PARTORDING NI PARMINGGUON

DI MINGGU VIII DUNG TRINITATIS

Ev. 2 Rajaraja 4 : 42 - 44 Ep. Johannes 6 : 25 - 35

TOPIK:
DIRAMOTI DEBATA DO BANGSONA

HURIA KRISTEN BATAK PROTESTAN

Minggu, 25 JULI 2021
01. PAMUHAI :
U : Horas, selamat ari Minggu ma di hita saluhutna ruas ni huria na
hinaholongan ni Tuhanta. Sai taharinggashon ma pasahat pujipujian tu
Tuhanta na sai manongtong mangaramoti hita di saluhut partingkian na
tabolus. Ibana do mangaramoti bangsoNa, Ibana do na mangaturhon
angka pardalanan ni hasiangan on.
R : Hupuji hami ma Ho ale Tuhan Debata na mangaramoti hami rap
dohot bangsonami. Godang do hamaolon hubolus hami, alai
gumodang do asi ni rohaM na mandongani hami.
U : Na manongtong do asi ni roha ni Debata, sai disarihon do hita, diparade
angka sipanganon, ai ingkon mangan angka jolma i jala ingkon adong
dope teba. Sian asi ni roha ni Tuhan i do i tarjalo hita, ala Ibana siramoti
hita, na pinaandar ni Topik Minggu sadari on : DIRAMOTI DEBATA DO
BANGSONA. Antong gok las ni roha ma hita, marolopolop pasahat
pujipujian tu Tuhanta!
02. Marende BE No. 754 : 1,3,5 “GOK LAS NI ROHA DO AU” BL 754
 Gok las ni roha do au di ngolungkon, di ngolungkon, di ngolungkon
Gok las ni roha do au di ngolungkon, tongtong di ngolungkon
Mauliate, gok las ni roha, maringan holongMi Tuhan di au
Mauliate, gok las ni roha, maringan holongMi Tuhan di au
 Gok do holong ni Jesus di ngolungkon, di ngolungkon, di ngolungkon
Gok do holong ni Jesus di ngolungkon, tongtong di ngolungkon
Mauliate, gok las ni roha, maringan holongMi Tuhan di au
Mauliate, gok las ni roha, maringan holongMi Tuhan di au
-----Musik-----
 (…Jongjong…) Marlas ni roha do au di ngolungkon, di ngolungkon, di
ngolungkon
Marlas ni roha do au di ngolungkon, tongtong di ngolungkon
Mauliate, gok las ni roha, maringan holongMi Tuhan di au
Mauliate, gok las ni roha, maringan holongMi Tuhan di au
03. VOTUM – INTROITUS – TANGIANG:
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano on.
Amen. Parangehon hamu ma na tama di Tuhan i, marguru tu sandok lomo
ni rohaNa, marparbuehon parbue marhitehite saluhut ulaon na denggan.

1
 Oloi hamu ma Jahowa marhitehite las ni roha, ro be ma hamu tu joloNa
marhitehite olopolop. Haleluya!
R : (Mangendehon): Haleluya, Haleluya, Haleluya!
U : Martangiang ma hita! Ale Tuhan Debata, Amanami Parasiroha na
sumurung! Sai togihon ma hami tu AnakMu, asa Ibana nampuna hami.
Lehon ma di hami haporseaon na sintong, asa holan Ho sambing
haposannami. Unang loas huriaM marhaposan tu angka na di hasiangan
on, ai holan Ho do haposan dohot haporusan. Sai asi ma rohaM,
patuduhon tu hami dalan tu hatuaon, asa jumpang hami asi ni rohaM na
godang i ala ni Tuhan Jesus Kristus, Tuhannami. Amen.
(Hundul)
04. Marende BE No. 716 : 3 “DI NA MAMOLUS SANDOK NGOLU ON” BL 716
 Ula na denggan tu halak sude, songon binaenNa tu ho
Ingot, urupi luhut na gale, gabe parholong ma ho.
Bahen ma ahu parhiteanMu, pasupasuM mabaor ma i
Ale Tuhanhu patupa ma au, baen pasupasu tu dongan sude.
05. PATIK:
U : Tatangihon ma Patik ni Debata di Minggu VIII Dung Trinitatis sadari on,
i ma Patik VIII dohot Lapatanna. Patik Paualuhon : Unang ho
manangko! Dia do lapatan ni i?
R : On do : Ingkon dihabiari rohanta Debata jala ingkon holong
rohanta di Ibana, asa unang hita olo mandobo hepeng ni dongan
jolma, manang mambahen bisukbisuk mangalansumhon boniaga,
ingkon sipagandaon ni rohanta do arta ni dongan jala
siramothononhon.
U : Ima sahatna. Antong rap mangido gogo ma hita sian Tuhan Debata!
R : Ale Tuhan Debata, sai pargogoi ma hami mangulahon na hombar tu
PatikMi. Amen.
06. Marende BE No. 164 : 2 - 3 “O TUHAN JESUS HO RAJANGKU” BL 107
 Godang do dosa ni tanganhu, rohangku pe gok dosa do.
Nang mata pe nang pamatanghu, luhutna i gok dosa do.
Sai sesa nasa dosangki, marhitehite mudarMi

