ULAON PASAHAT SULANG-SULANG PAHOMPU

DOHOT
MANJALO TANGIANG BERE TU TULANGNA
( SADA TINEMBAK DUA NA HONA )

NANUNGKUN MA HULA – HULA LUBIS :

DIDOK NATUA TUA : DIA MA LAKLAK NA, DIA MA UNOK NA DI HARORO MUNA RAJA NI
AMANGBORU NAMI MARGA SIMANJUNTAK JALA DIA MA HATA NA DI MA NADIDOK NA ..?

MANGHATAI MA PARANAK :

DI HARORO NAMI RAJA NI HULA-HULA NAMI, DIDOK NATUA-TUA “ DANG PAJOLO GOGO,
PAPUDI UHUM HAMI TU HAMU RAJA NAMI, SONGON HATA NI NATUA-TUA :” MADABU JARUM
TU NAPOTPOT, DANG DI IDA MATA, DI IDA ROHA, DI SON ADONG DO HUBUAN HAMI TUDU-
TUDU NI SI PANGANON LAHO PASAHATHON NAMI LAHO PASANGAPHON HAMU HULA – HULA
NAMI JALA IMA NANAENG RO MA HAMI MANGGARAR ADAT DOHOT UMUM TU HAMU HULA-
HULA NAMI SONGON ULAON TA ON SADA TINEMBAK DUA NAHONA, IMA RAJA NAMI NA
NAENG PASAHAT SULANG-SULANG PAHOMPU MA HAMI RAJA NAMI TU HAMU RAJA NI HULA-
HULA NAMI MARGA LUBIS ASA BOI HAMI POS ROHA LAHO PABORHATHON ANAK NAMI
MANANG BERE MUNA RAJA NAMI TU HUTA PANGARANTOAN LAHO MANGALULUI ANGKA
NAULI DOHOT NADENGGANI SONGON HATA NI NATUA-TUA I “ HATOP ADONG NA NIADUNA,
LAMBAT ADONG NA PINAIMA NA, JALA PARJOLO MA RAJA NAMI TA ULAHON ULAON SULANG-
SULANG PAHOMPU DUNG SIDUNG SULANG-SULANG PAHOMPU LAS TA UDUTI MA MANJALO
TANGIANG MA BEREMU NA ON MANANG ANAK NAMI ON TU HAMU TULANG NA , ASA
TANGIANGHON HAMU MA RAJA NAMI BEREMON LAHO BORHAT MANGARANTO,

IMA RAJA NAMI HUBARANI HON HAMI RO MANDAPOTHON HAMU HULA-HULA NAMI,

MOLO DIJALO MANANG DI GABEHON HULA-HULA LUBIS I,

BORHAT MA PASAHAT TUDU-TUDU SIPANGANON I

HATANA : ----

DISON ADONG DO HU BUAN HAMI TUDU-TUDU NI SIPANGANON LAHO PASANGAPHON HAMU

HULA-HULA NAMI, HATA NI NATUA-TUA NA MANDOK : “ TINTIN MA TINOPA GOLANG-GOLANG
PANGARAHUTNA, MOLO TUNG SONGO ON PE, NA BOI HUBUAN HAMI LAHO PASANGAPHON
HAMU HULA-HULA NAMI, AMANTA DEBATA MA NAMANGGOHI PASU-PASU NA., EMATUTU.

SAHAT-SAHAT NI SOLU MA SAHAT MA TU BORTEAN, HUPASAHAT HAMI TUDU-TUDU NI

SIPANGANON ON, LELENG MA HITA MANGOLU, SAHAT MA TU PANGGABEAN, SAHAT MA
NANG TU PARHORASON.

