NATAL

PUNGUAN RAJA SIANIPAR

DOHOT BORUNA
SEKTOR XV MEDAN TIMUR
THEMA:
“HASANGAPON MA DI DEBATA DAME MA DI TANO ON”
SUB THEMA
NATAL MAMBOAN DAME DI PUNGUAN RAJA SIANIPAR DOHOT BORUNA
SEKTOR 15 MEDAN TIMUR

GKPI JEMAAT KHUSUS

SAMPALI MEDAN
09 DESEMBER 2023
 THEMA
“HASANGAPON MA DI DEBATA DAME MA DI TANO ON”

“NATAL MAMBOAN DAME DI PUNGUAN RAJA SIANIPAR DOHOT

BORUNA SEKTOR 15 MEDAN TIMUR”

1. ENDE NO. 57:1 dan 3 “NUNGA JUMPANG MUSE”

1. Nunga jumpang muse ari pesta I,
Hatutubuni Tuhanta Jesus I
Tuat do ibana sian surgo I, mebat tu hita on,
Hasangapon di Debata, dame, damema di jolma,
Las ni rohani Debata , hajolmaon muse.
3. Somba nami ma di ho na tubu on,
Ho si boan dame tu portibi on
Sai pasaorhon ma tu roha nami on, damemi, o Jesus! Hasangapon di Debata,
dame, damema di jolma
Las ni rohani Debata , hajolmaon muse.

2. KATA SAMBUTAN :
- Ketua Panitia Natal : J. Sianipar Br Simanjuntak
- Ketua BPH : J Sianipar Br Siregar
- Penasehat : B Sianipar Br Pasaribu
- Pengurus Kotamadya : Ir. D Sianipar Br Tobing
- Tamu Undangan : - Landen Marbun
Rancang T Sitompul
Maruli Siahaan

3. VOTUM/ INTROTIUS
P : Asi ni roha ni Tuhanta Jesus Kristus dohot Dame na sian Debata Ama
marhitehite Tondi parbadia, ima na tongtong mandongani hita ro
disalelengnilelengna. Amen
J : Ai nunga tubu di hita sada posoposo. Dilehon tu hita sada Anak.
P : Pampe tu abaraNa do sogotharajaon. Jala bahenonna GoarNa :
J : sipartahi Haholongan, siulubalang ni Debata, Ama
salelengnilelelengna, Raja ni hadameon i. haleluya!
 P : Martangiang ma hita. Ale Tuhan Debata, Amanami na di Banua
Ginjang, puji pujian, hasangapon dohot mauliate ma husombaon
rohanami tu JoloM, marningot SilehonlehonMu na balga I tu hami na
hinaholonganMu. Gabe na dangol do ibana jala pogos, pola tubu Ibana
di bara nni pinahan asa lam huida jala hudai hami, godang asi dohot
holong ni rohaM di hami, na pinapatarMi tu hami marhitehite Tuhan
Jesus Kristus Tuhannami, Amen.

4. PAGALAK LILIN NATAL HUHUT MARENDE (BE NO. 54)

1. Parjamita, 2. Mewakili Dakdanak
3. Mewakili Anggota (Ina) 4. Mewakili Anggota (Ama)
5. Panitia 6. Pengurus,
7. Penasehat

ENDE NO. 54 :1-2 “SONANG NI BORNGINNA I”

1. Sonang ni bornginna i Uju ro Jesus i
Sonang modom do halak sude Holan dua na dungo dope
Mangingani AnakNa Jesus Tuhantai
2. Denggan ni bornginna i Uju ro Jesus i .
Tu parmahan di Betlehem i.Dipaboa na di surgo i
Nunga ro Sipangolu Jesus Tuhanta i

5. ENDE NO 52 : 1-2 “HATUAON DO”

1. Hatuaon do las ni roha do, hatutubu ni Jesus i
Mago do jolma ro ma Tuhanta, las be, las be ma rohanta i
2. hatuaon do las ni roha do, hatutubu ni Jesus i
Domu do hita tu Debatanta, las be, las be ma rohanta i

