ACARA NATAL KELUARGA

HURIA HKBP SIGAPITON

24 DESEMBER 2021

THEMA : Debata do haholongan i (1 Johanes 4 : 16)

SUB THEMA : Marhite Pesta Natal on, tapapos ma rohanta di angka holong di angka
dongan, siala Debata naung jumolo manghaholongi hita

IBADAH
1. Joujou marsomba tu Debata: U = Uluan R = Ruas
U : Amang, inang,Naposo bulung, remaja dakdanak sikkola Mingu, sude tahe hita na pungu di
bagas joro on. Jumolo ma pinasahat ma, Selamat Ari Natal!
R : Selamat Ari Natal ma tong di hamu parhalado ni Tuhan i.
U : Marolopolop ma tondinta, di na marningot ari hatutubu ni sipalua i. Las ni roha bolon do
borngin on di tongatonga ni saluhut halak Kristen. Beta ma hita marsomba di adopanNa,
taendehon ma GoarNa, ai nunga dipatongon Kristus na gabe partanobatoan ni hatuaonta.
R : Marolopolop do rohanami mandapothon Jesus naung tubu i, taolophon ma Ibana
marhite pujipujian dohot unduk ni rohanta. Beta ma, taendehon ma pujipujian, ai
nunga dipalua hita sian nasa dosa dohot pangalaosionta.
Pagalak Lilin (Diiringi musik BE. No. 54:1-2)
a. Parjamita d. Ina
b. Parhalado e. Naposo
c. Ama f. Singkola Minggu
U: Antong ale angka dongan, taparade ma dirinta tasomba ma Tuhanta i di bagasan las ni roha.
Tabaritahon ma: “Nunga tubu Kristus, nunga songgop hadameon, asa saluhut jolma taruli
di las ni roha naung pinarade ni Kristus. Marende ma hita!
2. Marende BE. No. 598 : 1-3 “Bege Ende Ni Suruan” BL.598
♫ Bege ende ni suruan, sangap ma di Tuhan i
Nunga tubu Sipalua Raja Sipardame i
Dipadame Debatanta do diriNa tu pardosa
Nunga tubu Kristus i di huta Betlehem i
Ende ni suruan i, sangap ma di Tuhan i
♫ Kristus Raja sian surgo tuat tu portibi on
Tubu sian si Maria lao manobus hita on
Debata na so tarida gabe daging songon hita
Nunga raphon hita be Jesus i, Immanuel
Ende ni suruan i, sangap ma di Tuhan i
---Musik---
♫ (Jongjong) Jesus Raja Hadameon sondang hatigoran i
Panondang ni hangoluan di saluhut jolma i
Dirumari do diriNa lao manobus manisia
___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
 Asa unang mate be ala ni dosana be
Ende ni suruan i, sangap ma di Tuhan i
3. Votum
U :Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni
Tondi Parbadia na tumompa langit dohot tano on. Amen. Nunga patar hangoluan i, jala
nunga huida hami jala nunga huhatindanghon hami dohot hubaritahon hami tu hamu
hangoluan na saleleng ni lelengna, na di lambung ni Ama i hian jala naung patar di hami.
Haleluya!
R :Mangendehon: HALELUYA, HALELUYA, HALELUYA.
U :Martangiang ma hita! Ale Debata, Ama na di banua ginjang! Pujipujian, hasangapon
dohot hamauliateon husombahon hami tu Ho, marningot silehonlehonMi na balga i tu hami
jolma na di pardangolan on, i ma AnakMu, Jesus Kristus, na sinuruM sian banua ginjang
ala ni hami. Gabe na dangol do Ibana jala na pogos, pola tubu Ibana di bara ni pinahan di
Betlehem, asa mamora hami. Sai rajai jala togutogu hami marhitehite TondiM, asa lam
huida hami godang ni holong ni rohaM na pinapatar ni AnakMi. Amen. -Hundul-