------Jongjong-----
 O Jesus na marasi roha di saluhut pardosa i.
Ondihon hami ai naeng jora do hami mangulahon i
2
 Sai sesa dosanami i, marhitehite mudarMi
07. MANOPOTI DOSA:
U : Tatopoti ma dosanta na godang i tu adopan ni Debata, martangiang ma
hita! Ale Tuhan Debata, Amanami, Parasiroha na sumurung! Na pungu
do hami di joloM martangiang tu Ho; ndada mangasahon hatigorannami,
na mangasahon asi ni rohaM na godang i do.
R : Ale Tuhan Debata, Amanami Parasi ni roha, tu Ho do hami
mangalualuhon angka na masa na hubolus hami di
parngoluonnami dohot bangsonami. Diida Ho do angka na masa di
hami, jala marhoihoi do hami ala hagaleonnami. Jotjot do hami
madabu tu bagasan dosa ala soada pos ni rohanami di
pangaramotionMu di hami. Ale Tuhan, asi ma rohaM mida hami
dohot sandok bangsonami, sesa ma hadosaonnami jala sai ramoti
ma hami.
U : Sai asi ma rohaM mida sandok bangsonami, sesa ma dosanami
saluhutna. Sai sungguli ma rohanami, asa muba roha dohot
pangalahonami.
R : Ale Tuhannami, di hamamasa ni angka parungkilon, dohot
sitaonon di bangsonami, paloas ma hami marroha na ture. Pauba
ma roha dohot pangalahonami na so ture, anggiat songon
pambahenanMi na mangaramoti hami, dohot mangalehon na
denggan di hami, olo ma nang hami patupahon na denggan tu
dongannami dibagasan haporseaon dohot pos ni rohanami tu Ho.
U : Dibahen i pasonang jala apuli ma hami angka na hinophop ni Tuhan
Jesus Kristus, Tuhannami. Amen.
(Martangiang na hohom huhut manghuling Musik/Song Leader
angonangon, BE No. 165 : 4. Na basa do rohaM di au BL 19)
 O Jesus sai tangihon on, sude na jat padao
Lam ias bahen rohangkon, asa sai sonang au
U : Bagabaga ni Debata Taringot tu hasesaan ni dosanta : Songon on
do Hata ni Tuhan Jahowa: Nunga pola hupasisi angka pangalaosim
songon ombun, jala songon ombun manorop angka dosam. Sai mulak
ma ho tu Ahu, ai Ahu do Sipalua ho. Hasangapon ma di Debata na di
ginjang!
R : Amen. (Hundul)
3
08. Marende BE No. 695 : 1 “JESUS TUHANKU DI HO MA AU ON” BL 695
 Jesus Tuhanku di Ho ma au on, asa mangihut tu Ho au tongtong
Gohi rohangku ingani au on, sonang di Ho tongtong
O Tuhan togu ma au, o Tuhan togutogu ma au
Gohi rohangku ingani au on, sonang di Ho tongtong
09. E P I S T E L :
U : Hata ni Debata turpuk Epistel di Minggu sadari on, tarsurat di
Johannes 6 : 25 - 35 : Jadi dung jumpang nasida Ibana di bariba ni tao
i, ninna nasida ma mandok Ibana: Guru, sadihari do ho ro tuson?
R : Dung i ninna Jesus ma mangalusi nasida: Na tutu situtu do na
hudok on tu hamu: Dilului hamu pe Ahu, ndada ala naung dapot
rohamuna tanda i, tung ala ni na bosur i do hamu, na mangan roti i.
U : Unang ma sipanganon na olo salpu ula hamu; alai sipanganon na mian
ro di hangoluan na salelenglelengna, na naeng lehonon ni Anak ni jolma
i tu hamu. Ai Ibana do dihatindangkon Ama i, Debata.
R : Dung i ninna nasida ma mandok Ibana: Dia ma bahenonnami, asa
huula hami angka ulaon lomo ni roha ni Debata?
U : Dung i ninna Jesus ma mangalusi nasida: “Haporseai hamu ma na sinuru
ni Debata; i ma ulaon lomo ni rohana.”
R : Dung i ninna nasida ma: Asa dia ma tanda bahenonMu
siidaonnami, asa tung porsea hami di Ho? Aha diula Ho?
U : Ia ompunami, mangan Manna do di parhorsihan, songon na tarsurat:
"Dilehon do roti sian banua ginjang panganonnasida."
R : Dung i ninna Jesus ma mandok nasida: Na tutu do hatangkon tu
hamu: Apala si Musa mangalehon tu hamu roti na sian banua
ginjang; Damang i do mangalehon di hamu roti na tutu, na sian
banua ginjang.
U : Ai na tuat sian banua ginjang do silehon hangoluan tu portibi on; i do
roti na sian Debata.
R : Gabe didok nasida ma: Sai tong ma lehon tu hami, ale Tuhan, roti
sisongon i!
U : Dung i ninna Jesus ma mandok nasida: Ahu do roti hangoluan i: sandok
na so male be manang ise, naung ro tu Ahu; jala na so tupa be mauas
manang ise, na porsea di Ahu.
Ido sahatna. Martua do angka na tumangihon Hata ni Debata jala na
umpeopsa. Amen.
10. Marende BE No. 15 : 8 - 9 “AUT NA SARIBU HALI GANDA” BL 103
4
  Sai pujiongku do basaMu saleleng na mangolu au
Pasangaponku do goarMu saleleng na marhosa au
Maradu tos pe hosangki, naeng pujiongku sangapMi
------Jongjong-----
 Sai jalo ma ale Tuhanku pamujingkon na hurang i
Di surgo pe padengganonku dung sahat au di lambungMi
Marloksaloksa hali do disi endehononku Ho
11. MANGHATINDANGHON HAPORSEAON:
U : Tahatindangkon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
R : Ahu porsea ……
(Hundul)
12. TINGTING + TANGIANG PANGONDIANON
13. Marende BE No. 504 : 1 - - - “DITOGU TUHAN JESUS AU” BL 344
(Pelean Ia, Ib)
 Ditogu Tuhan Jesus au, i do na mangapuli au
Di ganup dalan nang tung maol, tanganNa do tongtong hu haol
Ditogutogu Jesus au tanganNa sai maniop au
Tongtong ma siseanNa au, paima boi tu surgo lao
 Holom pe angka dalan i di linggom hamatean i
Tiur pe angka ari i, tung guru do di Tuhanki
Ditogutogu Jesus au tanganNa sai maniop au
Tongtong ma siseanNa au, paima boi tu surgo lao
------Musik------
 Gomos ditiop tanganki so tung na silap langkangki
Di nasa parsorionki, Ibana haporusanki
Ditogutogu Jesus au tanganNa sai maniop au
Tongtong ma siseanNa au, paima boi tu surgo lao
14. JAMITA: 2 Rajaraja 4 : 42 - 44
15. Marende BE No. 497 : 1 - - - “DI NA HUMOLSO ROHANGKI” BL 338
(PeL. II: Pusat)
 Di na humolso rohangki pasari hangoluanki
Tibu bolongkononku pe holsongku sasude
Ai i didokkon Jesus i Tuhanta na di surgo i