6. LITURGI ANGKA NA SIKKOLA MINGGU

7. ENDE BE. NO. 598:1 “BEGE ENDE NI SURUAN”

Bege ende ni suruan, sangap ma di Tuhan i.
Nunga tubu Sipalua, Raja si pardame i.
Di padame Debatanta do diriNa tu pardosa.
Nunga tubu Kristus i di huta Betlehem i
Ende ni suruan i, sangap ma di Tuhan i.
8. LITURGI I. PANOMPAON
Prolog: Di mulana i, denggan do sude. Ndang adong na hurang. Debata do na
manompa hita tumiru rupa-Na. Tung saluhut do dipeakhon Debata hombar tu
angka lapatanna be, asa mangolu jolma i jala marsangap ma Debata.
1. Psalmen 148:1-3 Keluarga E. Sianipar Br Purba
2 Psalmen 148:4-6 Keluarga N. Simanjuntak Br Sianipar
3. Psalmen 148:7-9 Keluarga F Tambunan Br sianipar
4. Psalmen 148:10-13 Keluarga B Sianipar Br Sihite

9. ENDE BE. NO. 61:2-3 NA TAU LAS NI ROHA

1. Tung godang do dosa pangunjunan pe/
Mangarsahi hita paima mate be,
mangarsahi hita paima mate be
2. Na so tarhatahon hamagoan i/
Aut so tubu Jesus Sipalua i,
aut so tubu Jesus Sipalua i

10. LITURGI II. NGOLU NA MARLAOK DOSA

Prolog: Alai, dung mangolu jolma i, tubu ma roha na roa di ngoluna. Diulahon
jolma i ma dosa, jala lam mandao ma jolma i sian Debata. Disangahon dope
marsidalian jolma naparjolo i dung disungkun Debata nasida boasa manimbil
sian tona ni Debata.
1. 1 Musa 3:6-8 Keluarga R Munthe Br Sianipar
2. 1 Musa 3:9-11 Keluarga M Sianipar Br Siergar
3. 1 Musa 3:12-15 Keluarga S Turnip Br Sianipar
4. 1 Musa 3:16-19 Keluarga Sintong Sianipar Br Simanjuntak

11. ENDE BE. NO. 61: 6-7 “NATAU LAS NI ROHA”

6. Sai mardongan Jesus hinadenggan ni
Nang tu au patulus halolomoMi
Nang tu au patulus halolomoMi
7. Aut diboto dongan na sai burju Ho
Ra na marrongoman ro manopot Ho,
Ra na marrongoman ro manopot Ho
12. PANOPOTION NI DOSA
(jongjong)
U: Hujou jala husomba hami ma Ho, ale Tuhan Debatanami. Debata ni ruhut,
Debata ni uhum. Di bagasan dosa do hami tubu, jala magodang hami di
bagasan hasalaan. Ale Tuhan Debata, mula ni asi, mula ni basa. Sesa ma
dosanami, na jongjong di jolo ni langgatan-Mu. Na mangido songon galagala
sitelluk, telluk mardaguldagul. Na sala na hutuhuk, nanget huapulapul. Asi
ma rohaM.
R: Sesa ma dosanami. Asa ias ngolunami songon itak, jala bontar songon hapas.
U: Hujou jala husomba hami ma Ho, ale Tuhan Debatanami. Mula ni denggan,
mula ni uli, asa denggan jala uli ngolunami. Sesa ma dosanami, asa sombu
uasnami sian aek hangoluan, na pinaradeM tu hami marhitehite sampuran ni
holong-Mu. Marhitehite asi ni rohaM, sai tambortambori ma tano na limbi,
jala sihorsihori bulu na manipi, asa mabaor sudena asi nang sude pasupasu
na uli songon udan nene. Asi ma rohaM.
R: Sesa ma dosanami. Asa ias ngolunami songon itak, jala bontar songon hapas.
U+R: Marende BE No. 681:1 “ALEAMANG ASI ROHAM”
(Satonga Suara)
Ale Amang asi rohaM di au pardosa on.
Unduk do rohangkon nuaeng marsomba di joloM.
Unang jujur, unang jujur angka dosangki.
Sai salpuhon, sai salpuhon sian rohaMi.
U: Martangiang ma hita di bagasan rohanta be…
Baga-baga ni Debata taringot hasesaan ni dosanta:

