PARTANGIANGAN PANUTUP PEMBEKALAN PARHALADO

HKBP SA RESSORT BANDUNG BARAT DISTRIK XVIII JABARTENGDIY

Liturgis :
Jamita & Tangiang Pangondianon :

1. PANGARADEON
L : Hamu amanami, inanami, hahaanggi pinaribot na hinaholongan ni Tuhan Jesus
Kristus. Martiti be do saluhutna, martingki do na manghatai dohot na hohom,
martingki do na mangula siulaon, songon I nang na mangulon. Nuaeng, on ma
tingkina, paujungonta ma Pembekalan Parhalado HKBP sa Ressort Bandung
Barat on.
R : Marsangap ma Debata di saluhut na tahatai dohot na taparungkilhon di
Pembekalan Parhalado on.
L : Di bagasan unduk dohot serep ni roha, ro ma hita marsomba tu joloNa,
tapasangap ma Ibana na umpasupasuhon ragam ni pasupasu tu hita saluhutna.
Di bagasan Ibana do dapot hita hangoluan dohot gogo mardapotdapot.
R : (mangendehon) BE. No. 23 : 1 + 3 “ Jesus hami ro dison “
1. Jesus hami ro dison, asa masihangoluan
I pe ro ma Ho tuson, jala baen ma pardomuan
Ni TondiM tu tondinami, unang mampar rohanami
----- jongjong -----
3. Sondang sian Debata, hatiuron sian ginjang
Baen ture sondangi ma, rohanami asa sonang
Lao manjalo hangoluan, pinatupaMi o Tuhan
2. VOTUM INTROITUS – TANGIANG
L : Marhitehite Goar ni Debata Ama dohot goar ni AnakNa Tuhan Jesus Kristus
dohot goar ni Tondi Parbadia na tumompa langit dohot tano on, Amen. Martua
ma jolma na mambahen Jahowa haposanNa, jala na so olo marbalik paihuthon
angka siginjang roha dohot na paulaula gabus.
R : Dipangido rohangku do patupahon lomo ni rohaM, ale Debatangku, jala
diparsitongaan ni rohangku do patikMi.
L : Haleluya…. Martangiang ma hita !
Ale Debatanami nag ok asi ni roha. Mauliate ma rohanami tu Ho, ala dipasupasu
Ho do Pembekalan Parhalado on, denggan mardalan sian na mamungka sahat
di tingki on. Dilehon Ho do hami gogo, hahipason, pingkiran na torang, gabe
tarbahen hami mamparungkilhon angka na masa di masyarakat dohot
dipanghobasionnami di huriaM. Pasupasu ma hami nang di na laho patulushon
angka naung diputushon hami di Pembekalan Parhalado on, bahen sangap di
 goarMu, jala las ni roha di sude ruas ni HuriaM, marhite Jesus Kristus
Tuhannami, Amen. (hundul)
3. MARENDE BE. NO. 715 : 2 “ BALGA DO HOLONGMI “
2. Baen ma au pangoloi haposanMi.
Marhobas di joloM, burju tongtong
Patar ma holongMi di pambahenanki
Manogu dongan i tu Tuhanki.
4. RAP MARHAPOSAN TU DEBATA
L : Hita ruas ni Pembekalan Parhalado HKBP sa Ressort Bandung Barat,
tahamauliatehon ma tu Debata ala naung denggan mardalan Pembekalan
Parhalado on. Tangkas do okuhononta.
R : ASI NI ROHA NI DEBATA DO NA PATAUHON HITA MANDOHOTI
PEMBEKALAN PARHALADO ON SIAN NA MAMUNGKA SAHAT TU NA
PAUJUNGHON.
L : Nunga dibohali hita marhite angka naung taparungkilhon dohot na taputushon di
pembekalan parhalado on. Boha, nunga tangkas hita marpos ni roha jala
marhatopothon Debata do hatuaonta dohot angka hamaolon na taadopi , tongtong
ma hita ro tu adopan ni Tuhan, mangokuhon “ Debata do Hagogoonhu,
hatuaonhu, pujipujionhu, ndang mabiar ahu “ . Jala borhat ma hita paposhon
roha ni ruas ni hurianta angka na ganggu, na mabiar, asa tangkas nasida
marhatutuhon Debata do hagogoonna, hatuaonna, pujipujionna, jala Kristus
panungkunanna di ngoluna.
R : (mangendehon) BE. No. 658 : 3 “ Tu portibi on na rundut “
3. Hata i baen sitiopan di dalanmi,
Kristus i baen panungkunan di ngolumi.
Sai radoti hatigoran holong dohot hasintongan,
Sasadasa Debatanta haposi ma.
L : Ala ni i, tongtong ma hita sanghambona tu Kristus i, ai di bagasan Ibana do
tarparbuehon hita angka ulaon na denggan tau lomo ni rohaNa. Hangoluhononta
ma nidok ni Hata i : “ Masiurupan ma hamu mamorsan na dokdok i, ai i do
