HURIA KRISTEN BATAK PROTESTAN

HKBP TELADAN RESS.MEDAN-I TELADAN

Jl. Sederhana No.11 Teladan Medan
----------------------------------------------------
PARTORDING NI PARMINGGUON
MINGGU-II DUNG EPHIPANIAS TGL. 15 JANUARI
2023
JANUARI : “ DEBATA JAHOWA DO NA MARMAHANI HITA“

TOPIK : “JESUS KRISTUS PANONDANG TU SALUHUT BANGSO”

Ev : JESAYA 49:1 - 7 Ep : JOHANNES 1: 29 - 42

KEBAKTIAN PAGI, Pkl.06.00Wib

1
 PARMINGGUON NATUATUA/UMUM, Pkl.11.00Wib
JOUJOU MAMUJI DEBATA :
01. MARENDE BE HKBP No. 06: 1 + 3 “ Puji Jahowa na sangap” BL 056
1. Puji Jahowa na sangap huhut marmulia; Hamu sude na parroha na ringgas na ria;
Marpungu be, marolopolop sude, hamu sude manisia.
3 Puji Jahowa naung tipak manompa dagingmu;Jala na tongtong manumpak hisar pama-
tangmu; Jotjot do ro pangurupiNa tu ho, uju na ro hagogotan.
02. VOTUM – INTROITUS – TANGIANG : 55/A.IV.A.2– 75/D.IV.13
03. MARENDE BE HKBP No. 72 : 4 - 5 ”Hehe ma hamu parbegu” BL 084
4 Jesus sondang ni tondingku na patiur sasude;Sai palua ma rohangku sian dosa sasude;
Taiti dohot rohangkon tu na tiur i tongtong.
5. HapapatarMi Tuhanku ingkon manondangi au; Asa tong sonang rohangku nang pe di
na
mate au; Manang aha pe na ro hasonanganki do Ho.
04. PATIK: KOLOSE 1: 12
Koor : Ama HKBP Teladan.
05. MARENDE BE HKBP No.518: 1 + 3 “Marsinondang dibaen Jesus” BL355
1 Marsinondang dibaen Jesus asi ni rohaNa i. Jala hita do disuru, asa tapaboa i.
Tapagalak palitonta, tapatiur dalan i. Ai torop dope na lilu, sai hatop ma mulak i.
3. Haholomon manghukhupi toropan di tano i.Tung torop manghalungunhon, sondang tu
dalanna i. Tapagalak palitonta, tapatiur dalan i.
Ai torop dope na lilu, sai hatop ma mulak i.
06.TANGIANG MANOPOTI DOSA-BAGABAGA HASESAAN NI DOSA:69/B.7-72/C.11
Musik : B.Ende No.165: 3 “Na basa do rohaM di au ” Bl.019
O Tuhan hutopoti ma luhutna dosangki; Asi rohaM sai sesa sai sesa ma, di Ho ma tondingki.
Koor :a. Ina Parari Sabtu b.
07. MARENDE BE HKBP No.161: 1 + 5“Tangihon angguhanggukhon” BL 133
1. Tangihon anggukanggukkon asi rohaM Jahowa;Mansai tarponjot rohangkon dibaen
godang ni dosa; Tung sura dibaloshon Ho luhut na sala dompak Ho; Tung ise
tartahansa.
5. Nang pe nania dosangki, godang pe hajahaton; Gumodang asiasiMi, na gogo paluahon;
Jahowa sai asi rohaM, palua nasa huriaM, Sian sude dosana.
08. E P I S T E L : JOHANNES 1: 29 - 42
U: Hata ni Debata turpuk Epistel di Minggu di Minggunta sadari on, i ma na tarsurat di
Evangelium ni si Johannes bindu 1, mamungka sian ayat 29 sahat tu ayat 42, on ma
didok disi, tajaha ma marsingkat sorin:
Torang ni arina i diida si Johannes ma Jesus ro tusi, jadi didok ma: On do Birubiru ni
Debata, na mamorsan dosa ni portibi on!
H: Ibana do na hudok i: Sian pudingku ro sada halak, naung jumolo adong asa ahu; ai
parjolo hian do Ibana.
U: Ahu pe, ndang hutanda Ibana; alai asa tandap Ibana di halak Israel, umbahen na ro
ahu mandidihon aek.

