ACARA PARTANGIANGAN HUT 35 TAON

HKBP NOMMENSEN RESORT PETOJO

Selasa, 16 Agustus 2022

Tema :

“Taon hasadaon ni roha” (Pilippi 2 : 2)

1
 ACARA PARTANGIANGAN HUT 35 TAON
HKBP NOMMENSEN RESORT PETOJO
SELASA, 16 AGUSTUS 2022, PKL 19.00 WIB

A. PATUJOLO
Prosesi Pendeta Resort, Pendeta Fungsional dohot
Parhalado HKBP Nommensen.

B. PARTANGIANGAN

1. Pangaradeon (U = Uluan ; H = Huria ; S = Sude)

U   : Huria ni Debata na hinaholongan ni Tuhanta Jesus
Kristus, di bagasan sadarion, tama do hita mandok
mauliate tu Debata, disaluhut pandonganion dohot
pangaramotion ni Debata  di sude pardalanan ni
ngolunta. Di ari sadarion dipaloas Debata huriaNa
patupahon Pesta HUT HKBP Nommensen Pa-35
Taonhon, manghalashon pasupasu dohot denggan basa
ni Jahowa di pardalanan ni huriaNa. Di bahen i,
taendehon ma “Sangap di Jahowa.”
H : (Mangendehon) BES. No. 581 : 1 “Sangap di Jahowa”
Sangap di Jahowa na sun timbul i
Balga ni holongNa ndang tarasam i
Dilehon AnakNa na sasada i
Manobus hita jolma pardosa i
Puji ma Debata ale manisia
Las roham, las roham somba ma Debata
Dapothon Jahowa na sun timbul i
Marhite AnakNa Tuhan Jesus i.

2
U : Tung so tarasam hita do balga ni holong ni roha ni
Debata, di bagasan pardalan ni hurianta, jala tung so
hasuhatan do denggan ni basaNa. Ro be ma hamu tu
adopanNa jala somba ma Ibana.
H     : (Mangendehon) BES. No. 581 : 2 “Sangap di Jahowa”
Tung so hasuhatan do basaNa i
Marhite AnakNa ni lehonNa i
MudarNa durus do di hau silang i
Rara pe dosanta ias di baen i
Puji ma Debata ale manisia
Las roham, las roham somba ma Debata
Dapothon Jahowa na sun timbul i
Marhite AnakNa Tuhan Jesus i.
U  : Saluhutna i tung asi ni roha ni Debata do i tu hita. Ala ni
tapuji ma Tuhanta jala tasomba ma Ibana. Taendehon
ma balga situtu pambaenMi Debata.
H : (Mangendehon) BES. No. 581 : 3 “Sangap di Jahowa”
Balga situtu pambaenMi Debata
Tung so hasuhatan holong ni rohaM
Tu jolma pardosa asi do rohaM
Di ungkap Ho dalan lao tu banuaM
Puji ma Debata ale manisia
Las roham, las roham somba ma Debata
Dapothon Jahowa na sun timbul i
Marhite AnakNa Tuhan Jesus i.
U : Didok hata ni Debata: Puji hamu ma Ibana mardongan
soara ni sarune, puji hamu ma Ibana mardongan arbab
dohot sordam. Puji hamu ma Jahowa mardongan tali
sajak dohot panontoron na marliat, puji hamu ma Ibana
mardongan hasapi dohot tulila. Puji hamu ma Ibana

