Acara Partangiangan Syukuran

Pembukaan
Cafe Kopi “TOMPS”
Kel. Mario Sitompul/br Purba

Sabtu, Mei 2023 Jl. Toba II, No. 74 A

 I. Pamuhai (martangiang di bagasan roha)
II. KEBAKTIAN.
01. Joujou dohot pasangaphon Debata di asi ni rohaNa.
U : Tahamauliatehon do denggan basa ni Debata na sai tongtong mangalehon saluhut
pasupasuNa na mangalehon partingkion na uli on di hita. Asi ni rohaNa do na sai
tongtong tahilala, boi hita marparsaonran di ulaon pembukaan Cafe Kopi TOMPS
on, marsangap ma Tuhan i marhite usaha on.
H : Mauliate ma di Tuhan Debata na mangalehon hahipason di hita, Tuhan ma na mian
di parsaoranta di tingki on, asa marsangap ma Tuhan i marhite pamujionta di tingki
on.
U : Ari on do na jinadihon ni Jahowa, marolopolop ma hita sial ni i, dipatiur jala di
ramoti ma tongtong hita dia na mamuji dohot pasangaphon goarNa, tama ma
tasomba huhut tapasangap goarNa na badia i, na sai tongtong mangaramoti hita,
tajouhon ma Tuhanta na pasingkophon saluhutna na hombar tu bagas na pinauli
nuaing di adopanta. Antong, dibagasan las ni rohanta siala balga ni asi dohot holong
ni roha ni Debata na pinasahatNa tu hita tapangiar ma soaranta mamuji Debata,
marhite na marende sian B.E No. 565: 1-2 ”Las rohangku lao mamuji
 Las rohangku lao mamuji Debata Parholong I, Songon bunga na
mangerbang di na binsar ari i. Arsak, dosa, haporsuhon mago dibaen
asiMi. Las ni roha na manongtong lehon di au Tuhanki.
 Sude jadijadianMu, laut, tano, langit I, Angka bintang dohot bulan
nang mata ni ari i. Hauma, ladang, nang harangan, rura dohot dolok
I, Saluhut na mangendehon sangap di Tuhanta i.
1. Votum-Introitus-Tangiang
P : Marhitehite goar ni Debata Ama dohot goar ni AnakNa Tuhan Jesus Kristus dohot
goar ni Tondi Porbadia na tumompa langit dohot tano on. Amen
R : Martua ma ganup na manghabiari Jahowa, na marparange di angka dalanna i. sai
panganonmu do angka naniula ni tanganmu, martua ma ho jala sonang.
P : Tudoshon hau anggur na marparbue do ianggo jolmam di bagasan angka bilut ni
jabum tudoshon tunas ni hau jetun do angka anakmu humaliang mejam.
R : Mangendehon B.E. No. 24 : 1 “ Tatap Hami On napungu Dison’ BL. 59
Tatap hami on napungu dison. Ai na naeng pujion nami denggan ni basaM
dihami. Tatap hami on napungu dison
P : Sai pasupasuon ni Jahowa ma ho sian Sion asa paidaidaonmu hinadenggan ni
Jerusalem ganup ari saleleng ho mangolu! Haleluya. Martangiang ma hita, Tuhan
Debata pardenggan basa jala parasi roha godang holan asi ni rohaM do na
hupangasahon hami di bagasan ngolunami. Mauliate ma di panarihononMu di
bagasan ngolu nami, di udut Ho do ngolu nami marhite angka pasupasu naung
marbuhalbuhal hujalo hami. Patau ma hami tongtong laho marsihohot tu
adopanMu na Badia i, asa anggiat lam patar sinondangMi laho manorangi roha

Mohon Handphone Di Nonaktifkan Selama Ibadah

 dohot pingkirannami. Ale Tuhan Debata, mauliate ma di parsaoran nami di tingki
on, di na boi mambuka usaha Cafe Kopi nuaing keluarga on. Sai ho ma na mian di
bagasan ngolu nasida jala tongtong ma pasingkop las ni roha nasida. Jalo ma
somba pangidoannami on di bagasan Jesus Kristus Tuhan nami martangiang hami.
Amen
2. Marende B.E. No. 463: 1 PasupasuM tongosonMu. Logu. 312
1. PasupasuM tongosonMu I do didok hataMi, Suru tondiM na badia, bosur ma baen
rohangki. HagogoonMu songgop ma tu rohangkon.
Unang sai holan manetek, gohi sandok diringkon.
3. Epistel di namamasuhi bagas di tingki on tarsurat di Psalmen 23: 1-6
P : Jahowa do Siparmahan ahu, ndang tagamon hurangan ahu.
R : Dipatongon do ahu tu jampalan angka na lomak, ditogutogu do ahu di lambung aek
hasonangan..
P : Dipasabam do rohangku, ditogu do ahu di dalan hatigoran, ala ni goarna i.
R : Ai nang pe mardalan ahu di rura linggoman ni hamatean, ndang huhabiari parmaraan,
ai Ho do mandongani ahu tungkotmu dohot batahim mangapuli ahu.
P : Ho do manutup meja di jolongku maradophon angka musungku, dimiahi Ho do
ulungku, suksuk do panginumanki.
R : Tongon tahe denggan basa dohot asi ni roha mangihutihut ahu saleleng ahu mangolu,
jala dung mulak ahu masuhanku ma bagas ni Jahowa salelenglelengna.
P :Ido sahatna. Martua ma angka natumangihon hata ni Debata jala na umpeopsa.
Amen