5
 Na sumarihon ngolum i, denggan sudena i
 Di na huingot hata ni Tuhanta na nidokNa i
Sai sonang ma hamu sude, unang mabiar be
Disi endehononku ma Martua na porsea da
Sai naeng hujamitahon i tu na humolso i
-----Musik----
 Ai gari angka pidong i sai diparmudu Tuhan i
Marabit bungabunga i na denggan na uli
Ai di sarihon Debata nasida na satongkin da
Lam hita na porsea i, tagamon tading i
 Marlas ni roha do au on ai Jesus donganki tongtong
Sai ro do sinondangNa i tongon tu rohangki
Ipe huingot ma tongtong, ndang boi holsoan rohangkon
Ai Damang na di surgo i pasingkop bohalhi
16. PANGUJUNGI: (Jongjong)
U : Tapuji ma Tuhanta i naung mangalehon HataNa tu hita di sadari on, asa
tung tangkas pos ni rohanta tu Ibana, ai Debatanta i do na patupa
halongangan, dalanNa sumarihon hita dohot bangsonta. Mangolu ma
hita di bagasan pos ni roha na manongtong tu Tuhanta.
R : Ale Tuhan Debata, mauliate ma di HataMi naung hutangihon hami
sadari on, sai suanhon ma i di bagasan rohanami, asa tung marpos
ni roha hami holan tu Ho. Pargogoi ma hami mamolus hamaolon
na masa di hasiangan on asa sai monang hami jala pos rohanami
na taruli do hami di haluaon ni tondinami di ari sogot i.
U : Di ragam ni hamaolon na binolus ni bangsonta di partingkian na
parpudi on, torop do hita naung ganggu taringot tu sipanganon
pardagingonta, alai marlas roha ma hita sadari on ai didok Tuhanta i do
tu hita : Ingkon mangan angka jolma i jala ingkon adong dope teba.
Disarihon Debatanta do hita, ala ni i sai pos ma rohanta disi.
R : (Mangendehon BE. 644 : 3 “RO MA HO PARASIROHA” BL 644
 Ganup ari au marutang, na so hagararan au
Ndang tarasam denggan basa na binaenMu na tu au
Sai tarunjun do rohangku maninggalhon holongMi
Sai sahapi ma rohangku, ngolungki di Ho ma i

