Acara Natal Keluarga Besar Parhalado & Keluarga

HKBP Resort Perumnas Tangerang

Thema:
Nunga ro tu portibi on Panondang na sintong i, na manondangi na sa
jolma (Joh 1: 9)
Sub Thema:
Marhite Perayaan Natal Keluarga Besar Parhalado HKBP Sa Resort
Perumnas Tangerang on, lam marsitutu ma hita manghobasi huriaNa.

I. PERSIAPAN PERAYAAN NATAL

II. TATA IBADAH:

01. Kata Sambutan:

1. Ketua Panitia Natal Parhalado rap dohot keluarga:
2. Pendeta Resort

02. Marende BE No. 581: 1 + 3 “Sangap di Jahowa”

1. Sangap di Jahowa na sun timbul i, balga ni holongNa ndang
tarasam i, dilehon AnakNa na sasada i, manobus hita jolma pardosa i.
Ref. Puji ma Debata ale manisia, las roham, las roham somba ma
Debata, dapothon Jahowa na sun timbul i, marhite AnakNa Tuhan
Jesus i. Jongjong ma hita saluhutna.
3. Balga situtu pambaenMi Debata, tung so hasuhatan holong ni
rohaM. Tu jolma pardosa asi do rohaM, di ungkap Ho dalan lao tu
banuaM. Puji ma Debata ale manisia......!
03. Votum - Introitus - Tangiang: (L=Liturgis, H=Huria, S=Sude)
L: Marhitehite goar ni Debata Ama, anakNa Tuhan Jesus
Kristus, dohot Tondi Parbadia na manompa langit dohot
 tano on. Amen. Di mulana i nunga adong Hata i, jala saor tu
Debata do Hata i, jala Debata do Hata i. I ma na saor tu Debata
di mulana i.
H: Saluhutna i marhite sian Hata i do, umbahen na manjadi; jala
ndang adong nanggo sada sian naung jadi i, na so marhite sian
I.
L: Dibagasan Hata i do hangoluan; laos hangoluan i do Panondang
ni hajolmaon. Na marsinondang do Panondang i di bagasan na
holom, alai ndang dijangkon na holom i. Hehe do sada halak
sinuru ni Debata, si Johannes do goarna.
H: Sitindangi do ibana, umbahen na ro, asa dihatindangkon
Panondang i, anggiat gabe porsea saluhutna marhite sian
Ibana. Ndang apala ibana Panondang i; na mangkatindangkon
Panondang i do tahe. Alai nunga mandok ro uju i tu portibi on
Panondang na sintong i, na manondangi nasa jolma.
L: Di portibi on hian do Ibana, jala marhite sian Ibana do manjadi
portibi on; hape ndang ditanda portibi on Ibana. Na ro do Ibana
manopot na di Ibana hian, gabe ndang dijangkon angka na di
ibana i Ibana.
H: Alai manang piga na manjangkon Ibana, tusi do dilehon huaso,
asa gabe anak ni Debata nasida, angka na porsea di Goarna. I
ma angka na so tubu sian mudar, manang sian sangkap ni
daging, manang sian sangkap ni baoa, tung sian Debata do.
S: Gabe daging ma Hata i jala maringan di tongatonga ni hita on,
jadi huida hami ma hasangaponna, i ma hasangapon ni Anak
sasada na sian Ama i, gok asi ni roha dohot hasintongan.
L: Martangiang ma hita: Ale Amanami na banuaginjang! Na so
marmula jala na so marpansohotan, Debata na manongtong ro di
saleleng ni lelengna! Asi ni rohaM sambing do napasadahon
hami sude Parhalado sa Resort on rap keluarganami songon i
nang ruas ni HuriaM marlas ni roha di tingki on manghalashon
 ari hatutubu ni anakMu Jesus Kristus Tuhannami. Marhite
perayaan Natal on, sai lam pahinsa ma roha dohot tondinami
patulushon lomo ni rohaM di tonga-tonga ni HuriaM HKBP
Resort Perumnas tangerang on. Urupi jala pargogoi ma hami
manjangkon hatutubu ni anakMu Tuhan Jesus Kristus Sipalua i.
Amen! Hundul
04. Koor:

