HURIA KRISTEN BATAK PROTESTAN (HKBP)

DISTRIK XIX BEKASI–RESSORT SETIA MEKAR

HURIA SETIA MEKAR
Jl. Pulau Sumatera Raya, Perumnas III Setia Mekar - Bekasi 17111
Telp./Fax. Kantor : (021) 880 7070, E-mail : hkbpsetiamekar@yahoo.co.id

“Majelis HKBP Setia Mekar mengucapkan SELAMAT DATANG dan TERIMAKASIH kepada segenap warga jemaat yang datang beribadah
pada hari ini, terutama kepada jemaat yang baru pertama sekali mengikuti Ibadah di tempat ini. Tuhan memberkati kita semua.”

TATA IBADAH MINGGU PAGI 1 & 2

MINGGU INVOCAVIT;
26 FEBRUARI 2023
Tema: “Debata Haroroan Ni Pasu-pasu”
01. MARENDE BE No. 104 : 1 – 3 “Bongoti Ma Rohangku”
1. Bongoti ma rohangku Ingani ma au on
O Tondi Debatangku Pasonang rohangkon
Na marhabangsa Ho Raphon Debata Ama
Nang Jesus pe AnakNa Naeng pujionku Ho
2. Antong panghilalahon Tu ahu gogoMi
GogoM na paluahon Au sian dosangki
Urasi rohangkon Paias ma tondingku
Ai naeng do oloanku Na nidokMi tongtong
Jongjong
3. Ndang dung marhatigoran Pardosa au hian
Ndang dung marhasonangan Na mate au hian
Di pandidion i Dibonom Ho dosangku
Tu mudar ni Tuhanku ias au ala nii

~1~
02. VOTUM-INTROITUS-TANGIANG Hundul
03. MARENDE BE No. 129 : 1 + 2 “Huhalashon, Huringkoti”
1. Huhalashon, huringkoti, HaroroM tu tano on
Jesus Sipalua hami, Jolma na mardangol on
Ai marhite mudarMi, Dihophopi Ho do i
HuriaM asa badia, Jala dohot marmulia
2. Sai na di joloM do jongjong, HuriaM na lea i
Ai ringkot dihalungunhon, Naeng tu Ho Rajana i
Dipaimaima Ho, Jala tung marhobas do
Mangihuthon Ho Parmonang, ToguonMu tu na sonang
04. PATIK NI DEBATA : Psalmen 105 : 4
05. MARENDE BE No. 789 : 1 - 2 “Lului Hamu Harajaon Ni
Debata”
1. Lului hamu harajaon ni Debata, Rap dohot hatigoranNa
TambahononNa ma ondeng tu hamu, Haleluya, Haleluya
Haleluya, Haleluya, Haleluya, Haleluya, Haleluya
Jongjong
2. Pangido ma sai na lehononNa do, Lului ma sai na jumpang
Tuktuhi ma sai na ungkaponNa do, Haleluya, Haleluya
Haleluya, Haleluya, Haleluya, Haleluya, Haleluya

06. MANOPOTI DOSA (B.9 – C.13) Hundul

~2~
07. MARENDE BE No.450 : 1 - 2 “Tung Na Tarapul Do”
1. Tung na tarapul do rohangkinon,
Dihaholongi Tuhanku au on
Godang basaNa dilehon tu au,
Tung na umarga holongNa di au
Las rohangki, holong Jesus i, Jesus di au, Jesus di au
Las rohangki, holong Jesus i tongtong di au, di au
2. Tung na jotjot marsak rohaNa i

ala dosangku na sai godang i

Dung hutopoti sude dosangki,

ias do ahu dibaen mudar i

Las rohangki, holong Jesus i, Jesus di au, Jesus di au
Las rohangki, holong Jesus i tongtong di au, di au

08. EPISTEL. Roma 5 : 12 - 17

5:12 Dibahen i, songon na bongot dosa i tu portibi on marhite
sian sada halak jala marhitehite dosa i ro hamatean,
songon i sahat hamatean i tu saluhut jolma, ala sude
nasida mardosa.
5:13 Ai naung di portibi on hian do dosa, nang andorang so ro
dope patik i; alai ndang dijujur dosa, ia so adong patik.
5:14 Alai nunga manggomgomi hamatean i olat ni si Adam
sahat ro di si Musa, nang so dos pardosaonnasida tu
pangalaosion ni si Adam, sumansuman ni na naeng ro i.