4. Marende BE. No. 613 : 1 “Ro Ma Ho O Jesus” BL. 613

♫
Ro ma Ho O Jesus Tuhanki, Ho Raja Sipalua i,
Ro ma Ho tu au O Tuhanki.
5. Liturgi I : Remaja Naposo Kelas I SMP-3 SMP
Prolog : Gok halongangan do pambahen ni Debata, ndang hapingkiran jala ndang habogasan roha
ni Debata. Saluhut do ditompa Debata, langit, tano laut dohot nasa isina. Ditompa do angka
suansuanan, pahanpahanan, dungi jolma. Saluhutna i manjadi do marhite sian hapistaran dohot
hagogoon ni Debata di bagasan huasoNa na badia i. Nuaeng tabege ma liturgi na parjolo.
 1 Musa 1: 1- 2  1 Musa 1: 8
 1 Musa 1: 3  1 Musa 1: 11
 1 Musa 1: 4  1 Musa 1:12-13
 1 Musa 1:5  1 Musa 1: 14-15
 1 Musa 1: 6  1 Musa 1: 16
 1 Musa 1: 7  1 Musa 1: 17-19
6. Marende BE. No. 48 : 1, 6 “Riama Hita Sasude“ BL.16
♫ Ria ma hita sasude mamuji Debata
Girgir ma parendenta be, ai i do na tama, ai i do na tama
♫ Antong hamuna sasude pardosa na tungki
Sai ungkap rohamuna be manjangkon Jesus i, manjangkon Jesus i
7. Liturgi II : Remaja Naposo Kelas 1 SMA- Tamat
 1 Musa 1: 20  1 Musa 1: 24
 1 Musa 1: 21  1 Musa 1: 25
 1 Musa 1: 22-23  1 Musa 1: 26
___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
  1 Musa 1: 27  1 Musa 1: 29
 1 Musa 1: 28  1 Musa 1: 30-31
8. Marende BE. No. 194 : 1 - 2 “Aut So Asi Roham” BL. 62
♫ Aut so asi rohaM, aut so godang basaM, tu dia au?
Alai dibaen basaM, dohot asi rohaM, tu surgo au
♫ Mauliate ma, di Ho o Debata, ala basaM
Sibahen dalan i, marhite AnakMi, tu banuaM
9. Liturgi III
10. Marende BE. No. 608 : 1 - 2 “O Betlehem Na Metmet I” BL.608
♫ O Betlehem na metmet i, boasa modom ho,
Humirdophirdop bintang i, hohom marnida ho.
Alai ro sian ho do, panondang na tongtong
Na pinarsinta nasailaon, sorang di borngin on.
♫ Na sorang do di borngin i, Kristus Tuhanta i,
I do na pinaboa ni, bintang na tiur i.
Parangan pardisurgo, mamaritahon i,
Sangap di Debatanta i, dame di tano on.
11. Liturgi IV
12. Marende BE. No. 608 : 1 - 2 “O Betlehem Na Metmet I” BL.608
O Betlehem na metmet i, boasa modom ho,
Humirdophirdop bintang i, hohom marnida ho.
Alai ro sian ho do, panondang na tongtong
Na pinarsinta nasailaon, sorang di borngin on.
(Jongjong)
Na sorang do di borngin i, Kristus Tuhanta i,
I do na pinaboa ni, bintang na tiur i.
Parangan pardisurgo, mamaritahon i,
Sangap di Debatanta i, dame di tano on.
13. TANGIANG MANOPOTI DOSA DOHOT BAGABAGA NI DEBATA
U :Martangiang ma hita! Ale Tuhan Debata, Ama ni Tuhannami Jesus Kristus, Ho do Debata
pargogo na so hatudosan, sitompa nasa na adong, paruhum na tigor, na manguhumi jolma
manisia!
R :Na ro do hami tu joloM manopoti dosanami, angka na huula hami marhite sian
pangalaosionnami di PatikMu, i ma marhite sian tubutubu ni rohanami.
U :Na tama situtu do hona uhum hami ala ni dosanami i, alai na tarsolsol bagi do hami nuaeng
ala ni i. Asi ma rohaM di hami, ale Debatanami.
R : Pardengganbasa jala Parasiroha do Ho ala ni Anak haholongan ni rohaM, Tuhan
Jesus Kristus Tuhannami. Sai sesa ma dosanami saluhutna, jala suru ma Tondi
Parbadia tu rohanami be, asa tarbahen hami mangoloi Ho di bagasan hatigoran dohot
___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
 habadiaon, gabe sahat hami tu hangoluan naso ra suda, na pinarbagabagaM di angka
na porsea di AnakMu, Tuhan Jesus Kristus, Tuhannami.
U :Amen.

U : Bagabaga ni Debata taringot tu hasesaan ni dosanta: Songon on do Hata ni Tuhan Jahowa:

Nunga diarsahi ho Ahu marhite sian angka dosam, jala nunga dilojai ho Ahu marhite sian
angka hajahatonmu. Ahu tutu, Ahu sandiri manalesei angka pangalaosim ala ni hadirionKu,
jala ndang be Hupaingotingot angka dosam. Hasangapon ma di Debata na di ginjang!
R :Amen.
11. Manghatindanghon Haporseaon:
U : Tahatindanghon ma haporseaonta i songon na hinatindanghon ni donganta sahaporseaon
di sandok portibi on. Rap ma hita mandok !
U/R: Ahu porsea di Debata Jahowa ….. du. Amen.
(Hundul)
12. Tingting + Tangiang Pangondianon