05. Marende No. 608:1 + 4 “O Betlehem na metmet i”

1. O Betlehem na metmet i boasa modom ho, humirdophirdop bintang i
hohom marnida ho. Alai ro sian ho do Panondang na tongtong na
pinarsinta na sai laon sorang di borngin on.
4. O Anak na badia i, ro Ho tu hami be, bongoti daging tondi i,
parbadiai sude. Barita na ummuli, hutangi hami be. Sorang ma Ho
dingolungki, Ale Immanuel.
06. Liturgi I: Nuaeng hamuna angka dongan sahaporseaon tatangihon
ma barita taringot tu Panompaon dohot pangaramotion ni Debata tu
saluhut na tinompaNa.
1 Musa 1 : 1-5;
1 Musa 1 : 6-10;
1 Musa 1 : 14-15;
1 Musa 1 : 16-19;
1 Musa 1 : 26-28, 31;
Psalm 8 : 2-5;
Psalm 8: 6-10;
Psalm 90 : 1-6;
3 Musa 26 : 3-7;
5 Musa 11 : 13-16;
5 Musa 26 : 1-4;
5 Musa 28 : 3-6

07. Koor:
08. Marende No. 591: 2 – 3 ”Boru Sion Las roham”
1. Anak Daud ro ma Ho! Pasupasu bangsoMon, harajaonMu hot
tongtong dame ma di tano on, hosianna ro ma Ho! Pasupasu
bangsoMon.
2. Hosianna ro ma Ho! Masuk Ho tu rohangkon, baen mardame
tondingkon lao manjangkon haroroM. Anak Daud ro ma Ho! Masuk Ho
tu rohangkon.
09. Liturgi II: Mansai gogo do Sibolis sipangago i mangelaela roha ni
jolma, mambahen madabu jolma i tu bagasan dosa. Songon
Parhalado hita di HKBP Resort Perumnas tangerang on, tajamothon
ma dirinta unang madabu tu bagasan dosa. Antong! Gomos ma hita
mangalo ibana.
1 Musa 3 : 1-5;
1 Musa 3 : 16-19;
1 Musa 3 : 22-24;
1 Musa 4 : 6-8, 11-12;
1 Musa 6 : 3, 5-8;
5 Musa 5 : 1-5;
5 Musa 5 : 6-9;
5 Musa 8 : 17-20;
Job 30 : 16-19;
Jes 5 : 20-23; Jer 17 : 5-6;
Psalm 14 : 1-3.

10. Koor:
11. Liturgi III: Ndang dipasombu Debata jolma i lalap dibagasan dosa
alai ditogu do tu hamubaon ni roha, ai mulak do roha ni Debata ala
Debata Parasi roha do Ibana.
1 Musa 8 : 21-22;
1 Musa 9 : 13-17;
1 Musa 12 : 2-3;
2 Musa 15 : 26;
2 Musa 19 : 5-6;
5 Musa 7 : 7-9;
 Jes 48 ; 18-19;
Jes 54 : 7-8, 10;
Jer 29 : 23-24;
Andung 3 : 22-26;
Jona 3 : 8-10;
Psalm 32 : 1-2, 8.