4. Marende B.E. No. 754: 1 Gok Las ni Roha

1. Gok las ni roha do au di ngolungkon Di ngolungkon di ngolungkon gok las ni roha
Do au dingolungkon tongtong di rohangkon Mauliate gok las ni roha maringan
holongMi Tuhan di au mauliate gok las ni roha Maringan holongMi Tuhan di au..
5. Tangiang sian hulahula
6. Marende B.E. No. 188 : 1-2 “ Jahowa Siparmahan Au” BL. 131
 Jahowa Siparmahan au, ndang hurang manang aha, Ai na sa jea dipadao do sian
dorbiaNa. Tongon dibaen na lomak i,lao pangoluhon tondingki, dibaen asi rohaNa.
 Ditogu au tu na tio, aek mata hangoluan, Dibaen do tondingki sio, Di dalan hason
angan, Sabam rohangku do tongtong, saleleng au di tano on, baen sangap di goarNa.
7. Tangiang Sian Parhalado
8. Marende B.E. No. 467: 1-2 Asi ni RohaM Hupuji BL. 315
1. Asi ni rohaM hupuji ala Ho manobus au. DipaIas Ho rohangku, gabe soranganMu Au.
IngananMu rohanami, TondiMi manggohi i. Pangke dohot ngolunami gabe ulaulaMi.
2. Sai ramoti ma rohangku, asa boi gohanMu au. Sai mabaor ma pasupasu nang marhite
sian au, IngananMu……...
9. Litany Tu mambuka Usaha : U:Uluan T:Tamu R:Ruas K:Keluarga

Mohon Handphone Di Nonaktifkan Selama Ibadah

 U : Di na marlas ni roha hita nuaing di ulaonta on ala asi ni roha ni Tuhan, sial ni ingot
hamu ma hata ni Tuhan di Psalmen 23: 1 Jahowa do siparmahan ahu ndang
tagamon hurangan ahu. Tung basa do Debata manarihon ngolumuna sahat tu tingki
on ala ni tama ma hamu mandok mauliate tu Debata parasiroha i.
T : Tangkas do pangarasmotion ni Tuhan tu hamu, sial ni pasahat hamu ma tu Tuhan
asa Ibana ma na pasingkophon saluhutna ulaon on.
K : Mauliate ma tutu hupasahat hami tu Ho Tuhan, boi nuaing hubungka hami cafe
kopi TOMPS on, sai anggiat ma Ho namasumasu asa mardaln hombar tu lomo ni
rohaM.
R : Marende ma hita B.E. No. 15: 4. BL. 103
Mauliate ma rohangku di Ho o Debata tongtong, dibaen sude denggan basaMu naung
nilehonMu di au on. Ai di patongon Ho tongtong sude na
ringkot di au on.
Pdt : Ora et Labora ninna pandohan i, na marlapatan mrtangiang dohot mangula.
Martangiang dohot mangula do hamu tutu nuaing marhite naung boi pajongjong
cafe kopi on, asa di bagasan asi ni roha ni Tuhan huungkap ma cafe kopi on di
bagasan Goar ni Debata Ama, goar ni Tuhan Jesus dohot Goar ni Tondi Parbadia.
Amen. Sai tongtong ma i mian di bagasan ngolumuna asa tung peop hamu ma hata
ni Debata na mandok di Mateus 6: 33, Sai jumolo ma lului hamu harajaon ni
Debata dohot hatigoranna, dung i tambahononna do sude angka ondeng tu hamu!
Tuhanta ma mamasumasu nang usahamu asa lam tu majuna.
K : Sai tangihon jala dipeop rohanami ma saluhut tona ni Debata na hujalo hami sadarion.
Jala sai dipargogoi ma hami na saripe manghamauliatehon pasu-pasu ni Debata, bahen
sangap di GoarNa na badia i.
S : Ima tutu. Amen.
10.Marende BE No, 25 : 1 “ Hatami Ale Tuhanhu”
HataMi ale Tuhanhu, arta na umarga i. Sai paian di rohangku, unang so hutiop i, Molo
so be sitiopan hata na badia i; aha na ma haojahan ni haporseaon i.
11.Jamita :

12.Marende BE No, 691 :1-2, 6 “ Hupasahat ma Tu Jesus “ (Papungu Pelean)

 Hupasahat ma tu Jesus saluhutna ngolungki. Roha nang pambahenanhu, saluhut na
tingkingki. Hupasahat ma tu Jesus saluhutna diringki, hupasahat ma tu Jesus saluhutna
ngolungki.
 Pangkeonhu ma tanganhu mangula lomoNa i. Langka nang simanjojakhu mangihuthon
Tuhanhi. Hupasahat ma tu Jesus saluhutna diringki, hupasahat ma tu Jesus saluhutna
ngolungki.
 Mauliate ma rohangku ala au hinophopMi. Pujionhu ma goarMu salelenglelengna i,
Hupasahat ma tu Jesus saluhutna diringki, hupasahat ma tu Jesus saluhutna ngolungki.
13. Tangiang
U : Tangiang Pelean-Ale Amanami….+ Pasu-Pasu+ Amen, Amen, Amen
Mohon Handphone Di Nonaktifkan Selama Ibadah