ACARA PERAYAAN NATAL

Punguan parsahutaon Masihol kertasuro sekitarnya

Kamis , 07 Desember 2023

TEMA :
Kemuliaan bagi Allah di tempat yg maha tinggi
(Lukas 2 ; 14)

SUB- THEMA:
Dengan semangat Natal, hendaklah punguan parsahutaon Masihol
membawa semangat hidup baru yang lebih PERDULI, BERKOMITMEN,
dan PERCAYA DIRI dalam melayani Tuhan dan sesama.
I. PARHOBASON
BE. HKBP No.616:1 “Uli na i di borgin na badia”
♫♪♫
Uli na i di borgin na badia humirdophirdop do bintang disi. Di borgin i
do tubu Sipalua di panggagatan di Betlehem i. Portibi on dangol gok
haholomon marnida sondang ni Tuhanta i.
II. KATA SAMBUTAN
1. Ketua Natal
2. Ketua parsahutaon Masihol
III. IBADAH ( L: liturgis J: Jemaat S: Sude Pdt:Pendeta )

L: Selamat Ari Natal ma di hita saluhutna! Hamuna dongan sahaporseaon,

tama do hita mandok mauliate tu Jahowa sadarion, ai dipapungu asi ni
rohaNa do hita Punguan parsahutaon masihol kertasuro laho
manghalashon parningotan di ari Hatutubu ni Tuhanta Jesus Kristus,
Beta hamu ma taendehon sangap ni Jahowa, jala tasomba ma Kristus
partanobatoan ni hatuaonta.
J: Ria ma hita mandapothon Jesus naung tubu i, taolophon ma Ibana
marhitehite puji-pujian dohot unduk serep ni rohanta. Beta hamu ma
taendehon ma Jahowa, taolophon ma GoarNa na Badia i.
L: Antong, Taparade ma dirinta asa tasomba Tuhanta i dibagasan dame
dohot las ni roha. Tabaritahon ma hata on: “Nunga tubu Kristus! Nunga
songgop hadameon!” Asa saluhut jolma taruli di las ni roha naung
pinarade ni Kristus. Andorang so tapungka kebaktianta, jumolo ma hita
martangiang dibagasan rohanta be, martangiang ma hita. …Amen.
Marende ma hita!
01. Marende BE No.57:1-3 Nunga Jumpang Muse BL. 202
♫♪♫
Nunga jumpang muse ari pesta i, hatutubu ni Tuhanta Jesus I. Tuat
do Ibana sian surgo i, mebat tu hita on. Hasangapon di Debata,
dame dame ma di jolma Lasniroha ni Debata hajolmaon muse.
♫♪♫
Beta ale dongan tu Betlehem i, itasomba ma dakdanak na disi. Na
tinongos ni Parasi roha i, Debata Ama i. Hasangapon di Debata,
dame dame ma di jolma. Lasniroha ni Debata hajolmaon muse.
--- ayat 3 jongjong---
♫♪♫
Somba nami ma di Ho na tubu on Ho siboan dame tu portibi on. Sai
pasaorhon ma tu rohanami on, dameMi o Jesus. Hasangapon di
Debata, dame dame ma di jolma. Lasniroha ni Debata hajolmaon
muse.

