ACARA PENUTUPAN PARTANGIANGAN WIJK

H.K.B.P. MELATI RESSORT HELVETIA SADA

Rabu, 16 Nopember 2022,
01. Marende B.E. No. 641a: 1-2 “O Tondi Porbadia i”
1. Nasa jolma ingkon mate, ingkon mago sibuki; Na mangolu ingkon mate, asa
tung denggan muse, Daging on do gabe bangke, jala ingkon do malangke
Asa sogot bangkit i, tu hasangaponna i.
(Jongjong)
2. O Tondi Porbadia, pabangkit panurirang, Papatar asi holongMi, tu
angka na hansitan. Sumurut do na holom i, tubu ma panghiromon i,
Endehon haleluya.
02. Votum dohot Tangiang (U: Uluan ; H: Huria ; S: Sude)
U : Marhitehite Goar ni Debata Ama, dohot Goar ni AnakNa Tuhan
Jesus Kristus, dohot Goar ni Tondi Parbadia, na tumompa langit
dohot tano on. Amen.
Mandok Mauliate ma hamu di Jahowa, ai na basa do Ibana, ai ro
di salelenglelengna do asi ni rohaNa i.
H : Tung ise ma na tuk manghatahon angka hagogoon ni Jahowa,
patubegehon baritaNa i sudena?
U : Martua ma angka na mangaradoti uhum, na tongtong patupahon
hatigoran. Sai ingot ma ahu, ale Jahowa, hombar tu halolomoM
di bangsoM. Sai tingkir ma ahu marhitehite hatuaonMi!
Haleluya! (Martangiang ma hita):
Ale Amanami na marhabangsa di atas ni saluhut. Mauliate ma
Tuhan dipasahat roha nami tu adopanMu, ala manontong do asi
ni rohaM mandongani hami manipat na sataon on patupahon
Partangiangan Wijk sahat ro di bagasan tingki on. Diramoti Ho
huriaM, diramoti ho riperipe ruas ni huriaM dohot bangsonami
Indonesia on. Tuhan tangkas do huhilala hami balga ni asi ni
rohaM mangurupi hami huriaM. Ala marningot saluhutna i, tama
pujionnami Ho sadarion ro di salelenglelengna. Lumobi ma di
naung dipatau ho hami saluhutna angka huriam mamolus
Pandemi Covid 19 di angka taon na salpu. Hubege hami dope
ancaman ni Pandemi Covid 19 i, alai pos do rohanami, tung na
umjorbut pe sian Pandemi Covid 19 na naeng ro i tongtong do
ramotanMu hami angka na porsea tu adopanMu. Antong sahat tu
Ho ma daging nang tondi nami nang di na naeng patupaon nami
Partangiangan Panutup on. Mangasahon Goar ni Anak-Mu,
Tuhan Jesus Kristus, Si hongkop hami.
S : Amen.
(hundul)