dalan mangaradoti patik ni Kristus “ (Gal. 6:2). Sahata ma hita dohot angka
dongan parhalado. Dipangalaho ni pangoloion tu Debata, unang ma pulikpulik
pingkiran, unang marsalisi hata dohot roha, unang masigasipan, asa saut na
pinangido ni Tuhan Jesus sian AmaNa di na nidokNa i :
R : “ Sai tongtong ma di goarMu nasida na nilehonMi tu Ahu, asa sada nasida
songon hita “.
L : Pos ma rohanta, ai nunga didok Tuhan Jesus di HataNa : “ Ai ida ma, sai na
dongananHu do hamu ganup ari, rasirasa ro ajal ni hasiangan on “ (Mat. 28:20b).
Amen.
5. MARENDE BE. NO. 481 : 2 “ GODANG DOPE “
2. Tuhanta Jesus tiruanmu do. Na holong roha di au nang di ho;
Ai diseahon do diriNa i, Singkatta lao tu hamatean i,
Ndang na dialang holong roha i, ai naeng di hita hangoluan i.
6. JAMITA & TANGIANG PANGONDIANON
7. MARENDE BE. NO. 716 : 1 “ DI NA MAMOLUS SANDOK … “
1. Di na mamolus sandok ngolu on, gok do na marsak gale.
Boan sinondang tu na holom i, asa margogo muse.
Bahen ma ahu parhiteanMu, pasupasuM mabaor ma i
Ale Tuhan hu patupa ma au, baen pasupasu tu dongan sude.
8. MANUTUP PEMBEKALAN PARHALADO
Praeses :
Hamu ruas ni Pembekalan Parhalado HKBP sa Ressort Bandung Barat na
hinaholongan. Nungnga denggan mardalan Pembekalan Parhalado HKBP sa Ressort
Bandung Barat ditumpak asi dohot holong ni roha ni Tuhanta. Nuaeng mangasahon
asi ni roha ni Tuhan Jesus Kristus, hututup ma Pembekalan Parhalado on, marhitehite
Goar ni Debata Ama, AnakNa Tuhan Jesus Kristus, dohot Tondi Parbadia, Amen!
(PALU DIKETOK 3 HALI)
9. MARENDE BE. NO. 691 : 1 “ HUPASAHAT MA TU JESUS “
1. Hupasahat ma tu Jesus, saluhutna ngolungki,
Roha nang pambahenanku, saluhutna tingkingki
Hupasahat ma tu Jesus, saluhutna diringki,
Hupasahat ma tu Jesus, saluhutna ngolungki.
10. Panghobasion Marulaon Nabadia
a. Marende BE. No. 152 : 1 “ Jesus na mamorsan “ BL. 120
1. Jesus na mamorsan dosa ni portibi on, pangolu hami.
Jesus na mamorsan dosa ni portibi on, pangolu hami.
Jesus na mamorsan dosa ni portibi on, sai pasonang hami, Amen, Amen, Amen
b. Agenda
c. Marende BE. No. 153 : 1 “ O Jesus naung sineat “
1. O Jesus naung sineat, di hau na pinarsilang.
RohaM tongtong daulat, nang uju Ho tarsilang.
Marutang hosa hami, ditaon Ho dosanami, Asi rohaM o Jesus.
d. Tona padirihon Parpadanan Nabadia
Manganhon Parpadanan i, huhut marende :
 1. Marende BE. No. 154 : 1 -2 “ Sai palinggas ho “ BL. 190
1. Sai palinggas ho tondingku, sai tadingkon ma arsakmu.
Ro ma ho tu hatorangan, asa dapot hasonangan.
Ai tarontang ho saonari, tu haroan na badia,
Na manggomgom parluhutan, naeng tu ho do maringanan.
2. Sai ringkoti ma manomu, na pangolu Ho tondingku
Na manuktuk do Ibana, di roham dibaen hataNa.
Ungkap pintu ni rohamu, asa bongot ma Rajamu,
Dok: Ingani ma rohangku, unang be tadingkononMu.
2. Marende BE. No. 449 : 1 – 3 “ Sai solhot tu silangMi “ BL. 300
1. Sai solhot tu silangMi, Jesus ingananku.
Mual na mabaor disi, i ma inumonku
SilangMi, Tuhanki i ma pujionku,
Paima sogot sahat au, i endehononku.
2. Lao ma au tu silangMi, i haporusanku.
Sai asi ma rohaMi unang tulak ahu.
SilangMi, Tuhanki i ma pujionku,
Paima sogot sahat au, i endehononku.
3. Domu ma tu silangMi, i ma tioponku.
Asa unang lilu au, Ho ihuthononku.
SilangMi, Tuhanki i ma pujionku,
Paima sogot sahat au, i endehononku.
e. Manghamauliatehon Denggan Basa ni Debata
(Agenda) Puji ma Tuhan Debata ale tondingku, jala nasa rohangku di bagasan
mamuji GoarNa na badia….. dst.
f. Marende BE. No. 9 : 1 “ Hupuji holong ni “ (jongjong)
1. Hupuji holong ni rohaMu O Tuhan Jesus rajangki
Tu Ho hulehon ma tondingku Ai i do pinangidoMi
Huhalupahon ma diringku Mamingkir holong ni rohaMu

Tangiang panutup - Pasupasu