2
02. VOTUM – INTROITUS – TANGIANG
L: Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano on.
S: Amen
L: Marolopolop tu Debata ma ho, ale sandok tano on, endehon hamu ma
hamuliaon ni GoarNa, marmulia ma bahen hamu puji-pujianNa.
J: Pinuji ma Debata Jahowa, sasadasa do mambahen halongangan.
L: Ai naung tubu do di hamu saborngin on, di huta ni si Daud, Sipalua i,
ima Kristus Tuhan i.
J: Pinuji ma Debata Jahowa, sasadasa do mambahen halongangan.
L: Beta hita manungkap dohot marsomba, marsinggang ma hita tu jolo ni
Jahowa Sitompa hita, ai Ibana do Debatanta jala hita bangso na
pinarmahanNa. Pajojor hamu ma di tongatonga ni angka sipelebegu
hamuliaonNa i, di tongatonga ni saluhut bangso angka na binahenNa i.
Haleluya.
S: (Mangendehon) Haleluya, haleluya, haleluya
L: Martangiang ma hita: Ale Tuhan Debata Amanami na di Banua ginjang,
Ama ni Jesus Kristus Tuhannami na tubu di huta Betlehem! Sai pinuji
ma goarMu na badia i, ala naung ditingkir Ho hami bangsoM.
Ditogutogu Ho do hami sian haholomon tu hatiuron, marhitehite
parbarita na Uli, na ro tu tano Batak. Dipadomu Ho do hami, na holang
hian sian Ho, gabe saor muse tu Ho. Gok halalas ni roha do hami ala ni i,
di na nijouM hami laho manghaporseai Ho, asa dapotan hangoluan na
salelenglelengna hami sude Punguan parsahutaon masihol
Nahumaliang dohot di sandok portibi on. Sai jalo ma hamauliateon ni
rohanami, marhitehite AnakMu Tuhan Jesus Kristus Tuhannami. Amen!
---- Hundul ---
03. LITURGI 1
1. keluarga d siregar / inang
2. keluarga St sianipar / inang
3. keluarga pdt y simajuntak / inang

04. Marende BE No.598:2,3 Bege Ende ni Suruan

♫♪♫
Kristus Raja sian surgo tuat tu portibi on. Tubu sian si Maria lao
manobus hita on. Debata na so tarida gabe daging songon hita.
Nunga raphon hita be Jesus i, Immanuel. Ende ni suruan i, sangap
ma di Tuhan i.

3
 ♫♪♫
Jesus Raja Hadameon sondang hatigoran i. Panondang ni hangoluan
di saluhut jolma i. Dirumari do diriNa lao manobus manisia. Asa
unang mate be, ala ni dosana be. Ende ni Suruan i, sangap ma di
Tuhan i.

05 . LITURGI 2
1. keluarga u sitorus / inang
2. keluarga sidabalok / inang
3. inang St W Nainggolan br Hutajulu
4. inang St S Sitanggang br Nainggolan

06. Marende BE No. 51: 1-2 “ Tole Puji ma Tuhanta” B.L 31

♫♪♫
Tole puji ma Tuhanta tu Ibana ma rohanta Asa girgir parendenta ale
dongan Kristen i Ayat 2 ....jongjong …
♫♪♫
Dosa dohot hamatean bolis dohot hamagoan Talu, ala naung diboan
Jesus hangoluan i
07. MANOPOTI DOSA dohot BAGABAGA HASESAAN NI DOSA
L: Punguan Punguan parsahutaon masihol Nahumaliang, jongjong do
hita nuaeng di adopan ni Debata Nabadia, dibagasan unduk dohot serep
ni roha, tatopoti ma dosanta di jolo ni Debata, martangiang ma hita:
Ale Tuhan Debata, Amanami marhitehite AnakMu Tuhan Jesus Kristus,
naung ro manopot hami jolma pardosa tu portibi on. Na ro do hami
nuaeng tu adopanMu manolsoli dohot manopoti dosanami na godang i.
Na jotjot do huarsahi hami Ho marhitehite hata dohot pambahenannami
na so tama. Tama situtu do hami hona uhumMu ala ni angka dosanami i.
Na ro do hami nuaeng tu joloM mangasahon asi ni rohaM mangido tu
Ho: sai unang paingotingot angka dosanami, sai salpuhon ma saluhut
dosanami i sian rohaM.
J: Ro do au nuaeng tu Ho Tuhan, sai palambas ma rohaM, Nunga pola
ro Ho, ala asi ni rohaM, jangkon au na dangol on, sai ulosi
tondingkon
L: Ale Tuhan Debata, Parasi roha jala Partalup ni roha. Di pardalanan ni
ngolunami tung jotjot do huhalupahon hami mangasahon hagogoon
dohot huasoM, dirinami sandiri do sai hupangasahon hami. Gabe jotjot
do hami madabu tu ngolu na marungutungut molo so dapot na tinembak
ni rohanami jala molo masa tu hami parungkilon dohot sitaonon gabe