1. PANUTUPAN PARTANGIANGAN WIJK HKBP MELATI

RESSORT HELVETIA SADA
03. KOOR:
04. Marende B.E. No. 584:2 “Saluhut bangso”
Balga tutu pambaenNa i naung patar di hita
Gok do pasupasuNa i mambahen las rohanta
HolongNa nang padanNa i manongtong salelengNa i
Endehon Haleluya.
05. Tangiang Mangido Hasesaan ni dosa
U : Tatopoti ma dosanta na godang i tu adopan ni Debata. Di bodari
on, itaingot ma angka dosanta na ita ulahon. Godang
pangalaosionta. Na mardosa do hita tu Debata, ala lemba hita
mangulahon tanggungjawabta songon ruas ni HKBP,
tanggungjawabta tu keluarga, tanggungjawab tu huria,
tanggungjawab tu Negara. Ingkon parhatopotonta do, jotjot do
hita gale disi.
H : Tuhan asi ma rohaM, sesa dosanami.
U : Disuru Tuhan Jesus do hita asa gabe parhobas, ndada sihobasan.
Gabe pangapuli, ndada siapulan. Na tau mangurupi, ndada
siurupan. Sipardame ndada gabe sipadameon. Hape lemba do hita
mangulahon i.
H : Tuhan asi ma roham, sesa dosanami.
U : Disuru Tuhan Jesus do hita asa gabe parasiroha sipamasa
pengampunan di tongatonga ni panginsahion. Sipamasa pos ni
roha di tongatonga ni hangangguon. Siboan pangkirimon di
tongatonga ni pandelean. Hape jotjot hita ndang tau
mangulahonsa.
H : (Mangendehon) BE.No.165:3 “Na basa do rohaM di au”
BL.19 D=Do
O Tuhan hutopoti ma luhutna dosangki
Asi rohaM sai sesa ma di Ho ma tondingki.
U : Didok Apostel Paulus: “Tuhan Jesus Kristus do pardengganan
pasaehon dosanta. Alai ndada holan dosanta dohot do dosa ni
portibi on”. Hasangapon ma di Debata di ginjang.
S : Amen
06. KOOR:
07. EPISTEL: 1 Korint 15:50 - 58
U : On do na hudok disi, ale angka dongan: Ndang tarbahen sibuk
dohot mudar manean harajaon ni Debata, jala ndang tartean na
olo busuk i hatongtongon i.
H : Hahomion do na hudok on tu hamu: Ndang na saluhut hita
monding; alai saluhut do hita paubaonna.
U : Tompu, di bagasan sanghidopmata, di pangkuling ni sarune na
2. PANUTUPAN PARTANGIANGAN WIJK HKBP MELATI
RESSORT HELVETIA SADA
 parpudi i; ai mangkuling ma sarune, gabe hehe ma angka naung
mate i tu hatongtongon, laos paubaonna ma anggo hita.
H : Ai ingkon hatongtongon do manoluk na olo busuk on, jala
hangongolu na manongtong do manoluk na olo mate on.
U : Alai dung disoluk hatongtongon i na olo busuk on, jala disoluk
hangongolu na manongtong i na olo mate on, disi ma jumpang
hata na tarsurat i: “Nunga tarbondut hamatean; nunga soluk
hamonangan!”
H : “Jo hamatean, didia hamonanganmi? Jo hamatean, didia
soropmi?”
U : Alai dosa do sorop ni hamatean, jala patik i do gogo ni dosa i.
H : Alai mauliate ma di Debata, na pamonang hita marhitehite
Tuhanta Jesus Kristus!
U : Onpe, hamu angka donganku na hinaholongan, marsihohot jala
so mubauba ma hamu, jala lam sumurung ma tongtong di
bagasan ulaon ni Tuhan i, ai diboto hamu do: Ndang magopo
halojaonmuna di bagasan Tuhan i.
I do sahatna. Martua ma angka na tumangihon Hata ni Debata
jala na umpeopsa.
S : Amen.
08. KOOR:
09. Tangiang Pangondianon Sian Ruas
10. Marende B.E. No. 569:3 “O Debata tung longang do rohangku”
Molo huingot balga ni holongMu, marhite Jesus na tarsilang i.
Anak sasadaMi o Debatangku, dilehon Ho manobus jolma i.
Marende au Tuhan mamuji Ho o, Debata, sangap do Ho.
Marende au Tuhan mamuji Ho o, Debata, sangap do Ho.
11. Tangiang Pangondianon sian Parhalado: St. T. Silitonga, S.E.
12. Marende B.E. No. 826: 2 “Gohi au Tuhan”
Gohi au Tuhan marhite hataM i, gohi au Tuhan marhite hataM i.
Na mauas do tondingku, o, Tuhan di hataM i. Gohi au Tuhan marhite HataM i.
13. JAMITA: Parjamita 8:9 – 17 (Pdt. J.T.P. Aruan, S.Th.)
U : Luhutna i nunga huida uju diranapi rohangku saluhut
pambahenan, angka na masa di hasiangan on, uju sada jolma
mangarajai donganna jolma mambahen ibana marhinamago.
H : Angkup ni, nunga huida tipak tartanom halak parjahat; hape
anggo halak na mangulahon na denggan, angka na ro sian
inganan na badia, dihalupahon donganna sahuta do i. Ipe hata
oto do i.
U : Ala so tibu manginona pambahenan angka na jahat i, dibahen i
gok roha ni jolma manisia di bagasan mangulahon hajahaton.
H : Alai tung sura pe ratus hali halak pardosa mangulahon
3. PANUTUPAN PARTANGIANGAN WIJK HKBP MELATI
RESSORT HELVETIA SADA
 hajahaton, pola sanga sarimatua ibana, tangkas do huboto:
Martua sogot halak na mangkabiari Debata, angka na
marparange di jolona.
U : Alai ndang tagamon sonang anggo halak parjahat i, jala ndang
tagamon paganjangonna ariarina; alai songon halinu do ibana,
ala so marhabiaran tu Debata.
H : Adong dope sadanari halongangan masa di atas tano on:
Adong halak partigor, hira pambahenan ni halak parjahat
niulana, parsorionna timbangon; jala adong halak parjahat, hira
pambahenan ni halak partigor niulana, parsorionna timbangon.
Nunga pola hudok halongangan do i.
U : Dibahen i hupapujipuji las ni roha, ala na so adong na
dumenggan di jolma i saleleng di hasiangan on, ia so na
mangan minum dohot marlas ni roha; i do na tinggal di ibana
sian ulaonna saleleng ariari ni ngoluna, angka na nilehon ni
Debata tu ibana di hasiangan on.
H : Dung i diringkoti rohangku muse naeng mananda hapistaran
dohot manangkasi hinamago na masa di atas tano on, pola tung
balisaon mata ni jolma borngin dohot arian, ndang tarpodom.
S : Jadi tangkas ma huida sandok jadijadian ni Debata, na so
tardodo jolma i pambahenanna angka na masa di hasiangan on.
Nang pe maradu ngalutan roha ni jolma i mandiori, ndang
tagamon jumpangsa; tung sura pe ninna roha ni halak na pistar
leak botoonna do i, ndang tagamon jumpangsa.
14. TANYA JAWAB BERHADIAH
15. Marende B.E. No. 585 :1 - 3 “Somba ma Jahowa” BL 585 (Pelean)
1. Somba ma Jahowa Debatanta, amen haleluya / Sigomgom langit tano on ro
di isina, amen haleluya / Beta hita lao marsinggang tu jolona, amen haleluya
/ Na songkal jala na badia do jahowa, amen haleluya / Endehon amen
haleluya (8 x)
2. Puji ma Jahowa Debatanta amen Haleluya! / Parasi roha na sumurung do
Ibana, amen Haleluya / Taendehon ma goar ni Debatanta! Amen Haleluya!
/ Ala ni denggan ni basaNa na tu hita, amen haleluya.
Endehon amen haleluya (8 x)
---------- instrumen ----------jongjong----------
3. Sangap di Jahowa Debatanta, amen haleluya / Na bonar jala marmulia do
Jahowa, amen haleluya / Tapatimbul ma goar ni Debatanta, amen haleluya
/ Na tigor jala na sun gogo salelengna, amen haleluya / Endehon amen
haleluya (8 x)
16. TANGIANG PELEAN – TANGIANG ALE AMANAMI - PASUPASU

4. PANUTUPAN PARTANGIANGAN WIJK HKBP MELATI

RESSORT HELVETIA SADA