2
 H: Dung i dihatindangkon si Johannes ma, ninna ma: Huida do Tondi i tuat songon
darapati sian banua ginjang i jala mian di Ibana!
U: Ahu pe, ndang hutanda Ibana jolo. Alai Ibana na marsuru ahu mandidihon aek, I do
mandok tu ahu: Ia tusi diida ho tuat Tondi i jala mian di Ibana, Ibana do sididihon
Tondi Parbadia.
H: Asa nunga huida jala huhajongjongkon: Ibana do Anak ni Debata.
U: Marsogotna i jongjong muse si Johannes disi dohot siseanna dua halak.
H: Jadi di na niidana i Jesus mamolus, ninna ma: On do Birubiru ni Debata!
U: Jadi dibege siseanna na dua i ma hatana, gabe diihuthon ma Jesus.
H: Dung i humusor ma Jesus, diida ma nasida na mangihuthon Ibana, jadi ninna ma
mandok nasida: Aha do na niluluanmuna? Jadi didok nasida ma mandok Ibana: Rabbi
(na mandok: Guru) didia do Ho sorang?
U: Jadi didok ma mandok nasida: Ro ma hamu, asa diida hamu! Dung i ro ma nasida, diida
ma parmiananna; laos rap ma nasida dohot Ibana sadarina i. Tar di pungkul opat ma i.
H: Si Andreas, dongan saama ni si Simon Petrus, do na sada sian na dua i, na umbege
hata ni si Johannes dohot mangihuthon Ibana.
U: Dung i pajumpang ma ibana jumolo dohot si Simon, donganna saama, jadi didok ma
mandok ibana: Nunga jumpang hami Messias i (astuanna: Kristus)!
H: Laos ditogihon ma ibana tu Jesus. Alai dibereng Jesus ma ibana huhut ma didok: Si
Simon, anak ni si Jonas do ho; si Kepas ma ho goaron (astuanna: Batu mamak, Petrus)
U: Disi do sahatna : Martua do angka na tumangihon Hata ni Debata jala na umpeopsa.
Amen.
Koor : a. Ina Parari Rabu. b.
09. MARENDE, BE HKBP No. 695: 1 + 4 “Jesus Tuhanhu di Ho ma au on” BL695
1. Jesus Tuhanku di Ho ma au on, Asa mangihut tu Ho au tongtong;Gohi rohangku ingani
au
on, Sonang di Ho tongtong; O Tuhan togu ma au, O Tuhan togutogu ma au;
Gohi rohangku ingani au on, Sonang di Ho tongtong.
4. Na marhaposan tu Jesus tahe, sai na martua ibana muse; Sonang ibana di portibi on,
nang
di Surgo inon; Jolma na bonar burju, jolma na bonar huhut burju;
Sonang ibana di portibi on, nang di Surgo inon.
10. MANGHATINDANGHON HAPORSEAON:
Koor :
11. TINGTING :
12. MARENDE BE HKBP No.774:1-“Tung mabaor sian Ho” Pel.Ia,Ib BL.774
1 Tung mabaor sian Ho, mual hangoluan I; Ai torop pe batang aek angka dolok dohot
rura
Nang pe langit dohot tano, Ho do na manompa i.do na manompa i, Ho do na manompa i,
Ho do na manompa i
2. Ai huboto do tangkas hagogoonMi Tuhan, Ho do na so hatudosan na tongtong Ho pasa-
ngapon; Las rohangku pasangaphon. Ro marsomba tu joloM, Ro marsomba tu joloM, Ro
marsomba tu joloM, Ro marsomba tu joloM.
----------------Organ/Musik-----------

3
 3. Tung tarapul rohangki mingot denggan basaMi; Ndang tarasam be argana, Ndang mar-
batas nang godangna; Disondangi do rohangku, Lao mamereng holongMi. Lao
mamereng
holongMi, lao mamereng holongMi, lao mamereng holongMi.
4. Huhilala holongMi na manogu rohangki;Unang loas au be lilu manadinghon Ho
Tuhanku
Pandang i do tujuonku, Saleleng di ngolungki, saleleng di ngolungki, saleleng di ngo-
lungki, saleleng di ngolungki.