JADI DI APALA TINGKION RO MA HAMI PASAHAT BATU NI SULANG TUMAHU RAJA NAMI
( BORHAT MA ANAK/BERE PASAHATHON BATU NISULANG I TU OPUNG NA ( MOLO MANGOLU
DOPE ) MANANG TU TULANGNA )

JADI RADE MA HAMU ATE RAJA NAMI DIHARORO PAHOMPU MU NAON.,

DIPASAHAT BERE/ POHOMPU I MA BATU NI SULANG I ( DIDALAM PIRING BERISI BERAS, UANG
DAN DAUN SIRIH )
HATA NI NATUA-TUA NAMANDOK : “ TINTIN MA TINOPA GOLANG-GOLANG PANGARAHUTNA,
MOLO TUNG SONGO ON PE, NA BOI HUBUAN HAMI LAHO PASANGAPHON HAMU HULA-HULA
NAMI, AMANTA DEBATA MA NAMANGGOHI PASU-PASU NA., EMATUTU.

SAHAT-SAHAT NI SOLU MA SAHAT MA TU BORTEAN, HUPASAHAT HAMI TUDU-TUDU NI

SIPANGANON ON, LELENG MA HITA MANGOLU, SAHAT MA TU PANGGABEAN, SAHAT MA
NANG TU PARHORASON.

RO MA HULA-HULA LUBIS PASAHAT DEKKE DOHOT ULOS TU BORUNA / ITO NA BR. LUBIS
( SUHUT )

SETELAH SELESAI BOLEH DILANJUTKAN MAKAN BERSAMA

SETELAH MAKAN BERSAMA : DATANGLAH TULANG NYA MENYAMPAIKAN IKAN MAS DAN ULOS
KE BERE NYA SEKALIGUS UANG SEKEDAR UNTUK MEMBELI SEPATU ATAU BAJU UNTUK
BERENYA DAN LANGSUNG TULANGNYA MEMASUKKAN UANG TERSEBUT KE SAKU/KANTONG
BERE NYA TERSEBUT.,

SETELAH ITU MARHATA SIGABE-GABE MAKSUDNYA ADALAH MEMBERI NASEHAT TULANG KE

BERE NYA DAN MEMBERKATI BERENYA DAN SETELAH SELESAI,

HULA –HULA ATAU TULANG LUBIS PAAMPUHON

SEBELUM MANGAMPU MARGA SIMANJUNTAK, PARJOLO MA PASAHAT PASITUAK NA TONGGI

TU HULA-HULA LUBIS HARUS SANGAP DI BAEN, TU DONGAN SAHUTA YANG BICARA UANG 50
RIBU, -SAMPAI SEMUA UNDANGAN HULA-HULA LUBIS ( BOLEH UANG 5 RIBUAN, ATAU UANG
10 RIBUAN ATAU UANG 20 RIBUAN PER ORANG- MANA YANG COCOK MENURUT SUHUT
SIMANJUNTAK )

SETELAH ITU...

MANGAMPU MA PARANAK MANANG MARGA SIMANJUNTAK

HATA NA ....

ASA TURTU NINNA ANDUHUR, TIO-TIO NINNA LOTE,

HATA NA ULI, HATA NADENGGAN NA PINASAHAT MUNA TU HAMI HULA-HULA NAMI,

SAI UNANG MA MUBA, UNANG MA MOSE.

ASA TINGKO MA INGGIR-INGGIR, BULUNG NA I RATA-RATA,

SALUHUT HATA NAULI, HATA NADENGGAN NA PINASHAT MUNA RAJA NAMI TU HAMI,

SAI PASAUTHON MA ANTONG AMANTA NA MARTUA DEBATA.

ASA HARBANGAN MA DALAN TU HUTA, BALATUK MA DALAN TU JABU,

HATA NAULI, HATA NA DENGGAN NA PINASAHAT MUNA RAJA NAMI, AMPUHON NAMI MA I
HOT MARTONGA NI JABU,

SAHAT MA SOLU, SAHAT MA TU BORTEAN, LELENG MA HITA MANGOLU, SAHAT MA I TU

PANGGABEAN JALA SAHAT MAI TU PARHORASAN, EMATUTU....

IMA HATA PANGAMPUAN SIAN HAMI HULA-HULA NAMI, BOTIMA..., HORAS MA DI HITA
SALUHUT NA.,

MARTANGIANG MA SIAN HULA-HULA/ TULANG LUBIS.

SELESAI.,