13. Marende sian BE. 600 : 1…. “Diborngin na Sasada i” BL.600 (Papungu Pelean Ia,Ib)
♫ Di borngin na sasada i, tarbege ende ni
Parangan Pardisurgo i, pasangap Tuhan i,
Naung tubu do di borngin i,
Tuhanta Jesus i, i do binaritahon ni surusuruan i.
♫ Suruan i marende do di borngin na holom,
Mamaritahon dame i, tu liat tano on,
Habongna di paherbang do, tu hita jolma on,
Luhut nasida rap mandok: “Dame di tano on”.
---Musik---
♫ Sai dipatunduk dosa i, huhut tinompaMi,
Sai naeng disoadahon do, barita dame i,
Antong hamu pardosa i pauba rohami
Tangihon ni endehon ni suru-suruan i

♫ Hamu angka na loja i jala na sorat i

Binaen ni angka dosami dapothon Tuhan i,
Tingganghon hinolsohonmi, tu Sipalua i,
Auhon niendehon ni, Surusuruan i.
---Musik---
♫ Ai nunga gok be tingki ni, na pinarbaga i,
Ai nunga ro Mesias i, Sitobus jolma i,
Hombar tu pinaboa ni, Surusuruan i,
Tasomba Sipalua i, raphon Suruan i.
___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
14. JAMITA: Psalmen 147 : 1 - 11
15. Marende BE. No. 615 : 1… “Tarbege Surusuruan Marende” BL.615 (Papungu Pelean
tu STT/ Sikola Pandita HKBP)
♫ Tarbege surusuruan, marende mansai uli.
Angka dolok dohot rura, gok do saringar na i.
Ref: Sangap ma, sangap ma di Tuhan
sangap ma, sangap ma di Tuhan.
♫ Las roham ale parmahan, nunga tubu Kristus i
Rap marende ma hamuna, pasangaphon Raja i.
Ref: Sangap ma……

♫ Borhat ma hamu marnida, tu huta Betlehem i,

Somba Kristus Sipalua, na imbaru tubu i.
Ref: Sangap ma……
---Musik---
♫ Ida ma di panggagatan, Sipalua na ro i.
Sigomgomi parluhutan, langit dohot tano i.
Ref: Sangap ma……

16. PANGUJUNGI : Jongjong

U: Hamu angka haholongan! Tanda naung tubu Jesus i, endehon ma Jahowa ai ibana do
pardenggan basa na paluohon jala paulihon.
R: Tajanghon ma sipalua i di ngolunta, asa ro Ibana pasabam rohanta jala
pamalum mangalilit bugang ni rohanta asa dohot hita manghatindanghon
Debata do tama pujipujion.
U: Endehon ma Jahowa ai Ibana do panompa na marmuduhon na tinompa na i.
R : Diatur Debata, langit, tano, laut nang angka hajanghajang dohot sude angka na
di bagasanna mansai uli. Saluhutna i ditanda Debata. Ibana ma tama
sipujipujion.
U : Endehon ma Jahowa di bagasan haserepon dohot olopolop.
R : Las ma rohanta, margogo jala monang ma hita, manang aha pe na masa ai
nunga ro sipalua manopot hita pardosa na dangol on, asa sumuang parsaoranta
dohot Debata panompa na burju i.

U: Nuaeng pe, tapasahat ma peleanta tu harajaon ni Debata, martangiang ma hita! Ale

Debata, Amanami na di banua ginjang, Ho do haroroan ni saluhut silehonlehon na
denggan dohot nasa ulibasa na mauliutus. Hupasahat hami ma sian na nilehonMi tu
hami, peleannami tu Ho. Sai jalo ma i gabe uap na hushus di joloM. Pasupasu ma i jala
ramoti asa huparhaseang hami pelean on, patimbulhon harajaonMu di tongatonga ni
___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
 huriaM dohot di portibi on. Buhai ma rohanami marhitehite TondiM, asa lam hutanda
hami godang ni silehonlehonMi tu hami, asa lam girgir hami mandok mauliate tu Ho,
marhitehite Jesus Kristus Tuhannami. Amen.

R : (Mangendehon) BE. No. 204 : 2 “Ndang Tadinghononhu Ho” BL.73

♫♪♫ Nasa na nilehonMi, tondi ro di pamatanghu.
Hosa dohot gogongki, ro di saluhut artangku.
Hupasahat i tu Ho, na so unsatonhu do.

U: Ale Amanami na di banua ginjang! Sai pinarbadia ma goarMu! Sai ro ma harajaonMu!

Sai saut ma lomo ni rohaM di banua tonga on songon na di banua ginjang! Lehon ma tu
hami sadari on hangoluan siapari! Sesa ma dosanami songon panesanami di dosa ni
dongan na mardosa tu hami! Unang hami togihon tu pangunjunan! Palua ma hami sian
pangago!

R : (Mangendehon):
♫♪♫ Ai Ho do nampuna harajaon dohot hagogoon ro di hasangapon
saleleng ni lelengna. Amen!

U : Tangiang Pasupasu.

R : (Mangendehon) Amen, Amen, Amen.

___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________