13. EVANGELIUM- JAMITA: JESAYA 49: 1 - 7

14. MARENDE BE HKBP No.75:1--“Naung binsar do Panondang i”Pel.II BL 206
1 Naung binsar do Panondang i na mangatasi sasude na olo marsinondang;
Sondanganni i do sasude na di na holom i dope malungun di na torang;
Jesus tulus ma sangkapMu sondanganMu nasa jolma asa unduk di Debata.
2. Ho do mangapul rohangkon O Raja ni portibi on saleleng au mangolu;
Sai Ho ma parjambaranki ndang olo au lohotan ni sude na olo salpu;
Tu Ho ro do au na lea na porsea di hataMu Mangidohon panumpakMu .--Organ/Musik-
3. Tung ise pasonangkon au? Manang tu dia pe au lao sasada Ho huboto;
Pangkilalahon holong ni RohaM di au na bojok i na pogos jala oto;
Unang loas au be lilu hinophopMu do tondingku ingkon Ho do tioponku.
4. Las do rohangku mida Ho o Jesus Kristus na dung ro mamboan hangoluan;
Naeng pujionku Ho tongtong saleleng au di tano on nang di banua ginjang;
Sangap, sangap di goarMu Ho Rajangku huendehon hamuliaonMu, Tuhan.
15. PASAHATHON PELEAN BULANAN BULAN JANUARI 2023:
a. MARENDE BE. No. 855: 1 – 3 “ Huboan Pelean ” Bl.855
1 Huboan pelean tu ho Jesus i; Bahen pujipujian tu Ho Tuhanki.
2 Sian las ni roha husombahon i; Na mambahen mamora au di Tuhanki.
3 Sian las ni roha tapasahat ma ; Angka peleanta i tu Tuhanta da.
b. TONA PASAHATHON PELEAN:
U : Ganup ma nionjar ni rohana, unang ma sian muruk manang sian na so tarjua; ai di-
haholongi Debata do na las roha mangalehon!
H: Tangkas do huboto, ale Debatangku, Ho do na manguji roha, jala hasintongando
lomo
ni rohaM; dibahen i saluhutna on sian sintong ni rohangku umbahen na
mangaringgas ahu margugu,tole dohot bangsoMu na pungu dison, nunga huida
marlas ni roh mangaringgas be margugu tu Ho.
U : Asa dipingkiri rohana hapandean na sumurung laho mamandei sere, perak dohot
tombaga. Jadi ro be ma, angka baoa dongan ni angka parompuan, sude tahe angka
na girgir marroha, diboan be ma leangna dohot antingantingna dohot tintinna
dohot horunghorungna, ro di ulaula sere marragamragam, jala ganup mamelehon
sere bahen pelean tatingan tu Jahowa.
H : Marroha habinsaon ma ahu mamele tu Ho, pujionku ma GoarMu, ale Jahowa, ai hale-
aon do i.

4
 U : Pasangap ma Jahowa marhite sian hamoraonmu dohot marhite sian
patumonaan ni sandok pangomoanmu. Jadi marsipinjot ma angka sopom, jala
sirnip tuak anggur angka pangilanganmu.
c. MARENDE, BE. No. 848: 1 – “ Dison adong huboan Tuhan ” Bl.848
( Pasahat Pel. Bulanan tu jolo.)
1. Dison adong huboan Tuhan; Parbue ni ngolungku na so tardok nian;
Sadia ma argana Tuhan,Molo sai nirajuman sude denggan basaM?
Jalo ma Tuhan, sai las ma rohaM!---------------Organ/Musik--------------
3. Huingot do hataM da Tuhan; Ingkon sarihononhon anggim na metmet an;
Ampehon ma tanganMu sangkan; Itak na otik i unang suda nian;
Jalo ma Tuhan, sai las ma rohaM!
16.TANGIANG PELEAN – PANUTUP – PASUPASU : Amen, Amen, Amen.