Songon on do hata ni Debata: “Buhaanna ma disi mata ni halak na mapitung,

jala marbinege bahenonna pinggol ni angka na nengel. Dapotan hilas dohot
las ni roha do nasida, maporus ma angka arsak dohot hoihoi. Ndang be male
nasida, ndang be mauas, ndang be ditinggang las ni ari nasida. Jadi apusan ni
Debata ma nasa iluilu sian mata nasida, ndang adong be hamatean nang
arsak ni roha; nang anggukangguk, nang na hansit, ndang adong be disi, ai
nunga salpu sudena i”. Amen.
(hundul)
13. ENDE BE. NO. 616:1-2
“ULI NA I DI BORNGIN NA BADIA”
1. Uli na i di borngin na badia, humirdophirdop do bintang disi.
Di borngin i do tubu Sipalua di panggagatan di Betlehem i. Portibi on dangol
gok haholomon, marnida sondang ni Tuhanta i. Uli na i marende do suruan,
di borngin i do tubu Kristus i, di borngin i do tubu Kristus i.
2. Sian na dao parroha sian purba, ro do tinogihon ni bintang i. Marsinggang be
nasida lao marsomba, tu Jesus Kristus Sipalua i. Ibana ro sian banua ginjang,
lao paluahon hita jolma i. Uli na i marende do suruan, di borngin i do tubu
Kristus i, di borngin i do tubu Kristus i.

14. LITURGI III. BAGA-BAGA HALUAON

Prolog: Ndang adong na tigor nanggo sada, ndang adong na marroha, na usouso
di Debata. Saluhut jolma nunga manimbil, tung sange do nasida marroha mago
ndang adong sibahen na denggan nanggo sada, Alai nang pe songon i, sai
marpamuati do roha-Na tu angka sipardosa, dibagabagahon angka panurirang do
haluaon i!
1. Yesaya 60:1-3 Keluarga B Sianipar Br Simanuntak
2. Yesaya 61:1-4 Keluarga Tulus Simanjuntak Br Sianipar
3. Mika 5:1-3 Keluarga Ny A Sianipar Br Gultom
4. Maleaki 3:15-17 Keluarga Tulus Sianipar Br Naibaho

15. ENDE NO. 62:1-2 “HALALAS NI ROHA GODANG”

1. Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
2. Ai saborngin on do binsar bintang di na holom i.
Sumondangi hagolapon, na di rohanta i.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.

16. LITURGI IV. GABE DAGING MA HATA I

 (BARITA NATAL)
Prolog: Songon naung dibagabagahon sian na robi, na ro ma sahalak Sipalua
jolma sian hadosaon. Hinorhon ni parenta pamilangan ni Kesar Augustus, gabe
borhat ma si Josep dohot si Maria naung gabegabean i mulak tu huta ompu
nasida. Dung sahat nasida di Betlehem, gok ma ari ni hangoluanna, laos di
borgin i ma tubu Sipalua i. Di panggagaton do dipeakhon, ala so adong inganan
na asing di parmianannasida.
1. Lukas 2:1-3 Keluarga Ir W S P Sianipar Br Sinaga
2. Lukas 2:4-7 Keluarga Ny J Sianipar Br Lubis
3. Lukas 2:8-11 Keluarga M Malau Br Sianipar
4. Lukas 2:12-14 Keluarga J Sianipar Br Pasaribu (+)

17. KOOR SIANIPAR SEKTOR 15 (ENDE NAIMBARU)

18. ENDE NO. 53:1-2 “DI BETLEHEM DO TUBU”

1. Di Betlehem do tubu Di hita Anak i I do sian na burju
Hupilllit Rajangki, i do, i do, Hupilllit Rajangki
2. Tu holong ni rohaNa Hubonom rohangkon
Hulehon di Ibana Sude na di au on Olo, olo, sude na di au on