4
 madabu do hami tu pandelean. Ale Tuhan asi ma rohaM di hami na
dangol on, sai marpangulahi ma rohaM di hagaleonnami.
J: (Mangendehon) BE. BE No. 53 Di Betlehem Do Tubu
Tu holong ni rohaNa hubonom rohangkon
Hulehon di Ibana sude na di au on. Olo, olo, sude na di au on.
L: Ale Tuhan Debata, Pargogo na so hatudosan, Amanami situtu di bagasan
AnakMu, Tuhan Jesus Kristus. Nunga dipatuduhon Ho holong ni rohaM
na so hadodoan i tu hami pardosa marhitehite na disuru Ho AnakMu,
Tuhan Jesus Kristus tu portibi on. Hape tung jotjot situtu do hami ndang
manghamauliatehon holong ni rohaMi marhitehite pambahenan di ngolu
siganup ari. Ndang gabe habaoran ni pasupasuM hami tu dongannami
jolma, ndang huhaholongi hami dongannami doshon dirinami. Sai
huendehon hami do “Burju naeng lehononku di ho rohangkinon”.. hape
aha ma Tuhan na huula hami holan di hata do i, ndang adong
hupatuduhon hami dipambahenannami, Ale Tuhan sai sundati ma
torutoruM asa unang mangonai be tu hami. Sai lehon ma di hami
partingkian paubahon roha jala sai pargogoi ma hami mangulahon na
hombar tu lomo ni rohaM saleleng ni portibi on do pe hami. Ale Tuhan
sai asi ma rohaM di hami, tangihon ma tangiangnami on.
(Manghuling musik sian BE.686 sa-ayat)
L: Tabege ma bagabaga ni Debata taringot tu hasesan ni dosanta: Songon
sintong na mangolu Ahu, ninna Tuhan Jahowa, tung na so lomo do
rohangKu mida hamatean ni parjahat, na lomo do rohangKu mida
hamumulak ni parjahat i, tumadingkon dalanna, asa mangolu ibana,
Hasangapon ma di Debata na di ginjang.
S: Amen. (Hundul)
08. LITURGI 3
1. Ny H Nainggolan br Sinaga
2. Ny Nainggolan br Damanik
3. Amang St manurung
4. op zio silalahi
5. keluarga Amang siagian /br pasaribu
6. Op inggrid tampibolon
09. Marende BE No.52 “Hatuaon Do”
♫♪♫
Hatuaon do las ni roha do hatutubu ni Jesus I. Mago do jolma ro ma
Tuhanta, las be las be ma rohanta i. Mago do jolma ro ma Tuhanta,
las be las be ma rohanta

5
 ♫♪♫
Hatuaon do las ni roha do hatutubu ni Jesus i. Domu do hita tu
Debatanta, las be las be ma rohanta i. Domu do hita tu Debatanta,
las be las be ma rohanta i

10. EPISTEL :
L: Turpuk Epistel Natal Punguan parsahutaon masihol kertasuro
Nahumaliang sadarion ima sian LUKAS 2:10-14. Alai didok
surusuruan i ma tu nasida: Unang mabiar hamu; ai barita halalas ni
roha godang do huboan tu hamuna, parsaulian ni sandok bangso i.
S: Ai naung tubu do di hamu saborngin on, di huta ni si Daud, Sipalua i,
i ma Kristus, Tuhan i!
J: On ma partinandaan di hamu: Posoposo do dapotonmuna, na binorhos
peak di panggagatan.
L: Jala tompu ma adong dongan ni surusuruan i torop angka parangan
parbanua ginjang, dipuji nasida do Debata, mandok: Hasangapon ma
di Debata di ginjang, dame ma di tano on, di angka jolma halomoan i.
I do sahatna, martua do angka na tumangihon hatani Debata jala na
umpeopsa
S: Amen
11. KOOR
12. BE No. 62: 1 Halalas ni Roha Godang B.L 172
♫♪♫ Halalas ni roha godang na hubaritahon on. Nunga tubu Sipalua di
hita jolma on. Hasangapon di Debata, laos dame, dame, dame ma
di jolma. Lomo ni roha ni Debata do hita jolma o
13. Pagalak Lilin :
Pinangidohon ma asa maju tu jolo:
1. Parjamita
2. Ketua parsahutaon
3. Ketua Natal
4. Mewakili Ama
5. Mewakili Ina
6. Mewakili Naposo
7. Mewakili Dakdanak

