ACARA KEBAKTIAN SYUKURAN PARSAHUTAON

SAROHA
SABTU, 14 Mei 2022
THEMA: ULAHON MA NA DENGGAN (Poda 3:27)

01. Marende BE. HKBP. No. 565 : 1 – 2 “Las rohangku lao mamuji”
 Las rohangku lao mamuji Debata Parholong i, songon bunga na mangerbang di na
binsar ari i. Arsak, dosa, haporsuhon, mago dibaen asiMi. Las ni roha na manontong
lehon di au Tuhanki.
 Sude jadijadianMu, laut, tano, langit i, angka bintang dohot bulan nang mata ni ari i.
Hauma, ladang, nang harangan, rura dohot dolok i, saluhutna mangendehon sangap
di Tuhanta i. (Jongjong)
02. Votum : (U= Uluan, H= Huria)
U : Marhitehite goar ni Debata Ama dohot goar ni Anakna Tuhan Jesus
Kristus dohot goar ni Tondi Parbadia na tumompa langit dohot tano on.
H : Amen.
U : Mandok mauliate ma hita tu Debata ala asi ni rohaNa tu hita ganup,
mangalehon di hita taon 2022 on, alani tapuji ma Ibana dibagasan
hadameon jala tasomba Ibana.
H : Ale Debata parholong roha di ganup jolma, sai togutogu ma hami di
taon na imbaru na pinasahatMu tu hami, jala pahot rohanami mandalani
taon on asa marlas ni roha hami.
U : Dengganna i jala lehetna i Tuhan, molo rap hami sahundulan,
saparsaoran di bagasan Ho, antong sai saut jala tulus ma sude hataM tu
hami ala olo hami marhaporuson tu Ho.
U+H: (Mengendehon, BE. HKBP No. 122 : 1 “Ida hinadenggan ni”)
 Ida hinadenggan ni angka na saroha i. Parpambaenan na burju nang hatana
pe tutu.
U : Martangiang ma hita : Ale Debata, Ama na di banuaginjang! Pujipujian,
hasangapon dohot hamauliateon husombahon hami tu Ho, marningot
silehonlehonMi na balga i tu hami jolma na di pardangolan on, i ma
AnakMu Jesus Kristus na sinuruMi sian banuaginjang ala ni hami. gabe
na dangol do Ibana jala na pogos, pola tubu Ibana di bara ni Betlehem,
asa mamora hami. Sai rajai jala togutogu hami marhitehite TondiM, asa
lam huida hami godang ni holong ni rohaM na pinapatar ni AnakMi.
Amen.
1
 U+H : Amen. (hundul)
03. Marende BE. HKBP No. 753 : 1 “Dipardalanan Jesus di jolongku”

