI TONDI NA JALA DANG DOPE MARHASOHOTAN
- IBOTOKKU SIAKKANGAN DIHAMI TINGGAL DI TANGERANG, MARHAMULIAN MA TU ANAK NI
AMANGBORU NAMI RAJA I SITORUS → DIPASU-PASU MA NASIDA DOHOT BORU (1)
- IBOTOKKU SIAMPUDAN DI HAMI TINGGAL DI TANGERANG → NUNGA KAREJO ALAI DANG
ADONG DOPE DAPOT SI ROKKAP NI TONDINA JALA DANG DOPE MARHAMULIAN.
-
NB : JADI AMANG RAJA NAMI DOHOT INANG SORIPADA, MANGIDO MA HAMI DOHOT
UNDUK NI ROHA JALA MARSOMBA TU GANUP HITA SUDE. ASA TANGIANGHON HAMU MA
HAMI SUDE PINOMPAR NI DAMANG ON ASA HORAS2. TARLUMOBI MA ANGGIKU DOHOT
IBOTOKKU ASA HATOP MA NIAN MARHAMULIAN JALA DAPOT SI ROKKAP NI TONDINA.
JADI PUNGUMA SUDE POMPARAN NI DAMANG ON 12 HALAK.
JALA, MOLO TUNG ADONG NA HURANG LOBI PAKKATAION DOHOT PARANGE NI
DAMANG ON DI TIKKI NGOLUNA. MANGIDO MA HAMI ASA PAIASHON HAMU MA SIAN
BAGAS ROHATTA .

MAULIATE MA DI HITA SUDE...