12. Koor:

13. Marende BE No. 51: 2+7 “Tole Puji ma” (Satonga soara)
3. Dosa dohot hamatean, bolis dohot hamagoan,
talu ala naung diboan Jesus hangoluanta i. Jongjong
7. Asa di joloM ma hami mangendehon endenami raphon angka
dongannami angka pardisurgo i.
14. Manopoti dosa - baga-baga ni Debata:
L: Hamu angka haholongan! Didok Hata ni Debata di 1 Johannes 2:
1 - 2: “Molo tung adong manang ise na mardosa, adong do
pangondianta di Ama i, i ma Tuhanta Jesus Kristus na tigor roha
i. Jala Ibana do Pardengganan taringot tu dosanta, alai ndada
holan taringot tu dosanta, dohot do taringot tu dosa ni saluhut
portibi on”. Antong! Sian nasa unduk dohot serep ni rohanta
tatopoti ma dosanta tu Tuhanta Pardenggan basa i.
Sude Parhalado:
Ale Debata Ama, Anak dohot Tondi Parbadia! Mauliate ma
rohanami di Ho, ala dipaingot Ho hami di angka hagaleon
dohot ragam ni hahurangannami di adopanMu nabadia i. Na ro
do hami nuaeng tu adopanMu nabadia i patedekhon saluhut
arsak ni rohanami, huhut mangido asi ni rohaM na godang i. Ai
ndang huhaburjuhon hami mangulahon Tohonan Ha-
Parhaladoon-nami hombar tu panjouonMi di hami songon
naposoM. Ndang marsitutu hami manghobasi HuriaM, ndang
huhatindanghon hami hasintonganMu. Nuaeng pe ale Tuhan!
Sesa ma saluhut dosa nang hahurangannami.
Sude Ama:
Ale Tuhan Jahowa! Mauliate ma rohanami tu Ho. Ala dipaingot Ho do
hami di saluhut angka hahurangan dohot hagaleonnami. Na ro do hami
nuaeng tu adopanMu nabadia i mangido hasesaan ni dosanami. Jotjot
do lalap hami di portibi on gabe ndang huulahon hami tohonan ha-
Ama-onnami songon malim na manguluhon keluarganami hombar tu
lomo ni rohaM, marharinggason tu par-mingguan nang partangiangan
Huria pe. Jotjot do hami marha-galeon, lalap di portibi on, alani asi
ma rohaM di hami Tuhan! Sesa ma saluhut dosanami.
Sude Ina:
Ale Tuhan Jahowa Sitompa langit dohot tano on! Na ro do hami nuaeng
tu adopanMu marningot denggan ni basaM dohot bagabagaM na
sumurung i. Sai unang jujur angka dosanami na godang i, sai usehon
ma asi ni rohaM asa tung sesa dosanami na godang i. Sai paingot ma
hami mangulahon tohonan ha-Ina-onnami manghobasi keluarganami
mananda ngolu partondion na sintong hombar tu lomo ni rohaM. Ale
Jahowa! Sai tatap ma pardangolannami, sai paimbaru ma
panghirimonnami jala pahot haporseaonnami tu Ho. Sesa ma dosanami
na godang i.
S: Mangendehon BE 53: 3 – 4 “Di Betlehem” (Satonga soara)
3. Sai naeng haholonganku Ho ale Tuhanki. Nang marsak las rohangku,
ingkon lam ganda i. Olo, olo ingkon lam ganda i.
4. Burju naeng lehonongku di Ho rohangkinon. Asi rohaM Tuhanku,
urupi au tongtong. Olo, olo urupi au tongtong.
L: Hamu angka dongan! Tajalo ma Hata ni Debata ojahan ni las ni
rohanta manghalashon hatutu ni Tuhanta Jesus: Ai songon on do
holong ni roha ni Debata di portibi on, pola do anakNa na sasadai
dilehon asa unang mago ganup na porsea di Ibana, asa hangoluan na
saleleng ni lelengna di ibana. Hasangapon ma di Debata na di banua
ginjang. Amen. Tajangkon jala tahangoluhon ma Hata ni Debata
naung pinasahatNa tu hita bahen hangoluanta. Tapatu-duhon ma
 naung taolophon hasesaan ni dosanta, marhite na marsitutu hita
mangendehon: Las ma roham Tuhanta ro......!
S: Mangendehon No 605: 1 + 3 “Las ma roham Tuhanta ro”
1. Las ma roham Tuhanta ro, gumomgom sasude, ungkap roham,
jangkon Rajam. Marende ma sude, marende ma sude, marende,
marende ma sude. Hundul
3. Bura binaen ni dosa i, marujung ma disi, ai nunga ro Mesias i, mam-
boan dame i, mamboan dame i, mamboan mamboan dame i.
15. Liturgi IV: Nunga disesa Debata saluhutna dosanta ai dipatuduhon
do tu hita holong ni rohaNa na so hasuhatan i. Nuaeng pe, taparade
ma rohanta manjangkon barita Panurirangon taringot tu hatutubu ni
Tuhanta Jesus Sipalua i.
1 Musa 49 : 10-11;
Jesaya 2 : 2-4;
Jesaya 9 : 1-2, 5-6;
Jesaya 52 : 13-15;
Jesaya 53 : 2-5;
Jesaya 60 : 1-5;
Amos 9 : 11-13;
Psalmen 76 : 2-5;
Mikka 4 : 1-3;
Mikha 5 : 1-2;
Zakharia 2 : 10-12;
Zefanya 3 : 14-17

16. Koor:

17. Liturgi V: Ingkon saut do sangkap ni Debata, jala ingkon

patulusonNa do bagabagaNa marhite hatutubu ni AnakNa Jesus
Kristus Tuhanta i. Nuaeng pe tabege ma barita taringot tu hatutu ni
Tuhan Jesus Kristus tu portibi on.
Joh 1: 1-5;
Johannes 1: 14-16;
 Matius 1: 18-21;
Lukas 1: 26-29;
Lukas 1: 30-35;
Lukas 1 : 46-50;
Lukas 1 : 51-55;
Lukas 2: 1, 6-7;
Lukas 2: 9-13;
Lukas 2: 14-16;
Lukas 2: 17-20;
Galatia 2 : 16, 20

18. Marende No. 54:1 – 2 “Sonang ni bornginna i”

(Jongjong ma hita saluhutna):
1. Sonang ni bornginna i, uju ro Jesus i. Sonang modom do halak sude
Holan dua na dungo dope mangingani anakNa Jesus Tuhanta i.
2. Denggan ni bornginna i, uju ro Jesus i. Tu parmahan di Betlehem i,
dipaboa na di surgo i: Nunga ro Sipangolu, Jesus Tuhanta i.
3. Godang ni tua disi di na ro Jesus i.
Tung malua pardosa muse, sian hamagoanna sude.
Ala ro Sipangolu Jesus Tuhanta i.
Hundul ma hita saluhutna.