Dipardalanan Jesus dijolongku Holong ni tanganMi manogu au

Nang di ngoluku Ho do sombaonhu Tung sonang mardalan raphon au
Huboto do tangkas panoguonMu Diiringiring Ho do langkangki
Sahat ro di ujung ni pardalanku Togu ma au jonok tu lambungMi
04. Responsoria Marningot Pangurupion ni Jahowa di hita :
U : Sian nasa rohanta, tahalashon ma partingkian on, laos taparade ma
rohanta mamilangi angka naung ta jalo diganup keluarganta be sian
Debata, huhut naeng tataponta ma tu jolo dia ma muse na boi
sipatupaonta. Tapangido ma tu Dabata asa tangkas tahangoluhon,
denggan jala sonang ni na marhahamaranggi di bagasan Tuhan i.
H : Ragam na tabolus di dua taon na parpudi on, tarlumobi ma ala ni
pangkorhon ni Pandemi Covid 19 i. Na deba ikkon marsirang ala ni
hamatean rap dohot nahinaholonganna, na deba manaon parsahiton di
pamatangna, na deba susa ala soada parkarejoanna, jala sude hita susa
patupahon akka parpunguan songon natapatupa nuaeng. Saluhutna i boi
do patubu panaritaan, ganggu ni roha, nang angka panolsolion di hita.
Alai nuaeng tama do mandok mauliate hita di Tuhanta na tongtong
marmudu ngolunta..
U : Holan Ho do Tuhan si sombaon nami, alani i ro hami tu joloM asa gabe
jolma na marhabiaran holan tu Ho hami. Ajari hami gabe sioloi Ho tu
joloan ni ari on, anggat sada rohanami, Masiurupan huhut
masihaholongan hami, jala ajari-2-
hami di na manogunogu anakhonnami
tu dalanmu na sintong i.
H : Dang huboto hami Tuhan tu dia hami mangalangka, alani i Tuhan, Ho
ma na pasadahon rohanami, marsitangiangan, marsiurupan,
marsitungkaran pingkiran, gabe las ma rohanami mangula ulaon na
pinasahatMi tu hami ganup.
U : Ale Tuhan, sude partingkian na hubolus hami, angka na maol, na hansit,
sai urupi hami Tuhan manalpuhon i, asa boi marlas ni roha hami mamuji
goarMu na Badia i.
U+H : Amen.
05. Marende BE. HKBP No. 467 : 1 “Asi ni rohaM hupuji”
2
  Asi ni rohaM hupuji ala Ho manobus au. Dipaias Ho rohangku, gabe soranganMu au.
IngananMu rohanami, TondiMi manggohi i. Pangke dohot ngolunami gabe ulaulaMi.

06. Epistel : 1 Petrus 4: 7 - 11

U : Alai nunga jonok ujung ni saluhutna! Antong, marroha ma hamu,
jala manangkas marohamuna tu tangiang.
H : Alai di jolo ni saluhutna, masihaholongan situtu ma hamu, ai
dihuphupi haholongon ni roha i do godang ni dosa.
U : Ringkot ma rohamuna masitamuean, unang marmungutungut.
H : Masipatureturean ma hamu, ganup marguru tu asiasi na jinalona,
songon angka juara bagas na burju di ragamragaman ni asiasi ni
Debata.
U : Ia adong na marjamita, naeng ma songon angka pandohan ni
Debata, ia adong na marhobas, naeng ma sian hagogoon na
nilehon ni Debata, asa di saluhutna i marsangap Debata,
marhitehite Jesus Kristus. Di Ibana ma hasangapon ro di
salelenglelengna i!Songon ima sahatna! Martua do angka na
tumangihon hata ni Debata, jala na umpeopsa, Amen!
07. Marende BE. HKBP No. 656 : 1 “Parhahamaranggion”
 Parhahamaranggion i, lam hot jala togu, Singhop ma hasadaon i, di
Jesus i burju, Rap sauduran hita be marholong na tutu, Mardame,
marlas roha ma di Jesus i tutu.
08. Tangiang Pangondianon
09. Marende BE. HKBP No. 826 : 1 - 2 " Gohi AU Tuhan"
Gohi au Tuhan marhite HataMi
Gohi au Tuhan marhite HataMi,
Songon hudon na rumar do au Tuhan di sumurMi,
Gohi au Tuhan marhite HataMi.

Gohi au Tuhan marhite HataMi

Gohi au Tuhan marhite HataMi
Na mauas do tondingku O Tuhan di HataMi
Gohi au Tuhan marhite HataMi.
3
10. Jamita:
11. Marende BE.HKBP No. 716 : 1 + 3 “Di na mamolus sandok tano on
(P. Pelean)
Di na mamolus sandok ngoluon gok do na marsak gale
Boan sinondang tu na holom i asa margogo muse
Bahen ma ahu parhiteanMu pasupasuM mabaor ma i
Ale Tuhan hupatupa ma au baen pasupasu tu dongan sude
……………..organ…………….

Ula na denggan tu halak sude, songon binaenNa tu ho

Ingot urupi luhut na gale, gabe parholong ma ho
Bahen ma ahu parhiteanMu pasupasuM mabaor ma i
Ale Tuhan hupatupa ma au baen pasupasu tu dongan sude

11. Tangiang Pelean/Ale Amanami/Pasupasu, Amen. Amen. Amen.