3
 mardongan ogung panggora, puji hamu ma Ibana
mardongan ogung panonggahi! Antong tapuji ma
Tuhanta jala tasomba ma Ibana, taendehon ma “Somba
ma Jahowa”
H : (Mangendehon) BES No. 585 : 1 “Somba ma Jahowa”
Somba ma Jahowa Debatanta, Amen haleluya
Sigomgom langit tano on ro di isina, Amen haleluya
Beta hita lao marsinggang tu joloNa, Amen haleluya
Na songkal jala na badia do Jahowa, Amen haleluya
Endehon amen haleluya, endehon Amen haleluya
Endehon amen haleluya, endehon Amen haleluya
Endehon amen haleluya, endehon Amen haleluya
Endehon amen haleluya, endehon Amen haleluya.
(Jongjong)
2. Votum – Introitus – Tangiang
U : Marhitehite Goar ni Debata Ama, dohot Goar ni AnakNa
Tuhan Jesus Kristus, dohot Goar ni Tondi Parbadia, na
tumompa langit dohot tano on.
H : Amen.
U : Pardenggan basa do Jahowa, tau partanobatoan di ari
hagogotan jala ditanda do angka na marhaposan tu
Ibana. Haleluya!
H : (Mangendehon) Haleluya, haleluya, haleluya.
U : Martangiang ma hita! Ale Tuhan Debata, Amanami na di
banua ginjang. Na mandok mauliate do hami nuaeng tu
Ho ala naung dijadihon Ho hami gabe bangsoM
marhitehite panobusion ni AnakMu, Tuhan Jesus Kristus
Tuhannami. Dijou Ho do hami sian haholomon tu
hatiuron marhitehite Barita Na uli na niulahon TondiM,
Tondi Porbadia i. Nunga dipaojak Ho huriaM di
4
 tongatonganami, ima HURIA KRISTEN BATAK PROTESTAN
na marhadomuan di huria marsadasada, di Resort, di
Distrik, dohot di HKBP Hatopan. Di ari on, huingot hami
do na pinatupaM di hami 35 taon naung salpu, i ma
haoojak ni huria HKBP Nommensen on. Mansai godang
do naung binasabasahononMu di hami dohot di
masyarakatnami marhite haoojak dohot pangulaon ni
huria on. Na marolopolop do hami nuaeng marningot i.
Urupi jala ajari ma hami marhitehite TondiM, asa
tarolophon hami i hombar tu Hata dohot lomo ni rohaM;
marpesta hami jala marlas ni roha di adopan ni bohiM.
Hupangido hami i di bagasan goar ni AnakMu Tuhan
Jesus Kristus Tuhannami. Amen.
(Hundul)
3. Marende BE. No. 575 : 1 “Puji Ma Debata Na Songkal”
1. Puji ma Debata na songkal pasangap ma goarNa
Puji ma angka rura dohot lung, angka dolok na timbo
Dohot hasak ni galumbang sude mamuji Ho
Langit i na mansai hembang, bintang i na mansai torang
Ombun i na mansai saksak pasangaphon Ho o Debata
Tung so olo tading au lao mamuji Ho Tuhan
Nasa gogo bahenonku lao pasangaphon Ho
Ro di ujung ni ngolungku sai pujionku Ho.

4. Koor : R-NHKBP
Koor : Wijk 1
Koor :

5. Marende BE. No. 122 : 1+3 “Ida hinadenggan ni”

1. Ida hinadenggan ni angka na saroha i
Parpambaenan na burju nang hatana pe tutu.

5
3. Doshon nambur do tahe na sumorop sasude
Denggan ni parsaoran ni dongan na saroha i.

6. Epistel
U : Epistel di Partangianganta bodari on i ma na tarsurat di
Jesaya 58 : 9b-14: Molo dipaholang ho sian tongatongam
pangarupaon, tudutudu ni jarijari dohot panghuling
hajahaton.
H : Jala dilehon ho asi ni roham tu na male, jala dipasabam
ho roha ni na dangol, jadi binsar ma hatiuronmu di
bagasan haholomon, jala hagolaponmu tudoshon hos ni
ari.
U : Jadi sai tongtong ma togutoguon ni Jahowa ho jala
pasabamonna roham di angka inganan na rahar, jala
papironna holiholim, gabe tudoshon porlak na siniram do
ho, jala songon mual, na so dung marsik.
H : Jadi paulion ni angka anakmu ma angka pasipasi sian na
robi, patindangonmu ma angka ojahan
marsundutsundut, jala goaran ni halak ma ho: Sipauli
angka riga, sitotas angka dalan balobung asa hainganan.
U : Molo tung ditait ho patmu sian ari Sabbat mangulahon
lomo ni roham di ari habadiaonku, jala digoar ho ari
Sabbat: Ari hasoloan, marmulia di angka jolma na badia
ni Jahowa; jala dipasangap ho ibana, unang diulahon ho
angka dalanmu, unang diihutihut ho lomo ni roham
manang marhata rari,
H : Jadi marlas ni roha ma ho mida Jahowa, jala ahu
manogunogu ho di atas ni angka buntulbuntul ni tano on,
jala parmudumuduonku ma ho marhitehite parjambaran

6
 ni Jakkob ompumuna i, ai pamangan ni Jahowa do
mandok songon i.
U : I ma sahatna. Martua do angka na tumangihon Hata ni
Debata, jala na umpeopsa.
U+H: Amen.

7. Koor : Ina
Koor : Wijk 2
Koor :

8. Marende BE. No. 135 : 3 “Marpungu do di joloMon”

3. Ho do nampuna hami on ro di sandok portibi on
Ho ingkon sombaonna
Nang lan dope na modom i hinorhon ni jeana i
Ho do tangihononna
Ingkon monang Ho, o Tuhan maralohon haholomon
Ho do Raja sioloan.