~3~
5:15 Alai ndada sapangalaho pangalaosion i dohot basabasa i.
Ai binahen ni pangalaosion ni na sada, marmatean na
torop i; alai andul sumurung tu na torop i ma asi ni roha
ni Debata dohot basabasa, na hinorhon ni parasirohaon
ni na sada jolma Jesus Kristus.
5:16 Ia silehonlehon i asing do sian na binahen ni na sahalak
na mardosa i, ai dihorhon uhum na sian na sahalak i do
uhum hamagoan; alai hinorhon ni basabasa i do dipintori
torop pangalaosi.
5:17 Ai molo hamatean manggomgomi, binahen ni na sada ala
ni pangalaosionna i, nda lam manggomgomi huhut
mangolu marhitehite Jesus Kristus na sada i ma antong
nasida, angka naung manjalo asi ni roha na tarlobi
angkup ni basabasa, i ma hatigoran i?
09. KOOR
10. MARENDE BE No.233 : 1 - 2 “Turena I Manodo Tuhan
Jesus”
1. Ture na i manodo Tuhan Jesus,
Martua na pinarmahanNa i
Uli na i SangkapNa dipatulus,
Di ganup hita hinophopNa i
Sandok paputus rohami,
Pasahat ma dirim tu Tuhan Jesus i
~4~
2. Sumurung do panogunoguonNa,
Umarga sian rumang tano on
Halaean nasa pangajarionNa,
Dijujur siseanNa i tongon
Lam las, lam sabam rohangki,
Lam hupasolhot au tu Ho, o Tuhanki
11. MANGHATINDANGHON HAPORSEAON
L: Tahatindangkon ma haporseaonta i songon na
hinatindangkon ni donganta sahaporseaon di sandok
portibi on, rap ma hita mandok:
J: Ahu porsea………dst… Hundul

12. TINGTING
13. KOOR
14. MARENDE BE No. 190 : 1... “Las Rohangku Situtu”
(Pelean Ia + Ib)
1. Las rohangku situtu mida Jesus na lulu
Manjalahi hajolmaon ai Ibana paluahon
Jolma manisia i sian hamagoan i
Musik
2. Las rohangku situtu mida Jesus na burju
Patupahon hangoluan di au na di hamagoan
Tung saluhut dosangki do disesa Jesus i
Musik
~5~
 3. Las rohangku situtu ai parjambar au tutu
Di na denggan sasudena pinarbaga ni Debata
Di sude na burju i mangihuthon Jesus i
15. JAMITA. 2 Musa 33 : 15 - 23
33:15 Alai ninna Musa ma tu Jahowa: Molo so tongtong
bohiMi manguluhon hami, unang nian togihon hami
nangkok sian on.
33:16 Ai tung marhite sian aha ma dapot tandaon, paboa
naung jumpangan asi ni roha ahu maradophon Ho, ahu
dohot parripeM on? Nda marhite sian na
nidongananMu hami mardalan, paboa marhasurungan
ahu dohot parripeM on maradophon nasa bangso angka
na di atas tano on?
33:17 Dung i ninna Jahowa ma tu Musa: Nang hata on na
nidokmu ondeng, bahenonKu do i, ala naung
jumpangan asi ni roha ho maradophon Ahu, jala Ahu
mananda ho pola ro di goar.
33:18 Dung i ninna si Musa ma: Ua pataridahon ma tu ahu
hamuliaonMi!
33:19 Alai ninna Jahowa ma: Ahu pabolushon saluhut
hatuaonKu sian jolo ni bohim, jala Ahu manjouhon
goar ni Jahowa di adopanmu; na martalup ni roha do
Ahu sogot di halak naung tinalupan ni rohangKu; jala
na marasi ni roha do Ahu sogot di halak naung niasian
ni rohangKu.

~6~
 33:20 Angkup ni didok Jahowa: Ndang tarbahen ho anggo
tung marnida apala bohingKon, ai ndang tarbahen
manang ise jolma hian marnida Ahu, laos mangolu
ibana.
33:21 Angkup ni didok Jahowa: Ida ma, adong sada
hajongjongan mardonokkon Ahu, ingkon disi ho
jongjong di atas dolok batu!
33:22 Jadi dung mamolus hamuliaonKu, bahenonKu ma ho tu
bagasan sada rigat ni dolok batu i, laos
hungkuphononKu tanganKu tu ho paima salpu Ahu
mamolus.
33:23 Ia dung Hupatait tanganKu, idaonmu ma Ahu sian
pudi; alai anggo apala bohingKon ndang jadi idaon ni
manang ise!
16. MARENDE BE No. 185 : 1..“Holan Sada Debatanta”
Pelean Tujolo (Pelean II +Tumpak tu Pembangunan)
1. Holan sada Debatanta na tumompa sasude
Na tarida di matanta nang na so tarida pe
Tanda ma ruhutna i unang lilu rohami
2. Ndang marmula Debatanta nang ujungNa pe ndang ro
Ndang tarida di matanta ai rupaNa tondi do
Holan mata ni roham tau mananda Debatam
Musik

~7~
3. Diingani Debatanta parluhutan i sude
Diingani nang rohanta digomgomi sasude
Nang hagogoonNa i ndang marhatudosan i
4. Na bonar do Debatanta jala na badia pe
Na sun pistar Debatanta pangoluhon sasude
Pos ni roha situtu Debatanta na burju
Musik
5. Sai na sintong do hataNa na tinonahonNa i
Atik pe asi rohaNa ndang paubaonNa i
Sai oloi ma i sude asa sonang ho muse
Jongjong
17. TANGIANG PELEAN - ALE AMANAMI - PASUPASU.

~8~