19. LITURGI V. PANGAJARION SIAN SIPALUA

Prolog: Unang jolo siburinsak asa porapora, unang jolo hona insak asa pinauba
roha. Ngolu-Na saleleng 33 taon di portibion manadinghon angka tona nauli
songon dalan-Na lao paubahon rohanta, jala mangaramoti ngolu ni angka na
porsea saleleng adong dope portibion. Tatangihon ma angka poda-Na, jala
tapeop ma lao marsaor tu Ibana.
1. Mateus 5:1-3 Keluarga L M Sianipar Br Tampubolon
2. Mateus 5:4-6 Keluarga Ny Y Marbun Br Sianipar
3. Mateus 5:7-10 Keluarga Ny Sianipar Br Simangunsong
4. Mateus 5:11-13 Keluarga E Simatupang Br Sianipar
5. Mateus 5:14-16 Keluarga St. Janter Sianipar Br Siamnjuntak

20. ENDE NO. 53:4-6 “DI BETLEHEM DO TUBU”

 4. Burju naeng lehononku Di Ho rohangkinon Asi rohaM Tuhanku
Urupi au tongtong. Olo, olo, urupi au tongtong
5. Partohap di dagingku Ho Debata hian Tu Ho naeng au mardomu Ho, artangki
hian. Olo,olo, ho artangki hian
6. Sai unang sirang hita Momosi ihot i Di holong ni rohanta
O Jesus, Tuhanki. Sai tong, sai tong di Ho ma rohangki.

21. LITURGI VI. PARSAORAN NI ANGKA NA PORSEA

Prolog: Nunga saor be panondang bolon dohot hita. Molo dilehon Debata tu hita
sada silehonlehon na arga dibagasan ngolunta, ima Jesus Kristus Anak
haholongan-Na i, aha ma naung talehon songon sada pelean na arga tu Debata?
1. Psalmen 133:1-3 Pengurus Ketua Sektor Medan Timur
2. Johanes 15:9-11 Pengurus Sekertaris
5. Johanes 15:12-14 Pengurus Bendahara

22. ENDE NO. 46:1-3 “NA SIAN GINJANG DO AU RO”

1. Na sian ginjang do au ro Barita na imbaru do
Huhut na uli situtu Huboan tu sude hamu
2. Naung tubu do saborngin on Anak ni na marbaju on
Anak na uli situtu Na gabe las ni rohamu
3. I ma Tuhanmu Kristus i Na ro mangontok jea i
Silehon tua di hamu Huhut sisesa dosamu

23. TANGIANG PANGONDIANON : St. I A Panggabean

24. KOOR SIANIPAR SEKTOR 15
25. ENDE NO. 178:1-2 “RO MA TU JESUS”
1. Ro ma tu Jesus ro ma tibu bege hataNa jangkon burju
Na ro do Jesus pangolu ho Asal porsea ho
Mansai las rohanta i muse Molo ias sian dosa pe
Sai ro ma hita tu surgo i Laos sonang ma disi
2. Ro ma tu Jesus undukkon ma PambahenanMu na so tama
Naeng sesaonNa do dosaMi Dibaen mudarNa i
Mansai las rohanta i muse Molo ias sian dosa pe
Sai ro ma hita tu surgo i Laos sonang ma disi

26. RENUNGAN/ JAMITA

27. ENDE BE NO. 52 : 1-3 “HATUAON DO”
(Papungu Pelean)
1. Hatuaon do, las ni roha do, hatutubu ni Jesus i!
:,:Mago do jolma ro ma Tuhanta, las be, las be ma rohanta i:,:
2. Hatuaon do, las ni roha do, hatutubu ni Jesus i!
:,:Domu do hita tu Debatanta, las be, las be ma rohanta i:,:
3. Hatuaon do, las ni roha do, hatutubu ni Jesus i!
:,:Las ma rohanta mida Tuhanta, las be, las be ma rohanta i:,:
(Jongjong)
28. TANGIANG PELEAN, ALE AMANAMI, PASUPASU
Amen – Amen – Amen

29. ACARA HIBURAN DAN LUCKY DRAW