9. Manjaha Sejarah HKBP Nommensen :

10. Koor : Ama

Koor : Wijk 3
Koor :

11. Tangiang Pangondianon :

12. Marende BES. No. 649 : 1-2 “Dipasada Ama i”

1. Dipasada Ama i, angka na porsea i
Ni rahutan ni holong ni Kristus i, marhite TondiNa i.
2. Las roham endehon ma holong i radoti ma
Sauduran hita na porsea i, di Tuhanta Jesus i.
7
13. Jamita : Pdt Nikson Siburian, MTh (HKBP Resort Petojo)

14. Marende BES. No. 651 : 1-3 “Huria na huhaholongi hami

“
(Papungu Pelean)
1. Huria na huhaholongi hami
na pinajongjong ni Tuhanta i
Tung na so lupa sian rohanami huria i
Dohot ruasna i, di nasa hasusaan
Tongtong do i manahan
Manggogo pe angka galumbang i
Tuhanta do pademakhon i
Martua do na hot di Tuhan i.
2. Marpadan do au on tu Debatangku
Tu Jesus Raja ni Huria i
Sai pangkeonku do nasa gogongku
Magaradoti huriaNa i
Tung ro pe haleaon ingkon huhabengethon
Manggogo pe angka galumbang i
Tuhanta do pademakhon i
Martua do na hot di Tuhan i.
----- Organ -----
3. Huria na hinophop ni Tuhanta
Sai mian ma di haholongon i
Sahata ma pangula nang ruasNa
Manomba Jesus na marsangap i
Sai timbul hadameon lam tang haporseaon
Manggogo pe angka galumbang i
Tuhanta do pademakhon i
Martua do na hot di Tuhan i.

C. ULAON NA BADIA
8
1. Marende BE. No. 152 : 1 “Jesus na mamorsan”
1. Jesus na mamorsan dosa ni portibi on, pangolu hami
Jesus na mamorsan dosa ni portibi on pangolu hami
Jesus na mamorsan dosa ni portibi on sai pasonang hami
Amen, Amen Amen.

2. Agenda : Tangiang dohot Panangkasion

3. Marende BE. No. 153 : 1 “O Jesus Naung Sineat”

1. O Jesus naung sineat di hau na pinarsilang
RohaM tongtong daulat nang uju Ho tarhilang
Marutang hosa hami ditaon Ho dosanami
Asi rohaM o Jesus.

4. Agenda: Padirihon Parpadanan na Badia

5. Manganhon Parpadanan na Badia, huhut marende

Marende BE. No. 155 : 1-4 “Tuson ma ho ale tondingku”
1. Tuson ma ale tondingku, di na mauas, male ho
Manjalo basa ni Tuhanmu pinaradeNa i di ho
Dilehon Jesus do dagingNa, marhitehite roti on
Dilehon dohot do mudarNa, marhitehite anggur on.
2. Ai nang tongtong pe ganup ari, mudarNa mangurasi au
Huhut Ibana so mansadi manogu tu lambungNa au
Sai naeng au mangan parpadanan ni Jesus Kristus, Tuhanki
Na padamehon parbadaan, na pasonangkon rohangki.
----- Organ -----
3. Asi rohaM di au o Jesus, tumpahi au sadari on
Ai hataMi do hupatulus, manganhon parpadanan on
Antong patiur ma rohangku, marningot denggan ni basaM
I ma na tinaonMi dosangku, binaen ni holong ni rohaM.
9
4. Patogu haporseaonku, di hasasae ni dosangki
Marsitiopan baen rohangku, di mudarMi na durus i
Sai ro ma Ho ale Tuhanku, marhite parpadanan on
JoroM ma baen nuaeng rohangku. Ho ma nampuna au
tongtong.

6. Marende BE. No. 9 : 1 “Hupuji holong ni” (Jongjong)

1. Hupuji holong ni rohaMu o Tuhan Jesus Rajangki
Tu Ho hulehon ma tondingku ai i do pinangidoMi
Huhalupahon ma diringku, mamingkir holong ni rohaMu.

7. Tangiang
U : Puji ma Tuhan Debata ale tondingku, jala nasa rohangku
di bagasan mamuji goarNa na badia i.
H : Puji ma Tuhan Debata ale tondingku, jala unang tung
halupahon denggan basaNa sudena.
U : Ibana do manesa dosam sudena, jala Ibana pamalum
angka sahitmu sudena. Ibana paluahon hosam sian
hamagoan, jala dilehon tu ho denggan basa dohot asi ni
roha.
H : Parasi roha jala pardenggan basa do Tuhan Debata,
lambat tarrimas jala parasiroha godang. Ndang dibahen
tu hita na hombar tu dosanta, jala ndang dibaloshon tu
hita na hombar tu hajahatonta.
U : Songon asi ni roha ni amaama tu anakkonna do asi ni
roha ni Tuhan Debata di angka na manghabiari Ibana.
Nunga tangkas dipatuduhon Debata holong ni rohaNa i
tu hita di na mate Kristus humophop hita uju pardosa
dope hita.
10
H : Antong nda lam malua ma hita nuaeng sian rimasNa,
dung gabe parpintor hita binahen ni mudarNa i?
U : Dibahen i, sai pujion ni pamanganku dohot rohangku,
dohot nasa pambahenanku do Tuhan Debata, olat ni on
ro di saleleng ni lelengna, Amen.

8. Tangiang Pelean + Tangiang Ale Amanami + Pasupasu +

Amen

D. ACARA HUT
* Tiup Lilin Bersama (Pendeta Resort, Pendeta Fungsional,
Parhalado Huria & Ruas).
* Pemotongan dan Pembagian Kue HUT.

E. MARSIPANGANON

11