(Ditingki marende hita, ro ma tu jolo angka na pagalak lilin. Ganup

pagalakhon lilin, didok ma hata laho pahehehon semangat di hita
marhaporseaon, marholong ni roha, marhasadaon di tonga-tonga ni.
1. Pandita HKBP Resort Perumnas tangerang:
2. Ketua Natal Parhalado Sa Resort Perumnas tangerang:
3. Paragenda:
4. Mewakili Ama HKBP Sa Resort Perumnas tangerang:
5. Mewakili Ina HKBP Sa Resort Perumnas tangerang:
6. Mewakili Remaja/NHKBP Sa Resort Perumnas tangerang

(Dung sidung dipagalak lilin, jongjong dope hita saluhutna, laos

diuduti ma dohot tangiang pangondianon)
 19. Tangiamg pangondianon

20. Koor:

21. Liturgi VI: Nunga tubu Tuhan Jesus patupa hangoluanta. Na

mangula do Ibana di portibi on mangaramoti huhut mandongani hita
di angka siulaonta. Antong! Tapahot ma haporseaonta di Tuhan
Jesus jala tahatindanghon ma goarNa di liat portibi on. HKBP
Perumnas tangerang
Johanes 1: 29 -31;
Matius 3 : 13-17;
Matius 4 : 8-11;
Matius 4 : 23-25;
Matius 6 : 9-13;
Lukas 4 : 17-19;
Yohanes 8 : 12;
Johanes 8 : 9, 11, 14;
Markus 8 : 34-35;
Matius 25 : 34, 40;
Matius 28 : 18-20;
Markus 11 : 15-16

22. Liturgi VII: Hamuna angka dongan sahaporseaon! Tapatuduhon ma

naung tajangkon hatutubu ni Tuhanta Jesus Kristus marhite ngolu na
imbaru.
Matius 5 : 3-7;
Matius 7 : 7-8;
Matius 7 : 12-14;
Joh 14 : 1-3;
Joh 16 : 1 - 4a;
Roma 1 : 16-17;
Roma 5 : 3-6; 2
Kornt 4 : 16-18;
Efesus 4 : 29-32;
Filipi 2 : 1-4;
Heber 13 : 1-3; 1
 Tim 2 :1-4

23. Koor:

24. Liturgi VIII: Diparade Debata do upa na hot di halak na porsea i ma

hangoluan na saleleng ni lelengna. marhite na lam tapadenggan
panghobasionta di tonga-tonga ni HuriaNa HKBP Resort Perumnas
tangerang on, tapatuduhon ma dirinta parhalado na denggan roha
hombar tu panjouonNa tu hita be.
Psalm 16 : 7-11;
Hesekiel 34 : 11-13;
Joh 17 : 21-23;
2 Kornt 6 : 1, 4-6;
Kolose 3 : 5-9;
1 Tes 4 : 12-15;
1 Tim 3 : 1-3;
1 Tim 3 : 4-7;
1 Petr 5 : 2-4;
Psalm 37, 27, 37;
Joh 10 : 11-15;
Matius 28 : 17-20.

25. Koor:

26. Marende No. 714: 1 + 3 “Tuhan na Marmahan”

1. Tuhan na marmahan hami, togu hami ruasMon. Lehon dameMi di
hami angka na hinophopMon. Tuhan Jesus Sipalua, Parmahani
RuasMon, Tuhan Jesus Siparmahan, Parmahani RuasMon.
3. Pabotohon ma tu hami siradotannami i, Tuhan gohi rohanami dohot
haholongonMi. Tuhan Jesus Sipalua, ndang tarasam holongMi. Tuhan
Jesus Sipalua, ndang tarasam holongMi.
27. Jamita:
28. Marende No. 62: 1.... ”Halalas ni roha godang” (Papungu
Pelean)
1. Halalas ni roha godang, na hubaritahon on,
Nunga tubu Sipalua di hita jolma on.
Ref. Hasangapon di Debata, laos dame, dame dame ma di jolma.
Lomo ni roha ni Debata do hita jolma on.
2. Tuhan Jesus hadomuan na disuru Debata,
na pasaehon sude dosa di dolok Golgata.
Hasangapon di Debata......
3. Sai sondangi ma rohangku, ale Tuhan Jesus i,
asa dohot au maruli di hatutubuMi.
Hasangapon di Debata......

29. Tangiang Pelean- Ale Amanami - Pasupasu! Amen 3 X

Selamat hari Natal, 25-26 Desember 2023

Dan
Selamat Tahun Baru, 01 Januari 2024