Dung simpul dipagalak lilin marende ma sian BE No. 54 :1-3

6
 “Sonang ni Borngin na i” BL. 64 (Lampu
dimatikan)
♫♪♫
Sonang ni bornginna i uju ro Jesus i, sonang modom do halak sude.
Holan dua na dungo dope, mangingani anakna….Jesus Tuhantai
♫♪♫
Denggan ni bornginnai uju ro Jesus i, tu parmahan di betlehem I
Dipaboa na di surgoi, nunga ro sipangolu Jesus Tuhantai.
♫♪♫
Godang ni tua disi, di naro Jesus i, tung malua pardosa muse. Sian
hamagoanna sude, ala ro sipangolu Jesus Tuhantai

14. Jamita : Lukas 2; 14

15. Persembahan ( bernyanyi Gita surga bergema )

Gita surga bergema

Gita sorga bergema "Lahir Raja Mulia!"

Damai dan sejahtera
Turun dalam dunia
Bangsa-bangsa bangkitlah
Dan bersoraklah serta
Permaklumkan kabar baik
Lahir Kristus terang ajaib
Gita sorga bergema "Lahir Raja Mulia!"

Raja Damai yang besar

Surya Hidup yang benar
Menyembuhkan dunia
Di naungan sayap-Nya
Tak memandang diri-Nya
Bahkan maut diterima-Nya
Lahir untuk memberi hidup baru abadi
Gita sorga bergema "Lahir Raja Mulia!"

7
16. PARSURUON DI NGOLU SIGANUP ARI
Pdt: Nunga tahalashon hatutubu ni Jesus i di punguanta, punguan
parsahutaon masihol kertasuro Nahumaliang. Andorang so mulak
hita sian parpunguan on, tama do hita marpadan tu Tuhan i, i ma
padan mamaritahon barita haluaon i. Taingot ma pambahen ni angka
parmahan i uju manjalo barita las ni roha i. Mulak do nasida, alai
ndang dipasip nasida barita i, masipandohan do nasida :
J: Beta ma hita tu Betlehem, taida ma na masa on na pinabotohon ni
Tuhan i tu hita.
Pdt: Dung dijalo nasida barita las ni roha i, borhat do angka parmahan i
marsomba tu Jesus. Hita pe tama do sombaonta Ibana marhite hata,
parange dohot parngoluanta. Marhite Pesta Natal Punguan
parsahutaon masihol kertasuro Nahumaliang tama do lam ringgas
hita marsomba tu Ibana jala lam tapatimbul Ibana di rohanta
J: Dipatimbul rohangku do Tuhan i
Pdt: Dung disomba angka parmahan i Jesus na tubu i, dibaritahon nasida
do boaboa hatutubu i. Jala sude na umbegesa longang be do siala na
hinatahon ni angka parmahan i. Hita pe tama do mamaritahon haluaon
na binoan ni Jesus i, asa longang portibi on ala panindangionta.
J: Tuhan, suru ma hami mamaritahon habalgaon ni holongMi.
Pdt: Antong tajangkon ma Jesus tu bagasan rohanta be, asa unang holan
mamestahon hita di ari HatutubuNa, alai naeng ma tubu Jesus i di
angka parange dohot ulaonta be. Amen.

17. TANGIANG DOHOT ENDE PASAHAT PELEAN - PASUPASU –

AMEN (3X)

IV. Hiburan