6
U : Tapasahat ma peleanta tu harajaon ni Debata, martangiang ma
hita! Ale Debata, Amanami na di banua ginjang! Ho do haroroan ni
saluhut silehonlehon na denggan dohot nasa ulibasa na mauliutus.
Hupasahat hami ma sian na nilehonMi tu hami, peleannami tu Ho. Sai
jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga
ni huriaM dohot di portibi on. Buhai ma rohanami marhitehite TondiM,
asa lam hutanda hami godang ni silehonlehonMi tu hami, asa lam girgir
hami mandok mauliate tu Ho, marhitehite Jesus Kristus Tuhannami.
Amen.
R : (Mangendehon) BE No. 204 : 2 “Ndang Tadingkononhu Ho” BL 73
 Nasa na nilehonMi, tondi ro di pamatanghu.
Hosa dohot gogongki, ro di saluhut artanghu.
Hupasahat i tu Ho, na so unsatonhu do.
U : Ale Amanami na di banua ginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami!
Unang hami togihon tu pangunjunan! Palua ma hami sian pangago!
R : (Mangendehon): BE No. 841: 1 “AI HO DO NAMPUNA HARAJAON” BL
841
 Ai Ho do nampuna harajaon, dohot hagogoon.
Ro di hasangapon, saleleng ni lelengna, Amen
U : Pasupasu !
R : (Mangendehon): BE No. 845 “AMEN, AMEN, AMEN” BL
845
 Amen, Amen, Amen.